رواية آثار الحب – الفصل الثالث والثلاثون الفصل الاخير 🤗✍
اسر بغضب …. انتى مصممه انك تضايقينى وتخلينى ازعلك وبعد كده تيجى تقولى اسر عمل اسر سوى
دانه ومازالت عند رأيها … مليش دعوه برضوا انا هروح عندنا
اسر بحده … عندنا ده الى هو بيتنا .. بيتنا يا دانه وقولتلك هوديكى لاهلك تشوفيهم واجيبك اكتر من كده لا ثم اكمل حديثه .. وبعدين من قالك انى مستتقل انك بتتعبى علطول وكلامك الفارغ ده معنى انى بخاف عليكى يبقا بستتقل
اغمضت دانه عينيها قليلا ثم اردفت بهدوء عكس ما كانت عليه .. اسفه يا اسر بس انا متوتره اليومين دول وتعبانه شويه … وعايزه اروح لماما لانها وحشتنى اوى هى وبابا ويزيد من ساعه ما اتجوزنا وقليل اوى ما بشوفهم … وقولت اريحك علشان متخافش كل شويه لان ده طبيعى فى فترة الحمل
اسر وقد عاد لهدوءه … حبيبتى انا مقدرش اعد يوم انتى مش موجوده معايا فيه واطمن عليكى وانا نايم بأنك جنبى ومعايا ومش تعبانه وبعدين لو فعلا عايزه تريحينى تفضلى معايا .. وانا فعلا قصرت فى عدم مرواحك عند مامتك بس كانت الظروف وشايفه يوم ماكنتى رايحه ايه الى حصل بس اوعدك بكره هوديكى من اول اليوم لغاية بليل
اقتنعت دانه بحديثه وأشفقت ايضا على خوفه عليها فهو بالفعل خائفه كثيرا عليها … ماشى موافقه بس تودينى بكره ومتضحكش عليا
ابتسم على طريقتها … انا عمرى ضحكت عليكى هوديكى والله .. يالا بقا اساعدك تلبسى علشان نروح
دانه بخجل…. لا اخرج انت وانا هلبس بسرعه واطلع
ابتسم اسر على خجلها … يالهوى يا ناس على الناس الى بتتكسف بس بردوا هساعدك فى اللبس
دانه وهى تنظر له بنصف عين … لا بقا ده انت بتتلكك
اسر … فى واحده تقول فجوزها بتتلكك
دانه وهى تنظر له بفخر …. انا دانه مصطفى
صحح لها اسر على حديثها … لا دانه اسر الحديدى
ابتسمت اسر على حديثه ومن اصر على مساعدتها فى اللبس ثم خرجوا من المستشفى عائدين الى المنزل
…. …………………..،..،…،.،،،…………………………………
فى مطعم ما يجلس ادم وخلود سويا يتناولون طعام الفطور
ادم يحاول اقناعها … يابنتى خرجت والله من المستشفى النهارده لسه اسر مكلمنى حالا
خلود ومازالت على توترها …. طب قوم نروح لها نشوفها
ادم بحده طفيفه .. اعدى بقا يا خلود هو احنا خارجين مع بعض علشان تقوليلى قوم نمشى قولتلك هى كويسه وهبقى ياستى اخدك معايا تشوفيها
سكتت خلود عندما علمت بخطأها … ظلت تقلب فى الطعام ولم تأكل
نظر لها ادم رائ طعامها كما هو فحب يلطف الجو ….
ادم وهو يمد يده ويمسك الشوكه من يدها يضع بها الطعام ثم يدسه فى فمها بسرعه …. كلى
صعقت خلود بما حدث فكل شئ جاء بسرعه نظرت له وهى تبتلع الطعام بصعوبه وقالت بخجل … ايه الى انت عملته ده
ادم بإبتسامه مشاكسه ..، بأكلك يا حبيبتى اعده تقلبى فى الطبق ومكلتيش
خلود وهى تحاول تبرير الموقف …. انا سرحت شويه بس
نظر لها ادم وقال بحب … طب انا اسف
تعجبت خلود من تأسفه فلماذا ،،،، ليه بتتأسف
ادم … علشان زعقت شويه وانا بكلمك
ادركت خلود الموقف وقالت … لا عادى انا بردوا غلطانه انى بكلم فى موضوع زى يده واحنا خارجين مع بعض .. كانت تتحدث وتنظر حولها بخجل وتوتر وادم ينظر لها بهيام ثم قال بهيام وحب .. بقولك ايه هنتجوز امته
………،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مر شهر على هذه الاحداث يزداد الحب بين ابطالنا
فدانه واسر .. كما هما تسود العلاقه بينهم الحب وخوف اسر المستمر على دانه وتلبيته لها كل طلباتها
شهد ومحمد .. حب وعشق وغيرة محمد الكبيره فعادت شهد للعمل فى الشركه ثانيا وهذا ما كان يرفضه ولكنه لم يريد تحطيم حلمها واهدافها ولكنه هذا العمل سبب خلافات ايضا بينهم سبب غيرة محمد على شهد
ادم وخلود … يتخلل بينهم الحب ايضا ولكن بطريقة ادم المرحه وخلود الخجلانه التى تجعل الجو بينهم مختلف وهم الان يحضرون للفرح فدائمين الخروج سويا لجلب اشياء تحتاجها خلود واصر ادم على عدم عمل خلود وخلود لم تعترض لذلك لانه برغبتها ايضا فها ليس من النوع الذى يحب العمل كثيرا .
،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى مكتب محمد ،،،،
تجلس شهد معه قليلا ….
محمد بغضب …. شهد قومى روحى احسن اطربق الشركه على دماغك
شهد تحاول تهدئته ….. اهدى بس يامحمد والله معملش حاجه ده بس بيقولى …
اسكتها محمد بصوته العالى …. بيقولك ايه هاه انا مش الولا ده ضربته قبل كده علشان كلمك .. رديتى عليه ليه لا وواقفه تضحكى معاه .. انا قولت من الاول شغل لا بس انتى زعلتى وكنت هتسيبنى علشان كده هدأ قليلا ثم قال … شهد هبعتلك السواق يجى يوصلك علشان تروحى
شهد وقد تعصبت من صراخه عليها … ايه المشكله يعنى ايه الى حصل لكل ده .. مجرد زميل بيسألنى على حاجه وخلص الموضوع مش محتاج كل الزعيق وسبق وقولتلك مش هبطل شغل
محمد وهو يرزع على المكتب بيده بقوه … لا مفيش مشكله خالص اصل انا كيس جوافه هسيب مراتى تتكلم مع راجل واجى اتكلم تزعلى وتبدأى فى مناحة مش هسيب الشغل ومش هعمل الشغل … انتى عايزه تجننينى
شهد بغضب ،،،، لا مش بجننك بس انا عارفه حدودى كويس ولو حاسه انى اتخطها كنت سكت بس انا بكلمه مجرد زميل مجرد اخ غير كده مفيش .. ضربته قدام الناس واحرجتنى وجاى كمان تزعق
ظل محمد يتنفس بصوت عالى .. فلماذا تدافع عنه هكذا لماذا ..
اخذها من يدها وخرج من المكتب بل من الشركه بأكلمها ليكملوا حديثهم بالمنزل لا بل خناقهم
،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،،،،…،.،،،،،،،،.،
تجلس دانه مع نور فى الجنينه كعادتهم فى الايام الاخيره
دانه وهى تضحك بقوه …. هههه لا ولا فاكره الدكتور البارد الى دخلنا اول محاضره
نور وهى ايضا تشاركها الضحك… ياااه طبعا ديه حاجه تتنسى ده انتى لازم كنتى تتطلعى من المحاضره تحكيلنا كل حاجه عملها كل تعابير وشه كل كلمه قالها
دانه بفخر مصطنع … اومال ايه يا بنتى ده انا دودو والاجر على الله
نور … قلبتى ناديه الجندى كده ليه
دانه وهى تنظر الي البسين … الا صحيح كل ما كنت بقول هنزل البسين كنت انسى لغاية ما بقيت زى الكوره
ضحكت نور على تشبيهها لنفسها ولكن وردت فكره فى رأسها ..، طب ما تعالى نعد كده على طرف البسين ونحط رجلينا فى المايه
دانه وقد اعجبت بهذه الفكره … صح فكره بس اقوم اجيب عصير مانجا علشان اتسلى .
نور … اعدى يا بنتى هنا انتى قادره تمشى هقوم اجيبوا انا واجى
دانه بإمتنان … شكرا يا نونو انا فعلا حاسه مش قادره امشى كل حاجه فيا ورمت .. مش عارفه اخوكى هيبصلى على ايه بعد كده
نظرت لها نور بنصف عين .. والله انتى لو ايه اخويا بيعشقك
ابتسمت دانه بخجل وقالت …. طب روحى بقا عايزه عصير مانجا
نور بمشاكسه … ماشى يا ست المكسوفه
دخلت نور لتأتى لها بالعصير
اما دانه جلست على حافة البسين وظلت تلعب بأرجلها فى المياه
رأت ايد تضع على عينيها ،،،،،
دانه بتعجب ،،،، ايه يا بنتى انتى لحقتى
قبلها اسر من رقبتها وقال … لا انا الى اتأخرت عليكى اوى
شهقت دانه وقالت بفرح … اسر
جلس بجانبها وقال … بتعملى ايه يا وردتى
دانه بسعاده وهى تلعب بأرجلها فى المياه … حاطه رجلى فى الميه لانى مش هقدر انزل البسين ونور راحت تجبلى عصير مانجا وهنعد بقا نتسلى
اصدر اسر صوت من فمه دليل على الرفض وقال … مفيش نور انا بس الى هعد معاكى علشات انتى وحشتينى اوى والصراحه نفسى انزل معاكى البسين
ضحكت دانه على حديثه ولكنها قالت … كان نفسى والله بس مش هعرف انتى مش شايف حالتى
اسر وهو يجعد حواجبه … فين حالتك مانتى عسل اهوه
ضحكت دانه … والله انت الى حلو .. انت مش شايف بقيت عامله ازاى ببطنى ديه
اسر وهو ينزل لمستوى بطنها ويقبلها ويحدثها ايضا … حبيب بابا عايز ينزل الميه صح ولا ايه سكت قليل ثم قال .. شوفتى عايز ينزل وحملها بسرعه ووقف على حافة البسين
دانه … اسر هننزل بلبسنا ده
اسر وهو ينظر الى لبسهم … وايه المشكله مره تانيه نلبس الى انتى عايزاه
دانه بخجل … طب نزلنى وانا هنزل لوحدى
اسر وهو يغمز لها …. وديه تيجى بردوا لا طبعا
طبعا عندما جاءت نور ورأت هذا المنظر ابتسمت وصعدت الى غرفتها ليقضوا وقت حلو سويا ..
وبالفعل قضوا وقت ممتع يسبحون فى المياه واسر لم يترك دانه لحظه بل ظل يلعب معها ويداعبها وكأنها طفله . . .. وعندما اشار عليها بالخروج من الماء حتى لاتتعب رفضت وبشده …
،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،.،،،،،،،،
فى غرفة شهد ومحمد ،،،،،
شهد … عايزه اعرف انت متعصب اوى كده ليه
نظر لها محمد وقال بغضب…. شهد متستفزنيش علشان مخرجش ضيقتى فيكى ..
يعنى كل ده ومخرجتش ضيقتك فيها 🤣.
احست شهد فى لحظه بأن الدنيا اسودت من حولها وفى ثانيه وقعت على الارض ..كل هذا ومحمد يدير وجهه
قال بحده …. شهد متسكتي… نظر خلفه رائها ملقاه على الارض مغمى عليها اسرع ناحيتها جلس امامها وهو ينادى عليها بخوف …. شهد .. شهد حبيبتى فوقى انا اسف والله ان زعقتلك
حملها ووضعها على السرير ببطئ ثم اتجه ناحية التسريحه اتى بزجاجه من البرفيوم وضع القليل منها على يده ثم وضعها على انفها …
ببطئ فاقت شهد نظرت حولها بتعب … محمد
محمد بجانبها … حبيبتى انا هنا هتصل بالدكتور يجى يكشف عليكى
مسكت شهد يده وقالت بصوت خافض … لا يا محمد ملوش لزوم انا كويسه انا بس علشان مكلتش فدخت كده
محمد بخوف عليها … متأكده مش حاسه بأى وجع او تعب
ابتسمت شهد … لا مش حاسه بحاجه والله ثم اضافت المرح الى حديثها … كان لازم يغم عليا علشان تصالحنى يعنى ومتزعقليش
نظر لها بأسف … انا اسف يا حبيبتى والله بس لما شفته حسيت ان دمى بيغلى وانا بغير عليكى من اى رجل حتى لو كان ليكى اخ ولد كنت هغير منه
شهد بإبتسامه على وجهها خطفته …. طب كويس مليش اخ ولد علشان كنت هتعلق بيه اوى لان كان نفسى يبقا عندى اخ ولد اوى
محمد وهو يغمز لها …. وانا مش مكفيكى
تصنعت شهد التفكير … اممممم مش عارفه
محمد وهو يقترب منها للغايه …. والله
توترت شهد من قربه فقالت بتعلثم … ااه .. لا .. عادى
ضحك محمد على منظرها وتعلثمها فى الحديث … طب عايز اجابه قاطعه
شهد بإبتسامه جميله اظهرت لمعة عينيها … مكفينى طبعا انت كل حاجه بالنسبالى بعد امى وابويا طبعا .
الى هذا الحد وكفى فإعتلاها واخذ شفتيها فى قبله تعبر لها عن مدى حبه وعشقه لها وغيرته عليها من الهوا .
❤❤❤❤❤❤❤❤❤❤❤❤❤❤❤❤
مر شهر اخر واليوم هو فرح خلود وادم
الان هى واصدقائها فى غرفة فى الفندق يتزينون لليله
كانت خلود جميله بحق بهذا الفستان الساحر الذى صممه ادم خصيصا لها كان فستان فى قمة البساطه .. مع الميكاب البسيط التى اصرت على ان يكون هكذا والحجاب الرائع مع الطرحه المزينه بالؤلؤ كانت جميله ورقيقه
ايضا الفتايات ارتدوا فساتين جميله تليق بهم وتصوروا العديد من الصور الجميله التى ستظل ذكرى لم تنسى ابدا
فى اخر السلم يقف ادم ينظر الى اعلى السلم ينتظر ظهورها الملكى … كانت مع والدها طبعا واصدقائها ينزلون من خلفها بطلتهم الجميله
سلمها والدها لادم ووصاه عليها كثيرا ومن هنا يبدأ الفرح برقصة السلو ….رقصوا على اغنية ،،ما بعرف .. ليارا
عندما نزلت دانه ايضا رأت من يخطفها من خصرها ثم مسك يدها … عايزك معايا هنا متفارقنيش لحظه مش عايز يحصل زى ما حصل فى الخطوبه
دانه بتذمر … يعنى مش هرقص
اسر بضحكة سخريه …على اساس انك حتى لو مكنتيش حامل كنت هخليكى ترقصى ابقى ارقصيلى انا مش ترقصى قصاد الناس
دانه بخجل وهى تضربه على كتفه … طب اسكت اسكت ان ماكسفتنيش متبقاش ابن الحديدى
ابتسم اسر على خجلها ثم اخذها من يدها وجلسوا بجانب والدته .
كان فرح جميل وخاصا ان ادم من النوع الفرفوش فأضاف على الفرح بهجه وسرور….
انتهى الفرح بسلام وصعدوا العرسان الى غرفه فى الفندق
دخلت خلود الغرفه وهى ترجف من كثرة الخوف والخجل ايضا لاحظ ادم توترها الشديد فحب طمئنتها ،، خلود
نظرت له خلود بتوتر … اممم
اقترب منها وحاوط وجهها بيده وقال بصوت رخيم .. انتى خايفه منى .. هزت خلود رأسها دليل رفض .. صدقينى انا مش هعمل حاجه غير برضاكى ولما متكونيش خايفه او متوتره
خلود بشكر وصوت مهزوز …. شكرا يا ادم
ابتسم ادم … مفيش واحد تشكر جوزها حبيبها ولا ايه
هزت خلود رأسها بموافقه ثم اردف هو … يالا ادخلى غيرى الفستان
خلود بخفوت …. ماشى
عندما ذهبت من امامه ابتسم على خجلها وتوترها لم يغضب او شئ وانما فرح لشدة برائتها فمازالت الدنيا بخير مازال هناك بنات يخجلون ….
الرجل المتفهم الرجل الصبور هذا ما يسمى رجل يصنف من ضمن الرجال وليس رجل شهوانى يريد نفسه فقط 👐
….،،،،،،،،،،،،،،،،،،، ،،،،،،،،،،،،،،،،،،،،،،،،،، ،،،،،.،،،،،،،،،
فى صباح جديد … استيقظ ادم من نومه مازالت خلود نائمه ظل يتفحص وجهها الجميل بحب شديد .. فتحت خلود عينيها رأته ينظر لها فأعطته ابتسامه جميله مردده … صباح الخير
ادم بإبتسامه … صباح الفل والعسل وكل حاجه حلوه
ضحكت خلود على حديثه وسكتت .. اقترب ادم منها اراد ان يكسر حاجز الخجل بينها وبينه ..
قبلها قبله على وجنتها .. ثم نظر لها بتفحص ثانيا ،.ثم قبلها على جبهتها .. ثم عينيها .. انفها
كانت خلود هائمه مع لمساته التى سحرتها وجعلتها فى عالم ثانى
نظر لها بحب وقال بهمس شديد …. بحبك
وهنا تهدمت حصونها ولم تنطق بكلمه من بعد ذلك
لقد اغدقها ادم بحبه وحنانه وصبره عليها تحسبا لخجلها …….. ………………… ……………………………………
تسير الايام بشكل جميل وفى يوم من هذه الايام .. يدخل محمد الى غرفته رأى نور خافت …شموع تملئ الغرفه وورود والابهى من ذلك رأى شهده تقف تبتسم له بهذا الفستان القصير الاوف وايت التى يصل لمنتصف فخدها وتركت شعرها حولها بطريقها جميله ووضعت القليل من الميكاب كانت ذات جمال آخاذ ذهب ناحيتها وهو هائم بها بشده …. شهد
شهد بحب … قلب شهد
محمد بهمس …. انتى حلوه كده ليه واقترب ناحيتها واحاط خصرها
فقالت بإبتسامه … طب بالمناسبه الحلوه ديه يالا نرقص بقا
ظلوا يرقصون على انغام الموسيقى الهادئه ومحمد يدخل رأسه فى شعرها يشتم رائحتها التى تسحره وشهد تحاوط رقبته ايضا بحب
محمد بسعاده .،. ايه المناسبه الحلوه الى تخلى حبيبتى تعمل كل الحجات ديه
شهد بسعاده وهى تضع يده على بطنها ومازالوا يرقصون .. علشان لازم نحتفل بحبنا الجديد
وقف محمد ونظر الى يده الموضوعه على بطنها … والى حديثها … قصدك انك .. انك حامل
شهد وهى تهز رأسها بفرحه … اه انا حامل يا محمد جوايا حته منك كان نفسى فى اللحظه ديه من زمان
محمد ومازال عقله يستوعب … يعنى بجد انتى حامل
شهد وهى تضع يدها على خده وتقول بحنان …. اه يا حبيبى انا حامل روحت اتأكدت النهارده
احتضنها بقوه …بقوه وظل يحمد ربه على كل المن الذى اعطاه له …
،،،،،،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،،،،.،،،،،،،،،،،،،،،،،،،،،،،،،،،،
اليوم هو امتحانات الجامعه وصممت دانه على الذهاب رغم رفض اسر ولكنها اقنعته بأنها اذا احست بتعب فستأجل السنه …
فى الان فى نهاية الشهر الثامن، خرجت دانه من الامتحان ولكن اثناء سيرها احست بوجع شديد وقفت مكانها واغمضت عينيها بقوه ظلت تستغفر فى سرها …..
ثم جاءت صرخه مكتومه بداخلها دلاله على شدة الوجع اخرجت هاتفها بيد مرتعشه واتصلت بأسر ……
اسر … ايوه يا حبيبتى
دانه بصوت منخفض باكى … اسر انا بولد
فزع اسر وقام من مكانها…. بتولدى .. بتولدى انتى فين
دانه بألم … انا واقفه فى الجامعه مش قادره اتحرك
خرج اسر سريعا من المكتب قال بسرعه … دانه خدى نفس وخرجيه انا جاى بسرعه خليكى معايا على التليفون متقفليش
دانه ببكاء …. اسر انا خايفه مش عارفه اعمل ايه
اسر بخوف عليها … طب لو ليكى اى صحبه خليها واقفه معاكى انا خلاص جاى خدى نفسك بس
دانه ببكاء…. م..ماشى
ساق اسر بسرعه شديده حتى يصل لحبيبته بأقصى سرعه فقلبه ينبض من كثرة الخوف عليها ..
وصل امام الجامعه رأى بنات متجمعين حولها وهى تجلس على كرسى تبكى بألم
اسرع ناحيتها اول ما رأته قامت ببطئ من الكرسى واحتضنته بقوه وهى تردد .. خايفه ،،خايفه اوى
حملها واسرع الى السياره واتجه سريعا الى المستشفى وهو يحادث الدكتوره … احنا جايين فى الطريق دانه بتولد
الدكتوره بعمليه … متخافش ده طلق الولاده انا فى المستشفى اصلا هحضر غرفة العمليات
اسر بسرعه … ماشى ماشى
دانه بخوف … انا خايفه على البيبى لحسن يحصلوا حاجه
اسر وهو يهدأها .. متخافيش يا حبيبتى هيبقا كويس وانتى هتبقى كويسه
وصلوا الى المستشفى حملها واسرع بها الى البهو يصرخ بهم .. وضعوها على كرسى نقال واخذوها الى غرفة العمليات ….
اتصل اسر بوالدته واخته ليأتوا …… ظل واقفا امام غرفة العمليات يسمع صراخها وقلبه يتقطع من صوتها فلم يلحقوا لتعقيمه للدخول …
بعده مده سمع اسر هدوئها وخروج الممرضه فى يدها طفل صغير وقالت بإبتسامه .. مبروك ولد زى القمر
فقال بلهفه … ودانه عمله ايه
الممرضه … كويسه اديناها بنج علشان هى ولدت طبيعى
اعطته الطفل اخذه اسر منها بحذر ويده ترجف … ظل ينظر له بحب شديد تكاد دموعه فى السقوط
جاءت والدته بسرعه ونور واصدقائها …..
والدته بلهفه … يابنى مش كنت تكلمنا من زمان
اسر عقله كله مع هذا الطفل …
والدته ببكاء … يا حبيبى سم الله
نور …. دانه عامله ايه حالا
اسر ..كويسه هتخرج حالا لاوضه عاديه
جاءت الممرضه واخذت الطفل لتنظيفه …….
نقلت دانه الى غرفه عاديه تجلس ومعالم التعب والارهاق على وجهها ولكنها سعيده بطفلها …
دانه بلهفه … اسر عايزه اشوف ابنى
اسر … حاضر يا حبيبتى هتشوفيه ارتاحى انتى بس
دانه .. انا مرتاحه والله .. طب شكله عامل ازاى شكلك صح
ضحك اسر عليها وقال … ياحبيبتى شكله زى اى طفل والله مبنلوش ملامح
جاءت الممرضه بالطفل واعطته لدانه عندما رأته ظلت تبكى بفرحه شديده على طفلها
والدته بفرحه … يتربى فى عزكم يا حبايبى
دانه … انشاء الله يا ماما
جاءت والدتها ايضا ووالدها ويزيد ليروها ويروا حفيدهم
دانه وهى تنظر للطفل بلهفه وحب شديد … هنسميه ايه يا اسر
اسر وهو ينظر لها بحب … نفسك تسميه ايه يا وردتى
دانه بإبتسامه … فهد .. فهد اسر الحديدى
ابتسم اسر لها … جميل اوى اسم فهد هيبقا فهد اسر الحديدى ومامته القمر دانه اسر الحديدى
ضحكت دانه بسعاده شديده فإحتضنها اسر بقوه وطفلهم بينهم ❤👪
… ،،،،،،،،،،،،،،،،، ،،،،،،،،،،،،،،،،،،،،،،،،،،،،،،،،،،،،، ،،،،،،،.
اليوم يتم فهد السنه ودانه تحضر لعيد ميلاد كبير تشرف على كل شئ بنشاط وبلهفه وكأنه عيد ميلادها ….
جاء اسر من ورائها وحاوطها … ايه اخبار التجهيزات
دانه بسعاده … ماشيه زى الفل اول عيد ميلاد لحبيبى لازم يبقا كبير وكل عيد ميلاد ليه هيبقا كده
اسر بغيره … بردوا حبيبى
دانه وهى تستدير وتلف يدها حول رقبته … انت حبيبى وقلبى وكل حاجه ليا انت سبب انى اشوف فهد
جاء الجميع شهد ومحمد ومعهم طفلهم حمزه فهو مازال فى شهور الاولى وخلود وادم وهى حامل الان ……
دانه وهى تحتضنهم بقوه …. وحشتونى اوى
خلود … فهد خدك مننا
دانه …. انا بجد اسفه انا مش عارفه اتلبخت ازاى كده بس هعوضكم والله
Happy birthdayto you happy birthday to fahd happy birthday to you
اطفأت دانه الشموع وهى تحتضن ابنها واسر يحاوطها من خصرها
اسر بحب شديد … كده حياتى كملت بيكوا
………… ………………………………………………………..
وبكده الروايه خلصت وزى مقولت منستش حكاية يزيد ونور وهبقا انزل حلقات منفصله … يارب الروايه تكون عجبتكم ديه اول رواية ليا ممكن متكنش حلوه بقدر كبير واتأخرت فيها اوى بس كان اياميها دروس ومدارس وضغط … فأتمنى انها تعجبكم واستنونى فى روايه جديده وهنزل الغلاف بتاعها فى اقرب وقت واتمنى بردوا انكم تتابعونى فيها ..
بقلمى / شهد عبد الحليم
النهاية ..
- اقرا روايتي الجديدة رواية كفى عذابك (كاملة جميع الفصول) بقلم شهد عبدالحليم
الفهرس .. (رواية آثار الحب) اضغط على اسم الرواية لتجد الفهرس كاملاً بجميع الفصول.