رواية تائه في عيناها الفصل السادس 6 – بقلم روزان مصطفى

Part 6

ثم ماذا ؟

ثم بعد فراغ وحدتك يهل نورآ يقتحم حياتك بلا سبب وبلا موعد ليخبرك أنه مازال هناك مجالآ للفرح

وان ظلام الحزن سيزول بعد كل هذا العناء سيأتي يومآ ما ونستريح ونشعر بالسعاده مرة أخرى

توقفت أمامه وهو ينظر لها بشرود ، ظهر إحمرار الخجل على وجنتيها ف مدت يدها إلى عنقها حتى تزيل الوشاح الخاص به لترده له ، لكن تميم وضع أصابعه على يدها موقفآ إياها ثم قال بهمس : بتعملي إيه؟

قالت ذكرى بخجل : برجعلك الكوفيه بتاعتك

تميم بإبتسامه : بس الجو لسه برد ف خليها ، إنتي هتروحي فين دلوقتي ؟

ذكرى بشرود : المفروض السكن الجامعي عشان أحط الحجات بس خايفه تتسرق

تميم بإستنكار : تتسرق !

ذكرى بسخط : أصل عندنا بنات إيديهم طويله

وضع تميم يده على عينه وظل يضحك ف قالت ذكرى : بتضحك على إيه إيديهم طويله دي يعني بيسرقوا دي كنايه عن

تميم : بس بس كناية ايه انا مضحكتش من إمبارح

ذكرى وهي تعقد حاجبيها : مش أوي كدا يعني

تميم بضحك : طب خلاص ، هتروحي فين برضو

ذكرى : ما قولتلك السكن ، بس إنت بتسأل ليه ؟

تميم بإبتسامه : هوصلك

ذكرى بخجل : لا كفايه انت اتبهدلت معايا وبسببي

وضع تميم يده في جيب سترته وقال : يا ستي ياريت كل التعب كدا

شردت ذكرى بوجهه بعد تلك الجمله وقالت داخل نفسها : لا والنبي مش ناقصه كلامك الحلو دا أنا أستغفر الله يارب

صفق تميم بيده أمام وجهها وقال : ايييه سرحتي ؟

ذكرى : ها ؟ اه سرجانه خايفه الأكل يتسرق

حاول تميم ان يخفي ضحكته ولكنه وضع يده على ركبتيه وهو يضحك بشده ف قالت ذكرى بغضب بسيط : اموت واعرف هو انا كلامي بيزغزغك ليه

تميم وهو يضحك : مش قاادر كان نفسي تبقى مشاكلي الاكل وبس زيك

شردت ذكرى بحزن وقالت  : لا ما انا عندي مشاكل تانيه برضو بس بداري

إستمر تميم في الضحك إلى أن قالت ذكرى  : متقدملي عريس مش عوزاه

توقف تميم عن الضحك وشعر بوجهه ساخن وقلبه ينبض بعنف ، إعتدل في وقفته ثم قال : عريس ؟

نظرت له ذكرى بعنيان لامعتين من الدموع : أه والله ، يوم واحد ارجع بعريس

حاول تميم مقاومة شيئآ ما بداخله ف تبتسم وقال : عشان إنتي جميله وتستحقي دا

ثم اغمض عينه فجأه وكأنه تسرع وعض شفتيه ثم نظر لها وقال : قصدي يعني اكيد العريس شايفك كدا عشان كدا إتقدم

ذكرى ببلاده : هو لسه مشافنيش اصلا هو كلم بابا عني بس

شعر تميم بغضب ثم قال في وجهها : وانتي عايزه توافقي ع واحد مشافكيش ليه ؟ خلاص مستعجله على أم الجواز مرخصه نفسك ليه

ذكرى بإتساع أعين : إيه مرخصه نفسك دي  ؟ ايه يا تميم

تميم بغضب : ايييه هو ايه اللي ايه انتي متخلفه مبتفكريش عايزه توافقي على واحد مشافكيش !

ذكرى بصوت مرتفع : انا موافقتش على فكره لسه متنيلتش

تميم بغضب مندفع وبدون تفكير : ومتتنيليش توافقي اصل هتوافقي ليه دا ايه اليوم اللي زي الزفت دا

عضت ذكرى على أسنانها وخلعت الوشاح وأعطته لتميم وقالت : اتفضل خد الكوفيه بتاعتك ومش عاوزه اشوفك تاني

برق تميم عيناه ثم وضع الوشاح على عنقها وقال : حتى لو مش عاوزه تشوفيني تاني متقلعيش امها قولت

ثم سحبها من الوشاح وقربها له ف التصقت به عن طريق الخطأ وهو ينظر لعينيها وهي تنظر له ببرءة الأطفال ..

.

.

#تائه_في_عيناها

#روزان_مصطفى