رواية مرت اعوام – الفصل الثلاثون
الفصل الثلاثون
《 اتذكر جيدا المرة الاولى التي مشيت فيها بجانبي، وقتها شعرت بطريقة ما ان بقية العالم اختفى!》
مرت أعوام part 30
; في المنطقه المظلمه ليلآ
ظل فؤاد وهشام يتضاربون مع الرجال ف سمعوا صوت صرير موتوسيكل ، نظر فؤاد ف وجد شفق تمسك بعصاه وتقترب منهم ف صرخ بها بقوه أرعشتها : ارجعي وراا
رجعت شفق بالفعل ووجدت فريده مرتعبه ف اقتربت منها وضمتها وقالت : متخافيش اهدي
ظلوا يتضاربون الى أن التصق ظهر هشام بظهر فؤاد وبيدهم أحزمتهم وقد قاموا بإطاحتهم جميعآ أرضآ ف كان هشام يعدل من قميصه وفؤاد يرتدي حزام بنطاله ، اقتربت شفق وهي تضع يدها على شفاة فؤاد وقالت : شفايفك بتنزل دم
أبعد فؤاد يدها وقال : انتي جايه ورايا ليه ! انتي مبتفهميش !!
هشام : بالراحه يا فؤاد
أشار فؤاد بيده لهشام الا يتدخل وقال : انا ماشي
هشام وهو يمسكه : اقعد بقى عشان انا تعبت
فؤاد : يعم نزل ايدك بس
هشام : طب لو سمحت يا فؤاد اقعد
فريده : تعالى يا هشام اداويلك الجرح انا معايا برفان ومناديل ف الشنطه
ذهب هشام معها وجلسوا على كرسي قريب من الشارع وف الجهه الاخرى جلس فؤاد وهو يضع يده على شفتيه التي تنزف دم ف جلست شفق بجواره ف ادار وجهه عنها ف قالت شفق بدموع مكتومه : عشان خاطري يا فؤاد خليني اداويك
فؤاد : ماشي موافق ، تبدأي بشفايفي ولا بقلبي ؟
أغمضت شفق عيناها بقوه وهي تمنع البكاء
لوى فؤاد شفتيه في سخريه وهو يقول : الاجابه صعبه عليكي معلش
شفق نزلت على ركبتيها امامه وهو يجلس ونظرت بعينه ، كانت أنفاسه تصلها ف قالت : الجو برد بس نفسك دافي مشوفتش ادفى منه
ابتعد فؤاد عنها وقال : جايه ورايا ليه
شفق : أهرب من قلبي اروح على فين ؟ ليالينا الحلوه في كل مكان 💔
فؤاد : وايه كمان
شفق : اني بحبك ومستحيل اضيعك
فؤاد وهو ينظر الى قدمه : قومي من على الارض
شفق وهي تبكي : مش هقوم الا اما تسامحني
فؤاد بغضب : بقولك قومي!!
شفق ببكاء : لا !
سحبها فؤاد بقوه حتى سقطت في حضنه ف جاء ليرفع يده ف وضعت يدها على وجهها ف احتضنها وكانت هي تحتضنه ايضا
; في الجهه الاخرى عند هشام وفريده
كانت فريده تجلس بمقابلته وتخرج من حقيبتها المناديل والعطر الخاص بها ، وضعت قليل من العطر على المنديل ومسحت به جرح هشام ف وضع يده على يدها من الالم ف قالت : انا اسفه
هشام : على ؟
فريده : اني السبب في اللي حصل
هشام : انتي مش السبب بس عشان تحرمي تنزلي من غير اذن وبالليل قسما بالله لو حصلت تاني يا فريده حسابك هيكون معايا
فريده : طب اهدى عشان جرحك يلم
كانت تداوي جرحه بعطرها ف امسك يدها قبلها ف نظرت اليه وقالت : تقلبات مزاجك بتعملي صداع يا جوزائي
هشام : انا مش عارف مين مطلع اشاعه على برج الجوزاء انه وحش دا انا لو شوفته هنفخه
فريده بضحك : مش مصدقه بعد تلات شهور عذاب انك قاعد معايا وقدامي وبتتكلم
هشام : ششششش انسي بقى نفسيتي كانت زفت بجد ، بس وعد مني يا فريده هيتعملك فرح يحكي الناس عليه لشهور
فريده نظرت للارض بخجل ف قال هشام : قربي
فريده : بس يا هشام احنا ف الشارع وشفق وفؤاد شايفينا
هشام وهو ينظر الى شفق وفؤاد وهم محتضنين بعضهم البعض : قصدك دول ؟
نظرت فريده اليهم ف احمر وجهها خجل ف قال هشام : يابت قربي دا انا متعور وتعبان
اقتربت فريده منه ف احتضنها بقوه وقال : حتى لو كنت في اسوء حالاتي مش هسيبك يا فريده ، بحبك
تمسكت فريده بقميصه جيدا ف استمعت اليه يقول : وعد اخر الاسبوع احسن فرح يتعملك انا طول الثلاث شهور بدور ع فؤاد وبعملك احلى تجهيزات ليوم خيالي
فريده بصدمه : بتهزرر!!!!!
هشام : والله بتكلم جد
رجعت فريده تحتضنه مره اخرى الى ان تركته ف قام من كرسيه وذهب لشفق وفؤاد ووقف امام فؤاد وقال : انت كويس يابني !
فؤاد : بخير
هشام وهو يجذبه ويحتضنه : وحشتني يابني
خبط فؤاد على ظهره وقال : اوعى تشك فيا تاني
ف قالت شفق : خلاص صاف يا لبن
هشام : اوي ، اخر الاسبوع فرحي انا وفريده
فؤاد : المره دي بجد ؟
هشام : قول يارب بس انت متتقمصش وتختفي تاني
ضحكوا جميعا بسعاده وظلوا يتمشون في الليل أربعتهم في الشارع الطويل المضيء بمصابيح ❤
; في المشفى
كانت غنوه تجلس على فراش المشفى وامامها ليلى تكتب التقرير اليومي لحالة غنوه ف قالت غنوه في ملل : انا زهقت بقى من القاعده دي هو انا هتحرك امتى
ليلى : مش لما جرحك يلم الاول ؟
غنوه : هوووووف لا مش هقدر استحمل انا كل دا زهقت اووي
ليلى : جيمي باشا موصيني اخد بالي منك انهارده لانه عنده مشاوير مهمه خليكي كويسه واسمعي الكلام
خرجت ليلى من غرفة غنوه ف أرجعت غنوه ظهرها للوراء في ملل وفجأه استمعت الى بعض الاطباء الرجال يقفون خارج غرفتها وسمعت واحد منهم يعني بصوت عذب : آأآه فكرة انك روحت مني مش قابلها هات نهايه انا وانت غير دي نستاهلها دا انت لو هتقول نسيت أسمعها منك برضو هعتبرك كأنك مش قايلها
ابتسمت غنوه ف قالت : انا ازاي نسيت ان الغنا متعتي الوحيده !
أصبحت غنوه تدندن والطبيب يغني واستمتعت ببعض الوقت الى أن دخل جيمي
غنوه : اخيرااا جيت
جيمي وهو يمسك بيده الغداء الخاص بغنوه : ايه أتاخرت عليكي ؟ عملتي ايه وانا برا
غنوه : كنت بغني لحد ما انت جيت ها جبتلي اكل ايه ، جبت شوكولا او مارشميلو !
جيمي وهو يقلد نبرة صوتها : لا مجبتش شوكولا او مارشميلو ، في شوربه وسلطه وقطعة لحمه وهتخلصيهم وتنامي ترتاحي شويه
لوت غنوه فمها في غضب طفولي الى ان سمع غنوه وجيمي طرقات على باب الغرفه ف قالت غنوه : اتفضل
دخلت سيده ترتدي ملابس راقيه وتحمل بيدها علبه من الشوكولا كبيره وفخمه وهي تقول : تسمحيلي ادخل ؟
جيمي : ماما !!!
;في الشارع الطويل
فؤاد : ايه هنروح ولا ايه الفجر هيطلع علينا كدا
شفق : لا والنبي خلينا شويه
فريده بفرح طفولي : بصوا بصوا بتاع الذره هناك اهوو
هشام : ايه يا حبيبي اجبلك واحده ؟
فريده : ايه دا هاتلنا كلنا عشان نفسنا تتفتح وكدا
شفق : يابنت اللذينه والله نفسي راحتلها
هشام : تعالى يا فؤاد نروح نجيب
ذهب فؤاد وهشام ليجلبوا لهم الذره المشويه ف وقفت شفق امام فريده وهي تقول بحماس : احساسك ايه وانتي فرحك أخر الاسبوع ؟
فريده وهي تنظر الى هشام من بعيد : انتي بتهزري يا بنتي انا مرعووبه بس مش رعب وحش رعب ممزوج بفرحه كدا واصلا مش مصدقه ومش عارفه هنام ازاي انهارده ، بجد يا شفق مرينا بأوقات صعبه اوي يارب ربنا يعوضنا عن كل التعب دا ، بس قوليلي حاسه ايه ناحية فؤاد ؟
شفق وهي تنظر اليها : لا مش هعرف اوصف بس كنت متدمره من كل اللي حصل
فركيت فريده يدها من البرد ولوت حاجبيها وهي تقول : هوووف انسي انسي
اقترب هشام وفؤاد من فريده وشفق وأعطوهم الذره ف سارت شفق بجانب فؤاد وهي تأكل وكان فؤاد يفتح الذره الخاصه به ويقول : بقولك
شفق وهي تأكل : همم
فؤاد : بما إن فرح فريده وهشام اخر الاسبوع ليكي منه حتة مفجأه في نفس اليوم
شفق بفضول : ايييه هي ؟؟
فؤاد بابتسامه وهو يأكل : لا مش هتبقى مفجأه كدا :))
رأيكم يا حلوين ؟ وتوقعاتكم واكمل ولا لا 😌
#مرت_أعوام
الفصل التالي: اضغط هنا
يتبع.. (رواية مرت اعوام) اضغط على اسم الرواية لتجد الفهرس كاملاً بجميع الفصول.