رواية عشق بين بحور الدم – الفصل الثاني والثلاثون 32
بيتصدم الجميع لما بيشوفو ادهم…
صفيه :ادهم
ادهم ببرود:سلام عليكم
الجميع:وعليكم السلام
زيدان بصرامة:كنت فين كل داا ومين الي انت شايلها دي..
ادهم بيبصلهم ببرود وبيتجه للسلم:دي مراتي.
جواهر:دهب
ادهم وهو طالع:ااه دهب.
بيختفي من قدامهم ومازالت الصدمه علي وشهم
وتماره بتشتعل غضب وكره..
عايده بهدوء:الحمد لله ربنا يصلح ليهم الحال..
صفيه:يارب.
أمين:بس جابها ازاي.
عزيز بضحك:هو ابنك بيقف في وشه حاجه يا أمين.
جبري بضحك:دا الادهم ياجدع..
في جناح ادهم…
بيدخل ادهم وبيقفل الباب برجله وبيقرب من السرير وبيحطها عليه بهدوء.
بيقعد جمبها وبيزيل طرحتها وبيملس علي شعرها وهو بيبتسم…
لتفتح دهب عيونها فجأه.. وبيتبص عليه وبتتوتر
ادهم بهدوء:عارف انك مكنتيش نايمه وعملتي كدا عشان كنتي محروجه من ظهورك قدام العيله..
بتتعدل دهب وبتقعد وبتحط وشها في الارض.
دهب بتوتر وهيا بتفرك في ايدها:احمم هو بصراحه ااه
مد ايده ورجع خصله من شعرها للخلف وهيا اتحرجت:اولاً انتي مش محتاجه تتكسفي او تتحرجي لان البيت دا بيتك وكمان انا ملكك في اي وقت
دهب عيونها اتملت بدموع لما افتكرت اليوم الي سابها فيه بس زقت ايده فجأه وهو اتنهد بضيق
قالت بحده:اسمع يا ادهم انا مطلبتش منك تيجي عشان خاطر عيونك وانا منستش الي عرفته او الي عملته فيا زمان انا عملت كدا بس عشان ابني يجي ويتربي في هدوء وحياه مستقره مش اكتر مع اني اشك يا اندريه
وبتبصله بخذلان ودموع وبتقوم تدخل الحمام وتقفل علي نفسها ب المفتاح وهو بيحط راسه بين ايده وبينفخ بغضب وضيق…..
اما داخل الحمام بتقعد دهب ورا الباب وبتضم رجليها وبتنهار من العياط لما بتفتكر الي حصل زمان والي حصل في ايطاليا.. وهو سامع شهقتها من الخارج
بيقف ادهم وبيقرب من الباب وبيقعد قدامه وبيسند ضهره عليه..
ادهم:دهب!!
دهب:لارد.. بس شهقتها بتزيد..
ادهم بضيق:دهب ردي عليا انا عارف انك سمعاني..
بردو مردتش عليه… وهو اتنهد بقوه وضم رجله لييه…
ادهم بوجع:بصي انا هحكيلك علي كل حاجه وبعد ما هحكيلك اوعدك اني هنهي كل حاجه تخوفك مني او عليا وهعرفك علي نفسي من اول …… بيتنهد بقوه اكتر..
قال بهدوء ووضيق:انا ادهم الجارحي ومش الشخص الي انتي شوفتيه دا لاء انا جدي سفرني وانا عندي17سنه اليوم الي ركبتي معايا الحصان كان اخر يوم ليا هنا ولما رفضت جدي ضربني وحبسني 10 ايام في البدرون من غير اكل ولا شرب ولا نور في الضلمه لولا الاكل الي كانت امي بتجبهولي تهريب كان زماني ميت ولما طلعني وبردو لقاني رافض جلدني ب الكرباج 250 جلده والوشم الي علي ضهري دا عشان اخفي بيه العلامات الي مازالت في ضهري لانها بتفكرني بأسواد اياام حياتي وبتخليني اكره جدي غصب عني يومها ولما كنت هموت امي بقت تترجاني اوافق وبردو كنت رافض لحد ما اغمي عليا وصحيت لقيت نفسي في ايطاليا وسفرني في مدرسه داخليه ولما رحت الجامعه بردو كنت في جامعه داخليه ومنع سفري لحد ما اتم سن ال25 بعلاقاته ونفوذه وانجبرت وبقيت اضرب اي حد يتكلم معايا لحد ما تميت سن ال24 وخلصت الجامعه واخيراً خرجت وشفت الدنيا وبدأت افتح شركتي لوحدي لحد ما بدأت اكبرها ولكن قابلني شخص قبل كدا وقالي انه هيمولي شركتي وانا قعدت افكر ووافقت لحد مادورت وراه وعرفت انه تاجر سلاح خدني معاه وطلبت منه يعلمني تصنيع السلاح عشان ابقا اقوي من جدي ودا من كتر غلي وكرهي لييه وب الفعل بقيت اشتغل في الشركه وبعد كدا اجري علي المصنع اتعلم تصنيع السلاح والراجل دا كان عنده بنتين كنده وجاسمين اتعرفت علي جاسمين ولاني تقريباً كنت دايماً مع ابوها فكنت بشوفها دايماً وكانت جمبي وبتسمعني وحكتلها علي حكايتي ولانها صديقتي الوحيده افتكرت اني حبيتها وقررت اتجوزها وب الفعل والدها مات ولما تميت سن 25وقررت اكون مافيا لنفسي عشان ابقا اقوي وبقيت ذئب الموت وسميت نفسي اندريه كابوني..وانا وجاسمين كنا هنتجوز ولكنها كانت بتتهرب مني قبلها ب كلام كتير وليله الفرح اتقتلت واحنا بنتزف وانا اتصدمت ومكنتش مستوعب اي حاجه واكتشفت ان كنده الي كانت فكراني بحبها اتفقت مع حاتم،وشريف، وعامر… انهم يكسروني لانهم كانو عارفين اني بحبها وفعلاً اتكسرت وبعدها بقيت بارد قاسي معنديش رحمه ولا قلب وسبت ايطاليا وسافرت لندن وكبرت المافيا اكتر لحد مابقيت اكبر زعيم مافيا في الشرق الاوسط والغرب ب الكامل و لحد ما رجعت واتجوزتك وبقيتي انتي الملاك في حياه الشيطان ولما كنت معاكي في ايطاليا عرفت ان جاسمين اصلا كانت بتخوني مع واحد اسمه ..ازاريا.. وكانت هتتجوزني وهيا بتخدعني واقسملك انك اول واحده المسها او اقرب منها يادهب مع ان اتعرض عليا كتير ويوم لما سبتك من سنتين انا مشيت لاني كنت فاكر انك طفله مش عارفه مشاعرك فيين وان انا عشان كنت حنين معاكي حبتيني وحقيقي ثقتي اتعدمت في كل الناس.. ورجعت عشان اتأكدت اني محبتش غيرك وانك حبي الاول والاخير وان جاسمين كانت مجرد حد بيسمعني فتوقعت اني حبيتها انما انتي الحب الحقيقي يادهب … اتنهد بقوه.. انا همشي دلوقتي وهرجعلك تاني بس وانا ادهم الجارحي. لا اندريه كابوني ولا ذئب المووت…..
وبيقف ادهم وبياخد موبايله وحاجته وبيخرج من الغرفه والقصر كله…. اما دهب كانت منهاره من العياط بداخل وهيا موجوعه علييه … وبتقوم وتفتح الباب وبتسمع صوت فرمله العربيه العاليه وبتجري عند الشباك وبتقلق لما بتلاقيها عربيته
دهب بقلق ووجع:استر يارب انا غبيه انا السبب انا الي زعلته…
في اليوم التالي في قصر العميري______وتحديداً في غرفه امير..
كان يجلس امير وهو ماسك تلفونه ومنتبه اووي وواضح انه كان يتابع حاجه غير لائقه…
فجأه بيتفتح الباب وبتدخل مني بغضب.. وبترزع الباب وراها
مني بحده وعوجه بوق:ياميله بختك يامني في خلفتك الي تعرر
بيتوتر امير وبيقفل التليفون وبيحطه ورا ضهره ب ارتباك.
امير بتوتر واضح:انتي ازاي تدخلي كدا ياما
بتقرب مني بضيق وبتقعد قصاده علي الكنبه وباين عليها الغل:اتنيل عارفه انك وس”خ بس المرادي انا محتاجه وساخت”ك في حاجه مهمه..
امير بيجز علي سنانه بضيق:عاوزه اييه مني
بترجع ضهرها لورا بجبروت وبتحط رجل علي رجل:بسيطه مش انت عاوز تنتقم من ود الجرايحه علي الي عمله فيك ليله امبارح..
بيتذكر امير وبيغل اكتر :ايوه بس لييه
مني بخبث:وكمان مش هتموت علي البت دهب
امير بشهوه :بصراحه ااه
مني بشر:يبقا تسمع كلامي ب الحرف انت هتعمل……….
امير حس ان الكهرباء سارت في جسده:بس بس دا ممكن يطير فيها رقاب ياما..
مني بتوتر بس خفته:ميهمش المهم نحرق قلب عمران وقلب ابن الجرايحه..
امير بخبث:اذا كان كدا ماشي موافق..
بيضحكو بخبث وواضح علي وشهم ان الجاي مش خيرر.
@@@@@@@@@@@@@@@@@
في غرفه رقيه……..
كانت واقفه ولابسه دريس واسع جدا لانها بقت حامل في الشهر التاني وبطنها ابتدت تبان شويه..
رقيه بحزن وهيا حاطه ايدها علي معدتها:ياترا هيحصل فيا انا وانت اييه تب ابوك هيعمل اييه انا خايفه بس صدقني مش هسيبك يا حبيبي…
فجأه اتفتح الباب وبتدخل رانيا وهيا شايله صينيه عليها اكل صحي وعصير برتقال.. وبتقفل الباب
رانيا بهدوء:جبتلك حاجه صحيه عشان تاكلي انتي مبقتيش تاكلي خدي.. وبتحط الصينيه قدامها علي الطاوله
رقيه بتوتر:مليش نفس اني مرعوبه
رانيا بتحط ايدها علي كتفها:من اييه كل شيء وليه حل وبعدين انتو ااه الي عملتوه غلط بس علي الاقل مكنش في الحرام يا رقيه وان شاء الله انا واثقه في غالب انه هيقدر يتصرف…
رقيه بحزن:ان شاءالله….
@@@@@@@@@@@@@@@@@@@@@@
في قصر الجارحي….. وتحديدا في جناح ادهم..
كانت تجلس دهب علي الكنبه وهيا ترتدي بيجامه من اللون الابيض وفيها بعض النجوم من اللون الاسود.. وكانت جميله جدا … بس كان واضح عليها القلق و الضيق..
دهب بحيره وخوف:ياترا انت فيين يا ادهم يارب…
بيخبط الباب بصوت طبيعي…
دهب بتوتر:ميين
اتاها صوت من الخارج وكانت جواهر..:اني يا دهب
دهب بهدوء:خشي ياجواهر
بيتفتح الباب وبتدخل جواهر وبتقفل الباب وبتقرب منها
جواهر بقلق:انتي كويسه يا حبيبتي
دهب:كويسه ياعمه..
جواهر بستغراب:اومال جوزك فين
بتبصلها دهب بحزن:خرج…
جواهر:ازاي انا تحت من بدري ومشفتوش نازل..
دهب بتوتر:لاء ماهوا خارج من امبارح…
جواهر بتنهيده:اهم حاجه انتي كويسه ياعمري وصحتك تمام..
دهب:ايوا انا تمام..
جواهر:تب تعالي انزلي اقعدي معانا تحت
دهب بضيق:لاء مش عاوزه انا هفضل هنا
جواهر:تب انا هقوم عشان فات الواد صحي وهبقي اجيلك تاني سلام…
دهب :سلام…. وبتقوم وتخرج وتقفل الباب…. اما دهب بتبص علي السرير وبتفتكر ذكرياتهم كلها ودموعها بتنزل لدرجه انها بتنهارر… وبتنام علي نفسها من كتر العياط
@@@@@@@@@@@@@@@@@@@@
في لندن….. وتحديدا في احد المخازن الكبيره
كان يجلس ادهم علي كنبه كبيره في نصف المخزن وامامه شاشه كبيره وماسك كوب قهوه ساده… وكان علي الشاشه
..ايثان فاديتا..
ادهم ببرود:ايثان انا اتأخذت القرار
ايثان بغضب:اندريه ماهذا الهراء هل تريد ان تترك مافيا ذئب الموت بكل بساطه لا لا يمكن. .
ادهم بلامبالاه:انا عاوز اعيش في حياه مستقره وانا مش محتاج المافيا في حاجه…
ايثان بضيق:بس كلنا محتاجينها وانت عارف ان محدش هيقدر يمسك الرئاسه غيرك..
ادهم ببرود:مبقتش فارقه انا عاوز اعيش مع مراتي في هدوء وسط اهلي وناسي دا انا حتي هنقل الشركه الرئيسيه لمصر وهسيب الفروع هنا وخلاص…
ايثان :اندريه فكر مره اخري انت اندريه كابوني ارجوك…
ادهم بحده:ايثان لقد انتهي الكلام انا س اترك منصبي وسأنهي مافيا ذئب الموت للأبد…
تنهد ايثان:الي يريحك يا اندريه انا معاك فييه..
ادهم ببرود:اسمي ادهم مش اندريه ولا اييه يا سامر…
بيتصدم ايثان:سامر انت انت عرفت منين
ادهم بجمود:انا عارف انك سامر المرشدي من يوم ماعرفتك وغيرت اسمك وبقيت… ايثان فاديتا…
ايثان:ادهم ارجوك متعرفش حد انت الوحيد الي عارف سري داا…
ادهم بضيق:مش ناوي تعرفه دا قالب الدنيا علييك
ايثان بتوتر:لاء لو شافني عمره ما هيسامحني ارجوك يا ادهم لاء…
ادهم بهدوء:عموماً مسيره يعرف….
ايثان بتوتر:بس انا معنديش استعداد اعرفه خلينا في المهم…
ادهم بهدوء: اهم حاجه تعرف الجميع ان اندريه كابوني هيخرج من الكاار كله…
ايثان:تمام عرفت الي حصل لكنده وساندي…
ادهم ببرود:ااه عارف انهم خلصو علي بعض…..
ايثان:لاء ياعم الطب الشرعي اثبت ان كنده ميته ب السكينه الي كانت مع ساندي انما ساندي مقتوله ب الرصاص ولما راجعو الكاميرات بتاعت المبني اكتشفو انه انه..
ادهم بستغراب:انه ميين…
ايثان بتوتر:هو هو…أزاريا إيفيريا…..
بيبصله ادهم بكل بررود:وقبضو علييه
ايثان:ااه واتحكم علي ب المئبد لانه طلع عامل بلاوي….
ادهم بسخرية:في داهيه المهم دلوقتي روح واعمل الي قولتلك علييه.
ايثان:تمام سلام يا زعيم….. وبيقفل
بيتفتح باب المخزن وبتدخل عربيه سوداء كبيره وخلفها سيارات كتيره … وادهم بيبتسم بشر
وفجأه بينزل عرفه وبيقرب يفتح الباب وبيشاور للحرس الي بينزلو من العربيات وبينزلو حاتم، عامر، شريف، فارس، ريتشارد نيكسون، وويل…..
ادهم بإبتسامه:اهلاً اهلاً منورين
ريتشارد بكره:اوعا تفكر اني هخاف منك
بيقف ادهم وهو بيطبق اكمام قميصه: و الله يا ريتشارد انا مقولتلكش تخاف مني انا بقولك احذر مش اكتر….
حاتم برعب:هو هو انت هتعنل فينا اييه يازعيم
بيحط ايده في جيبه ببرود وبيبتسم بخبث:كل خيرر
عرفه فهم واتصدم:انت هتعمل..
بيبتسم ادهم اكتر وعرفه بيبتسم بخبث:يارجاله
بيقرب منه الرجاله كلها:جهزو الملاهي هههه
فارس برعب:انا انت معملتش حاجه
ادهم بيقرب منه بغضب وفجأه بيديله ب البوكس:انت اتجرأت ولمست مراتي ياكلب… عرفه دا يتحط علي جنب لوحده ولا اقوله….
طلع سلاحه فجأه وضرب طلقه في كف ايد فارس الي صرخ والباقي اترعب
ادهم بجنون:دي ايدك الي اتجرأت وحطيتها علي مراتي…
بيقرب منه احد الرجال:كل حاجه جاهزه يا زعيم
ادهم ببرود:هاتوهم…
وبيمشي قدامهم والرجاله بتقرب وتزقهم ورا ادهم.. لحد ما بيدخلو مكان داخل المخزن به اجهزه كتير جدا وواضح انها اجهزه كهربا…..
وكانو 6 كراسي والرجاله بتقعدهم علي الكراسي وهما مرعوبين وبيحطو علي دماغهم بعض الاسلاك وبيربطو ايديهم ورجلهم ب الحديد وكان كل كرسي يبعد عن الاخر ب 2متر….
عامر برعب:حقك علي يا زعيم ونبي ارحمني…
شريف بدموع:ايوا ونبي والله هنبعد عنك خالص ارحمنا يا ادهم بييه…
ويل برعب:ارجوك يا سيد اندريه اتركني انا وشئني انا لم افعل شيء ارجووك…
ص
ريتشارد بخوف:الرحمه اندريه ارجوك ….
بينفجر ادهم وعرفه في الضحك …
تكملة الفصل
ادهم بسخريه:دلوقتي بتترجوني ههه الي بيرحم العباد ربنا وانتو شفتو غضب اندريه كابوني بس مشفتوش ادهم الجارحي الصعيدي لما بيقلب ……
عرفه بضحك:دا انتو ليلتك عسللل هههه…
ريتشارد برعب:ادهم ارجوك اتركني وشئني ……
ادهم بحده:يلا 1.2.3……
وفجأه بيتشنجو كلهم والكرسي بيفضل يلف بيهم بسرعه كبيره وكان واضح عليهم انهم بيتكهربوو…..
ادهم بهدوء:STOP.
بيوقفو الرجال الكراسي ب وحده التحكم ….وادهم بيقرب ويقف قدام ريتشارد وبيضحك بخبث:لازم نبدأها علي نضافه وانت ياما عملتتت فيا وفي غيري ههههه .وكلكم كلاب ولا تسووو…
بيرجع ورااا وبيرفع سلاحه وبيضرب كل واحد فيهم طلقتين في رجله وايده وهما صرخووو:STAR….
وفجأه بيشتغل الجهاز من تاني بس اقوي وهما بيصرخووو..
عرفه بهدوء:مش كفايه يازعيم هيموتو
ادهم ببرود:ماهوا دا الي انا عاوزه هيههه..اتأكد انهم ماتووو وارميهم في اي داهيه وتعالا ورايا علي المطار ….
عرفه بإبتسامه:اخيراا فريره يا بوص…..
وبياخد جاكيت بدلته وبيخرج برا المخزن وبيتجه للمطار…
ومابيفوتش وقت كبير وبيموت الجميع وعرفه بيتنهد :انتو عارفين هيروحو فيين نضفو كل حاجه ……وبيخرج
@@@@@@@@@@@@@@@@@@@@
في المساء وتحديدا الساعه 12 مساءً في قصرالجارحي….وتحديدا في جناح وادهم
كانت قاعده دهب علي الكنبه زي ماهيا ومأكلتش ولا شربت ولا حتي نزلت طول اليوم كانت هتموت من القلق علي ادهمم….
قاطعها رنه موبايلها وكان عمران….بترد
دهب بهدوء:الووو
عمران بهدوء:اول مره تكسري كلمتي يا بت عمران
دهب بتوتر:يا ابوي اني مكسرتش كلمتك ولا نطقت …
بيضحك بهدوء:وانتي عملتي الصح اهم حاجه انتي عامله ايبه…
دهب:الحمد لله يا ابوي اني بخير ….
عمران:مالك يا دهب حاسك مضايقه يا حبيبتي..
دهب بدموع:مش عارفه يا ابوي الدنيا عاوزه مني ايين انا زهقت والله كل ما اقول خلاص بقت حلوه تقلب تاني يا ابوي اني مبقتش متحمله
عمران بقلق:من اييه يا عمري الواد ادهم زعلك..
دهب بخوف عليه:لاء مزعلنيش بس انا هموت من الرعب علييه..كل شويه اقول اني مش بطيقه ولكن انا بعشقه..
عمران بضحك:يابت اتقلي شويه والله وبقيتي تعرفي تحبي يابت عمران..
بتستوعب دهب الي قالته وبتتكسف:بس يا ابوي بقا …
عمران بحب:ربنا يصلحلك الحال المهم دلوك عاوزك في موضوع اكده…
دهب بقلق:موضوع اييه..
عمران بتنهيده:هو انتي لما اصريتي انك تروحي المصانع في مصر كان لييه…
بتتذكر دهب الي عرفته:ااه دا كان عشان …..وبتبص تلاقي ادهم داخل من الباب وواضح عليه الارهاق…خلاص يا ابوي بكرا هكلمك وهقولك كل الي عرفته…
عمران بضحك:خلاص ياستي الصبح هكلمك سلام …وبيقفل…
بترمي التليفون وبتجري علييه وبدون وعي بتشعلق في رقبته وهو بيحاوط خصرها وبيرفعها لييه وهو مبتسم
دهب بدموع:كنت فيين كل ده يا ادهم…
بيمسح علي شعرها بهدوء وحنان:كنت بخلص من كل الي فات ..
دهب بتبصله وهو مزال رافعها وبتعيط بقلق:يعني انا مش فارقه عندك حتي مسألتش عليا بمكالمه انا كنت هموت هنا علييك وانت مش سأل فيا حتي…..
بيتنهد ادهم وبيمد اييده ويحملها بذراعيه وبيتجه للسرير وهيا حاولت تفلت معرفتش ….
بيقعد علي السرير وبيحطها علي رجله وهيا مزالت بتعيط.
ادهم بهدوء:انا عاوزك تهدي خالص هششش انا بخير وكل حاجه تمام وبعدين مكنتش اعرف انك بتحبيني اوي كدا لاء وبتعشقيني كمان..
بتتكسف دهب لانها عرفت انه سمع المكالمه ودفنت وشها في رقبته بخجل وهو ابتسم…..
ادهم بتعب:بصي انا جاي من سفر وهموت وانام بس عاوز اخد شاور الاول..
دهب بتتصدم وبتبصله:سفر انت كنت في القاهره..
بيحطها ادهم علي السرير ببطيء وبيقوم يقلع جاكيت بدلته :انا رحت لندن وايطاليا وجيت..
دهب بشهقه:نعممم رحت فين من دوله لدوله لمصر للصعيد كل دا في36 ساعه بس ..
بيبصله ادهم بضحك:دا انتي بتحسبيلي بقا ااه يستي ..
دهب بصدمه:هو انتو كرجال اعمال واغنياء وكدا الوقت عندكم بيقف ولا اييه يعني السفر بيكون 8 ساعات 9 ساعات ومشاء الله بتلفو العالم في كام ساعه بس..
ادهم بضحك: الله اكبر اييه يا حبيبتي عيونك الحلوين دول هيرشقو فيااا …..
بتضحك دهب غصب عنها:باجدع مش قصدي.
بيضحك وبيدخل الحمام…..وهيا بتبتسم ….
بعد شويه بيطلع ادهم وهو لابس بنطال اسود وفانله بحملات سوداء تبرز عضلاته…وشعره مبلول وحاطط علي رقبته فوطه…وهيا بتشوفه وبتسرح فييه
ادهم بإبتسامه:عارف اني واد مز والبنات هتموت علياا…
بتحس دهب ان ودانها هتطلع نار من الغيره وبتقف وبتمسكه من حملات الفانله:نعمم مين دول الي هيموتو عليك قواي بس وانا هخلص علييهم
بيبصلها ادهم شويه وفجأه انفجر في الضحك:هموووت ههههه…
دهب بسرعه:بعيد الشر علييك …..
ادهم بحب:سبحان مغير الاحوال هيا دي هرمونات الحمل ولا اييه امبارح مش طيقاني ودلوقتى عوزاني…
بتتحرج دهب وبتبعد عنه ولكن هو بيمسك ايدها وبيشدها لعنده وبيحاوط خصرها:تعالي بس ياست القماصه انتي متعرفيش انتي وحشاني ازاي…
بتتكسف دهب وخدودها بتحمر:بس بقا…
وقرب ادهم وحضنها وهيا حضنته ولكن فجأه ادهم حس بحاجه غريبه وبعد فجأه ودهب استغربت:معلش عاوز اشرب ممكن تجيبيلي ميه..
دهب بستغراب:حاضر هنزل اجبلك..
وبتلف وتدخل تلبس الاسدال وبتنزل بسرعه وهو متابعها وبيتجه للدريسنج وبيفتح الخزنه الي في الحيطه وبيطلع منها علبه الدوا الغريبه وبياخد حبيتين بدون ميه حتي وبيرجع كل حاجه مكانها تاني…… وبيلاقي نفسه تعرق وهو مش حاسس….
قاطعه رنه تليفونه وكان عرفه…
ادهم:هاا ارغي…
عرفه بضحك:ياعم مالك كنت عاوز اقولك حاجه
ادهم:اييه…
عرفه:الاعضاء عاوزين يقابلوك بكراا….
ادهم:تمام بكرا ….
عرفه بستغراب:مالك يا ادهم..
ادهم بتعب:مش عارف اصلي لسا واخد الدواا
اتنهد عرفه بضيق:بردو يا ادهم يا صاحبي مينفعش كدا..
ادهم بغضب:عرفه قولتلك مش هعمل حاجه انا مراتي محتاجاني جمبها وابني الي جاي في السكه داا…
عرفه بإنفعال:مراتك محتجاك جمبها العمر كله مش كام يوم بس يا صاحبي ولازم تعملها انت بقالك4 سنين مأجل الحوار دا…..
بيقفل ادهم الخط وبيرمي الموبايل علي التربيزه وبيقعد وبيحط ذراعيه علي رجله وبيدفن راسه في ايده وهو محتار وحاسس انه تايه….
وفجأه بيقوم ويدخل الحمام وبيتوضي وبيلبس تيشرت بنص كم رمادي وبيحط السجاده وبيبدأ يصلي وهو شايل هم الدنيا……
تحت في المطبخ……
كانت دهب داخله المطبخ الي كان فاضي ومفيش فييه حد
،، قربت من التلاجه وجابت ازازه مايه وكوبايه وكانت خارجه..
فجأه وقف في وشها تماره ودهب اتخضت….
تماره بغل:بتعملي اييه هنا
دهب ببرود:وانتي مالك..
تماره بحقد:انا الي بسألك..
دهب بضيق:ميخصكش…. وكانت خارجه ولكن وقفها صوت تماره..
تماره بغل اكبر:اييه الي رجعك..
بتلف ليها دهب ببرود:رجعت بيت جوزي انما انتي اييه الي مقعدك هنا ولا ملكيش بيت….
تماره بكره:انا قاعده في بيت خالتي وبعدين مش قولتلك قبل كدا تبعدي عن ادهم عشان هو ملكي وليا انا..
دهب بتحط الازازه والكوبايه علي الرخامه وبتقرب منها بإبتسامه بارده وفجأه بتمسكها من طرحتها من الخلف:عموماً هو ملكي انا وليا انا واوالشاطر الي يضحك في الاخر وانا ضحكت وقاعده في قلبه ومربعه لاء والدور والباقي مين الي حلاله ومراته علي سنه الله ورسوله ومين الشمال الي بتجري ورا راجل متجوز…..
وبتسيبها وبتلف تاخد الحاجه وبتطلع من المطبخ وبتتجه لفوق وهيا حاسه ب النصر وتماره بتبصلها بتوعد وكره…
يتبع.. (رواية عشق بين بحور الدم) اضغط على اسم الرواية لتجد الفهرس كاملاً بجميع الفصول.
تمام
تم
جميله ممكن باقي الفصول
هى كام فصل
تحفه
..
بامانه الرواية ممتعة
تم