رواية شيطان الانتقام الفصل الخامس عشر 15 – بقلم ولاء حامد

مر يومين فقد محمد الإحساس بالحياه حتى رفض الكلام وظل طوال الوقت شارد فيما حدث ولا يستطيع التصديق برحيل زوجته الحبيبه وابنه

منيره بألم ودموع: يا ابني الله يرضى عليك رد عليا طمني

عارفه انه صعب بس أمر الله ونفد عارفه ان الفراق بيحرق الروح ويقطع في القلب بس لازم الحياه تكمل لحد ما نجتمع بيهم في الاخره ادعيها هي في مكانها محتاجه الدعاء فوق يا ضنايا علشان عيالك اللي منهارين من يوم اللي حصل

محمد اتلفت بيها في لهفه: هما فين عايز اشوفهم

منيره بوجع: في البيت مع منى أختك وعيالها خلينا نطلع من هنا ونروح لهم خدهم في حضنك طمنهم علشان ميبقاش ام وأب يا ابني عيالك لسه صغيرين

ميعرفوش مراره الموت بس لما يكبروا هايفهموا خليك جارهم وطمنهم

بكى محمد بمراراه وحسره ووجع

عصام بهدوء: يلا يا محمد خلينا نخرج انا هاشوف الدكتور يكتبلك خروج

وخلال ساعتين كان الجميع متوجه للفيوم بس كلا منهم في حال الكل يرثى محمد يرثى حاله وطوال الطريق يتذكر سفره الاخير والذي كان نتيجته وفاه زوجته وابنه وعجزه

خلال ساعتين ونصف وصل الجميع إلى محافظه الفيوم دخل الجميع ودقائق بعد ان اطمئن محمد على تؤمه يحيى وياسين انهم بخير ونائمين وقام محمد

عصام :على فين يا محمد

محمد بأسى: رايح وقلبه مش مطاوعه ومش قادر يصدق ولا قادر ينطق بس كمل هازور ابني ومراتي

عصام بتفهم: طيب ريح انهارده مراتك اندفنت مع ابوها وجنب امها الله يرحمهم وابنك اتدفن جمب اخوك الله يرحمه كل واحد منهم في مكان

محمد بوجع بيقسم روحه نصين: بس أرواحهم مع بعض يا عصام سيبني الله لا يسئك انا اللي فيا مكفيني ومش في حد سبحان من مصبرني واحد غيري كان اتجنن ولا انتحر

عصام: يا محمد انا حاسس بيك بس ارجوك ارتاح انهارده وبكره روحلهم

محمد بتعب : قولتلك لا سيبني في حالي بقى مطلبتش من حد ييجي معايا انا عجزي في ايدي مش في رجلى قالها واتحرك من قدامه

وصل اولا امام قبر ابنه وأخيه

محمد بحرقه ودموع: انا اسف والله العظيم اسف لو كنت اعرف مكنتش اتحركت من بيتي خالص انا موجوع اوي يا حمزه موت اخويا حنى ضهري وموتك انتا وامك كسر ضهري موتني بالحيا كسره ممنهاش جبره يا ابني سامح ابوك يا قلب ابوك ياريت كنت انا وانتا لا كان نفسي تفضل حواليا كان نفسي تكبر قدام عيني حمزه انا بحب اوووي طوال حديثه وهو يتلمس باب القبر بيده السليمه وكأنه يشعر بصغيره ودموع الحسره والحرقه لا تزال تنهار من عيونه

وتحرك بعدها بصعوبه في اتجاه قبر قمر ووصل عنده وارتمى امام القبر وبصوت ضعيف مختنق بالبكاء كان عندك حق ياريتني سمعت كلامك كان قلبك مقبوض وانا طمنتك ياريتني ما اتحركت سامحيني مقدرتش احميكم

يا قمري اللي ساب حياتي بدري اوي انا ملحقتش اودعك ملحقتش اعيش معاكي يا فرحه كان عمرها قصير اوي يحرم عليا جنس الحريم بعدك قطعتي قلبي يا قمر قومي وحشتني ضحكتك وحشني صوتك وجنونك وحشني حضنك اوووي وحشتيني يا سندي وحشتيني يا فرحه عمري هادعي ربنا يجمعني بيكي قريب هادعي ربنا ميطولش في عذابي من غيرك انتي وابني عارف انك في الجنه يا عروسه الجنه بس انتي وحشتيني اوووي اووي يا قمر محمد من غيرك ميت والله العظيم من غيرك ميت انتي كنتي دقات قلبه اللي راحت يوم ما روحتي كنتي نفسه اللي اتقطع يوم ما بعدتي سامحيني بالله عليكي سامحيني

ظل اكثر من ساعه يبكي وينتحب لا يستطيع أن يصدق انه لا يستطيع أن يراهم مره اخرى

ظل الحال على ما هو عليه محمد في اجازه مرضيه من عمله وكل يوم يذهب إلى قبر ابنه وزوجته يبكي وينتحب فقد حقا طعم الحياه فقد الكثير من الوزن حتى لحيته طالت فمحمد لم يكن يوما من أصحاب اللحى ظلت دورت الايام على هذا الحال حتى مر الان شهر كاملا ومحمد على نفس وضعه لا يكل ولا يمل

وقمر ايضا في غيبوبتها اما عائله السالمي فتعاملت وكأن شيئ لم يكن وعادت حياتهم إلى روتينها المعتاد

يا تري الأيام اللي جايه مخبيه ايه

البارت السادس عشر

في صباح يوم جديد محمد لايزال يداوم على زياره قبر قمر وحمزه ولكن اليوم غير

محمد امام قبر قمر عارفه يا قمر انا حاسس انهارده ان قلبي بيدق جامد ياترى في ايه تفتكري إني قربت اجيلك قريب ليه حاسس ان قلبي هايطلع من ضلوعه

***

في المستشفى صرخت إحدى الممرضات وخرجت تهرول

ممرضه: دكتور حلمي دكتور حلمي الحق يا دكتور

حلمي قام منطور من كرسيه: في ايه يا بنتي داخله زي زعابيب امشير ليه

الممرضه تحاول التقاط انفاسها: ال ال المريضه اللي في العنايه اللي في الدور السابع ف فاقت

اتحرك حلمي بجري: انتي متأكده ولا بيتهيألك دي بقالها شهر كامل في غيبوبه

الممرضه وهي تحاول أن تلحق خطوات الدكتور: والله العظيم يا دكتور زي ما بقولك كده

صعد حلمي بفروغ الصبر إلى الدور السابع ودخل بحظر شديد وجد قمر تنظر إلى السقف بشرود وكأنها لم تفوق كاملا

اتجه حلمي اليها للتأكد من مؤشراتها الحيويه والاطمئنان عليها

بعد الاطمئنان عليها حم حم حلمي بعمليه وبصوت هادي ورزين: حمد الله على السلامه

قمر بعيون شبه مغلقه: الله يسلمك انا فين

حلمي بتردد: انتي في المستشفى

قمر بتعب: مستشفى ايه

حلمي بهدوء: ارتاحي يا مدام ولما تفوقي كاملا نتكلم

خرج حلمي بهدوء وتناول هاتفه

ايوه يا شاكر بيه

شاكر بتذكر وكأنه نسي الموضوع من الأساس: ايوه يا حلمي خير

حلمي: البنت فاقت

شاكر قام مفزوع: إيه متأكد ولا تخمين

حلمي : لا يا شاكر بيه فاقت وانا بنفسي اطمنت عليها وعلى مؤشراتها الحيويه وكلها تمام

شاكر بقلق : طيب تمام خليها تحت عينك وانا هاشوف الدنيا الأول

حلمي: طيب تمام مع السلامه

أغلق شاكر المكالمه واتصل بأشرف

شاكر بفزع: ايوه يا اشرف انتا فين

اشرف بقلق : في المكتب خير يا باشا

شاكر برعب: البنت اللي في المستشفى فاقت

اشرف بهدوء: طيب وايه المشكله ما كل داه كان متوقع

شاكر بعصبيه: يعني ايه انتا قولت لو البنت دي ظهرت هانروح كلنا في داهيه

اشرف يهدوء: اهدا يا باشا اولا حضرتك هاتروحلها وتتفاوض معاها لو قبلت تمام لو رفضت انا هاتصرف

شاكر بنفذ صبر: هاتتصرف ازاي فهمني

اشرف ببرود: ولا حاجه حاليا هي قدام القانون ميته يعني كده او كده محدش هايدور عليها لو قبلت التفاوض هانسفرها اي بلد وتكمل حياتها عادي ولو اصرت ترجع لأهلها تقولهم بقى ان الولد اللي خطفها كان مخبيها وعمل الفيلم داه كله وكده او كده سيد مات

شاكر : ولو رفضت

اشرف: زي ما قولتلك هي قدام القانون ميته يعني محدش هايدور هانرميها في اي مصحه أمراض عقليه ببيانات مزوره ودي عندي ولا مش شاف ولا من دري

شاكر: يا شيخ يخربيتك داه انتا الشيطان يضربلك تعظيم سلام

اشرف بضحكه عاليه: هههه في الخدمه يا باشا

شاكر بإطمئنان: انا هاروحلها اخر اليوم وهابلغك

في المساء توجه شاكر إلى المستشفى الخاص به وصعد مباشرة إلى قمر وجد دكتور حلمى

شاكر: ازيك يا دكتور

حلمي: تمام الحمد لله

شاكر :طمني حالتها إيه دلوقتي

حلمي: احسن فاقت بس لسه طبعا الجبس والكسور محتاجه وقت كبير لحد ما تلتئم والجروح والحروق محتاجه تجميل لأنها الأكيد هتسيب أثر

شاكر بتفهم: تمام ينفع اتكلم معاها ولا ايه

حلمي: اه ممكن هي فايقه وبقت كويسه

اكتفى شاكر بهز رأسه وتحرك في اتجاه الاوضه

خبط شاكر على باب الاوضه ثم دخل مباشرة

قمر بصتله بحده ولكن لم تنطق

شاكر بتنحنحه في محاوله لإجلاء صوته: ازيك يا مدام قمر

قمر على نفس وضعها دون التفوه بكلمه

شاكر : حمد الله على السلامة

قمر بحده ونظره ناريه تكاد تحرق الأخضر واليابس: انتا مين

شاكر: انا واحد جاي في مصلحه ليك

قمر: هات اللي عندك مره واحده

شاكر بذهول من قوة قمر بالرغم من الحاله التي عليها:

انا عارف ان اللي حصلك مش سهل وعارف ان جواكي نار بس الإنتقام طريقه وحش مش هايفيد حد محدش بيقدر يرجع الزمن اختاري التعويض اللي يناسبك وانا تحت امرك

قمر بحده: روح وحياه اللي عمل كده هي التعويض الوحيد

شاكر بمراوغه: لو مات مش هتستفيدي حاجه حاولي تنسي وكأنه حلم ومر والرقم اللي هاتطلبيه هتاخدي ضعفه

قمر بحده ونظره لو كانت نار لاحرقت شاكر حيا وجعلت منه رمادا: يقربلك ايه اصلك مش هاتتكلم بالثقه دي الا لو كان حد قريب منك اوي

شاكر متصنع البرود: ولو هايفرق في ايه النتيجه واحده

قمر بصوت عالي: اقسم بالله العظيم لخليكم تشوفو الجحيم على الارض وحق رقدتي دي لاخليه يرقد تحت التراب وحق شرفي وعرضي اللي كلب سعران نهشه بدون حق لانهش من لحمه لحد ما اخلي روحه تطلع من جسمه ولاخليه يشوف الجحيم على الأرض

شاكر حس بالزعر من قوة قمر وقال لنفسه: المفروض واحده في مكانها كانت انهارت او دخلت في اكتئاب او ممكن توصل للجنون البنت دي مصنوعه من إيه

شاكر غصبه خانه وبصوت عالي: متخلقش على وش الارض اللي يهدد ابن شاكر السالمي وانا على وش الدنيا انا عملت اللي عليا وللأسف واحده زيك كانت اغبى مما يتخيل حد عايشه ورا شعارات مبتأكلش عيش فوقي يا مدام انا كفيل بمكالمة امحيكي انتى وأهلك من على وش الدنيا.

قمر بغصب جحيمي: لو راجل بجد اعمل كده وشوف اهلي هيعملوا فيك إيه غير اللي هاتشوفه انتا وأهلك على أيدي طال الزمن او قصر حقي جاي جاي روح اشتري بالفلوس اللي بتعرضها عليا رجوله ليك اصل اللي زيك دمه بارد متلاقيش عنده لا نخوه ولا رجوله الشرف عندك ممكن يتباع قصاد صفقه ولا بيزنس

شاكر بصدمه : افتكري كلامي داه كويس

قمر بنظره احتقار: خليك فاكر كلامي علشان هتحتاجه طال الزمن او قصر

خرج شاكر بعصبيه ورزع باب الغرفه بطريقه مفزعه

وحاول تمالك اعصابه التي تلفت من مقابله قمر وقوة شخصيتها التي تبعث الرهبه في النفوس

شاكر: ايوه يا اشرف الزفت

اشرف: خير يا باشا

شاكر : مش خير البنت دي ناويه على الشر دي متكسره ومفيهاش حته سليمه وعليها جبروت يرعب اتصرف يا أشرف وخلصني من الموضوع داه

اشرف: يعني اتفق وانفذ مع المصحه

شاكر بتذكر لقوة قمر: ايوه ايوه نفذ وفي اقرب وقت

أشرف: تمام اقل من 24 ساعه ونكون خلصنا منها للأبد

دكتور حلمي: طمني يا شاكر بيه عملت إيه

اتنهد شاكر بخنقه: ولا حاجه إيه داه انا مشفتش قي حياتي جبروت كده دي بتهددني عيني عينك ولا حتى اترفلها جفن

حلمى : معاها حق يا شاكر بيه اللي اتعرضت ليه مكانش قليل وكمان الناس دي شرفها خط أحمر يعني بحر دم ملهوش اول من آخر

شاكر بمعارضه: خلاص واللي حصل حصل قولتلها هاعوضك والمبلغ اللي تطلبه إيه اروح اموت ابني علشان ترتاح

حلمي: لا يا شاكر بيه بس الناس دي ولا كنوز الدنيا تفرق معاها للأسف الماديات مش اساس الناس دي خالص

شاكر: طيب يا حلمي عايزها طول اليوم متخدره مش عايزها فايقه لحد ما افكر هاتصرف ازاي

حلمي: بس داه غلط دي فايقه من غيبوبه

شاكر بزعيق: اسمع اللي قولتلك عليه هما يومين 3 اشوف هاتصرف ازاي

حلمي بطاعه: اللي تؤمر بيه يا شاكر بيه

واتحرك شاكر وهو في قمة غضبه

اما في غرفة قمر فهي تفكر في كيفيه الخروج من هنا فهي أصرت على استفزاز شاكر لمعرفة هويته وهوية مغتصبها

قمر لنفسها: اللي جاي جحيم يحرق الأخضر واليابس ياتري حصلكم ايه ياترى يا محمد هلاقي عايش ولا لاء ياترى حمزه حصله ايه الأول اخرج من هنا واطمن عليهم والباقي جاي جاي اهدي يا قمر وحاولي تركزي علشان تقدري تخرجي من تحت انيابهم وتجبيهم تحت رجلك

دخلت الممرضه بهدوء : حمد الله على السلامة وقامت بوضع بعض الحقن حسب وصف دكتور حلمي في المحلول المغذي لقمر وما هي إلا دقائق قليله وذهبت قمر في النوم اثر المنوم الذي حقنت به

خرجت الممرضه بعد ان تأكدت ان قمر ذهبت في النوم

حلمي بلهفه: ها طمنيني

الممرضه: تمام يا دكتور نامت

حلمي: طيب كويس تقدري انتي تروحي تشوفي شغلك

حلمي بتفكير: ياترى يا شاكر ناوي على ايه شكلك ميبشرش بالخير يلا ربنا يستر ويتولاها

قام حلمي بالاتصال بشاكر

حلمي : ايوه يا شاكر بيه كله تمام البنت دلوقتي مخدره زي ما طلبت

شاكر بحده: تمام خليها على كده لحد ما اقولك هانعمل ايه

حلمي بطاعه: تمام زي ما تحب مع السلامه

واغلقت المكالمه

اتصل شاكر بأشرف

شاكر: ايوه يا اشرف عملت ايه

اشرف: كله تمام كلمت مصحه بتاع دكتور عادل الزيات وهانقلها على بالليل

شاكر: المصحه دي أمان

اشرف بضحكه: عيب يا باشا المصحه دي في قلب الصحرا يعني لو فكرت تهرب هتموت في قلب الصحرا

يعني هتبقى سجنها مدى الحياه واتفقت معاه يظبطها

شاكر بإستفهام : ازاي؟

اشرف: يعني جلسات كهربا مكثفه خلال شهر ولا شهرين تفقد عقلها وتبقى مجنونه رسمي وكده او كده محدش هايصدقها

شاكر بضحه: كل يوم بتبهرني بيك يا أشرف تمام نفذ انهارده ومش محتاج أكد عليك كله في سريه

اشرف بخبث: عيب ياباشا

شاكر بإطمئنان: متأكد من داه بس حبيت بس افكرك

اشرف متقلقش ياباشا انا مظبط كل حاجه مبحبش اسيب حاجه للظروف

شاكر: وداه اللي انا متأكد منه

وانتهى حديث الشياطين وغافلين عن رب السموات انه مطلع على كل ما كان من الإنسان