رواية عشق الحياه – الفصل الرابع
عاصم قال… عشان كنت عايز اجيبلك اللي عايزاه انا بتضايق لما تطلبي حاجه وما اعرفش اجيبها مش بحب تنقصك حاجه
حياه كانت بتبصله وقالت بحزن… دلوقتي خلاص مش هتعرف تجيبلي حاجه هينقصني كتير وانت مش معايا انت هتتجوز واحده هتقعد معاها وتنام معاها حتى الفلوس اللي هتجيبها هتصرفها عليها هي ما هتخليكش حتى تشوفنا
عاصم قال… تعرفي انا لو جبت الدنيا دي كلها مش هتخليني اسيبك وابعد عنك عنك او انساكى ابدا ابدا هفضل معاكي طول العمر مش انتى كنتى تقوليلي انت كتفي وظهري خلاص ايه اللي هيتغير لما اتجوزه
حياه قالت…. مسكه ايدك وانت بتعديني الشارع دي مش هتبقى من حقي بس حمحمت بحرج وقالت… قصدي يعني ان مراتك هتغير بس انا وصلت عن اذنك ومشيت عاصم اتنهد بضيق وراح على الشغل وبعد وقت
عاصم كان تحت العربيه وقال.. يلا يابنى
زميله اداله مفك وقال… خد يا اسطى اي خدمه تانيه
عاصم قال… تسلم ايدك وطلع وقال… انا هروح اجيب حياه من المدرسه خلي بالك على الورشه لحد اما ارجع
صاحبه قال… عينيا بس خليك انت في الورشه واروح انا اجيب حياه واوصلها البيت على المكنه بتاعتي
عاصم قال بغضب… ولا انعدل ياض لاعدلك
قال.. الله احنا قلنا حاجه
عاصم قال.. ما تقولش حاجه اكتم وراح على المدرسه بس شاف حياه واقفه في الزاويه وبتبكي راح عندها بسرعه
وقال… مالك فى ايه ايه اللي حصل
حياه قالت وهى بتبكى… عمر ضايقني في المدرسه كنت رايحه الحمام وخوفني قوي ماسكنى والمدرسه جات بعدته منى
عاصم قال.. عملك حاجه يا بنت اذاكى عملك حاجه انتى كويسه
حياه قالت… معملش انا كويسه بس خفت قوي
عاصم قال… تعالي معايا هنروح مكتب المديره ده ونشوف
حياه قالت… انا مش عايزه اعمل هيصه هنا في المدرسه كفايه فضايح
عاصم قال بغضب… فضايح الفضايح كلها هنا تعالي وراحو عند المديره وقال بغضب… ازاي يحصل حاجه زي كده في مدرسه زي دي انا دافعلكم قد كده في الشهر علشان يتحرش بيها وحضراتكم هنا
المديره قالت… اهدى يا استاذ لو سمحت احنا مسكنا الولد وهنعاقبه اكيد وبعتنا لولى امره
عاصم قال… بلا اولياء بلا زفت ازاي تحصل حاجه زي كده ازاي ما فيش امن على الحمام طب ايه رايكم بقى ان انا هروح اقدم فيكوا شكوى
المديره قالت… اهدى يا استاذ اهدى لو سمحت حضرتك الموضوع مش مستاهل والست اللي بتنضف الحمام لما شافته جات ونادت الاستاذه وطلعناها من هناك دى بس محاوله ما حصلش حاجه حصل خير
عاصم قال… اه طب بالنسبهلك انتى لا مؤاخذه بس بالنسبالي انا المحاوله دي لوحدها كفايه انا هتصرف وطلع من المكتب
وقال… فين الولد
حياه قالت… بلاش جنان خلاص
عاصم قال… فين الولد انا مش هضربه انا هفهمه غلط بس
حياه قالت.. لا يا عاصم انا عارفاك
عاصم قال…. هو اللي هناك بيبصلك ده وراح عنده
وقال… انت عمر
الفصل التالي اضغط هنا
يتبع.. (رواية عشق الحياه) اضغط على اسم الرواية لتجد الفهرس كاملاً بجميع الفصول.