رواية دوامة العشق الفصل الثاني 2 – بقلم جيجي

رواية دوامة العشق – الفصل الثاني

البارت التانى…. سليم قال… يا نهار اسود حاول تلحقها ووديها المستشفى وانا هاجى طوالى وراح جرى على اوضة يا سين ولقاه قاعد على السرير بيقراء

سليم قال وهو بينهج … ياسين الحقنى

ياسين قال بضيق.. فى ايه

سليم قال… انا عملت مصيبه سودا

ياسين قال… طبعا انت هتعمل ايه يعنى هو انت بياجى من وراك غير المصايب يا جلاب المصايب والبلاوى

سليم قال.. انا بعت منى تجيب حاجه من السوق وقولت لراشد يرميها من الجبل وهو عمل كدا وانا با فتش فى حاجتها لقيت قسيمه جواز باسمها هي ورضوان يعني طلعت مرته يا ياسين انا والله كلمت راشد اقولو ارجع قال خلاص نفذ و بس يا سين قاطعه

وقال بصدمه… قتلتها قتلت البت يا سليم

سليم قال… ما كنتش اعرف انها مرتو والله

ياسين قال بغضب … وحتى لو ما كانتش مرتو دى روح برضك انت كيف تعمل حاجه زى دى وكيف عملت كده من راسك هو ده الحل اللي قلت هحله جاك حل وسطك يا بعيد

سليم قال… مش وقته دلوك يا ياسين اهدى تعال خلينا نروح نشوف البت عايشه ولا لاه

ياسين قال… طب ورضوان هنقولو

سليم قال بسرعه… لا مش دلوك يلا و راحوا سوا المستشفى

سليم قال لراشد… لسه عايشه يا رشد مش كده

راشد قال بخوف… انا رميت العربيه كيف ما انت قلت مشيت شويه ولما انت قلتلي رجعت وقعدت ازعق والناس اتلمت بس هى اتخبطت فى راسها وكانت بتنزف كثير يا بيه ما عرفتش ايه حصلها الدكتور لساها جوه

ياسين قال بغضب… انت كيف تسمع كلام سليم وما تجيش تقولي على المصيبه دى قبل ما تعملها يا جالوس الطين انت مش عارفه ده حمار فى صورة بنى ادم

راشد قال… لا يا بيه انا سليم بيه هو اللي قالي انتو عايزين تشيلوهالي ولا ايه

بس ياسين قال… اطلع بره انا هشيلك كفنك دلوكتي وبص لسليم وقال…. احنا نقول لرضوان احسن او عمى

سليم قال… اه هنقولهم الناس اتصلوا بينا

يا سين قال… منك لله يا اخى اسكت خالص انا مش عايزه اسمع حسك

وجات الدكتوره وقالت… مين تبع المريضه اللي جوه في حد من اهلها

يا سين قال… احنا حضرتك بس هي ما عندهاش حد هى يتيمه

سليم قال… اه هي خدامه عندنا هي ماتت

الدكتوره قالت… لا بس هي عندها فقدان ذاكره يعنى مش هتفتكر حد دلوقتى بس هى هتبقى كويسه ان شاء الله مع الوقت

سليم قال… طب احنا كده هنحتاج خدامه تانيه يا سين بصله بغيظ قال.. قصدي يعني عشان تخدم عشان هي تعبانه

ياسين قال.. طب حضرتك يعني هى مش هتفتكر حاجه خالص

الدكتوره قالت….. احتمال مع الوقت لو رجعت البيت وشافت نفس الناس وكده احتمال تفتكر ان شاء الله بس كدا فى مسؤليه على المستشفى لازم هنبلغ البوليس

سليم قال… طبعا طبعا تبلغي ما تبلغيش ليه احنا بس عايزينك في نصايه كده اتفضلي معايا

يا سين قال… سليم انت رايح فين بالدكتوره

سليم قال… هظبط الدنيا عشان ما تبلغش البوليس ونتسوح

ياسين قال بهمس… مع الدكتوره

سليم قال… لا يعني هشوف لو هتاخد فلوس ولا هتاخد حاجه انت على طول مخك رايح شمال كده

ياسين قال… وانا هرن على عمى واقوله سليم مشى مع الدكتوره وياسين اتصل على عمه وقال… ايوه يا عمي الواد راشد كان مع منى بيجيبوا حاجات من السوق وعملوا حادثه احنا اصلا كنا بره البيت ولما قالولنا جينا على طول ما جبناش فلوس كتيره ابقى هات فلوس وتعالى وقول لرضوان يحصلنا وهات معاك امي ولا رقيه عشان تساعدها اصل هي تعبانه وقفل معاه عند عمه

جات حسنه مراته وقالت… ايه في ايه

حسين قال… تعالي يا حسنه معايا هنروح المستشفى بسرعه البنت منى كانت رايحه السوق هي وراشد وعملوا حادثه بالعربيه وبس

رضوان قال بصدمه… مين في المستشفى منى مين

حسين قال… منى يا ولدي الخدامه بتاعتنا بس رضوان وقف بصدمه ودموعه نزلت حسين قال.. واد يا رضوان رضوان انت ما بتردش ليه ياض

رضوان قال… انهى مستشفى يا عمى

حسين قال… المستشفى الكبيره بتاعت البلد رضوان جرى بسرعه ودموعه بتنزل بغزاره لدرجة انو مكانش شايف اى حاجه وركب العربيه ومشى بسرعه وهو بيمسح دموعه ويفكر فى منى وبيدعى… يارب لاه والنبى انا ماليش غيرك يارب متخدهاش منى انا صح غلطت بس ما تعاقبنيش فيها وقال بخنقه.. ياااااارب يااارب وصل المستشفى والمرضه قالت…. لو سمحت انت ما ينفعش تدخل دلوقتي بس رضوان كان مكمل قالت..يا فندم بقولك حضرتك مش هينفع تدخل دلوقتي المريضه تعبانه لسه فايقه اهدى لو سمحت بس رضوان زق الممرضه ودخل ومنى كانت نايمه على السرير قعد جنبها وحط ايده على شعرها

وقال بدموع… منى منى حبيبتي قومي انتى زينه يا منى ردى عليا يا قلبى

منى قالت.. انت مين

رضوان بصلها بصدمه وقال… صلي على النبي كده انا انا رضوان

منى قالت… رضوان مين

رضوان قال…. انا رضوان انتى مش فكرانى ولا ايه

منى قالت بدموع… خالص انا مش فاكراك مش فاكره حاجه خالص بس دخل ياسين مع الممرضه والدكتوره

رضوان قال… منى ما فاكرانيش مالها ايه اللى حصل شوفيها مالها بس ياسين طلع بيه

وقال… بص عايزك تهدى كده وصلي على النبي البت اتخبطت في دماغها ما فكراش حد ولا تعرف حد فقدت الذاكره

رضوان قال رافض يستوعب… فقدت الذاكره يعني ايه نسيتنى انا ازاى تنسانى انا لا ما ينفعش واصل تنسانى

سليم قال… اهو عشان ما تصدقهاش لما تقولك انا بحبك اهى نسيتك اول واحد

ياسين قال… سليم اطلع اقعد بره بره سليم نزل بس شاف رقيه وشيماء طالعين راح عند هم

رقيه قالت بخوف… ايه حصلها هى زينه

سليم قال… لسه عايشه بس نسيتنا وبص لشيماء وقال والله ما خابرش اقولك حظك حلو لانى مش فاضي اقابلك من ساعه ما جيتي ولا اقول وشك وحش وداخله علينا داخله زي الزفت

شيماء قالت.. قال يعني زعلان على وضعها والزعل مقطع بعضه معاك ما تعملش في نفسك كده قلبك حنين يا ولد الجبالى عند رضوان كان قاعد على الكرسي وحاطط ايديه على دماغه ودموعه بتنزل

ياسين قال… وحد الله ما تعملش في نفسك كده

رضوان قال…. مش فاكراني انا دخلت جوه اقف معاها مشيتني يعني في الوضع ده المفروض ان انا اكون جنبها واساعدها بس هى مش عارفاني خلاص راحت منى وبقى يبكى

ياسين قال…. وحد الله انت راجل مؤمن ما تزعلش ادعيلها ربنا ان شاء الله هيرد لها مخها وتفتكر

رضوان قال…. ما بينلهاش يا ياسين

ياسين قال… لا حول ولا قوه الا بالله طب ما تبكيش وجعتلي قلبي معاك يلعن الحب على اللي بيحبوه

رضوان قال…. انت اكتر واحد هتفهمنى انت جربته قبل كده ان حبك يروح منك

ياسين قال… لا انت ما جربتش اللي انا جربته يا ريت كانت عاليا لساها عايشه يا ريت تبقي قاعده قدامى ومش فاكرانى على الاقل هتبقى قدامي اتطمن عليها تعرف عليا لو كانت عايشه وتطلقت منى واتجوزت واحد ثاني بس كانت عايشه مبسوطه معاه كان احسن لكن راحت وراحت ايامها لاكن لا انا شايفها ولا حتى سامع حسها حاجه توجع القلب الحمد لله انك ما جربتهاش قول الحمد لله على كده في امل على الاقل تخف وتفتكرك رقيه وشيماء كان واقفين وراهم رقيه كانت سمعاه

وقالت بوجع.. دى عدالها زمن الايام دي لساك مش قادر تنسى

ياسين بصلها وقال… ما بيتنسيش يا بنت عمي اللى فى القلب ما بيتنسيش وبص لرضوان وقال… اللي في العقل هو اللي بيتنسى بس اللي في القلب عمره ما بيتنسى يا رضوان الواحد لما يفقد الذاكره ينسى اللى فى عقله بس اللي في القلب ما بيتنسيش وهى بتحبك بقلبها مش هتفتكرك بس هتحس بيك وقضو اليوم في المستشفى مع منى بالليل كانو الشباب فى اوضتهم ورضوان رايح جاى

سليم قال….. ما تقعد يا اض قاعد رايح جاي كيف الزنانه في ايه معاك

رضوان قال… عايز اروح اسأل عليها وخايف مرت عمي تكون هناك

ياسين قال… بص انا هروح أشوفلك الدنيا هناك واقولك وراح الاوضه لقى شيماء ورقيه قاعدين مع منى

قال…. السلام عليكم

شيماء قالت… وعليكم السلام ورقيه ما ردتش عليه وراحت عند البلكونه

ياسين قال… كيفك يا منى اخبارك ايه

منى قالت… زينه الحمد لله

ياسين قال… في حاجه بتوجعك

منى قالت.. لا اخدت الدوا وبقيت زينه الحمد لله

ياسين قال… الحمد لله دقيقه بس وراح ورا رقيه البلكونه وقال… ممكن اعرف ما بتكلمنيش من الصبح ليه رقيه بصتله واتنهدت ولفت وشها الناحيه الثانيه

قال بضيق… يمكن حاجه مزعلاكى بره البيت ولا لساكى زعلانه منى يا بت طب حقك عليا طيب ما تزعليش رقيه بصتله وكانت عايزه تكلمه بس مردتش عليه زى ما وصيفه قالتلها ياسين قال بضيق… اوف منك عنك ما تحدتى خليكى كده اتفلقى وطلع راح اوضتهم

وقال…. روح هى مش هناك انا رحت اتطمنت اخلص

رضوان قال… يلا جري وراح على اوضت منى

وياسين مسك ايد سليم وقال… انا عايزك استنى انا سكت دلوك عشان اخوك بس انا ليه حديت وقت تانى معاك يا سليم على اللي انت عملته ده وبالنسبه لموضوع الجواز مش هنتحدت فيه دلوك بعدين عشان هيقول عرفته ازاى وكده هيعرف

سليم قال… ما يعرف ان احنا ورا الموضوع انا ما كنتش اعرف انها مرتو عادى

ياسين قال بغضب… انت ياض كيف با رد كده ولا كانك عامل حاجه واقف عادي وليك عين تتحدت

سليم قال… يا ابني اللي انا عملته ده دلوكتي احسن حاجه حصلت في الحياه احنا مش كنا عايزينها تنساه وتطلعه من راسها اهي نسيته خالص

ياسين قال… احنا كنا عايزين هو اللي ينساها ويطلعها من قلبه كده هو زعلان وبيتعذب

سليم قال… طب ايه خلاص اطلعه بكرا مع راشد

ياسين بصله بغيظ وقال… انت جايلك نفس تهزر

سليم قال… عايزنى اعمل ايه واحده طمعانه فيه وقاعده تزن على راسه حته خدامه لا راحت ولا جات وعماله تقولو اتجوزني اتجوزني اكلت راس الواد وخلته اتجوزها وصارف فلوسنا عليها وطالع بالسلسله ودخل بخاتم ونازل بخلخال والله اعلم نايم بايه لما السلسله عشان تطلع للسطح امال لما تروح الاوضه بتاخد ايه وانت قاعد ولا عامل حاجه في دنيتك اهي نسيته كده ريحت

ياسين قال.. لاخر مره هقول… اللي في القلب ما بيتنسيش قلتها مره وهرجع اقولهالك

سليم ضحك وقال… ده لما يسيبولها مجال روح روح نام انت هتشوف اللعب على اصوله دلوك ونام

ياسين قال… هتهبب ايه تانى

سليم قال… انا ماعملتش اولانى انا بس بسخن انا حذرتها وما بعدتش خلاص تستاهل ونام ياسين قال… ربنا يهديك

فى صباح يوم جديد كان ياسين فى اوضته بيدور ونادى وقال… رقيه انتى يا بت جات

رقيه وقالت… انت بتندهنى يا ياسين

ياسين قال… اه فين جلابيتى اللى ادتهالك تكويها مع الهدوم مش لاقيها

رقيه بلعت ريقها بارتباك لانها ادتها لوصيفه وقالت… اه ما خبراش هتكون هنه وياهم دور زين

ياسين قال… دورت ما لقيتهاش وسط الجلاليب

رقيه قالت… خلاص البس حاجه تانيه ما انت عندك هدوم ياماه ما جاتش على دى يعنى

ياسين قال… تبقى قطعتى الجلابيه وانتى بتكويها وتاوتيها عشان ما اشوفهاش صوح

رقيه قالت… هو ايوه انا عملت كده

ياسين ابتسم وقال… وبتخبى ليه عادى فداكى يا غاليه ولا يهمك يلا عشان اوديكى مدرستك يلا البسى رقيه مشيت بسرعه وباليل كان ياسين رايح اوضته بس شاف سليم عند منى

وبيقول… امم زى ما بقولك كده ربنا يهديه عاد هنعمل ايه بس ياسين قال بغضب… سليم خد اهنه تعال عايزك وراح الاوضه وقفل الباب

وقال…. هتعمل ايه تاني انت كل ما بتقول هحل بتعقد عقد اكتر من المره اللي قبلها

سليم قال… اهدى بس انت وسيبلي نفسك خالص وسيب الموضوع ده عليا انى عند رضوان كان فى اوضه منى وكان قاعد على السرير جنبها وشيماء ورقيه واقفين في البلكونه بعيد سايبين لهم الجو خالي

رضوان قال… كيفك يا منى حاسه بايه

منى بصتله وقالت…. كيفك انت

رضوان قال بفرحه… انتى افتكرتيني

منى قالت… هو لا انا ما فتكرتكش بس انا اللي موجوعه مش زعلانه قد ما انت زعلان الزعل باين في عينيك سمعاهم بيقولوا انك ما اكلتش حاجه من امبارح زعلان عليا للدرجه دى

رضوان قال… قوى زعلان عليكى يا منى زعلان عليكى قوي قلبى بيتقطع من نومتك فى السرير دى يا ريتني انا ولا انتى يا منى

منى قالت…. ياه للدرجه دي كده انا مش قريبتك عشان كل الزعل ده

رضوان قال… يا منى انتى صاحبتي احنا كنا اصحاب قوي يعني

منى قالت… ما تزعلش انا الحمد لله زينه ودلوقتي هقوم وهبقى زي الفل يا صاحبى طب انت بتدمع ليه دلوكتي

رضوان قال بدموع…. فكرت اني مش هشوفك تاني لما قالولى على الحادث فكرت انك روحتى مني احساس انك روحتي منى وان انا مش هشوفك تاني كان بيوجع بيوجع قوي كيف كسر الضلوع بالظبط حسيت كيف ما يكون ضلوعى كلها اتكسرت بس دخل سليم

وقال…. السلام عليكم رضوان مسح دموعه

ومنى ابتسمت وقالت… سليم كيفك

رضوان قال بغيره… انتى فاكره سليم

منى قالت… ايوه انا فاكراه ده انا اول ما فتحت عيني في المستشفى كان واقف جنبي دلوك كان معاى واخوه نادالو

سليم مسك ايدها وقال… طبعا كنت كنت جمبك معقول ما ابقاش جارك دا انتى حبيبتنا الغاليه

منى قالت… انت متأكد ان انا كنت خدامه عندكم

سليم قال… بصراحه لا في حاجه اكبر انتى مكانتك عندينا غير انتى غاليه علينا كلنا وقرب قعد على طرف السرير وقال… ده انتى في حته لوحدك رضوان كان بيبصله بغيظ

وقال… في حاجه يا حبيبى

سليم قال بارتباك…. ها لا ما فيش حاجه انا بتكلم مع منى بس رضوان مسكه من قفاه طلعه بره الاوضه

وقال… هموتك بيدى يا واطى

ياسين جيه وقال… ايه فى ايه

رضوان قال… شفت اخوك بيعمل ايه قاعد يسبل للبت

سليم قال… انا كنت بقول للبت حمد لله على السلامه

رضوان قال… جاتك البلا يامين عظيم يا سليم لو اتكلمت معاها كده تانى انت الحر ومشى

ياسين خده الاوضه وقال… حبيبي معلش اللي انا استنتجته غلط انت مش هتعمل كده صوح

سليم قال بثقه… هخليها تحبني بما ان مخها فاضي ووحيده ورضوان لما يلاقيها بتحبني مش هتلزمه تانى وانا متقلقش مستحيل احبها ولا اتعلق بيها لانها خدامه

ياسين قال… انت جنس ملت اهل امك ايه ها انت كيف انا انا انا هنام ليه هنام عشان انا مخي فصل مش جايب اي حاجه دلوكتي لينا كلام في اللي انت بتعمله ده يا سليم لانى لو حدتتك دلوك هموتك بيدى

سليم قال بلامبالاه …نام ونام على السرير وبقى يكلم واحده وقال.. حبيبه قلبي انتى اه وبعدين فى بعدك ده ها وبعدين

ياسين قال… يطلعو جنازتك نفرين يا بعيد في صباح يوم جديد كانوا قاعدين كلهم على سفره الفطار

وحسنه قالت… يا جماعه واحده تطلع تودي لمنى الاكل

رضوان قال…. هاتي هاتي يا اما حسنه انا هطلع

حسنه قالت… لا خليك انت يا رضوى

سليم قال… ما تجيبيهولي انا اطلعهولها يا حسنه

حسنه قالت… سليم ما تستغلش عقل البنت وانها مش فاكره ها بدل ما اقول لعمك وخليه هو يلمك خليكم اطفحو هطلعه انا

سليم قال… طب عمي مش هيطفح معانا قصدي مش هياكل معانا

حسنه قالت… طلع بره جاتكم البلا

سليم قال… صباح الخير يا شيماء يارب تكوني مبسوطه عندي

شيماء قالت بخوف مصطنع…. ما تتكلمش معايا والنبي انا بخاف منك

سليم قال… شاطره بس تعرفي والله العظيم امبارح انا على دقيقه واحده كنت هصدقك

شيماء قالت… قلتلك يا رقيه ما نزلش اكل معاكم تحت قولتلي انزل وانتى معايا

رقيه قالت… خليه يفتح خشمه معاكي تاني لو دكر خليه يعملها

ياسين ضحك وقال… قالت لودكر

سليم قال… انا مش دكر انا راجل

رقيه قالت بتحدى… لو راجل يتكلم

سليم قال… انا مش راجل انا اسد

رقيه قالت… لو اسد كلمها

ياسين قال… اكتم عشان هنخلص من الاسد هنخش في السبع بعده نخش فى النمر مش هنخلص من الحيوانات

سليم قال… اصلا مش هكلمها

شيماء قالت… انت فكرني هخاف منك انت ما تقدرش تعمل حاجه انت اخرك تقطع الطريق زي الحراميه ما تقدرش تعمل حاجه قدام الكل

سليم قال… عشان الحاجات اللي انا بعملها ما ينفعش تتعامل قدام الناس عيب خادشه الحياء

شيماء قالت… انا طالعه اوضتي ومشيت وكلهم كمان مشيو على مشاغلهم سليم طلع وراها ودخل قفل الباب

شيماء بصتله بخضه… وقالت انت بتعمل ايه هنا

سليم قال…. اهدى احنا لسه حسابنا طويل طويل قوي رقيه وياسين راحو المدرسه وحسنه مع منى ورضوان راح على الارض وانا عجبتنى قوى التهمه اللي جيتي فيها ما عنديش مشكله تتهمينى بس ما تبقاش باطله تبقى حقيقيه

الفصل التالي اضغط هنا

يتبع.. (رواية دوامة العشق) اضغط على اسم الرواية لتجد الفهرس كاملاً بجميع الفصول.