رواية فيروز الحسن – الفصل السادس
فاطمه…. ولد مين اللي في بطنك يا فيروز اكيد يعني مش ولد ولدي كلميني يا خاطيه ولد مين اللي عايزه تلبسيه لولدي بعد ما سلطتيه عليا وخليتيه ما طايقش عليكى كلمه روحتي قولتى لمرت سعد انو بيلوف عليكى اهو دلوكتى عايزه تتطلق هتاخد الاراضي اللي كانت مديهالو يشتغل فيها كل حاجه كانت مديهالو ورياست المجلس كمان يا اما يسافر معاها ويسيبنى انا لما جبتك هنا جبتك على اساس انك يتيمه ما لكيش حد يوقف في ضهرك هتبقي منكسره هعمل فيكى اللي انا عايزاه تعملى فيا كده
فيروز… فاجاتك صح على فكره عايزاكى تتفرجي عليا على فكره يا حماتي انتى ما بتحبيش ولدك لو بتحبيه ما تخليش اخوه يدخل على مرته ولدك طلع عارف يعني ايه جواز ويعني ايه خلفه بس كان خايف يتجوز ولا يخلف لحسن يجيب عيل يطلع زيو خايف يقولو عليه كيف ما انتم كنتم بتقولوا عليه خاف امه ما تعرفش تفهمو عارفه كان ممكن تقوليلي ولدي عندو ظروف ومحتاج ناس تقف جمبو ورب العزه كنت وقفت لاخر دقيقه في العمر كنت عاملته كيف ولدي مش جوزي كنت صبرت عليه لانى كنت محتاجاه وقت ما كنت محتاجه اي امل اتعلق بيه كنت حبيته وشفقت عليه من غير ما اشوفه لكن انتى خليتيني كرهته من غير ما اشوفه انا سليمه والمفروض اتجوز واحد سليم وده كان احد اقل حق عندي انو اتجوز واحد يحس بيا ويفهم بس خلاص ربنا رايدلى الخير مع حسن خلاص حسن كويس ما عندهوش السواد اللي في قلوب البشر اللي بره انا راضيه به وهعيش معاها بس بعيد عنك
فاطمه… انتى كمان عايزه تاخدي مني ولدي وعايزه تنسبيلو الواطى اللي انتى جايباه في بطنك داه يا خاطيه ما بقاش انا فاطمه انا نزلتهولك يا خاطيه يا فاجره
فيروز طلعت فوق تجرى بس فاطمه جريت وراها ومسكتها من شعرها وبقت تضربها فى بطنها بس فيروز جات تجرى فاطمه وقعت من على السلم وفضلت تتدحرج من على السلم لحد ما وقعت على الارض
فى اللحظه دى دخل حسن وقعد جمب امه وسعد كمان نزل على الصوت
حسن…. امي امي قومي ياما ما بتردش يا سعد ليه
سعد… امى ماتت يا حسن
حسن… يعني خلاص كده
سعد… ماتت يا حسن…..
بعد مرور شهر كانو حسن وفيروز قاعدين فى بيتهم القديم بتاع فيروز بس كان فيه اطفال كتير
حسن… شوفتى سعد قاعد مع مرته في مصر بقوله ما هتنزلش تاني قالى امك ومات خلاص مش بقولك ما يشدش حتى حزامي
فيروز…. ما بقاش في حد يشد دلوكتي شوفت عمي امبارح وانا في السوق شفتو قاعد بينظف في الشوارع وحفيظه مرتو بقيت شغاله خدامه هنه لو صانو الامانه مش كانو احسن
جات حفيظه
وقالت…. اتفضلة يا هانم العصير
فيروز.. شكرا
حسن… كل دي عيال سكنتيها في بيتكم قلبتيه ملجا يعني
فيروز… انا ساكنه معاك في بيتك من بعد امك ماتت يعني بقى فاضي علينا بيت عيلتي بدل ما يتقفل بقى سكن لاللي ما كانش ليهم بيت بدل ما الناس تاجى عليهم كيف ما جم عليا
حسن… بس ربنا نصرك في الاخر رجعتى سرايتك ومرت عمك بقت خدامه فيها وبقيتي ست السرايا بتاعتي انا كمان وست قلبى
فيروز… عشان اني صبرت وانت جايزتى على الصبر ده يا حسن انت وولدك اللي في بطني لولا كدا ما كنتش قابلتك وزمانى راضيه بالاهنانه اللى كانت عند عمى ربنا مرضاهاش وغير حالى للاحسن جاب الفرج من قلب المحنه فى حجات ما بنحبهاش وبتكون خير وحجات بنحبها وبتكون شر زى ما قال فى كتابه العزيز
( بسم الله الرحمان الرحيم )
(ۖ وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ ۖ وَعَسَىٰ أَن تُحِبُّوا شَيْئًا وَهُوَ شَرٌّ لَّكُمْ ۗ وَاللَّهُ يَعْلَمُ وَأَنتُمْ لَا تَعْلَمُون )
يتبع.. (رواية فيروز الحسن) اضغط على اسم الرواية لتجد الفهرس كاملاً بجميع الفصول.