رواية رهينة داخل قفص من ذهب – الفصل الرابع
٤…. مجد حاوط وسطها
وقال … انتى لسه مكسوفه منى ولا ايه بس بعده عن بعض بخضه على صوت ضرب نار محاوط المكان ريم مسكت فيه برعب
وقالت …ايه ده بوليس
مجد قال بزعيق …..اسكتي ده مش بوليس دول العصابه
ريم قالت …والعصابه جاريه وراك ليه مش انت منهم
مجد طلع السلاح وبقى يضرب عليهم من الشباك
وقال… لا انا مش منهم انا من عصابه تانيه دي عصابه خصم للعصابه اللي انا فيها رئيسها يعني واسكتي بقى خليني اعرف اتصرف
ريم قالت… يا حلاوه حضرتك متلاحق من اتنين من البوليس ومن العصابه
مجد بصلها وقال ….اه وفضل يضرب نار وبعدين اخدها من ايدها وجري بيها
وقال….تعرفي مكان ممكن اطلع منه من غير ما يشوفونا
ريم قالت…. لا ما عندناش طاقيه اخفاء هنا احنا مجد مسكها
وقال بضيق…. طب خليكي في ضهري تمام وبقى يضرب نار وطلع بسرعه وركبو العربيه ومشيوا بس العصابه فضلت ماشيه وراهم وتضرب عليهم نار
ريم نزلت تحت كرسي العربيه
وبقت تقول ….اشهد ان لا اله الا الله وأشهد ان محمدا رسول الله هنموت
مجد قال… تعالى اقعدي مكاني سوقي وانا اضرب عليهم نار بدل ما انتى قاعده تولولى تحت هنستفاد اكتر
ريم قالت بغيظ ….انا مش بولول انا بتشاهد بتشاهد يا كافر انت هتموت من غير الشهاده انشاء الله انا اسوق واضرب نار ليه حتى قلك عليا فاندام اقعد ساكت بقى
بعد شويه كانوا بعده عن العصابه شويه شويه لحد ما وصلوا مكان على البحر كوخ صغير جدا مجد وقف العربيه
وقال…. يلا انزلي ريم بصت للمكان
وقالت …انزل ليه
مجد قال…خلاص وصلنا يلا
ريم قالت…وصلنا فين هنقعد هنا مجد نزل
وقال…..اه هنفضل هنا علشان المكان هناك مش امان خلاص عرفوه
ريم قالت….. ايوه بس المكان اللي هناك ده مش بتاعك انت ده بتاع عادل يعني هو لما يروح هيلاقى الناس دى هناك وافرض قتلوه يعني
مجد بصلها بضيق وقال….. ايه خايفه عليه
ريم قالت ….لا مش مساله خايفه عليه يعني بس هو روح برده وبعدين هوا لسه مطلقنى يعني ممكن يتهموني فيه
مجد قال…. لا اتطمني حاليا نص مصر مطلق مش كل واحده تطلق هتقتل طليقها تمام واسكتى وسيبيني في المصيبه اللي انا فيها انا دلوقتي لازم اتكلم من التليفون واقول لمكرم يامن ماما انا مش هعرف ارجع من هنا ومافيش شبكه راضيه تلقط ممكن تسكتي بقى
ريم قالت ….اتكتمت اهو وبقوم يمشوا شويه
ريم قالت …هو مش مكرم ده مسيحي ولا انا بتهيالي
مجد قال….اه ليه يعني بتسالي
ريم قالت…. هو مش ده يعني انا كنت فاكراه اخوك اصلا
مجد قال…. لا هو صاحبي تمام صاحبي من زمان من واحنا صغيرين وانا مسلم والا ازاي اتجوزتك اقعدي ساكته بقى وبطلي زن
ريم قالت بنرفزه ….كل شويه تقولى اسكتي اسكتي طب انا عايزه اروح الحمام دلوقتي اروح فين مجد بصلها بطرف عينه وشاورلها على المكان
وقال…. مش لاقيه مكان تروحي فيه الحمام هنا انتى مش شايفه ان المكان حوالينا كله حمام روحي ورا الشجره دي حمام روحي ورا الشجره دى ولاقيلك حته متداريه وروحي فيها انا مال امي دلوقتي انا ممكن تسكتي بقى
ريم قالت…انا اروح ورى الشجره انت مش عارف انت بتكلم مين بعدين اسكتي اسكتي وخايف على امي انت لو كنت خايف على امك حقيقي ما كنتش تعمل كده ما كنتش تشتغل الشغله دي لان اللي في سكتك دول مستقبلهم على كف عفريت كل واحد بيكون في ايده العيشه الحلوه يتبطر عليها وهب تزول منه ويقعد زي حالاتك كده في الخوف قال امي قال بني ادم غبي مافيش في الكوخ ده حمام
مجد قال….طب والله كويس انك ناصحه وشفتى الكوخ وشفتى ان في حمام ما تروحي الكوخ وشوفي الحمام و المطبخ شوفي اي حاجه وحلي عني تمام
ريم قالت ….رايحه اصلا مش محتاجه مساعدتك ولا محتاجه اني اسالك ومشيت وهي بتقول …..منك لله الاهى يبتليك بمصيبه يا بعيد
بس قالت …ايه للى بقوله ده هي في مصيبه اكبر من دي انا كده هروح معاه مجد بص لطيفها بغيظ وطلع التليفون
وقال ايوه…. يا مكرم امن ماما العصابه طردتنا وسمع شويه وقال …لا لا احنا تمام احنا وصلنا اهوه الحمد لله سلام انت بس امن ماما تمام خليها عندك يلا سلام انا مش هتصل عليك تانى عشان ما يراقبوش التليفون وسمع شويه
وقال…. خلاص تمام وراح الكوخ عند ريم
وقال ….ريم انتى يا بنت روحتى
فين ريم قالت ….هنا هكون رحت فين يعني انا مستنياك تيجي تقعد معايا وقاعده مستنيه المصيبه الجديده اللى هتحط فيها بسبب حضرتك
مجد قال….انا مالي انا انتى اللي منحوسه ومن وقت ما جيتي جيتي بمصايبك اعملك ايه انا يوم فرحك تطب علينا كبسه وتسحلنا السحله دي
ريم قالت….انا فقريه انا من وقت ما دخلت حياتك فعلا حياتك خربت وطاردتك العصابه انت كنت ماشي في السليم وما كانش بيحصلك اي حاجه خالص لحد ما انا ظهرت في حياتك و انا اللي جيت واخترت اسيب رجاله الارض كلهم واخترت عادل عشان اخد بيته منه والفلوس واقعدله في البيت واقوله طلق مراتك وارجعلك فلوسك انا عملت ده كله وانت معملتش حاجه خالص فعلا انت عندك حق انت صح انا مش هتناقش معاك بجد والله انا هقولك صح عشان انت النقاش معاك مستحيل فعلا ما عندكش مخ عشان تتناقش بيه ولا بتفكر في الكلام اللي الناس بتقولهولك
مجد قال….انا عندي عقل على فكره وعقلي شغال اكتر منك لا ده يوزن بيكي ملايين كمان
ريم قالت…اه بجد معلش اعرف فين كان عقلك لما روحت زي الاهبل تخاطر بفلوسك قصاد فلوس عادل
طب عادل ده مجنون انت تلاعبوا على فلوس كتيره زي دي يعني لدرجه ان الواحد يفلس ويترمي في الشارع ليه عشان ايه
مجد قال…يمكن مثلا علشانك لاني عايزك وبعدين انا ما بخاطرش انا باخد انا عارف ان انا لما ادخل هاخد انا ما دخلتش مكان وخسرت عشان اخسر مع عادل انا اصلا شغال مع صاحب المكان يعني بتحدى الناس كده تحدي انه مين يقدر يغلبنى ونحط مبلغ ضخم للى يقدر يغلبنى بس ما فيش حد قدر يغلبنى فاكل الناس اللي في المكان تدخل علشان تلغبني الراجل اللي بيلف الترابيزه يكسبني البنت اللي بتلف الترابيزه كمان بتكسبنى وبنقسم الفلوس بالنص
ريم قالت بزهول….. ايه انت يا ابني انت بتنام امتى كل الشغل ده شغاله طيب يعني طب والفلوس اللي انت هترجعها لعادل دى هترجعهالو كامله ازاى مدام المكان اخد نصها
مجد قال….مين عادل اه عادل طليقك ده نسيته لا ده اخر همي يعني هديلو نص الفلوس عجبوه تمام ماعجبهوش عنو ماعجبكم يخبط دماغه فى الحيطه انا لا اديتله مستندات ولا اي حاجه خالص هو الفلوس اللي في جيبه خلصت ولعبنا على العربيه وكل حاجه وانا قلتله تلعب على اللي فاضل من املاكك عشان ترجع اللى انا اخدتوه منك لعب تانى عشان يرجعو انا مالى انا ذنبي ايه انا قلتله وهو حمار ولعب انا مش غبي تمام ومش بخاطر انا بس بشتغل انا ما عنديش وقت من شغل لشغل لشغل ما عنديش وقت للعب ومضيعه الوقت دى
ريم قالت…. طيب معلش طلما انت شغال ومشغول قوي للدرجه دي وما عندكش وقت لحد مالك بيا اعتقني لوجه الله سيبني امشي ارجوك
مجد قال بهدوء…. ما اقدرش انتى الاول كنتى عجباني كنت جايبك عشان انتى عجباني وعايزه اتسلى شويه معاكي انما انا دلوقتي ما اقدرش امشيكى انتى دخلتي في اللعبه يعني هما شافوكي العصابه فاكرين ان انتى مراتي كده يقتلوكى
ريم قالت….مالك بتقول بمبساط كده وكانك انت هتوديني اتفسح انت بالينى بلوه وقعتني في مصيبه منك لله
مجد قال… لا لا الحياه حلوه تمام وعايزين نعيشها ركزي معايا و خدي الموضوع بالسلاسه غمضي عينيك وعدى من واحد ل 10 هتلاقي الموضوع سهل يلا بقى خدي شاور كده وغيري الهدوم دي الفستان ده يعني وروحى حضريلى اكل باديكى الحلوين دول عشان انا جعان يلا بتبصيلي كده ليه
ريم قالت….حاضر تحب تاكل سمك ولا فراخ يعني وبصتله بحده وقالت…. فين الاكل اللي هحضرهولك انت بتذلني
مجد قال….اوف نسيت انا الموضوع ده نعمل ايه دلوقتي ناكل منين يعني بس تصدقي انتى جبتى الفكره وانتى قاعده تستظرفى زي الهبله كده انا عندى صناره صيد جوه هروح اصطاد بيها ونعمله على العشاء يلا تعالي معايا ايه رايك اعلمك تصطادي
ريم قالت …ايه انا اصتاط لا انا ما افهمش في الحاجات دي
مجد قال…. تعالي تعالي انا هعلمك انا فنان في الموضوع ده يلا تعالي
ريم قالت ….طيب في حاجه هنا تتلبس هنا غير الفستان ده انا مش عارفه اتحرك بيه
مجد قال…. اه شوفي افتحي الدولاب اللي هناك ده هتلاقي في هدوم ليا انا البسيلك منه قميص وتعالى
ريم قالت…. ما فيش حاجه تانى تنلبس زي الناس
مجد قال …لا للاسف والله ده اللي عندي
ريم قالت…طيب وراحت اخدت شاور ولبست قميص من عند مجد ونزلت ومجد كان قاعد على الشط وبيصطاد ريم قاعده جنبه
وقالت…اصطدت حاجه ولا لسه مجد بصلها ورفع حاجبو معاكسه
وقال …اوبا ليه بس كده تكرهي القميص فيا طب بذمتك هيرضى يلبسني تاني بعدك
مريم قالت …هو اللي هيلبسك انت اللي تايه ربنا يهديك انت اللي هتلبسه
مجد قال….لا ما هو انا لما اجي البسه مش هيرضى يتلبس يعني بعد ما يتلبس على الجسم ده يقبل يتلبس عليا
ريم قالت….لا مهو من رحمت ربنا ان الهدوم مش بتحس والا مفيش حاجه ترضى تتلبس عليك وخليك في اللي انت فيه وصتاد وبطل قله ادب انا جعانه
الفصل التالي اضغط هنا
يتبع.. (رواية رهينة داخل قفص من ذهب) اضغط على اسم الرواية لتجد الفهرس كاملاً بجميع الفصول.