رواية عشقي الوحيد – الفصل الثاني
ورضوى قالت….بت ايه وعايزك ايه انا مش فاهمه حاجه
مالك قال بحرج …يعنى بتغرينى عايزانى أخون بابا معاها فهمتى كده رضوى كانت بتبصله كأنها شايفه شبح وعيونها هيطلعو من مكانهم
ومالك قال…لا مش بس كده دلوقتى لما بابامات عايزانى اتجوزها وفى ايه بتبصيلى كده ليه
رضوى قالت…وانت كنت ساكت ازاى متقولش لأبوك مالك قعد على السرير بحزن
وقال…انا مكنتش ارجع غير اخر الليل بس أوقات كانت تاجينى وانا كنت بمشيها ومقدرتش أقول لبابا ليروح فيها وبقيت أحاول ابات بره كتير ودلوقتى بتقول يا اعمل الى هى عايزه وتدينى فلوسى ياأما تمشينى من البيت وتاخد الفلوس الى بقالى عمر اجمع فيها رضوى قعدت جمبه وحطت ايدها على كتفه
وقالت …متزعلش خلاص انشاء الله حقك هيرجعك بس انت كمان لازم تطالب بيه وتفضل وراه لان انت كده مش هتاخد حاجه
مالك بصلها وقال….ها وده ازاى يعنى
رضوى قالت…هنجهز المكان دلوقتى وتاخدلك نومه تريح وبكره نشوف هنعمل ايه
مالك بصلها وقال ….شكلك مألوف بالنسبالى هو انا شوفتك قبل كده
رضوى قالت بسرعه ….لا ماشوفتنيش وبقت تنضف الأوضه ومالك بقى يساعدها لحد ماخلصو ورضوى راحت على أوضتها ونامت ومالك اتحدف على السرير وبقى يفكر فى كل الى حصل معاه وفى صباح يوم جديد قامت رضوى على صوت الباب ونزلت تشوف مين الى بيخبط
ومالك قال …ايه الأزعاج ده فى ايه
رضوى قالت… مش عاارفه وفتحت الباب وكان شاب طويل جدا وليه عضلات ضخمه
ومالك قال..هو مين ده فين راسو من رجليه
رضوى بصتله بغيظ وقالت.. فى ايه ياتوفيق صرعتنا على الصبح توفيق بص لمالك ومسكه من هدومه
وقال بغضب …الهفق ده الى بتخونينى معاه طب خونينى مع واحد عليه القيمه
مالك قال….اللله اللله ياجدع انت سيب انا محبش حد يمسكنى من هدومى كده سيب
رضوى قالت…سيبو ليموت فى ايدك حرام عليك ده مش قدك
مالك قال بغيظ …اش اخرصى هو الراجل مش محتاج توصيه بس توفيق بص لمالك وادالو بوكس وقعه على الأرض ورضوى شهقت بخضه
وتوفيق قال… جيباه عينى عينك كده يبات معاكى
رضوى قالت…انت اتجننت ده ابن خالى هيقعد معانا كام يوم بس
توفيق قال…وانا مش لب عشان اتقرطس يارضوى مفيش للجدع ده قعاد عنديكم
رضوى قالت….ياتوفيق بس
توفيق قال…..ياانا ياالشحط ده هنا يارضوى رضوى قربت منه بارتباك وعدلت نضارتها
وقالت ….هو عندو ظروف خاصه ومش هينفع نمشيه دلوقتى خالص
توفيق قال بغضب….يعنى هو براحتك يارضوى ومشى بغضب ورضوى جريت تشوف مالك الى كان لسه قاعد على رميتو ورضوى قربت تقومه وقعدته على الكنبه
ومالك قال….ايه الطور الهايج ده انتو بتتعامله معاه ازاى هو انتى متجوزاه رضوى جابت علبة الأسعفات
وقالت….لاخطيبى
مالك قال بسرعه…. أوعى تتجوزيه ده من النوع الى لمايدلعك يزعلك اهربى بسرعه رضوى حطت القطنه على الضربه ومالك
قال…ااااه براحه شويه ياشيخه ايه ده
رضوى قالت… بس بقى ملكش دخل بتوفيق خالص
مالك قال… انامالى اصلا انتو لايقين على بعض حنفى بيتجوز عشماوى عادى جدا بس يعنى هو انتو خلاص كده فشكلتو
رضوى قالت….لا طبعا هو بيتقمص شويه وبيتصالح مع نفسه ولم لسانك بقى بدال مقصهولك ها وخبطت على كتفه جامد
و مالك قال…..طيب خلاص وبصلها شويه
وقال….بتحبيه رضوى بصتله
وقالت…ليه بتسأل
مالك قال….عادى يعنى بتحبيه رضوى قالت….ملكش فيه وطلعت على أوضتها
وأمها قالت…لأ اهو اى راجل والسلام ضل راجل ولاضل حيطه
مالك قال …ايه ده انتى هنا من امتى ياعمتى
سعاد قالت …من ساعت البوكس الخايب الى اخدتوه ياواد امال العضلات دى لزمتها ايه ديكور
مالك قال…انا بس خفته يكون جوزها وكان مسافرولا حاجه والا كنت موته ضرب
سعاد قالت…طب ابقى قول لرضوى انى رايحه عند مريم ومشيت ومالك طلع جاب هدوم وراح عل الحمام اخد شور وراح على اوضة رضوى وكانت بترتب الاوضه بتاعتها
مالك قال…عايز افطر
رضوى قالت….طب ماتروح تفطر
مالك قال…اروح فين انا حتى مش عارف التلاجه من البتوجاز انا مش لاقى المطبخ فى المطبخ اصلا تعالى فطرينى
رضوى قالت بضيق …هو انا كنت خلفتك ونسيتك عشان افطرك اطلع قدامى اما اوريك المطبخ الى شلفطته ده وراحت معاه
وقالت…ده البتوجاز بيشتغل كده ودى التلاجه برضه بتتفتح كده وده الى احنا واقفين فيه ده المطبخ ايه بقى الى انت مش لاقيه هنا
مالك قال…حاجات يعنى مثلا المكينه الى بتعمل القهوه دى عارفها طبعا والمكينه الى بتعمل التوست والميكرويف بس اعتقد والباقى هتصرف فيه
رضوى قالت …هى دى الحجات الى عندنا فى المطبخ شوف احنا معندناش ولا حاجه من الى بتوصفو ده
مالك قال..ايه مفيش الحجات دى ومفيش حمام خاص والبيت بالمنظر ده امال انتو عايشين ازاى
رضوى قالت….معلش يابن خالى اصل انا معنديش اخت أكل ورثها وده الى عندينا مش عاجب حضرتك تقدر ترجع قصر بابى عند الحلوه الى اكلتكم الشكولاته مالحه انا ورايا شغل وجات تمشى بس مالك شدها من ايدها لعنده خبطت فى صدره ونضارتها وقعت ومالك بص لعيونها
وقال….انا مأكلتش حاجه لا ورثكم ولا شيكولاته مالحه انا اصلا كنت بعمل جرد علشان اديلكم فلوسكم ماشى وبراحتك خالص لو مش عايزه تصدقى انتى حره رضوى بقت تحاول تفلت منه بس مش عارفه ومالك سابهاوجاب النضاره ولبسهالها
وقال…خليكى لابسها اوعى تقلعيها خالص رضوى بصتله باستغراب
وقالت…ليه يعنى
مالك قال…اصل عنيكى حلوين قو ى يسطلو ولااجدعها قزازة شمبانيا خليهم كده ارحم بكتير وطلع على أوضته ورضوى فضلت واقفه مكانها شويه وابتسمت على كلامه بس نفضت دماغها من اى افكار فيها وطلعت وراه بس خبطت فيه لانه كان طالع وبصتله لقته لابس الفلنه والبوكسر الى جيه بيهم
رضوى قالت…ايه الى انت عامله فى نفسك ده
مالك قال..ماشى زى ماجيت انا ماقدرش اقعد فى مكان اتهان فيه انا لو عادى اتهان كده كنت قعدت هناك على الأقل فى اكل وبيت وبنات حلوه مش زى هنا ناشفه زى المستشفى
رضوى قالت ….اهو لسانك ده هو الى جايبلك الكلام انت بتتقمص
مالك قال..لالاسامح الله هو انتى قولتى حاجه تخلينى اتقمص
رضوى قالت …طب انا مصدقه انك مش عاجبك الى عمله أبوك كله ده وانو مش راضى يدينا ورث ماما ومش بياجى يتطمن علينا
مالك قال ..انتو مطالبتوش بيه بس
رضوى قاطعته وقالت ..ولا هنطالب احنا كمان عندنا كرامه
مالك قال…على فكره انتى فاهمه غلط بابا كان فاكر ان باباكى نصاب هيضحك على مامتك وياخد الفلوس ويرمها ولما بباكى اتوفى بابا طلب منها تروح تسكن معاه بس هى مرضيتش قالت متسيبش بيت جوزها وتقفلو
رضوى قالت …وماأدلناش فلوسنا ليه وحنا أحرار فيها
مالك قال …هو بابا قال ..انو لوادالها الفلوس هياجى واحد يطمع فيها وياخد منها الفلوس ويفلق رضوى ضحكت جامد
وقالت …لا والله وهو بقى لما ميدلهاش الفلوس ويسيبها كده لوحدها مش هتبقى مطمع للرجاله أبوك ده نصاب ومغتلس وحرامى ها
مالك قال…التلاته بنفس المعنى على فكره وبعدين هو مات خلاص افتكرى حسانتو رضوى بصتله بطرف عينها
وقالت…ملوش حسنات خالص و روح البسلك حاجه على بال مااجهز الفطار بلاش تقعد كده ميصحش عيب ونزلت تجهز الفطار ومالك لبس الهدوم ونزل يشوفها وكانت واقفه فى المطبخ بتجهز الاكل ومالك قرب عليها شويه
وقال..ايه ده
رضوى قالت….فول وطعميه وسلطه وجبنه وبيض وعسل كمان عمتك معمرالك الفطار النهارده ابسط ياعم
مالك بص للاكل شويه وقال…انا مش عايز الحجات دى مش بحبها انا مش بفطر كده
رضوى قالت…امال بتفطر ايه
مالك قال….بفطر بس سكت وقال…خلاص هاتى جبنه انا هاكل جبنه وقعد وبقى يفرد الجبنه فى العيش وياكل بضيق شديد رضوى قربت عنده وحطت ايدها على كتفه
وقالت….خلاص متزعلش نفسك للدرجه دى انشاء الله تتحل
مالك قال…انا مش على الفلوس انا بس مش بحب الجبنه
رضوى ضحكت وقالت..ولا العسل
مالك قال …لا
وبصلها شويه وقال…رضوى انتى ضحكتك حلوه قوى ليه مش بتضحكى على طول انتى كمان عندك مشاكل وبص للبسها وكانت لابسه منطلون وتيشرت واسعين وفوقهم قميص واسع وشعرها جوه القميص
وقال…يعنى ليه تلبسى كده تعرفى قميصك ده كان عندى قمصان أحلى منه بكتير وفين شعرك ليه تعملى كده فى شكلك
رضوى قالت…علشان محدش يطمع فيا
مالك قال….مش خلاص بقى كفايه تريقه
رضوى قالت…لابجد انا مفيش معايا راجل يحمينى فاأحمى نفسى بنفسى كده احسن ليا
مالك قال… رضوى الشربينى لوسمعتك هتبيدك
رضوى قالت…لأعادى شوف انا مش هقول ان احنا ضعاف بس الواحد كل مايعرف قيمته كل مايصون نفسه
مالك بصلها باعجاب وقال….مع الأسف انتى مش عارفه قيمتك يارضوى انتى اجمل من بنات كتير لا انتى اجمل بنات العالم تعرفى انا كنت اشتغل مع بابا فى الشركه ازياء وكنت اشوف عارضات ومستسمرين وموردين من بره مصر ومن جوه مصروكانو بنات ملكات جمال بس اجمل منك مشوفتش انتى جمالك طبيعى صافى جمالك ربانى انا بس بسأل فضول مش أكتر رضوى كانت بتسمعه باعجاب ومالك قرب شويه بس
الفصل التالي اضغط هنا
يتبع.. (رواية عشقي الوحيد) اضغط على اسم الرواية لتجد الفهرس كاملاً بجميع الفصول.