رواية في منتصف الحب – الفصل الخامس
انشراح… طب هنعمل ايه دلوكتي هيفضلو كده على طول يا سيد امك مش عايزانى
سيد… هى عايزه اتجوزني عروسه على مزاجها انتى مش ذمبك حاجه انتى ما اتجوزكش ليه ناقصه يد ولا رجل امك كمان نفس الموضوع انا لقيتلك الحل خلاص
انشراح… حل ايه
سيد…. تعالي معايا
دخلت عنيات…. شوف يا سيد حماتك الولد راح فين معقول طفش من الاوضه
جليله.. ويمكن طفش منك
لقت ورقه
عنيات… انتى يا نعمه تعالي خدي هنا يا بنت اقريلى دى
ياما عايز اقولك ان انا مش هربان منك
انني احبك مثل حبك لبوكك اللي بتشيلي فيه الفلوس المحفظه يعني
واتمنالك الخير واكل الطير ولكني احب زوجتي وساعيش معها اجمعي انتى بقى واحده من اللي كنتى عايزه اتجوزيهملي واتجوزيها انتى
انشراح كمان كاتبه…. انا كمان انا ما قدرتش اختار ما بينكم فقررت ان انا اطفش منكم انتم الاتنين عن اذنك ياما
جليله… يا نصيبتي انا في البلد يا خرابي
عنيات… الواد كمان طفش كله منك ليه تتدخلى مع ولد ومراته انتى من ساعه ما جيتي والمشاكل قاعده تنزل على قفا الواد
جليله… وانتى ايه اللي يجيبك اصلا مع راجل ومراته قاعدالهم في النص ليه خلاص عاد العيال طفشو وما هنشوفهمش تاني
نعمه… احسن انتو مش عارفين انتو بتتشاكلوا على ايه اهم سابوالنا البيت وطفشوا ياما ولدك رايدها واهم حاجه راحته انتى ترضى حماتى تفتش فى دولابى
وانتى كمان ليه عايزه تطلقى بتك خربتو البيت وطفشتوهم حريم غريبه المره عاوزه بتها تمشى جوزها وامه على مزاجها ومزاج بتها بس عايزه ولدها يدوس على مرته وتبقى خدامه ليها وليه ليه ما عتبريها زى بتك اهم طفشو
جليله… هى ترجع بس وانا هسيبها ومش هتدخل في حياتها
نعمه… وانتى يا اما قولي انك مش هتعتبى هنا تاني ولا ما عاوزينش تشوفو عيالكم هتخلوهم يتطلقوا ولا هتسيبوهم يا ناس هم رايدين بعض وعايشين سوا
عنيات…. خلاص يا اختي عرفنا
جليله… كيف يا انشراح يا بنت بطني يخسارت ١٩ شهر اللي شلتك في بطنى فيهم يا خساره وجع مصاريني يا بت
عنيات… ايوه عندك حق ١٩ شهر حملنا فيهم يوم واحد ما طمرش فيهم وراحو هدر ولا رطلين اللبن اللى رضعوهم الواطي طالع لابوه برانى
جليله… يا اختي اسم الله عليكى هي الرجاله كده ما انتى لو سمعتى كلامي وطفشتيه من زمان ما كانش زمانك قاعده القاعده ديت طفشت جوزي وقاعده ملكه
نعمه… انتوا بدال قعده الندامه والحزانه دي لو العيال رجعت ما هتتخنقوش تانى
عنيات… لا هم بس يرجعو واشوف ولدى وانا ههملله البيت وهروح اقعد عند ابوه وهو لما اوحشو يبقى يجي يشوفنى
جليله… عندك حق انا كمان ما هخطيش البيت ده تاني بس يرجعو ويردوا تاني دول وحشونا قوي
سيد وانشراح طلعوا من الدولاب
وقالوا…. دول هم ٣ دقايق لحقنا وحشناكم
جليله… قاعدين انت وهى جوه الدولاب يا واد وسامعين واحنا عم نتقطع عليكم وما طلعتوش يا خسارت
بس سيد قاطعها…. على فكره يا حماتى انا مش عايز اصدمك بس ما فيش حمل ١٩ شهر يعني فى الدنيا بس معاكي اظن عادي
انشراح… ايوه انتوا قلتوا كلمه شرف قلتلو لو طلعوا هتمشوا ايوه انتو قلتلو كدا انا سمعتكم بودني وانا جوات الدولاب
سيد… كويس ما قلتيش سمعتكم بعنيا مع ١٩ شهر دي
انشراح… لا بقولك ايه هتتريق على امي هتتريق على امك واقول انها قاعده كده في القرطاس اللى لبساه من ساعة ما جات ده وما طلعتش بره الملايه اللي لابساها من سنه 2009
عنيات….. بتقول ايه دى
سيد… لا ياما مش عليكى يلا بقى عديله
عنيات… ولدي كراشنى مين تاني هيحترمني
سيد…. هو انا رشيتها بميه نار
انشراح… ما خبراش هم الامهاتك كده بعد كل اللى يعملوه بصت الغلب دى كده يصعبو علينا بس عديله برضو
جليله وعنيات طلعو
سيد… مشو خلاص
انشراح… ايوه خلاص
سيد… يلا بقى نكمل الموضوع احنا كنا عند
بس رجعو تانى
وقالو…..طب هو احنا ينفع نقعد معاكم بس ما هنعملوش صوت تاني
عنيات… اصل اني بصراحه نسيت اقولك انا اتخنقت مع ابوك فهو مشاني قالى روحي عند ولدك فانا مش هينفع ارجع دلوقتي سايبالو البيت عشان يتربى
سيد… طب ما تربيني انا
عنيات… ايه يا ولد ما حملنيش اسبوع قلتلك ما هتدخلش
انشراح…وانتى يا اما انا ابويا طافش
جليله… يعني هي تقعد وانا تروحوني عايزينها تشمت فيا وتقول ان انا روحت وهي قاعده
سيد.. اه لا ما ينفعش طبعا
انشراح… طب ايه
سيد… مضطرين بقى وخلاص
كانو بيتفرجو على التلفزيون وجليله وعنيات قاعدين في النص
جليله… شفته الجمعه دى حلوه ازاي وكل واحده قاعده جار عيلها
سيد… ما انتوا لو قعدتوا من الناحيه التانيه هتبقوا جارنا بردك بس احنا كمان هنبقى جار بعض
جليله… احنا ما شبعناش منكم من ساعه ما جينا واحنا لحالنا
انشراح… انتو لسه هتشبعو يا مري
عنيات…. يلا يلا اقفل خلاص دي قاعده عائليه مع بعضينا مع عيالنا ربنا ما يحرم حد من عياله
يتبع.. (رواية في منتصف الحب) اضغط على اسم الرواية لتجد الفهرس كاملاً بجميع الفصول.