رواية وصية زوج الفصل الثالث 3 – بقلم جيجي

رواية وصية زوج – الفصل الثالث

٣….. حسام قال… امم طب حلو كدا حصل خير البلكونه ما تقفيش فيها الزرع اللى فى الجنينه متسقيهوش السوبر ماركت اللى تحت البيت ما تروحيهوش

ريهام قالت… ايه حيلك حيلك اللى يشوفك يقول عاشق وغيران ومش عايز حد يشوفنى

حسام اخد بالو وقال بتقطيع…. ها مين انا غيران لا لا مش كدا انا بس يعنى كنت هروح اعمل اكل عشان جوعت

ريهام قالت… امم لا انا جهزت هجيب الفطار وناكل سوا عشان انا كمان ما فطرتش

حسام قال… احم تمام هاجى اساعدك وبقم يجهزو سوا راحت وبقت تجيب علبه من على الرف وكان عالى وقفت على اطراف صوابعها بس برضو كان عالي حسام راح وراها ومسك العلبه ريهام وقفت على رجلها عادى والتفتتله

وقالت… احم شكرا بس حسام كان بيبص لعيونها جامد وتايه فيها قالت تانى… شكرا

حسام قال.. ها اه تمام

ريهام قالت… انت عامل الرفوف عاليا قوى عليا

حسام قال… كنت عاملهم على قدى هنزلهم شويه

ريهام ضحكت وقالت… قصدك شويتين تلاته

حسام قال… حاضر هنزلهملك وقعدو سوا وبقو يا كلو

ريهام قالت… هو انت هتذاكر لمازن

حسام قال… امم انتى سيبيهولى انا هخليه استاذ

ريهام قالت… انا كنت رافضه اجيب لابنى جوز ام بس هحتاج حد معايا لان عند جوز امى القعده مش حلوه خالص وهحتاج حد فى تربيته كمان لانى اميه

حسام قال… ايه بس انا شوفتك مضيتى

ريهام قالت… امم بمضى اصل انا كنت اشوف بنت الجيران وكنت اركز معاها بعرف اقرى واكتب على قدى يعنى يا دوب بفك الخط كدا بس مش بعرف قوى ايه صاحبك ما قلكش

حسام قال… تؤ ما جتش سيره هو كان يعرف طب ليه ما علمكش

ريهام قالت… مين عادل امم علمنى كتير قوى

حسام قال… لسه زعلانه منه

ريهام قالت.. انت سألت السؤال دا امبارح يعنى ما لحقتش اسامحه

حسام قال… امم طب ايه رأيك انا اعلمك

ريهام قالت… وانت فاضى

حسام قال… اه انا عندى اسبوع اجازه فى غياب مازن عشان ما تبقيش محرجه ولما ارجع لشغلى هنخليها لبليل

ريهام قالت… وانت تبقى طول النهار بره وتاجى تناهد معايا كمان

حسام بصلها وقال… يعنى ابقى طالع عينى طول النهار للغريب واتعب عندك انتى مجاتش على ساعه كمان لمراتى ريهام بصتله شويه وبلعت ريقها بارتباك

وقالت.. مراتك حلوه الكلمه دى

حسام قال… ايه ضايقتك

ريهام قالت… لا بس مش حساها بصراحه يلا ما علينا

حسام قال… طيب انا كمان هوريلك فديوهات تعليميه وكدا هتساعدك يلا وبقو يلمو التربيزه وبعد شويه كانو قاعدين جمب بعض وبيعلمها بس تاه فى عيونها وشعرهاوكان نازل على وشها فضل يبصلها باعجاب شديد

ريهام قالت… كدا صح وبصتله بس لقته شارد فيها بصتله شويه وحمحمت بحرج وهى بتبعد شعرها لورى حسام حمحم بحرج

وقال.. احم ورينى كدا اه كدا صح بتتعلمى بسرعه كمان قعدتين وتبقى ممتاذه

ريهام قالت…. بس انا مش هقعد معاك تانى

حسام قال… ليه كدا

ريهام قالت… عشان كمان قعدتين انا يمكن ابقى ممتاذه بس انت هتبقى محتاج مساعده وانا مش هقدر اساعدك وطلعت على السلم

حسام قال… يالهوى على العيون يا بشر وقال بصوت عالى قاصد يسمعها… اموت انا فى العيون الخضره اللى بتصيب القلب بنظره ريهام ضحكت وكملت طريقها وباليل كانت بتحط مخده على الكنبه
بقلمى جيجى
حسام قال… ايه دا هتنامى عندك ليه صغيره هتوقعى

ريهام قالت…. لا دى مش ليا انا دى ليك انت يا عسل

حسام قال…. ليه كدا هوقع انا

ريهام قالت… لا مش هتوقع لو نمت عندك بس لو نمت جمبى هتوقع ومحدش هيعرف يوقفك تانى

حسام قال… لا ما تخفيش عليا

ريهام قالت…. تؤ لازم اخاف

حسام قال… خايفه عليا

ريهام قالت بخبث…. اه طبعا امال الناس تقول بومه وما بيعشلهاش رجاله كل اللى تاخده يتكل

حسام قال… امم لا يا ختى ما تقلقيش وبعدين مين قلقك انك هتوقعينى انا اوقع بلد

ريهام قربت منه وقالت… جد امال ليه انت وبتكلمنى بلاقى عنيك طلعت قلوب حمرا وقلبك صوته جايب اخر الشارع ها ليه

حسام قال… لا دا مرض انا عندى مرض التوهان انا اكون بكلم اى حد واتوه

ريهام قالت… اه جد امم طب ما تتكلمش مع رجاله ونامت على السرير ونط جمبها شهقت بخضه وقالت… ايه دا

حسام قال… وحيات ميزو ما انتى قايمه خليكى جمبى

ريهام قالت… وبعدين بقى

حسام قال… ولا قبلين هنام بس جمبك هنام بأدبى انا عمرى قليتو معاكى

ريهام قالت… امم طب نام وفضلو يبصو لبعض لحد ما نامو فى صباح يوم جديد قامت لقت حسام ضاممها باديه ورجليه بقت تحاول تبعد منه بس هو كان محكم مسكته وحسام حس بيها

وقال بنوم…. ايه مالك في ايه نامي بقى

ريهام قالت…. انام ايه الباص بتاع الولد هيروح

حسام قال….. ولد مين

ريهام قالت… مازن ابني ايه ده وزقه ايده بعد

وقال… خلاص روحي حد يزعق على الصبح انتى بتاكلي وانتى نايمه ايه دا دا انا مش قادر افتح عيني من الجوع

ريهام قالت… ماتقوم تاكل مش هيجيلك على السرير يعني وبعد شويه طلعت وبقت تمشط شعرها

حسام قال… بقولك ايه هو انتى شايفاني ازاي

ريهام قالت بسخريه… بعيني

حسام قال… لا انا ما اقصدش الطف انا اقصد انا ايه من وجهه نظرك

ريهام قالت… عادي واحد زي اي واحد

حسام اتنهد بضيق وقال… روحي مشي ابنك ريهام نزلت وبعد وقت كانت بتلم الصالون بس الباب خبط راحت فتحت الباب وكان نادر

قالت… انت تاني ايه جابك جاي هنا كمان انا مش فاهمه انت ازاي بتيجي اصلا ازاي بتحط عينك في عيني انا مش مستوعبه حجم البجاحه اللي عندك

نادر قال…. انا بجح واللى اتجوزتيه دا حلو خدي بقى الحلو بتاعك ده اللي انتى شايفاه احسن مني ورحتى اتجوزتيه هو وما اتجوزتنيش انا كان عينه منك من وقت ما كنتى مرات صاحبه صاحبه اللي امنه ودخله بيته والله اعلم كانت نيته ايه بس كنتى بتاخدي بالك منه وعامله هبله ولا انتى فعلا كنتى هبله

ريهام قالت…. انت هترجع تاني للكلام البايظ ده فاكر ان انا هصدقك يعني انت بتضيع وقتنا احنا الاتنين على الفاضي دا راجل محترم وعمره ما يبصلي بصه زي اللي انت بتقول عليها دي ولما كنت مرات صاحبه كنت في حكم اخته وعمره ما قالي كلمه ولا بصلي بصه ضايقتنى وزي ما كنت باخد بالى من بصاتك اكيد لو بصلي كنت هاخد بالي من بصاته

نادر قال…. طب تحبى اسمعك بودانك روحي قوليله ان انا مستنيه تحت في الجنيه واقفى ورى الباب وشوفي هيقول ايه

الفصل التالي اضغط هنا

يتبع.. (رواية وصية زوج) اضغط على اسم الرواية لتجد الفهرس كاملاً بجميع الفصول.