رواية انتي موطني – الفصل السادس
الاخير.. خبط على الباب
وابرار قالت…. ادخل
اسد قال… ده انا اسد ادخل برضه
ابرار قالت…. اتفضل تعال اصلا قولت ادخل لاني عارفاك انت
اسد قال….ايه ده عرفتيني ازاي الباب كان مقفول انتى ما قومتيش من مكانك
ابرار قالت….لا انا عرفتك من خبطتك اقعد تعال
اسد قال….انا جبتلك الاكل عشان انتى ما اكلتش عشان سليم مش كده ولا ايدك بتوجعك
ابرار قالت….لا علشان عادي يعني
اسد قال….طب بتقطعي كلامك ليه عادي قولي عشان سليم انا والله مش عارف اعمل ايه في الموضوع ده حقيقي بس تمام يعني انا قولتله وهو قال بجد انو مش هيعمل كده تاني هو عارف غلطته ما لهوش بالعاده والله جات كده
ابرار قالت….لا ما هي مش غلطته عادي انا عزراه فى اللي عمله اصل انا حلوه واموره اغري بصراحه
اسد ضحك بخفه وقال…. هو كده بالظبط انتى امبارح كنتى قولتلي انك هتتجوزى واحد يكون زي كان قصدك ايه بالكلام ده
ابرار قالت….قصدي واحد زيك يخاف عليا ويودينى الدكتور ويربطلى الجزمه وما يخلينيش اوطي في نفس الوقت ما يزعقليش ويضربني ما بقاش خايفه وانا معاه
اسد قال…وبالنسبه للسن
ابرار قالت….. لا سن ايه انا ما عنديش مشكله لان انا بشوف ان الراجل الكبير ده يبقى ابتدى يعقل يعني عاقل الراجل بيبقى صغير وطايش يعني فى ال 20 بعد كده بياخد ال 30 وال 40 ونص ال 50 عاقل وزي الفل بعد كده بقى من نص ال 50 وانت طالع بيبتدي بقى ايه يرجع للهبه بقى يقول دي حلوه دي وحشه.. انتى شايفاني كبرت انتى عايزه واحد حلو..
اسد قال …. يعنى السن ده هو السن الحلو بتاع الجواز عايزه تتجوزيه في سن ال 30 وبعد كده ترميه لما يكمل الخمسين
ابرار قالت… يا عم اتجوز 30 وتسهل لل 50 هو احنا مش لما نعيش يومنا هوا انا عارفه انا اعيش لل50 ولا لا
اسد قال…. هو مبدا بصراحه عجبني
ابرار قالت….ماش همشي عليه طالما عجبك
اسد قال….طب ولو انا اتقدمتلك تتجوزيني
ابرار قالت…. هو انا طول
اسد قال….طب انا بحبك وعجباني وعايزه اتجوزك
ابرار قالت…. وانا كمان
اسد قال….يعني موافقه عليا
ابرار قالت….. قوي انت عاجبني بس انا منفعكش انا في اتنين بيدور عليا عمي والراجل ده
اسد قال….لا بصي هو الراجل ده امك هتروحله و بالنسبه لعمك انا هديله الفلوس
ابرار قالت…. يعني هو واحد عنده 80 سنه عايز يتجوز واحده عندها 16 سنه هيبقى عنده قلب يقول لا لما تهرب منه وتقول مش عايزاهانا زيي زي اي عربيه جديده كده قدام الناس
سليم قال…. انتى جبت الكلام ده منين
ابرار قالت…..هما دايما في المسلسلات بيقولوا كده امال يعني هيكون عايزني ليه والا ما كانش اتجوزني يا ناصح
اسد ضحك بخفه وقال…. ماشي يا ناصحه يلا خلصي فطارك وانا هنزل اشوف مامتك عملت ايه ماشي
اسد نزل عند مامته
وقال ….. ماما ما تكلمي سلوى تشوفيها عملت ايه في موضوع ابرار
منال قالت….كلمتها دلوقتي وانت فوق بتقول عندهم حاله وفاه في البيت مش عارفه تقابل الراجل
اسد قال… ايه النحس ده يعني هياجلوا علشانو
منال قالت….ما هي ما تعرفش هي راحت لقيت العزا و قالت هتسال اي واحد من الخدم وتشوف بقى
اسد قال….. كنا عايزين نشوف هترسي على ايه
منال قالت… استنى دى هى بتتصل ايوه يا سلوى استنيت شويه
وقالت بفرحه… على البركه اذبح وحشى احسن عمها مين ده عمها ده مهزق دلوقتي تشوفي بس انتى ده هيفرح قوى علشان خلص منه استني لا عمها ده هنروح له سوا عايزه شكلي كده عند اللي هيخليه يخرس وقفلت معاها
وقالت…..طلع العريس اللي مات
اسد قال…ايه احلفي
منال قالت…والله وسلوى خلاص هتطلق من جوزها وهنروح لعمها ونقوله ان هو ملوش دعوه بيها
اسد قال…..لا هو انتى لما تروحي لعمها اطلبيهالى
منال قالت…. اعمل ايه يا اخويا هو انت مش قولت مش هتخطب وهتتجوز على طول
اسد قال….اعمل ايه بس هي لسه صغيره بس هى موافقه
منال قالت… ده انتو مظبطين من ورايا بقى
اسد قال… مش قوي يعني سليم
سليم قال….انا مسافر اصلا جاتني منحه دراسيه وهسافر
اسد قال….يعنى هتقعد هناك على طول يعني ما انت هتيجي ما تستهبلش
سليم قال بصوت واطى ….خلاص قلتلك جت كده كنت شارب سيجاره مع الواد حمص صاحب الواد شيشه بتاع القهوه خلاص بقى
اسد قال….خلاص امك لا تسمع الله يخرب بيتك انت وحمص وشيشه
سليم قال … اعتذر منها عشان تصدق
اسد قال….لا ترزع مكانك وما لكش دعوه ماشي انا هروح اروح افرحها يا ماما واجي وطلع بسرعه
وقال ….الراجل مات خلاص ما فيش جواز يا بنت الفقريه قضيتي عليه ابرار وقفت على السرير
وقالت بفرحه… الله عليا جبت اجلوا مره واحده يا الله ونطت لعنده واسد مسكها ولفي بيها
وقال…. تتجوزيني يا بنت
ابرار قالت….ايوه
اسد قال….بس انتى متعرفيش حاجه عن حياتي انا كنت خاطب قبلك كتير
ابرار قالت…..انا مليش دعوه باللى قبلى انا جيت مسحت اللى قبلى وعميتك على اللى بعدى
اسد قال…وانا عشقت وقتك ومش عايز اعيش غير فيه ابرار حضنته بفرحه بعد ٣ سنين ابرار كانت واقفه في البلكونه وجى اسد حضنها من ورا
وقال ….ايه خبار روح قلبي
ابرار قالت… تاعبني قوي بيضرب في بطني
اسد قال…بس انا مش بسال على ابني.. ابنى ده قلبى انا بسال على روح قلبي
ابرار قالت… اه انا يعني كويسه الحمد لله الحمد لله انك معايا انا لما بتبقى معايا مش ببقى محتاجه حتى للسؤال لاني ببقى كويسه جدا جدا ومبسوطه قوي قوي
اسد قالت….تعرفي يا ابرار انا ما كنتش عايز اقولك علشان فرق السن اللي ما بينا لما عرفت انك ما عندكيش مشكله في السن وقلتلك حياتي اتغيرت 180 درجه بجد لاول مره احس اني عايش انا خطبت كتير قوي قبلك بس انتى برضه حبي الاول تصدقي اللي كانوا قبلك كلهم كانوا حاجه هبله انا ما اعرفهاش لاني اول مره احس الحب واول مره اعيشه يا حب العمر اللى ناوي اكمل بيه العمر قد ما ربنا يخليني لو عشت يوم واحد هعيشه بيكي ومعاكي وليكي ولو عشت 100 سنه هعيشهم معاكي وليكي وبيكي لان عمري قبلك ما كانش عمر ولا حياتى كانت حياه
ابرار قالت…علشان كده قولت لو بنت هتسميها حياه
اسد قال …. اه لاني عرفت الحياه من يوم ماعرفتك وعشتها لما قابلتك… انتى مش بس قلب وانا بعيش بيه…. انتى موطن وانا بعيش فيه …
يتبع.. (رواية انتي موطني) اضغط على اسم الرواية لتجد الفهرس كاملاً بجميع الفصول.