رواية ساحرتي الصغيره – الفصل الثالث
٣قال…ليه انتى عايزه نعمل كده
أيات قالت بسرعه …لاانا بسأل بس مش عايزه نعمل كده
أدهم قال…. طيب طالما بتسألى فااحنا متجوزين جواز
مؤقت يعنى لحد مناخد الورث وبعد كده يعنى مش بنحب بعض ولا حاجه
احنا مش هنفضل سوا احنا هنطلق أول مناخد
ورثنا فهمتى بقى ليه أحنا مش بنعمل كده
أيات هزت دماغها وقالت…ماحبيتش الفيلم ده متجبهوش تانى جيب الجميله والوحش خلينا نسمعه أحلى من ده
أدهم قال…ايه ده فيلم
أيات قالت…لا دى قصه كرتونيه
أدهم قال….كرتون انتى عيزانى أسمع كرتون
أيات قالت ..دى قصه حلوه قوى هتعجبك يلا بقى جيبها
ادهم اتنهد بضيق وجبهالها
وأيات كانت بتسمع بحماس وكانت مبسوطه قوى بيه
وأدهم كان بيبصلها بملل
وأول ماخلص أدهم نط شال اللاب وقال …الحمد لله
خلص يلا بقى خلينا ننام وقفل اللاب منها وراح على الكنبه
وأيات قالت…برضه مش هتاجى تنام جمبى
ادهم قال…لا أنا هنام هنا نامى أنتى يلا
أيات قالت ..طيب وأدهم نام وأيات خلتو نام وراحت جمبه على الكنبه ومسكت فيه جامد علشان متوقعش وفى نص الليل طاحت من على الكنبه ومسكت فى أدهم بس وقعو هم الأتنين على الأرض وأدهم بص لأيات
بغضب وقال ….انتى ايه الى جابك هنا أنا مش قولتلك تنامى على السرير انتى مش بتسمعى الكلام ليه يعنى هى دى هتشيلنا احنا الاتنين عاجبك كده لما وقعتينا
أيات بقت تعيط وتقول….أعملك أيه انت مش راضى تاجى تنام جمبى وأنا مش بعرف انام لوحدى انا قعدت صاحيه
وانت نمت وأنا قعدت لوحدى وخوفت ووووبقت تعيط وقالت….خوفت قوى وانت كنت نايم
أدهم قال بغضب مكبوت ….طب انتى بتعيطى ليه دلوقتى ها ليه
أيات قالت…علشان انت بتزعقلى
أدهم قال بعصبيه ….انا مش بزعق أنا صوتى كده
خلاص غورى على السرير وأنا جاى وراكى
أيات عيطت أكتر وقالت…انت بتزعق تانى اهوه
أدهم قال …..خلاص تمام اهدى متعيطيش اناحمار تمام كده يلا اطلعى على سريرك يلا
أيات قالت… طب تعال نام هناك معايا علشان اعرف أنام
أدهم نفخ بغيظ ومسكها من هدومها وقال…تعالى تعالى معايا اما أشوف أخرتها معاكى وأيات قامت وراحو على السرير سوا
ووأيات خلت ادهم ينام وسحبت دراعه ونامت عليه فى صباح يوم جديد أدهم قام لقى أيات حضناه بأديها ورجليها اتنهد بضيق وبعدها وقام أيات حست بيه وبصتله و
قالت بابتسامه …صباح الخير
أدهم قال بغضب …صباح الزفت على دماغك على الأساس هتنامى جمبى أصحى ألاقيكى نايمه فوقى ايه البلاوى دى أيات بصتله بدموع
وأدهم قال ….ومتعيطيش ماشى وقام أخد هدوم وراح على الحمام اخد شور وطلع لقى أيات قاعده على السرير وبتشهق وحاطه ايدها على بقها أدهم بصلها باستغراب
و قال …انتى بتعيطى ليه وشلى ايدك من على بوقك هتكتمى نفسك كده وتموتى ونرتاح منك
أيات قالت وهى بتشهق …مش انت قولت ماتعيطيش
أدهم قال …وهوا انتى كده مابتعيطيش ياربى الصبر من عندك بصى ياأيات وقعد جمبها وقال….انا مش بحب البنات العيوطين تمام بطلى تعيطى مش انتى كبرتى خلاص مفيش واحده كبيره تعيط صح
أيات قالت بفرحه ….صح انا كبرت وانت مش هتزعقلى
تانى أدهم قال بغيظ …لا مش هزعق انا صوتى كده
أيات قالت … خلاص اتفقنا انا مش هعيط تانى يلا هروح أستحمى وأجى واخدت هدوم وراحت على الحمام
وأدهم اتنهد بضيق و
قال ….شكلى داخل على أيام سوده وبقى يجهز نفسو وطلعت أيات وكانت لابسه لبس قصير خالص أدهم بصلها بارتباك وقال…انتى طالعه كده ليه ليه ملبستيش هدومك
أيات قالت…هلبس هنا مش بعرف ألبس فى الحمام الهدوم بتقع منى فى الميه أدهم قال …طب وأنتى مابتستحميش فى البانيو ليه
أيات قالت…لا انا بخاف منه أنا بلبس كده وشاور على هدومها وقالت …..ولما أطلع بلبس باقى الهدوم هنا وقعدت على السرير وبقت تلبس الهدوم بتاعتها وأدهم كان بيتابعها باعجاب كان أول مره يشوفها بلبس كده وبعد شويه مسكت توكه وراحت عند أدهم
وقالت …معلش تلم شعرى كده و تحطلى التوكه دى فيه علشان مش عارفه أحطها لوحدى
أدهم قال ..اه تمام لفى وبقى يلم شعرها وحطلها التوكه
وأيات قالت….مش زى بتاعت دادا بطه بس حلوه كده بقى تفضل الجزمه تعال لبسهالى يلا
أدهم قال….نعم ياختى وألبسك الجزمه ليه كنت الخدام الى جابهولك أبوكى الله يرحمه
أيات قالت بسرعه ….انت بتزعق
أدهم اتنهد بضيق وقال….اممم لا مش بزعق اترزعى خلينى ألبسهالك يلا خلصينى أيات قعدت وادهم بقى يلبسلها الجزمه بتاعتهاو
أيات قالت …طلعت غير ماكنت مفكراك خالص ياأدهم
أدهم بصلها بستغراب وقال….ده الى هو ازاى يعنى
أيات قالت…كنت فاكره انك وحش وبتزعق وكده طلعت بس بلون منفوخ هوا بيطير يعنى بتزعق وهب اى حاجه تخبطك بسسسس تتبط على الأرض على طول تانى
أدهم بصلها بضيق وقال…بلون وأتبط ربنا يصبرنى يلا ياأيات يلا يابابا خلصت انزلى قبل ماأخلص عليكى
أيات نزلت بسرعه وقعدت على طاولة الفطور وأدهم قعد قصادها
ونزل شاب فى التلاتين ده سامى ابن عمتهم جاى برضه عشان ورثو وقعد جمبهم
وقال ….صباح الخير يا أيات
أيات قالت بابتسامه …صباح النور
وسامى قال بخبث …زعلت انك اتجوزتى أدهم وانتى مش عايزاه ياترى لما يطلقك مين سعيد الحظ الى هتتجوزيه
أيات قالت….مش عارفه اما أشوف بس انا معرفش سعيد ده مشوفتهوش قبل كده بقلمى جيجى
أدهم فهم تلميح سامى وقال….ايه ياسامى شايف انك مانتجتنى شويه يعنى
سامى قال برتباك ….اه لا الحديث اخدنا شويه بس صباح الخير
أدهم مردش عليه وبقو ياكلو بصمت بعد شويه كانو بيشربو قهوتهم وأدهم جالو اتصال ..وراح يرد عليه وسامى راح قعد جمب
أيات وقال ..الله حلوه قوى انتى النهارده ياأيات وفستانك حلو
أيات قالت….اه بس الفستان ده مش جديد يعنى لبسته قبل كده بس سامى طلع سلسال من العلبه
وقال .. ايه رأيك فى ده انا جبتهولك تعالى ألبسهولك حلو أيات مسكت السلسال بفرحه
وقاات ..حلو قوى شكرا ياسامى وادت السلسال لسامى
وقالت يلا لبسهولى وسامى بقى يبعد شعرها ومشى ايده بقصد عليها
وأدهم شافو و جيه و أيات ورتلو السلسال
وقالت…شوف ياادهم سامى جابلى أيه
أدهم بص لسامى بغضب وأخد منه السلسال ورماه من الشباك
وقال…لأخر مره هقولك خليك بعيدعنها بلسانى ماشى
وأخد أيات من أيدها وطلع بيها بسرعه بره البيت
وقال بغضب …هوا ايه الى خد لبسنى ده يلبسك ليه هوا اه ردى علياساكته ليه
أيات قالت بخوف….هو جابهولى وقلى هديه وقالى هلبسهولك وانا
بس أدهم قاطعها وقال بغضب ….وانتى أى حد يقولك اعملى اى حاجه تعمليها
أيات قالت…انت بتزعق ليه ..
.أدهم قال …علشان انتى مراتى ومينفعش اى حد يلمسك ولايجبلك هدايا ولاحتى يبصلك تمام انتى مراتى انا وممنوع تقعدى ولاتتكلمى مع حد غيرى تمام مين مكان يكون
أيات قالت…طيب خلاص انا اى حد هيكلمنى تانى هقولو انك بتزعل و لا اقولك انا مش هكلم حد اصلا
أدهم اتنهد بارتياح وقال…تمام وبصلها شويه
وقال …صاحبى عامل حفله بالليل مناسلة عيد جوازو وبابا قالى أخدك معايا علشان الناس تعرف ان احنا اتجوزنا أنا وصيتلك على فستان وهيجيبوه كمان شويه متعكيش الدنيا ها ومتبعديش عنى تفضلى جمبى ومتتكلميش مع حد وبس قطع جملته لما أيات بقت تضحك
أدهم بصلها بغيظ وقال…ايه الى مضحكك فى كلامى انا بقول نوكت ياأيات
أيات قالت…اصل انت زمان لما كنا نروح مشوار سوا كنت تقولى نفس الكلام ده مع انك كنت بتكرهنى بس كنت تقعدنى جمبك وكنت عايز تخلينى مكملش تعليمى علشان بتضايقك طلعتى لوحدى
أدهم قال …انتى لسه فاكره أناكنت صغير قوى وقتها وبعدين انا عمرى ماكرهتك ياأيات
.أيات قالت…امم جد أمال ليه مكنتش تحب تاخدنى معاك عند صحابك
أدهم قال ..علشان صحابى أولاد وانتى بنت
أيات قالت…أشمعنا بتاخد مونيكا معاك هناك أدهم سكت شويه
الفصل التالي اضغط هنا
يتبع.. (رواية ساحرتي الصغيره) اضغط على اسم الرواية لتجد الفهرس كاملاً بجميع الفصول.