رواية قدر القاسم – الفصل الرابع
٤.. قاسم ضربها بالقلم
وقال… ايه الكلام ده انتى اتجنيتى كيف تقولى كده كيف يعني اي حد ياجي ياخد مكانى غوري من هنا خشي جوه انا مش عايز اشوفك تاني ومشى على اوضته بغضب
وقدر حطت ايدها على خدها ودخلت هي كمان بالليل قدر طلعت وراحت عند قاسم دخلت وهو كان صاحي لسه بيشتغل قعدت جنبه
وقالت…. انا رايي نشيل البيبان دي خلاص ما بقلهاش لزمه محدش بيخبط عليها وهو داخل
قاسم قال …..انتى ايه اللي جابك
قدر قالت…انا مش هعرف انام وانت زعلان جاتني البلا مش عارفه ايه اللي عاجبني فيك
قاسم قال…. والله طب ما تروحي عاد تشوفيلك حد تاني يكون حلو يعجبك
قدر قالت….ما انا بشوف كتير حلوين كتار على قفه مين يشيل بس تقول ايه مظبطوش معايا روحي مش قابله خلاص عاد بعدين هو ضربني وبكى سابقني واشتكى ما انت اللي ضاربني
قاسم قال …عشان تستاهلى اى حد تاني كيف يعني تقولي هتجوز واحد تاني هوا انا قدامك عاد جنيتي يا بت
قدى قالت…. لا لسه بس جايه جايه يعني مدام بحبك بقولك ايه خلاص ما تزعلش مني انت عارف اني كنت غيرانه لو طلعت معاها تاني ابقى خدني معاك كانى هجيب حاجه ماشي
قاسم قال…حاضر اللي انتى عايزه وطلع علبه من جيبه وطلع منها سلسله
وقال ….جبتها من هناك شوفتها على المليكان قولت هتطلع احلى على ملكتي شوفتك لابساها شوفتك قدامي عجبتني وجبتهالك عشان تعرفى اني كنت معاها لكن قلبي معاكى وحتى عيوني مش شايفه غيرك بطلى بقى الجنان ده
قدر قالت….مش ده غيره والغيره جايه من الحب ن
مش انت بتقولي ما تفتحيش حتى للزبال ولا لبتاع اللبن ليه مش عشان بتحبنى ايه عندنا بقى جنان وعندكم بقى فراوله
قاسم قال….غيره دى وحمشنه انا كده
قدر قالت….طب يا اخويا انا كمان حمشه
قاسم قال…. بس دي من صفات الرجاله الحمشنه دي
قدر قالت….ليه مفيش ستات بتغير يعني
قاسم قال…لا في بس مش كده
قدر قالت …. طب بقولك ايه لبسنى السلسله اللي جبتهالي دي خلينا نفك النكد ا اللي عملته ده ولفت واديتله ضهرها وقاسم لبسلها السلسله وحط جابينه على جبينها
وقال…. شفتي شفتها كده بالظبط حتى عليكى احلى كمان و حط ايده عليها وقال….بس لو طويله حبه يعني بس
قدر ضربته على ايده وقفت وقالت ….قلنا ايه ممنوع اللمس يلا انا رايحه اوضتى اشوفك الصبح
قاسم قال…اشوفك العصر قدر ابتسمت ومشيت و قاسم اتنهد بارتياح ونام في صباح يوم جديد قاسم قام من النوم اخد شور و غير هدومو وراح على اوضه قدر خبط على الباب فتحتله
راندا وقالت….. اهلا يا قاسم اتفضل
قاسم قال …..لا انا همشي فين قدر
راندا قالت…. مش عارفه يمكن تكون مشيت
قاسم قال…. تمام انا هنزل اشوفها فين ولسه هيمشي راندا مسكت ايده
وقالت…. ماشي ليه خليك
قاسم قال…. لا ما انا مشغول عندي شغل راندا اتعلقت في رقبته وقربت منه قاسم لسه هيبعدها بعدت عنه بسرعه لما شافت قدر واقفه
قاسم التفت لورا وشاف قدر وقدر مشيت بسرعه ناحيه راندا مسكتها من شعرها وجابتها تحتها ونزلت فيها ضرب قاسم كان بيحاول يبعدها عن راندا بس ما كانتش راضيه تتحرك وكانت مكمله حامد جيه على صوت صريخ راندا
وقال بغضب ……قدر ابعدي عن بت عمك
قدر وقفت وقالت …..يا جدي انا شوفتها كانت بتقرب من قاسم انت عايزني اشوفها كده واسكت
حامد قال….. هي كيفك كيفها محدش فيكم اكتر من التاني هنا
قدر قالت….. بس انا ليا ليا اكتر فده هو خطيبي وراح يبقى جوزي بعد شهر عايزنى اشوفهم كده دلوقتي واسكت
حامد قال…. قاسم هيتجوز راندا يمكن انت ما عجبكيش الموضوع لان دى غيرت ستات عادي هو من حقو يتجوز واحده واتنين واربعه كمان
قاسم قال… بس انا يا جدي بس جدو
قال بغضب…..هتتجوزها يا قاسم عشان انا ما جبتهاش من هناك عشان مرتك تضربها لو اعتبرنا يعني انها مرتك
قدر بصتله وقالت ….طيب ليه هي بنت ولدك وانا لا لاقيني في الشارع ليه تعمل كده ما انت عارف اني رايده قاسم وان هو كمان رايدني ليه تفرقنا
حامد قال…. انا ما بفرقش بس انا كمان عايز اشوف بت ولدى التانيه هنا انتو تقدرو تعيشو انتو التلاته سوا كيف ما كل الناس بتتجوز انت يا قاسم فوض الموضوع ده الخميس الجاى تتجوز راندا وانتى لو عايزه تتجوزيه اتجوزيه مش عايزه احسن قاسم كان واقف ساكت قدر بصتله بغضب و طلعت على اوضتها بسرعه
قاسم بص لحامد بسرعه وقال……. اعمل فيك ايه اتجوزني من غير ما تسالني من غير ما اعرف حتى
حامد قال….اه هتتجوزها ومن غير ما اسألك لاني عارف انك ما يهونش عليك زعلي دى بنت ولدي وعشان اتطمن عليهم الأتنين يبقوا معايا فيها ايه يعني لما تتجوزهم هي زعلانه ليه
قاسم قال……زعلانه يا جدى عشان هي بتحبني وانا كمان بحبها هي من حقها انى اكون ليها لوحدها هي ما عوزاش حد يشاركها فيا
حامد قال….. لا عادي كلها الناس بتتشارك تتجوز ولا هي هتعملها حال لحالها كلها الناس ماشيه كده
قاسم قال…..بس انا مش عايز اتجوز غيرها يا جدى حتى لو هتجوزها هي كمان انا مش عايز غيرها هي تكفيني عنهم كلهم
حامد قال…..بس كده هى هترجع عند امها تاني
قاسم قال….ليه هي لازم يعني تقعد في بيت جوزها مينفعش تقعد في بيت اخوها شوف قعدها كيف ما تحب وكيف ما هي تحب لكن بعيد عني انا مش هخسر قدر عشان اي حد
حامد قال…..حتى لو كنت انا
قاسم قال….وانت ليه هخسرك لما اتجوز قدر انا بحبها من وقت ما كنا عيال و حبها كبر معايا مش عايز غيرها معايا يعني لا راندا ولا غيرها وانت يا جدى الله يوفقك شوف اي سكه تانيه غير دي
حامد قال….بس يا ولدي
قاسم قال…ما بسش يا جدى انا مش هتجوز غير قدر والخميس الجاى كمان هتجوزها سنه واما تبقى تكمل ابقى اكتب عليها
حامد قال….على شهر يا ولدى
قاسم قال….على يوم يا جدى انتو زودتوها قوى ومشى طلع على اوضت قدر ودخل وكانت قدر قاعده فى البلكونه بضيق ورندا قاعده على السرير قرب عند رندا
وقال….انا جواز ماهتجوزكش ماشى انا بحب قدر اللى قاعده هناك دى حلو اوضتى بقى مشوفكيش قريبه منها مش بس فيها وقال بزعيق…. ماشى رندا هزت دماغه بايوه بسرعه وراح عند قدر
وقال…قدر قدر التفتتله والدموع متجمعه فى عيونها بصلها بحزن وقعد على ركبته ومسك اديها
وقال… ليه كده كل الدموع دى عشانى انا مستهلش دموعك دى ولا اى حاجه فى الدنيا تستاهل انك تنزلى دموعك دى غاليه قوى عندى انا كلمت جدى وقلتلو انى مش هتجوز غيرك وحددت المعاد انا هتجوزك يوم الخميس الجاى هتجوزك سنه وبعد الشهر ابقى اكتب عليكى عشان انتى اللى هتلجميهم تاجى اوضتى وبكده محدش هيدخلها تبقى معايا وهى مش هتتجرا تبصلى بس وانتى على زمتى حتى جدى مش هيقولك تلت التلاته كام لأنى هبقى جوزك وساعتها اقل حق عندك انك لما تشوفيها قريبه مني تجيبيها من شعرها هي او اي واحده تانيه غيرها انا عارف انك زعلانه مني عشان وقفت وما اتكلمتش قدام جدي بس انتى عارفه انه راجل كبيره و عيان وانا اخاف عليه بس انا قلتله والله انى معاوزش غيرك وهو وافق وبعدين حتى لو زعل دلوقتي كل حاجه ليها حل الا فراقك ده اللي ما لهوش حل وصعب قوي
قدر مسكت ايديه و قالت …..انا ما زعلاناش منك انا بس زعلانه على فكره ان فى واحده تانيه هتشاركني فيك انا مستنيتش منك ترد في وش جدي انا استنيت منك توقفها هي وانت وقفتها كتير وانا جمبك ومش ههملك واصل هنبعد اي حد يوقف في طريقنا كيف لما كنا عيال قلتلي طالما يدك فى يدى اكسب اي تحدي وانا معاك اهه يدى في يدك مش هسيبها واصل و بقت بين ايديه وضمته بتملك وبصت لراندا اللي حرفيا كانت هتموت منها الغيظ وغمزتلها ورندا مشيت بسرعه ..
الفصل التالي اضغط هنا
يتبع.. (رواية قدر القاسم) اضغط على اسم الرواية لتجد الفهرس كاملاً بجميع الفصول.