رواية اسير عشقك – الفصل الثاني
٢… نادره قامت مخضوضه وانكمشت على نفسها
وقالت…ايه فى ايه
انيس قال…..اهدى اهدى فى ايه ده اناأنيس كنت بصحيكى اتطمنى نادره بصتله بسخريه
وقالت…مفيش امان بياجى وسط الديابه ها حضرتك عايز ايه دلوقتى
أنيس قال بحده… لمى لسانك ها ومتنسيش نفسك مش عشان الكلمتين القرع الى قولتيهم فوق يبقى احنا كد بعض انتى خدامه وانا البيه يلا فى شغل فى أوضتى عايزك تعمليه وطلع ونادره قامت و بقت تساوى هدومها وطلعت وراه وشافت الهدوم الى فى الدولاب كلها نازله وانيس مدد على السرير
وقال..طبقى الهدوم دى ونضفى الأرض نادره بقت تطبق الهدوم
وانيس قال…انتى بتلبسى منطلون تحت العبايه والبتاع ده وشاور على النقاب وقال … والعبايه انتى نمتى بيهم ازاى كده مش خنقه انتى مش حرانه
نادره قالت…لا يابيه حر وكتمت نفس بس مش حر قد نار جهنم بلبسهم عشان لو حد دخل المطبخ مايشوفش جسمى اهه انا طبقت الهدوم عايز حاجه تانى ولا اروح انام انيس كان بيبصلها بزهول
وقال…لاروحى نامى نزلت نادره على تحت وأنيس بقى يفكر فيها لحد ماراح فى النوم فى صباح يوم جديد قام أنيس يتسحب وراح على المطبخ ولقاها بتجهز الفطار وقف وراها
وقال …صباح من الطيور المهاجره على الزهور النادره
نادره التفتتله وكان فى ايدها السكين وحطتها فى وشو
وقالت ..خير يابيه فى حاجه
أنيس قال…. طب حتى ردى الصباح طيب بالقافيه كده زيى شوفى كده مهاجره نادره
نادره قالت…صباحك سكاكين بتجرح…. على الجتت الى بتتلقح
أنيس قال بغضب… ايه يابت انتى ده انتى ازاى تكلمينى كده انتى نسيتى نفسك ولا ايه انتى حتت خدامه لا راحت ولا جات نادره قربت منه
وقالت…انت الى نسيت نفسك يابيه ليه تخلى حتت خدامه لا راحت ولا جات تكلمك كده بص عاد يابيه انا البيه الكبير جابنى لشغل معين وه خدمتكم بحد محدود يعنى اطبخ اغسل انضف اكوى انما الشغل الى انت عايزنى فيه ده مش بتاعى وعمرى ماهعملو وعشان متضيعش وقتك الغالى مع حتت خدامه لا راحت ولا جات شوفلك غيرى اسفه انا مش هقدر اعمل الى انت عايزو منى ده وبقت تجهز الفطار من غير ماتستنى رد منه
وأنيس قال…..عايزه كام
نادره قالت وهى بتجهز الأكل…. انا مش عايزه فلوس انا مرتاحه كدن انا مش هغضب ربنا عشان الفلوس الكلام ده تقولو لواحده غيرى وطلعت تحط الاكل على الطاوله .وكانو التلاته قاعدين على الطاول وأبوهم قعد معاهم
ونادره قالت….معلش ياحازم ببيه مفيش أوضه اهنه تكون فاضيه اصل انا نمت امبارح فى المطبخ وبصت لأنيس
وقالت .. ولأنه مفتوح بيدخل هوا بارد قوى حازم فهم
وقال..تمام يابنتى خدى اوضه من الى مقفولين نضفيها واقعدى فيها
نادره قالت.. شكرا يابيه وراحت على المطبخ
وحازم قال…مين فيكم بقى الهوا البارد الى راح المطبخ الولدين شاورو على أنيس وأنيس بصلهم بتوعد
وحازم قال…دى مش من الخدمات الرخاص الى بتجيبهم ها البيت الى بهدلتوه وقليتو قيمته ده عمر امكم مكانت ترضى تدخل ستات غيرها فيه ده حتى اصحابها كانت تقابلهم على الكافيه بره عمره مادخلتو ست غيرها غير حماتى ودى طبعا مش من الصنف أعمل فيكم ايه ربنا يهديكم ماانا مش قادر ادعى عليكم ياولاد مروه ربنا يهديكم يلا يامؤنس علشان تعدى على خطيبتك وتجيبو المحابس خلينا نخلص وبص لأنيس
وقال…انت هتتجوز وراه على طول للعلم يعنى ولو لقيت واحده تتحمل قرفك هجوزك معاه فى نفس اليوم يابتاع المطابخ والحمامات ومشى وأنيس طلع بغضب بره البيت وفى الليل رجع أنيس وكان سكران جدا جاب مفتاح للأوضه الى نادره قاعده فيها وابتسم بخبث ودخل وشافها نايمه على السرير بعبايه بيتى ضيقه شويه و وشعرها نازل على اكتافها ووشها وأنيس قرب منها وبقى يبعد شعرها من على وشها ونادره حست بيه وقامت مفزوعه ورجعت لورى برعب وبقت تخبى نفسها بالمفرش بتاع السرير وأنيس كان سكران جدا
وقال… ايه يابت الجمال ده طب ما أهيكى حلوه اهوه امال بتبعدى ليه هو انا مش عاجبك مش مالى عينك يابت وقال بضيق…. انا هوا بارد ونادره جريت لبره وبقت تصرخ بس أنيس كتم صرختها بايدو ووقعها على الأرض ونادره بقت تحاول تفلت منه بس مكنتش قادره عليه وبقت تحاول تصرخ بس من غير فايده مسكت فاظه من على الكمود وضربته بيها على دماغه وبقت تشهق جامد وجريت لبست هدومها وبقت تلم هدومها فى الشنطه وحازم جيه
وقال…كان فى صوت صريخ جاى من عندك يابنتى بس لقى أنيس مرمى على الأرض و نادره بتبكى وبتشهق جامد
وقالت….انا ماشيه ياعمى انا مش هقعد هنا انا كنت هروح فيها انت قولتلى ان أبنك بيصيع مع الخدمات وانك عايز واحده محترمه انت مقولتليش انه بيعمل كده غصب عنهم
حازم قال…اهدى شويه يابنتى هتروحى فين مش انتى قولتى بس نادره
قالت…ارض الله واسعه اناهروح اى حته انا خلاص غيرت رأيى
الفصل التالي اضغط هنا
يتبع.. (رواية اسير عشقك) اضغط على اسم الرواية لتجد الفهرس كاملاً بجميع الفصول.