رواية زهرة وسط أشواك – الفصل السادس والعشرون
وبمجرد ما حمزة دخل الجامعة بص شاف زهرة قدامه واقفة مع شاب وبتهزر وتضحك معاه
رمي السيجارة علي الأرض وداس عليها برجله وهو في قمة غضبه وراح يقرب عليها كانت زهرة شافته
ف راحت هي بعدت عن الشاب بسرعة و قربت عليه قبل مايعمل مشكله ويفرج عليها الجامعة
حمزة بغضب…. مين ده يابت
وهو بيبص علي الشاب اللي اول ماشافه هو كمان جري
كان حمزة بيتحرك ناحيته
لكن زهرة علطول وقفت قدامه تمنعو وهي بتقول
… حمزة. تـ. تعالي نمشي
حمزة بغضب .. ميين ده
زهرة بتوتر…. دا . دا واحد زميلي عادي
حمزة بصلها .. واحد زميلك. يعني ايه واحد زميلك . واقفه معاه ليه
زهرة….. عادي وفيها ايه
حمزة….. ياشيخة. انتي واقفة تتمرقعي معاه وبالنسبالك عادي
زهرة بغضب…. انا مسمحلكش. ومتتخطاش حدودك معايا تاني
حمزة….. تمام. تعالي بقا
وسحبها من ايدها
شدت ايدها منو و بغضب عصبية…. انت عاوز ايه وجاي ليه اصلا
حمزة بصلها وبطريقة مرعبة…. امشي قدامي بدل ما اهزقك هنا.
وبنبرة حادة….. يلااا
بصتله بضيق ومشيت قدامه وهي مرعوبة من شكله اصلا
لكن كانت بتظهر العكس
حمزة فتح العربية….. اركبي
زهرة….. بس انا معايا عربيتي
حمزة….. اركبي
زهرة….. بقولك معايا عربيتي. انت مبتسمعش
حمزة….. اركبي قولت. اخلصيي
نفخت بضيق وركبت
وبعد ماحمزة ركب ولسه بيشغل العربية
قالت بعصبية….. انت عااوز اييه مني
حمزة بكل هدوء…. انا جوزك ياهانم. ولانسيتي
زهرة بصتله…. لا منسيتش بس احنا خلاص هنتطلق وكل واحد فينا هيروح لحاله. يعني ملكش علاقة بيا
حمزة …. طاب ياروح امك من هنا بقا لحد مانتطلق اي حركة هتعمليها هتبقي بحساب. وياويلك مني.
وبتحذير…. اقسم بالله لو عرفت انك خرجتي بدون اذني مرة تانية او حاولتي تتصرفتي اي تصرف مش هيعجبني هكسرلك دماغك
زهرة اتعصبت ولسه هتتكلم
بص علي شعرها وقال…. فين الحجاب
زهرة…. نعم!!
حمزة بغضب….. الطرحة فيين.. انا مش قولت قبل كده ماتخرجيش بشعرك ده
زهرة بلعت ريقها…. قولت
حمزة….. امال كلامي ماتسمعش ليه
زهرة بشجاعة مزيفة….. انا حرة. براحتي. وانت ملكش اي حكم عليا
بصلها شوية من غير مايتكلم وبعدين طلع بالعربية
مكانتش فاهمة سكوته دا ايه لكن بعد شوية لاقته وقف في بالعربية قدام مول
زهرة باستغراب…. انت هتعمل ايه
حمزة مردش عليها ونزل وبعد دقايق رجع فتح العربية وركب وحدف عليها شنطة وقال…. البسي طرحة من دول
وكمل بتوعد….. واقسم بديني يازهرة ما المحك بره البيت من غيرها لازعلك
زهرة حرفيا مكانتش طايقاه بس قالت تقصر الشر
وفتحت الشنطة لاقت كذا طرحة سحبت واحدة منهم ولبستها اي كلام وهي متضايقة وبتنفخ
شوية وحمزة غير الطريق
زهرة خدت بالها ف قالت بتعجب…. انت موديني علي فين. دا مش طريق البيت
حمزة فضل سايق و مردش
زهرة بخوف….. حمزة. دا مش طريق البيت. انت رايح فين بجد
حمزة ببرود….. رايح الشقة
زهرة….. نعمممم. وانا
حمزة بسماجة…. انتي معايا
زهرة…. حمزة متهزرش. روحني يلا يا تنزلني هنا
بس حمزة ولا كأنه سامعها فضل مكمل
زهرة بعصبية…. نزلني بقولك.. وربنا لو منزلتني هرمي نفسي
وبعد وقت حمزة فتح باب الشقة ودخل
زهرة وهي بتحاول تبقي هادية…. انا عاوزة افهم انتا جايبني هنا ليييه
حمزة….. انتي مراتي
وقبل مازهرة تتكلم قعد علي الكنبة بأريحية وفرد دراعه وقال…. ادخلي اعملينا حاجة ناكلها
زهرة رفعت حاجبها…. افندم
حمزة…. ايه ماسمعتيش
زهرة…… وانا مالي بيك ماتطلب اكل. وبعدين انا مش جعانه
حمزة…. بس انا جعان. وعاوز آكل من ايد مراتي
زهرة… لا متهزرش انت عاوزني اطبخلك دلوقتي
حمزة…. ومالو انتي مش مراتي وده حقي عليكي
كانت لسه هترد
حمزة قاطعها…. يلاا. انا واقع
زهرة بضيق ونفاذ صبر… عاوز تطفح.قصدي تاكل ايه. خلينا نخلصص
طلع سيجارة وهو بيولعها قال.. انتي بتعرفي تطبخي ايه
زهرة بغرور…. كل انواع الاكل
بصلها وقال…. اوعاا.. طيب اعملي اكلة علي ذوقك
دخلت المطبخ وهو فضل مكانو وهو بيشرب السيجارة
شوية وقام يشوفها،، وقف علي باب المطبخ يتفرج عليها وهي بتنجز كل حاجة مهارة
قرب عليها وهي مشغولة وحضنهما من ضهرها وقال… مش عاوزة اي مساعدة
اتوترت زهرة وقالت …. احم. ابعد لو سمحت
حمزة شال شعرها علي جمب وبدأ يبو، سها علي رقبتها قبلات متفرقة
وهي غمضت عنيها لكن قبل ماتضعف
لفت ليه وهي ماسكة السكيـ نة ورفعتها في وشه وقالت …. اطلع بره
حمزة…. اهدي وبلاش تتجنني
زهرة وهي لسه رافعة السـ كينه في وشه…. اطلع بره
حمزة…. نزلي بس البتاعة دي لا تتعو، ري
زهرة…. هنزلها لما تبعد
بعد وهو بيقول … دانتي بت فصيلة ماكنتي هادية جرالك ايه
زهرة…. اخرج بره
حمزة….. طب ماتخليني اساعدك طيب
زهرة …. يلاا.. ولو فاكر بحركاتك دي هتخليني اضعف.. تبقي غلطان
حمزة…. ما تديني فرصة يازهرة.. دا انا بحبك
زهرة بسخرية… اه مصدقاك
اتنهدت وقالت…. بقولك ايه يلا سيبني خليني اخلص. علشان اتأخرت
حمزة…. ما انا كان غرضي اساعدك وننجز مع بعض
وهو بيبص علي جمسمها بوقاحة
زهرة وهي بتطلعه بره قالت.. انت كان غرضك تقل ادبك. منا معنديش مشكله لو كنت هتقف باحترامك
حمزة طلع…. انتي الخسرانه
وهي رجعت تكمل الاكل
بعد دقايق
كانت خلصت الاكل وجابته حتطه قدامه وفضلت واقفة
حمزة…. مش هتاكلي
زهرة…. لا
حمزة …. براحتك
وبدا ياكل
زهرة فضلت مستنياه بملل لحد ماخلص
وبعدين قالت …. يلا بقا
حمزة…. اعمليلي شاي
زهرة… اييييه
حمزة…. شاااي. عاوز شاي
زهرة رفعت بصرها لفوق وهي بتتنهد بضيق…. ياربييي
ودخلت تعملو الشاي وهي متغاظة منو
وهي في المطبخ…. ياربي اعملو ايه ده. احطلو ملح بدال السكر
ورجعت قالت….. بس لو عملت كده هيخليني اعملو تاني وهبقي انا اللي بأخر نفسي
هي عارفة انو قاصد يضيع وقت لكن جات علي نفسها
وعملتله كل اللي طلبه
خرجت بالشاي وهي بتديهوله…. يارب نخلصص
حمزة خد الشاي وقعد يشرب ببرود وهو بيتلكم في التليفون
وزهرة واقفة هتطق من جنابها بس فجأة جريت علي الحمام لما حست بوجع في معدتها وانها هترجع ، وفضلت ترجع
حمزة لما سمعها اتخض وقام وراها
حمزة بقلق…. اي اللي حصل
زهرة وهي بتغسل وشها… مفيش
حمزة… مفيش ازاي. انتي شكلك تعبانة. تعالي نروح للدكتور
زهرة بسرعة…. لأ
حمزة بصلها باستغراب وشك
زهرة بتوتر…. انا بس. ش. شكلي اخدت برد في معدتي
حمزة…. طيب تعالي نروح للدكتور يكشف عليكي
زهرة…. لا لا. ما اهو انا اصلا روحت للدكتور امبارح واداني ادوية. هروح اخدها وهبقي كويسة.. يلا بقا نمشي
حمزة خدها ونزلو من الشقة
وبعد وقت كانو رجعو الصعيد
حمزة جي يدخل البيت اتفاجأ ب زهرة بتدخل معاه مدخلتش بيت رحيم
رفع حاجبه وقال… ايه ده. انتي هتيجي معايا
زهرة… اه
حمزة استغرب لكن قال… كنت عارف انك عاقلة واني مش ههون عليكي.. تعالي في حضني
وفتح ايده ليها
زهرة بصتله بسخرية ودخلت
زهرة…. عمي فين ياعمتو
وقبل ماعمتها ترد كان عمها خارج من اوضة المكتب
زهرة قربت عليه…. عمي انت وعدتني هتخليه يطلقني
هارون….. بردو مصممة يابنتي
زهرة…. ياعمي البيه اساسا متجـ..
ولسه هتكمل وتقول ان حمزة متجوز في السر من وراهم ملحقتش تكمل لأن كلهم اتفاجأو لما سهر دخلت وهي بتقول مساء الخير
هارون باستغراب…. انتي مين يابنتي
حمزة كان بيبص لسهر بتوعد وتحذير لكن سهر اتجاهلته وقربت خطوتين ناحية هارون وقالت…. انا مرات ابنك ياهارون بيه
وحطت ايدها علي بطنها وكملت…. وام حفيدك
الفصل التالي اضغط هنا
يتبع.. (رواية زهرة وسط أشواك) اضغط على اسم الرواية لتجد الفهرس كاملاً بجميع الفصول.