رواية زهرة وسط أشواك – الفصل الثاني والعشرون
بترفع زهرة وشها وهي طالعة علي السلم لتتفاجأ ب حمزة اللي كان نازل من عند شيري، اتصدمت ومكانتش عارفة تعمل ايه
بس من حظها ان حمزة كان بيقلب في موبايله ومشغول فيه يعني مشافهاش
استغلت زهرة ده و بسرعة سحبت نفسها بهدوء ورجعت لورا قبل ماحمزة ياخد بالو منها ونزلت بسرعة وهي بتتلفت علي مكان تتداري نفسها فيه،، بصت لاقت اوضة مفتوحة دخلت علطول استخبت فيها وهي حاطة ايدها علي قلبها وبتنهج بتوتر
بعد دقايق فتحت الباب بهدوء وخرجت وهي بتبص عليه كان نزل وهو بيتلكم في التليفون وخد عربيته ومشي
اتنهدت براحة لكن كانت متوترة وهي مش علي بعضها وراحت طلعت ل شيري مكتبها.. دخلت وهي حاطة ايدها علي قلبها وبتتنفس بعنف
شيري قربت عليها بلهفة وهي بتتطمن عليها…. زهرة… حمزة كان عندي دلوقتي ولسه نازل. هو شافك. شوفتيه طيب
زهرة وهي بتنهج…. شوفتو.. بس استخبيت منو.. قبل مايشوفني
شيري… جدعة
زهرة بصتلها…. انا خايفة
شيري…. خايفة من ايه هو خلاص مشي
زهرة…. بس اكيد هيخلي حد من رجالته هنا يراقبك لأنو اكيد شاكك اني عندك او تعرفي مكاني
شيري…. هو فعلا شاكك بس انتي اتطمني متقلقيش. انا هعرف اذا كان مراقبني ولا لا.. متقلقيش
زهرة…. بس انا مش هينفع افضل عندك في الشقة
شيري….. ليه ما انا قولتلك اتطمني
زهرة….. لا هو اكيد هيوصلي… شيري انا مش عاوزاهم يعرفو مكاني.. انا لازم امشي اروح مكان تاني
شيري بتفكير….. طيب خلاص. انا عندي شقة محدش يعرف عنها حاجه. هاخدك تقعدي فيها .. اتطمني بقا.. مش هخليه
يوصلك بسهولة ابدا. هخليهولك يلف حوالين نفسه كده
وضحكت وهي بتضم زهرة ليها وبتطمنها وبتقولها… اتطمني بقا
……………..
في الصعيد
: انا مش فاهمه حاجه.. ازاي يعني زهرة بنت زيدان. مش بنت محمد
قالتها صفية باستفهام لـ هارون
لترد امينة وتقول هي كمان …. والنبي ياختي انا زيك. مافاهمة حاجة
وبصت ل هارون اللي قاعد قلقان وماسك تليفونه وكان واضح انو مستني مكالمة وقالتلتو بتساؤل… هو ازاي ده ياحاج.. يعني بعد السنين دي كلها نكتشف انها بنت زيدان!!! طب ازاي واحنا منعرفش
صفية… انا مصدومة ومستغربة
هارون…. نلاقي البت الاول وبعدين اتصدمو واستغربيو براحتكم
صفية بغيظ …. وانتو ليه كنتو مخبيين علينا يعني ياهارون
هارون بحدة ….مش وقتو ياصفية. انا مش عاوز لت كتير دلوقتي
في اللحظة دي دخل حمزة
هارون بسرعة….. ايه عرفت مكانها
حمزة قعد بيأس…. لسه
هارون بحيرة….. يعني ايه. فص ملح وداب. اختفت يعني
حمزة بشرود وهو بيتوعدلها…. متقلقش يابوي. كده كده هاجبيها
وفي نفسه… طيب يازهرة. انا هعرفك ازاي تمشي وتسيبي البيت
……….
مساءا في اخر اليوم
عند زهرة وشيري
زهرة بزهق….. ها خلاص
شيري وهي بتلم الورق اللي قدامها علي المكتب…. خلاص اهو
و قامت وهي بتاخد تليفونها وشنتطها.. يلا… بس مش هنروح
زهرة…. امال هنروح فين
شيري….. هروح اعمل شعري وانتي هتيجي معايا
زهرة…. ماشعرك حلو اهو هتعملي فيه ايه
شيري…. هغير لونه. بقيلي كتير مغيرتوش
زهرة …. اللي تشوفيه.. بس انا مش هينفع اجي معاكي
شيري…. لييه. ماانا اتأكدت ان مفيش حد بيراقبنا..قلقانة من ايه بقا
زهرة وهي حاسة بأرق … ايو بس عاوزة ارجع الشقة علشان انام
شيري….. يااازهرة. سيبك من النوم بقا ياحبيبتي. ويلا تعالي معايا نعمل لوك جديد كده بدل الزهق والملل ده.. طب انتي مش عاوزة تعملي حاجة في وشك.او في شعرك اي تغيير كده
زهرة… لا. انا ماليش نفس اعمل اي حاجة سيبيني باللي انا فيه
شيري….. احنا قولنا ايه.. هنحاول ننسي ونعيش حياتنا…
هاا هتعملي ايه بقا..
وهي بتبص علي شعرها… انا بقول تغيري لون شعرك انتي كمان
بصتلها زهرة بعد ما اتحمست قالت… لأ. انا بفكر اقصه. عاوزة اعمل قصة جديدة
(زهرة في الاساس شعرها طويل جدا ولونه بني، ودايما بتعملو كيرلي)
شيري بحماس هي كمان….. ايوا بقا.. يلا بينا
…………………………………
عند سهر في شقة مامتها اللي هي تحت شقتها
لان حمزة من يوم مااتجوزها اخدلها شقة ولـ مامتها شقة في نفس العمارة
سهر قاعدة بتبكي وحزينة
بصتلها لثواني اختها الصغيرة اللي قاعدة بتذاكر
وقالتلها بتساؤل…. سهر هو انتي بتحبي حمزة. ولا بتحبي فلوسه
مسحت سهر دموعها وردت عليها باستغراب…. مش فاهمه. ايه السؤال ده. تقصدي ايه
رنا….. اقصد بتحبيه هو ولا بتحبي فلوسه. واضحة اهي
سهر….. بحبه وبحب فلوسه
رنا….. بس اكيد بتحبي حاجة اكتر. يعني يا بتحبيه هو اكتر يا بتحبي فلوسه اكتر
وقبل ماسهر ترد رنا قالت… وانا متأكدة انك بتحبي فلوسه اكتر . لانك معندكيش استعداد ترجعلي للفقر تاني..وهو ده اللي مخوفك ياسهر انو يطلقك لأنك بكده هترجعي للفقر تاني
سهر….. بس انا بحب حمزة. حبيته بجد
رنا…. طب عندك استعداد ترجعلي للفقر تاني حتي لو مع حمزة؟؟
سهر سكتت
رنا… يبقي بتحبي فلوسه
سهر …..وفيها ايه لما احب فلوسه.. حمزة جبل فلوس ملهاش اخر.. و انا مش هستني لما يطلقني ويروح لحبيبة القلب يتهني معاها
كملت بغل….. استحالة اسيبه يتهني معاها وانا يرميني كده
رنا….. اتطمني هو حتي لو طلقك مش هيرجعك للفقر تاني. حمزة اكيد مش هياخد مننا الحجات اللي جبهالنا دي يعني
سهر….. بس لو سابني مش هتفضلي في نفس المستوي اللي بقيتي فيه ياروح امك. دا بيصرف علي جامعتك بس قد كده
دخلت مامتها وهي معاها طبق سندوتشات ل رنا وهي بتديهولها وتقولها… خدي ياقلب امك كلي واتغذي علشان تقدري تذاكري
وبصت ل سهر وهي بتقعد …. وانتي الحقي اعملي اللي بقولك عليه قبل ما تلاقي نفسك لا كسبتي ابيض ولا اسود.بدل ماانتي قاعدة تعيطي كده. امني نفسك بحتة عيل يابت. اسمعي كلامي
رنا بصتلهم بملل وقامت خدت طبق السندوتشات وكتبها وخرجت تذاكر بره
بصت سهر لمامتها وقالت بحيرة… وهعملها ازاي دي. ماانتي عارفة ياماما انو مابيجيش غير كل فين وفين وحتي لما بييجي مابيقربليش من يوم مااتجوز السنيورة
مامتها…. والله اتصرفي بقا. اكيد مش هتغلبي يعني. انشالله تحطيلو مخدر في العصير. وانا اللي هقولك تعملي ايه.. اتصرفي المهم متضيعيش وقت. اتصرفي قبل ما تلاقيه مطلقك في اي وقت ياخايبة
سهر…. حاضر.. حاضر ياماما
مامتها… بالك يابت لو خلفتي منو حتة عيل العز اللي هما فيه ده كلو هيبقي بتاعك وبتاع ابنك
سهر… ياماما انا كمان بحب حمزة. مش هستحمل يطلقي اصلا
مامتها…. وماله حبيه ياختي. ماهو العيل ده اللي هيربطه بيكي
سهر… عندك حق. انا فعلا لازم اخلف منو بأي شكل
……………………
عند حمزة
كان قاعد في مكتبه ومرجع ضهره علي الكرسي ومغمض عينه بتعب
دخل رحيم بص عليه بسهرية وقرب قعد قصاده وهو بيولع سيجاره
حمزة حس بيه فتح عينه
رحيم بعد ماخد نفس من السيجارة ونفخه بهدوء قال… لسه برضو مش عارف توصلها
حمزة اتنهد بحيرة…. لسه. كأنها فص ملح وداب
بعدين انتبه ليه ف قالو بعصبية…. وانت مالك انت الاقيها ولا ملاقيهاش
كمل بتحذير….. رحيم خرج زهرة من دماغك. علشان اقسم بربي لو دماغك وزتك تأزيها هقـ تلك يارحيم.ولا هراعي قرابة ولا اخوة ومايهمني..
ابتسم رحيم وهو بياخد نفس تاني من السيجارة وقال …. للدرجادي بتحبها… وبعدين ياعم انا بحاول اساعدك تلاقيها. مش اللي في دماغك
حمزة لأنه مش مستريحلو…. رحييم ابعد عن زهرة. انا بحذرك لأني اقسم بالله بطـ لقة واحدة هخلص منك
……………………………..
في الصعيد
في بيت رحيم وخوصوصا في المطبخ كانت واقفة الشغالة وهي بتتكلم في التليفون وبتقول بصوت واطي… ايوا ياهانم. اه ليلي هانم سابت البيت من اسبوع وقاعدة عند ابوها.
: طيب و بيعامل ياسمين ازاي دلوقتي
الشغالة…. هو مش بييجي البيت كتير. بس مبقاش حابسها زي الاول. هو شكلو صدق انها ملهاش يد في حاجة.. المهم في حاجة مهمة حصلت وتهم حضرتك اوي
باهتمام… ايه هي
الشغالة…. بس دا خبر يستاهل تديني اللي اطلبه. لاني متأكده انو هيفرحك اوي ياهانم
: ماتخلصي ياختي انتي هتنقطيني. قولي علطول واللي عوزاه هتخديه. من امتا وانا بعز عليكي حاجة يابت
يلا اخلصي قولي وياريت بعد دا كلو مايكونش خبر زي وشك
الشغالة…. لا ياهانم دا خبر مش اي كلام. دا هيبسطك اوي انا متأكدة
ردت عليها بنفاذ صبر… طب اخلصي
الشغالة….. بنت حضرتك.. طلعت عايشة مامـ، تتش
هيام بزهول وعدم تصديق… انتي بتقولي ايه يابت
الشغالة…. والله ياهانم زي مابقولك.. انا سمعتهم في بيت هارون بيه بيقولو انها ماماتتش. وانها كمان تبقي زهرة..
زهرة مطلعتش بنت محمد بيه ولا امال.. طلعت هي بنتك ياهانم. بس هما كانو مخبيين السنين دي كلها ومحمد وامال كانو مربينها علي اساس انها بنتهم. بس هي في الحقيقة بنتك انتي ياهانم
هيام بلهفة…. انتي متأكدة يابت من الكلام اللي بتقوليه ده
الشغالة…. ايوا والله ياست هانم. سمعتهم بوداني.. وحتي سمعت رحيم بيه كان بيتكلم في التليفون وكان باين انو متعصب لانو مش مصدق انها تبقي اخته. بس انا سمعت هارون بيه وكلهم بيقولو انها بنتك وبنت زيدان بيه الله يرحمه
………………………..
بعد مرور شهر
كانت زهرة لسه مختفية وكلهم كانو بيحاولو يوصلولها لكن بلا جدوي
هيام كمان من وقت ما عرفت كانت بتحاول توصلها بعد مااتاكدت انها بنتها فعلا
………..
اما زهرة كانت طول الفترة دي في شقة لوحدها محدش يعرف مكانها غير شيري فقط لأنها شقتها بس زي ماقالت محدش يعرف عنها حاجة وكمان زهرة مكانتش بتخلي شيري تروحلها علشان لو حد مراقبها. كانت بتطمن عليها بالتليفون بس بعد ماغيرت الشريحة
…
زهرة كانت نايمة فاقت علي وجع في بطنها قامت بتعب وهي ماسكة بطنها وهي بتحاول تقوم لأنها فجأة حست نفسها هتتقئ
قامت بتعب راحت الحمام وفضلت ترجع
غسلت وشها وخرجت وهي ماسكة بطنها وكانت دايخة جدا وصلت لحد السرير بصعوبة وهي مش قادرة وخلاص بتفقد الوعي مسكت تليفونها وهي بتحاول تكلم شيري
زهرة بتعب….. شـ. يري. ا الـ. حقيـ ني
وفقدت الوعي
شيري بقلق وخضة… زهرة. زهرة. انتي سمعاني ياحبيبتي
لكن زهرة كانت فقدت الوعي
بعدت وقت قياسي كانت شيري راحتلها واول ما دخلت لاقت زهرة واقعة علي الارض فاقدة وعيها
قربت عليها بسرعة وهي بتحاول تفوقها
بعد وقت كانت الدكتورة بتكشف عليها وبعد ماانتهت من الكشف عليها ، بصتلها شيري بقلق… ها يادكتورة
الدكتورة…. متقلقيش. دا طبيعي في اول الحمل. بيحصل كده دوخة واغماء
شيري بدهشة… حمل. حمل ايه يادكتورة
وبصت لزهرة بقلق اللي كان باين علي ملامحها الصدمة
الدكتورة…. مدام زهرة حامل
شيري…. متأكدة يادكتورة
الدكتورة….. اه طبعا.. ودي ادوية لازم تاخدها الفترة دي في اول الحمل
وهي بتديها الروشته
شيري اخدتها منها… شكرا
وخرجت توصلها وكلمت الصيدلية تجيب العلاج
بعدها دخلت ل زهرة اللي كانت قاعدة في السرير باصة ل الاشئ بوجه خالي من اي تعبير
راحت شيري جمبها… حمدالله علي السلامة ياحبيبتي
لكن زهرة كانت في عالم تاني
شيري بقلق عليها….. زهرة. حبيبتي. انتي كويسة
بصتلها زهرة وقالت بملامح جامدة…. البيبي ده لازم انزله
شيري… انتي بتقولي ايه.. انتي اتجننتي يازهرة
زهرة بغضب…. انا ابقي مجنونة لو سيبته في بطني
شيري…. زهرة. اهدي ممكن. مش ده الحل. اللي في بطنك ده ابنك. وده نصيبك
زهرة بعصبية…. دا ابن حمزة. وانا مش عاوزاه.. مش عاوزة حاجة تربطني بيه
شيري…. ايا كان انا مش هسمحلك تعملي كده وتنزليه
كملت بحزن لانها مش بتخلف.. غيرك مش لاقي يازهرة
عندك انا اهو نفسي في طفل ومش عارفة اجيبه.. انا مش هسمحلك تعملي كده ابدا وتنزليه.. دا اكيد خير ليكي
زهرة…. خير. خير ان يبقي عندي ابن من حمزة
شيري…. اه خير . مش ممكن البيبي ده اللي هيقربكو من بعض
زهرة بعصبية…. وانا مش عاوزة حاجة تقربنا من بعض اصلا
شيري….. بس انتي بتحبيه يازهرة
زهرة…. بحب مين ياشيري
شيري….. حمزة. انتي لسه بتحبيه يازهرة وماتنكريش
زهرة…. بطلي تخاريف. انا مش بكره في حياتي قدو.. واستحالة اخلي حاجة تربطني بيه.. دا واحد حيوان وخا، ين.. احب مين بطلي هبل
شيري بثقة … انا عارفة بقولك ايه. انا متأكدة انك لسه بتحبيه يازهرة. بس انتي حابة ترضي كبريائك. لكن انتي من جواكي بتحبيه ومش عاوزة تعترفي لنفسك ب ده
وقبل مازهرة تتكلم شيري قالت…. والدليل اهو انك حنيتيلو وسملتيلو نفسك. وبرضاكي
زهرة…..لا. هو استغل ضعفي.
شيري….. لا انتي بتحبيه علشان كده ضعفتي. لو مكنتيش بتحبيه مكنتيش هتسلميلو يازهرة. انتي بتحبي حمزة وعمرك ما نسيتيه.. حتي لما ارتبطي انتي واحمد محبتيش احمد.انتي اوهمتي نفسك انك بتحبيه وعيشتي الوهم ده. وافتكرتي انك نسيتي حمزة.. بس لا انتي لسه بتحبيه… واللي يأكدلك كلامي ان انتي بنفسك قولتيلي انك لما خرجتي منهارة قابلتي احمد ولما حاول يكلمك مديتهوش فرصة تسمعيه وفي نفس الوقت جريتي علي حمزة تترمي في حضنه وتشتكيله.
زهرة… ا انا مكنتش في وعيي مش عارفة روحت ازاي
شيري… هو ده اللي اقصده.. وانتي مش في وعيك رجليكي خدتك ليه. مروحتيش ل جدتك ولا حد من صحابك القريبين. لا روحتيلو هو واترميتي في حضنو هو تشتكيلو… قوليلي لو ده مش حب يبقي ايه
زهرة بدموع…. حمزة خا، ين ياشيري. اه بحبه. بس هو دايما بيخو، ني. انا مش هسامحه ابدا
شيري….. بس هو مخانكيش. حمزة متجوز من قبل مايتجوزك.. واللي اعرفه ومتأكده منو انو مش بيحبها
هو متجوزها علشان احتياجاته زي اي راجل مش اكتر. لكن مش جواز عن حب صدقيني… حمزة دايما كان بيجي يحكيلي انو محبش غيرك.. وبعدين انتي سيتيه سنين اتخطبتي فيهم لاحمد وكنتي شايفة حياتك. نفس اللي هو عملو هو اتجوز معملش حاحة غلط ولا خا، نك. لانو متجوزهاش عليكي. فكري يازهرة تديلو فرصة وتدي نفسك فرصة
بصتلها زهرة شوية لكن قالت بحسم …. انا عمري ماهكرر غلطتي تاني. انا وحمزة عمرنا ماهننفع نكون مع بعض. هتطلق منو لاني استحالة اكمل معاه هو عمره ماهيتغير.. هيفضل طول عمره بتاع ستات ورمرام. وانا عمري ماهسامحه ياشيري. عمري
……………………..
تاني يوم
جرس الباب ضرب زهرة قامت تفتح اتفاجات بـ رحيم
الفصل التالي اضغط هنا
يتبع.. (رواية زهرة وسط أشواك) اضغط على اسم الرواية لتجد الفهرس كاملاً بجميع الفصول.