رواية جنون الهوا – الفصل الثالث
٣…..حسن قال بتوهان….قوى عزه ضحكت بخفه وراحت قعدت على طرف الكنبه
وقالت…ولما انا حلوه قوى كده ليه مش شايفنى حسن قعد وبقى قريب منها
وقال…أشوف ايه بس انتى بنت صغيره ومجنونه انتى عندك كام سنه ياعزه
عزه قالت…١٨ سنه وشهرين وتلت أيام وبصت فى الساعه الى على الحيط
وقالت… وأربع سعات ودققتين وتلت ثوانى
حسن قال.. مش عايز اصدمك والله بعد اخبار اليوم الى قرتيها دلوقتى بس انتى برضه صغيره انتى بتدرسى
عزه قالت…تؤتؤ انا مكملتش تعليمى
حسن قال…طب انتى عارفه انا عندى كام سنه
عزه قالت بهتمام …لا عندك كام سنه
حسن قال …٣٣يعنى فاضلى شويه وابقى قدك مره كمان
عزه قالت …وفيها ايه يعنى العمر مجرد رقم انت حلو وشباب وعضلات وانا حلوه ومدوره يبقى خلاص حسن ضحك على كلامها
وقال…بصى بقى يا عزه انا مش فاضى للعب العيال ده انا ورايا شغل مهم جدا ماشى وعايز اركز فيه عشان انجح فيه
عزه قالت…براحتك عادى انا ممكن استناك ست سنين لقدام
حسن قال ..ست سنين الله يطمنك لا انشاء الله نخلص قبل الست سنين يلا بقى روحى نامى
عزه قالت…طب تعال نام جمبى
حسن قال بسخريه …ليه بتخافى تنامى لوحدك
عزه قالت…لأ بس انا نفسى انام جمبك
حسن قال بحده….لأنامى لوحدك روحى يلا انا هنام هنا عزه اتنهدت بضيق
وقالت….هتاجى تنام جمبى على السرير ولا أسيحلك وأقول انك بس حسن حط ايده على بقها
وقال …اش خلاص روحى جاى وراكى عزه مشيت وهى بتقول رجاله متجيش غير بالعين الحمره حسن بصلها بغيظ وراح نام على السرير وبص بعيد عنها بس عزه .شدته ليها ودخلت بين اديه
و قالت…خليك كده ها حسن كان هيموت من الغيظ وعزه فلضت ماسكه فيه لحد ما راحت فى النوم فى صباح يوم جديد قام حسن ومسك عزه من هدوها بضيق وبعدها عنه وراح اخد شور وراح للبلكونه وبقى يبص على الشارع وعزه وقفت وراه وحاوطته
وقالت…بتعمل ايه حسن فلت اديها
وقال…بشتغل
عزه قالت…طب انا هاخد شور وانزل اجهزلنا فطار انا هعملك ملوخيه بالأرانب على الغدا تاجى تعمل معايا
حسن قال بغيظ ….لا روحى انتى دلوقتى وانا اول ما المهمه تخلص بأذن الله
وقال بغل… انا الى هدبح الأرنب بأيدى واسلخه واقطعه واطبخه واكله كمان عزه هزت دماغها بايوه ومشيت وحسن عمل اتصال
وقال…الو ايه وسمع شويه
وقال…مش كفايه لازم نحاصر من الاربع اتجهات كده لسه فى اتجاه مفقود وقفل عند عزه كانت بتجهز الفطار لحسن وحسن نزل وقف مع واحد ودالو حاجه وحسن ادالو فلوس ولسه هيطلع وقفت قدامه بنت
وقالت …حسن ازيك
وحسن قال… اهلا ووقف يتكلم معاه وكانو بيضحكو سوا وعزه جات وشافتهم وجريت عندهم بسرعه
وقالت …فى ايه ياوليه انتى مش متجوزه ولاهى رخامه وخلاص ايه عماله تتدلعى على جوزى ولا كأن فى بقره هتزعل على العجل الى بتعاكسيه و…حسن بصلها بغضب .
وقال…عزه اطلعى فوق
عزه قالت بغضب …اطلع لحد امتى امااشوف ابنك بيلعب جمبى
حسن قال بزعيق …بس بقى قولت اطلعى فوق يلا بس عزه ولا كأنها سمعاه وبقت تزعق مع البنت
وقالت….انتى مرات شحته انا عرفاكى استنى عليا ان ما رقعت بصوت وخليت والى ما يشترى يفترج عليكى ياخطافة الرجاله ماابقاش انا وزه بنت ام وزه يا بس حسن حط ايده على بقها وشالها من وسطها بدراعه التانى
وقال …روحى انتى دلوقتى وطلع على شقته ورماها على الأرض بغضب
وقال …ايه فى ايه طور هايج كده مش شايفه حد عمال اقولك اطلعى اطلعى هتفضحينا ولا سمعانى انا بس
عزه قالت…بدموع ايوه ياخويا خدوهم بالصوت لايغلبوكم
حسن قال بغضب….صوت يصوتو عليكى ويخلصو انتى هتشلينى دى تبع المؤموريه بيتفقو على القهوه بتاعتهم وهى شغاله معانا الهى تنشلى
عزه قالت ….وكانت بتضحك معاك ليه .
حسن قال…امم يمكن كمين مثلا ..
عزه قالت بحرج… ايه الى انا زعقتلها دى تبقى
حسن قال…اه تبقى متفقه معانا وبعدين انتى عملالك هيصه ليه ها الى يسمعك يقول علينا ميتين فى دباديب بعض انا متجوزك عشان تسكتى وأول ماالمهمه تخلص هرميكى فى الشارع رميت الكلاب بس قطع كلامه لما اخد بالو لجملته وعزه بصتله بدموع
وقالت…انت بتكدب صح انت بتقولى كده عشان تعاقبنى صح حسن اتنهد بارتياح
وقال…احم ايوه صح بس خلاص مش هسيبك
عزه قالت…طب ماتعزعلش منى انا كنت غيرانه عليك حسن اتنهد بضيق
وقال…طب خلاص
عزه قالت….يعنى انت مش زعلان منى
حسن قال…لأ مش زعلان خلاص
عزه قالت.. تمام وجات تقوم بس مسكت ضهرها .
وقالت بالم ….اه حسن التفتلها بخضه وجرى عليها يقومها
وقال… مالك فى ايه
عزه قالت ..ضهرى اتخبطت فيه
حسن قال…طب تعالى بالراحه وقومها ودخلها الأوضه
وقال ….هجبلك مرهم واجى وجيه
وقال …ورينى كده ومسك الجاكت بتاع البيجامه هيرفعه بس عزه مسكته بتمنعه
وقالت…ايه انت هتعمل ايه
حسن قال …هفكه عشان احطلك المرهم
عزه قالت..لا خلاص هات انا هحطه لوحد
حسن قال …مش هتطوليه لوحدك خلينى اساعدك
عزه قالت…طب بس انا ولبساه
حسن قال…ايه ازاى يعنى مش هينفع بلاش هبل دلوقتى جاى تتكسفى
عزه قالت…طب استنى انا هنزلو شويه بس
حسن قال ..طب خلاص هحطه من تحت البيجامه استنى وبقى يحطلها
وعزه قالت…خلاص كفايه كده ولما انت زعلت عليا كده وحابب تداويه كنت بتجرحو من الاساس ليه حسن وقف بغضب
وقال …انا مجرحتكش ياعزه انتى الى جرحتى نفسك معلش اعرف انتى ليه متمسكه بيا كده يعنى ايه الى شوفتيه مميز فيا عشان تحبينى كده للدرجه دى وتغيرى عليا
عزه قالت بدموع… ..معرفش يمكن مفيش عندك حاجه مميزه اصلا ويمكن انت اسوء من غيرك كمان بس اعمل ايه القلب ومايريد قلبى الى جايبلى التهزيئ وقلة القيمه جايبلى البهدله ومرخصنى ولسه هتقوم حسن مسكها وبص لعيونها
الفصل التالي اضغط هنا
يتبع.. (رواية جنون الهوا) اضغط على اسم الرواية لتجد الفهرس كاملاً بجميع الفصول.