رواية جنون الهوا – الفصل الأول
كل شويه الاقيكى واقفه معاه عند بير السلم ملقيتيش غير المحشش ده الى تحبيه يامقصوفة الرقبه هتشلينى اروح منك فين أوعى يامروه سيبينى عليها كانت فى بنت واقفه قدامها بتحوشها وفى بنت فى العشرين واقفه وراها
وبتقول ….يااما بحبه بحبه يالهوى يا اما انا مش عايزه اتجوز حمص بتاع الكشرى المعفن ده ياسلوى والنبى
امها قالت..سامعه يامروه سامعه بنت الجزمه دة بتقول ايه
مروه قالت…سامعه سامعه يا اماه وبصت للبت الى واقفه وراها وقالت… اهربى ياعزه …انا هسيبها انا مش قادره احوش هولد قبل ماعدى وعزه جريت على الأوضه وقفلت الباب وسلوى
قالت …بغضب متتجوزيش بتاع الكشرى اتجوزى بتاع الحشيش يامعفنه طب ورحمة أبوكى ياعزه لولقيتك واقفه معاه تانى لاسلخ جلدك عزه قعدت على السرير بضيق وفتحت البلكونه وكان فى شاب واقف فى البلكونه الى قصادها بملامح جذابه وجسم رياضى
وقال…أيه امك مشيت عزه شهقة بخضه
وقالت …انت بتعمل ايه هنا
الشاب قال…بشم هو ولما شوفتك فتحتى قولت اشوف أمك قتلتك ولالسه عايشهو
عزه قالت…لاياخويا اتطمن لسه عايشه
حسن قال…تمام هى معاها حق واقفتك معايا غلط انا مش عارف ليه تجيبى لنفسك الكلام
عزه قالت…طب ماتشتغل شغله تانيه
حسن قال….وانتى مالك انتى هتصاحبينى ودخل جوه وقفل البلكونه
عزه راحت اخدت شور وباليل عزه استنت امها تنام وراحت على المطبخ وبقت تدورفى الاكل ولقت حلة محشى واخدت لحمه وحطتها معاها واخدتها وراحت على الشقه الى قصادهم
وخبطت وفتحلها حسن
وقالت …امسك ياسونه
حسن قال… ايه ده
عزه قالت..محشى وحطيتلك قطعتين لحمه كمان عشان تتقوت بيهم انت تعبان طول النهار ياعينى بتلف على رجليك توزع الحشيش على الناس بس
حسن قال بغضب ….اشش بس هتفضحينى سمعتى الحته كلها بس
عزه قالت…ياندامه لا هو فى حد فى الحته كلها ميعرفش حسن الونش حسن ابتسم بغرور بس اختفت ابتسامته لما
قالت..ده انت السيده كلها تعرف انك اكبر تاجر حشيش…فى المنطقه تمن
حسن قال …خدى لحمتك ومحشيكى واتكلى من هنا يلا يابت
عزه قالت …انت امك ماتت ولا لسه حسن بصلها بستغراب
وقال ..ايه لا لسه عايشه ليه
عزه قالت….طب وحيات امك ماتكسفنى خدهم
حسن قال ..المدام سلوى بتزعل وانا محبش اعمل مشاكل
عزه قالت ..لا مدام ايه وتزعل ليه دى سلوى هى الى بعتالك الأكل قالتلى قومى يابت ياعزه اعملى شوية محشى وحتتين لحمه لسى حسن يرم بيهم عضمه وانا قمت عملتهملك باديه دول بس انت قولها خالتى بقى بلاش مدام دى خلى البساط أحمدى حسن اتنهد بضيق
وقال…..طيب ماشى انا هخدهم المره دى بس ماتجيبيش حاجه تانى سامعه عزه ابتسمت بفرحه وهزت دماغها بايوه وحسن دخل وقفل الباب فى وشها
وعزه قالت…يالهوى ياناس تقيل بشكل وراحت على اوضتها ونامت فى صباح يوم جديد قامت عزه من النوم على صوت امها وهى
بتقول ….. ياعزه انتى يابنت انتى قومى قامت عزه
وقالت…ايه يااما فى ايه
سلوى قالت..حلة المحشى راحت فين يابت
عزه قالت بارتباك …اه محشى ايه ده
سلوى قالت…المحشى الى ضهرى اتقطم وانا الف فيه امبارح والحمه كمان مش لقياها
عزه قالت ..ايه واللحمه كمان يبقى اكيد دى قطه ماهى كل مره بتاكلو ايه الجديد بقى النهارده
سلو قالت …لا يا ناصحه ما هوا الجديد ان القطه المره دى اخدتو بحلته عزه برقت بصدمه لانها ادتهولو بحلته
وقالت..برتباك اه انا معرفش بقى انا هدخل استحمى واجى ودخلت وهى مش عارفه هتعمل ايه والباب خبط وراحت سلوى تفتح وعزه بقت تحاول تلبس بسرعه وتطلع وسلو فتحت وكان حسن
وقال…اتفضلى الحله بتاعتكم ياخالتى .متشكرين تسلمى سلوى بصتله بغيظ وعزه طلعت تجرى وهى شعرها منكوش ولبسها مبهدل لانها لبست بسرعه
وقالت…. مين الى بيخبط ياماه حسن بصلها وضحك ومشى وسلوى قفلت الباب
وقالت..لا ابدا سلامتك ياروح امك دى القطه كتر خيرها بعد ما اكلت بترجع الحله بتاعتنا
الفصل التالي اضغط هنا
يتبع.. (رواية جنون الهوا) اضغط على اسم الرواية لتجد الفهرس كاملاً بجميع الفصول.