رواية عالمي الخيالي الخاص – الفصل الرابع 4
– اية ده على فين كده؟
= خارجه مع سارة
– سارة الى هي اصلا قاعده فوق؟
رديت بتوتر: ءءءء مع واحده صحبتي تانيه كده
= اممم و صحبتك دي اسمها يوسف؟
– ها؟؟
= متلفيش و تدوري!
– انت بتكلمني كده ليه اصلا!!!
= عشان انتي بتهبلي ! من امتي و انتي بتكدبي على عمو وطنط!
= انا مش بكدب مين قالك اني كدبت عليهم
– تمام يعني هما عارفين انك رايحه تقابليه ؟؟
= هقولهم ملكش دعوة
– فعلا؟ هتقوليلهم امتي؟ و من امتي و انتي بتخرجي مع حد اصلا ؟
= مانا بخرج معاك عادي !
مسح وشه بنفاذ صبر:
– يابت انتي هبـ ـله يابت ولا عبيـ ـطه !
– وطي صوتك طيب ! وطي صوتك هتلم علينا الناس
والله مش هتأخر وهنبقي وسط ناس اصلا ولما ارجع هعرفهم كل حاجه
” فضل ساكت وبعدين بصلي بنفاذ صبر”
= انا جي معاكي
– لاء مش هتيجي معايا! اقوله اي جيباك بودي جارد؟!!!
= يبقي اطلعي زي الشاطره كده عرفيهم انك كدابة
فضلت واقفه بفكر بعصبيه وبعدين بصتله: انا مش كدابة بعدين انت بتعمل كده ليه ؟ قاصد تضايقني يعني!!؟
– اضايقك؟ لا بس ابقي افتكري مين دايما كان بيخلي باله عليكي انتي و سارة انتي زيك زيها فا هطبق وشك انتي و هي لو حسيت انكم هتعملوا حاجه غلط فكري بعقلك شوية !!! انتي رمياه وبتفكري بقلبك بس؟؟؟
” اتفاجئت من طريقته! هوا ده الهادي! ده أدهم الهادي؟ ولا انا افورت عشان كده متعصب! ”
= خلاص تعالي معايا بس خليك فى العربية وانا مش هبقي معاه لوحدي ده مطعم و فيه ناس!
– والله؟ ده حل يعني
= ارجوك بقا انا اتأخرت عليه ونبي ونتكلم لما نرجع !
“قولتها بترجي فا بعد وشه عني”
= صدقني انا مش هعمل حاجه غلط! و انت هتبقي بره لو حسيت ان فيه حاجه مش عجباك ابقي اعمل الى انت عايزه!
***********************************
اللهم صلِ وسلم وبارك على سيدنا محمد.
” وصلنا قدام المطعم بعد ما كلمت يوسف و عرفته نتقابل هناك علطول فى المطعم واستغرب بس وافقني وكله من تحت راس أدهم.. بقلمي سلسبيل احمد ”
– اتفضلي انزلي يا هانم
بصتله بقلق: هتفضل مستني؟
= أها اخلصي انزلي الساعه 8 ترجعي العربية فاهمه؟ والا هنزل اخدك انا من جوه
” هزيت راسي بهدوء و نزلت دخلت و قابلت يوسف و كان باين القلق على وشي ”
– نور انتي كويسة ؟ اقعدي اتفضلي
قعدت وبصتله وانا ببتسم: انا بس ..
= قولي في ايه ؟
“حكيت له الى حصل كله..”
= وهو قاعد بره دلوقتي؟
” هزيت راسي بهدوء فا بصلي”
– بس انتي فعلا غلطانه معرفتيش عمو ليه؟ مش قولتلك هعدي عليكي و اطلع استأذنه
= يوسف ماما مكنتش هتوافق و كانت هتبوظ الخروجه بلا سبب عشان هي مش بتثق فيا
– مش مبرر يا نور اديكي خلتيه يمسك عليكي ذله و بعدين هو حشري ولا انا بيتهيقالي؟
= معرفش بقا هو مستنيني بره عشان يروحني اهو
– يعني كمان مش هروحك انا ونعرفهم
= طب أعمل ايه
– لازم تعرفيهم يا نور
بصتله بندم: هو انا بوظت الدنيا و ضايقتك صح!
= لا مش مضايق بس قلقان عليكي انا مشيت موضوع الشركة لما كدبتي عليهم عشان ميفهموش غلط لكن مش معناه تكدبي دايماً فاهمه؟
– فاهمة معاك حق ، انا هتكلم معاهم واتحمل نتيجة كدبي بقي
ابتسملي: خلاص بقا اضحكي عشان شكلك قطقوط اوي وانتي مضايقه! و إن شاء الله ميحصلش حاجه هنتصرف
ضحكت: هو انت كنت بتحتفل بمناسبة اي بقا و خرجتنا وكده
– بصراحه؟ بأستمرار صداقتنا لحد دلوقتي و اننا لاقينا بعض تاني دي افضل حاجه حصلت لي
اتكلمت بسرعه: فكرتني !!!!! يوسف النجمه ضاعت! اول ما انت رجعت النجمة بتاعتنا ضاعت مش لاقياها
– اووووه…طب بسيطه نشوف غيرها؟
ابتسمت: ايوه ، و انا كمان مبسوطه عشان رجعت علي فكره انا كنت بجد طول السنين دي عندي أمل اشوفك تاني معرفش لو مكنتش رجعت كان هيحصل ايه
= انا حياتي بجد كانت ممله في أمريكا وكلها روتين عشان كده سبت بابا و قررت اجي هنا اعمل مشروع حياتي كانت عباره عن شغل فقط مش فاكر اني كنت مبسوط اوي قبل كده !!
قبل ما اللقيكي يا نور مكنتش حاسس اني عايش دي احسن حاجه حصلت لي من سنين اني لاقيتك
“كنت طايره بسبب كلامه و مكسوفه اوي فى نفس الوقت مش عارفه ارد ، بيدج الفيس بوك سلسبيل احمد”
= هو انت مكنتش مبسوط هناك خالص!
– أبدا خصوصا بعد مـ ـوت امي
= ربنا يرحمها
– يارب ، من وقتها بابا اتحكم فيا و كان بينا مشاكل كتير دايما و مكنش ليا اي صحاب هناك
بصتله بأسف: كويس انك جيت هنا دي كمان احسن حاجه حصلت لي
ابتسملي بهدوء: صح خدي افتحي دي.
” بصتله بستغراب كانت علبة مربعه قطيفه و شكلها شيك اوي و لونها بينك ”
” فتحتها و لقيت خاتم فضه جميل اوي فيه زي جوهرة لونها بينك برضو! و هو على شكل قلب”
بصتله بدهشه: ده بجد!
هز راسه بهدوء: عارف انك بتحبي الفضة صح؟
ابتسمت بفرحه: ايوه!
= اللبسيه بقي شوفي مقاسه
– ده مظبوط؟
= مقاس ايدك سهل عشان اطفالي
ضحكت بفرحه وانا بشوف شكله ف ايدي وبصتله بعفويه: حلو؟
ضحك: حلو اوي عليكي. ، هاتي موبايلك اصورك
“ناولته الفون و صورني كتير وانا ايدي قدام الكاميرا و بضحك كنت فرحانه جدا”
– ها انتي جعانه بقا اكيد نطلب ايه
= لا مش جعانة خالص
– طب شوفي عاوزة ايه غير الأكل
= مش عاوزة حاجه
– تروحي؟
= أها
ضحك: طيب مش مشكلة عارف انك مش هتبقي مرتاحه
طول ما جاركم قاعد فوق دماغنا تعالي نخرج وانا هوصلك واتكلم مع عمو
– لا انا خايفه
= متخافيش ياستي..هنتصرف
” في اللحظه دي حسيت ان يوسف فعلا مش جبان!! وبيخاف عليا يمكن اكتر من ادهم نفسه”
” خرجنا ولاقيته واقف بره جمب عربيتة فا روحنا انا و يوسف وهو مكنش عاجبه فهمت كده من نظراته”
– كويس انك خرجتي بدري يلا
يوسف: انا هوصلها عشان اوضح لاونكل الموقف
ادهم بصله بسخرية: نعم؟ توصل مين
نور: فيه ايه يا ادهم؟ مش كنت عاوزني اقولهم
أدهم بعصبيه: وانتي لما ترجعيلهم معاه في العربية ده هيخليهم يفهموا ويتقبلوا الموضوع اوي ؟؟
نور بنفس النرفزه: انا والله مبقتش فاهمه انت عاوز ايه !
” يوسف لقاهم هيبدأو يتخانقوا جامد فا رفع ايده عشان يبعد نور عن ادهم ويهديهم ولكن قبل ما ايده تلمسها ادهم نطرها بغصْب”
ادهم: انت اجننت متحطش ايدك عليها
” اتصدمت من ردة فعله و وقفت قصاده بسرعه ”
– بس يا ادهم ايه الى بتعمله ده!!!
بصيت ليوسف: خلاص انا هقولهم لوحدي متقلقش
” يوسف اتحكم في غضبه بالعافيه وكان حرفيا على اخر و قابض ايده بنرفزه وغضب مكتوم وكل ده عشان مكانش عايز يعمل لنور مشكله”
اتكلمت بهدوء وطمنته: متقلقش انا هعرف اتصرف
” بصيت لأدهم بمعني يلا نمشي واول لما اتحرك ركبت العربية وانا بحمد ربنا ان الموضوع انتهي لحد كده”
” وصلنا البيت من غير ولا كلمه ونزلت وانا برزع له باب العربية بنرفزه وطلعت ”
” دخلت اوضتي برضو من غير ما اتكلم مع حد واترميت على سريري وانا عماله افكر اعمل ايه !! ”
************************************
” لا إله إلا انت سبحانك اني كنت من الظالمين ”
|| تاني يوم الصبح | الساعه 7 ||
” بدأت اجهز عشان انزل الشغل و كانت ماما صحيت وانا نازله فضلت بصالها وبفكر احكي لها ولا لاء ”
– فطرتي يا نور
= اها شاي بلبن و ساندوتش جبنه عاوزة حاجه!
– لاء خدي بالك من نفسك
” اتنهدت بخيبه امل وانا بفقد شجاعتي اني احكي”
” وصلت الشركه قبل يوسف و ابتسمت بنصر..
و لما وصل بعد شوية جالي وقعد”
بصتله وانا ببتسم: الناس المتأخره
= قولتي لطنط؟
– لاء لسه
= ليه يا نور؟ بعد ما تروحي لازم تعرفيها فاهمه
هسيبك بقا عشان في شغل كتير انهارده.
” مشي و بدأنا نشتغل يوم التلات فعلا الشغل فيه بيكون
كتير.. وكان يوم ممل لحد ما فجأه حصل إثارة جدل..
لقيت واحده حلوة لا بجد حلوة دخلت مكتبه فجأه بمنتهي السهوله من غير ما تخبط! استغربت و اضايقت فى نفس الوقت مين دي أصلا وليه معرفهاش ، بيدج الفيس بوك سلسبيل احمد ”
***************************************
سبحان الله وبحمده سبحان الله العظيم
يوسف قام من على الكرسي وبصلها بتوتر: صوفيا؟
– why did you come here? there’s any thing is happened?
– (جيتي هنا ليه حصل اي حاجه؟)
= Nothing, I just wanted to talk to you. You know, we didn’t talked much lately
(لا مفيش حاجه انا بس كنت عايزه اتكلم معاك عشان زي ما انت شايف مش بنتكلم خالص فالفترة الاخيره.)
– yeh sure, let me take you to café we can talk
= (اها اكيد، خلينا نروح كافيه عشان نقدر نتكلم.)
– okay
( ماشي)
” و فعلا خدها و خرجوا من المكتب تحت نظرات نور الى مكنتش مريحه وحست بضيق شديد”
نور خرجت للسكرتيره: هو يوسف فين محتاجه اسأله على حاجة
= عنده اجتماع تقريبا ساعه و يوصل
– اها مع البنت الى جت هنا ؟
= ايوة.
” دخلت تاني للمكتب وفضلت افرك يعني دي عميله ولا اي مش فاهمه وبيجتمع معاها بره الشركه ليه ! فات حوالي ساعه و نص شوفته داخل و بيتحرك ناحيه مكتبي فا حاولت اعمل مش فارق معايا! ”
” دخل وبصلي عادي ”
– بقولك يا نور
= ايوه؟
– انا مش هعرف اجي الشركة بكره عشان عندي معاد اجتماع بره.
= تاني مع البنت الى جتلك؟
– تقريبا اها هتبقي موجوده هي شريكه معايا في شغل
= فعلا !
– ايوه احنا رجعنا من امريكا سوا
= اه اه وايه كمان
– ايه؟
= لا ولا حاجه براحتك
ضحك وبعدين ابتسملي: نور.. دي مجرد شغل
– براحتك يا يوسف عادي
= لا مهم عندي تعرفي علاقتنا عامله ازاي
– يعني هي مجرد شغل
= ايوه اوعي تكوني غيرانه انتي صديقتي الوحيده
بصتله: دي جميلة اوي لازم اغير
ابتسم و قام وقف: جميلة اها بس هي مجرد شريكه معايا و على فكره انتي احلي وانا شايف كده.
” قال جملته و بعدين خرج راح المكتب وانا فضلت احاول اكتم ضحكي عديت الموضوع ومكنتش مضايقه و اخيرااااا خلصنا شغل و المرة دي وصلني للبيت عشان كنا اتأخرنا شوية ”
– حمدلله على السلامه متنسيش بقي
= انا حاسه اني مش هقدر اقولهم
– اطلع معاكي؟
= لاء بلاش خليني انا اقولهم احسن
– متقلقيش هي هتفهمك و اهم حاجه انك هتحكي بصراحه و تعترفي بغلطتك ماشي ؟
= حاضر.. باي يا يويو
“نزلت من العربية و طلعت اول ما فتحت الباب لقيت ماما قدامي و بابا كان قاعد فى الصاله ”
– احم.. ازيك يا ماما ؟
= مين موصلك بعربيته؟
– ده.. ده يوسف.
= تاني ؟
– ماما ممكن اقولك على حاجه؟
= اتفضلي يا هانم
– بس متزعليش مني ماشي
فضلت بصالي و ساكته فا كملت: انا امبارح مخرجتش مع ساره..
= اها خرجتي مع صحبتك التانيه و معرفتنيش لسه فاكره تقولي ؟؟؟؟
– مش فاهمه
= يعني انا شوفت ساره امبارح مخرجتش و انتي خرجتي مع صحبتك الى قولتي عليها من الشركه بتقوليلي ليه مع ساره من الأول؟
خت نفسي و معرفتش اقولها اني كنت مع يوسف اصلا ولا اخليها فاكره اني خرجت مع واحده صحبتي من الشركه!
– معلش بقا لسه فاكره وبعدين مانا قولت اهو.
بصتلي بشك: ماشي يا نور
خت نفسي و قبل ما تمشي اتكلمت بسرعه: ماما انا بكدب انا كنت مع يوسف امبارح مش حد تاني كنت خارجه معاه من الأول
بصتلي بصدمه: ايه؟ خرجتي معاه؟ و كدبتي عليا
– عشان لو كنت قولتلك عايزه اخرج معاه مكنتيش هتوافقي و كمان..
“نور مكملتش كلامها ولقت قلم نازل على وشها و محمود راح عندهم فجأه من الصوت و سوميه فضلت تزعق”
– انا غلطانه اني وثقت في حيو* انه زيك !!!!!!! انتي متربتيش و مهما حذرتك مش بتسمعي الكلام
محمود: في ايه !!!
شدت منها الموبايل: مفيش خروج ولا في موبايل لحد ما تتربي يا حيو * انتي فاهمه ! امشي على اوضتك مش عايزة اشوفك وشك ده !
جريت على اوضتها و هي بتعيط جامد و محمود بصلها: ما تردي عليا مش بسال في ايه ازاي تمدي ايدك عليها فالسن ده و تكلميها كده !
– الهانم !!! الهانم رايحه تخرج مع واحد من ورانا!!! و بتضحك عليا وتقولي مع صحابها
= واحد مين ده !
– يوسف الى متنيله شغاله معاه قولتلك من الأول يا محمود انا مش مرتاحه اهو خلاها تصيع !!
اتنهد: طب اهدي انا هتصرف معاها اهدي
قالت بصوت عالي عشان تسمعها: والله العظيم ما هتشوفيه تاني يا قليلة الادب ولا هتروحي تشتغلي معاه
ده لو خرجتي من البيت اصلا !!!!
” نور سمعتها من الأوضة و زادت فالعياط بشكل هستيري و فكره انها ترجع تاني بعيده عن يوسف تاني رعبـ ـتها وعملت لها صدمه!!! ازاي بعد كل السنين دي مستنيا و في لحظه تبعد عنه تاني وترجع لوحدها..! فجاه صوت عياطها سكت و محمود دخلها لقها واقعه على الأرض….!!”
يتبع.. (رواية عالمي الخيالي الخاص) اضغط على اسم الرواية لتجد الفهرس كاملاً بجميع الفصول.