رواية مجهول الهوية – الفصل الثالث
هروح ادور على نفسي بنفسى
ليلى… انت مجنون خلاص فاضلك كام سنه وتخلص الجامعه اقعد عاقل عاد
ياسين…. ما هقعدش
ليلى… طيب استنى الاجازه انت لازم تستنى هتدور فين ما انت لسه قايل ان البحر جايب من اولها لاخرها انت ايش عرفك انت طالع من البيت ده او ده او من البيت ده احتمال تكون على بيت مش على الضفه اصلا والناس اللي جابوك جابوك من اخر الدنيا ورموك فى الترعه احتمال تكون جاي من بلد تانيه
ياسين.. طيب اهلى اللي رموني ولا مش اهلي الحكايه مع ابوكي بس هو ما راضيش يقول حاجه خالص
ليلى….عشان وقتها لسه ما جاش هيقولك كل حاجه في وقتها يلا قوم انت كمان نام
وطلعو في يوم جديد كان قاعد في الجامعه
طالب جمبو… انت يا ابني مش فى عمليات بتتعمل تدارى البتاع اللي على وشك ده ليه ما تعملهاش
ياسين… ايه قرفان مني
الشاب… مش مساله انا علشانك عشان زملاتك كمان ما يكشوش منك الطلاب اللي قاعدين جنبك
ليلى وقفت قصاده…. بس هو عاجبو شكله كده هو حلو ما حبيناش نغير منو اللي مش عاجبه ما يبصش
الشاب… المحامي بتاعه جه لسه قاعده زي ما هي من زمان كده قبل ما حد يكلمه تلاقيها نطت في الموضوع وقالت يا سين حلو ياسين ما حدش ليه دعوه بيه
ولسه هيزقها بس ياسين ضربو بوكس وقعو على الارض فتح دماغه
وقال….. هتتريق عليا انا محدش هيقولك حاجه هتروحلها هخسف ب اللي جابوك الارض تعالي انتى كمان بتتدخلي ليه انا مش قايلك ميت مره ملكيش صالح انا مش قايلك الموضوع ده 60 مره لغايه دلوقتي
ليلى… سيبك من ال 60 وال 70 انت لما قادر تضربو الضربه دي سايب العيال اللي عماله تتبرد عليك دي ليه
ياسين..عشان لو كل واحد قال عليا وحش ضربته هضرب الخلق كلها لان ما فيش حد راضي بيا ولا واحد بس حتى انا عاجبه ده كلام الكل هضرب الكل
ليلى… ده مش كلام الكل ده كلام الناس تافهه
ياسين… ايوه صح كل الناس ما فيش غيرك انتى واسماعيل وابوكي وامك اللي مش تافهين باقي الناس كلها تافهه
ليلى… خلاص ما تزعلش
ياسين… ازعل ولا اتنيل خلاص ما بقتش فارقه
ليلى.. فات الكتير ما بقى الا القليل
ياسين… ما كنتش عاوز ادخل طب الكليه لوحدها سبع سنين كنت عايز اخد حاجه قريبه كده بس امك وابوكى شبطو فيا
ليلى…. امى خايفه تلاقي ناسك وتسيبنا وتمشى وما نشوفكش تانى
ياسين… انا بضحك على نفسي بصبر نفسي باني هلاقي نفسي بس انا متاكد ان مش هلاقي نفسي ولا اهل انا بس بصبر نفسي ما تقلقوش قعدلكم ومربع
ليلى…. خلاص قعدت كتير وفاضل القليل دلوقتي تعرف السر وتعرف ليه عملو كده كمان بس الصبر
ياسين… بقالكم عشرين سنه وحبه بتقولولي الصبر انا صابر والله صابر اغنيلكم صابر وراضي لجورج وسوف عشان ترتاحو صابر وراضى على ناسينى وروحى فيه ارتحتو اوف اوف
ليلى…. احنا ما هنرتاحش غير لما انت ترتاح يا ياسين
ياسين…. انتى لما تلاقينى واقف مع ناس ما تجيش تتدخلى وانا هرتاح وهبقى زي الفل انا مستحمل اي حاجه عليا انما عليكى لاه اهد بلاد
ليلى.. ليه ليه لما يتنمرو عليك تسكت وانا لما ياجونى تضربهم…. ليه عملت مشكله اشمعنا يا ياسين
ياسين… عادي يعنى انتى صاحبتى تصبحى على خير انا هروح انام
وعدت السنين وكانوا بيقربوا من بعض وبقى حقيقي واحد منهم لحد ما جيه يوم التخرج واخد الشهاده وبقى الدكتور ياسين
عادل… مبروك يا ياسين
ياسين… الله يبارك فيك يا بوبي انت وعدتنى يلا عاد
عادل… ياسين انا عايز اقولك وخايف الصراحه خايف تسيبنا وتمشي وما اشوفكش تاني وانا بجد اعتبرتك واحد من ولادي مش هين عليا تمشي وما شوفكش تاني
زينب… ايوه وانا والله هزعل عليك قوي يا ياسين انا صح ما رضيتش صراحه يوم ما جابك عادل بس والله حبيتك قوي واعتبرتك واحد في عيالي
ياسين… انتى امي وانت ابويا تمام بس اعرف انا مين
عادل… انا كنت بصطاد زي كل يوم من الفجريه فى البحر يومها قمت بدري 2:00 بالليل وانا رايح للبحر شوفت مره فى العشرين المره دي حدفت طشت في الترعه الطش ده انت كنت فيه اني وقفتو وخدتك وركنتك على البر ورجعت اشوف ايه الحكايه ويا ريتني ما رجعت اللي حصل………
حسن…. بقولك ايه يا عيشه فكك من جو الواد مات ولد اخوي فين انى مش هبيل زي اخويا عشان اصدق ان الولد لما مات رحت انتوا دفنتوه من حالكم يعني الواد يموت تدفنوه من هناك ومين اللي اداكم الحق تعمله كده احنا عيله ابوه واحنا المفروض نشوفه وايه اللي جابك في نصاص الليالي دى وانت لسه نفسه الواد فين
عيشه… وطي صوتك انت الوحيد اللي ما يحقلكش تتحدت في الموضوع ده انت تغطي معايا وتقول ان اللي انا بقوله صح الواد لو طلع هنتفضح انا وانت
حسن…. لا تتفضحي لحالك بس ازاى هنتفضحو… يعني الواد ما ماتش كيف ما انتى قولتى اخوى على نياته وصدق انا ما مصدقش
عيشه… لاه ما ماتش الولد طلع ولدك انت مش ولد اخوك
حسن… انتى عايزه تقولي ايه انتى سامعه روحك
عيشه.. ايوه انى لما حبلت كنت فاكره انو ولد اخوك عادي بس اما اتولد طلع عنده نفس التشوه اللي في وشك ده يعني لو رحت بيه البيت هيتعرف على طول ان ولدك انا رميتو فى الترعه دى انى قتلت ولدي بيدي عشان اداري على فضيحتي
حسن… قتلتيه كيف يا بنت المركوب انتى عارفه انا الحادثه اللي عملتها من شهرين فاتو دى الدكتور قال اني ما هخلفش انى عاوزه ده طوق نجاتى
عيشه… يعني ايه يعني عشان انت ما هتخلفش عايز نجيب الواد ده نوديه البلد واتفضح دول كانوا يقتلوني انت ناسى اننا فى الصعيد
حسن.. انى لو مالقيتش ولدى انا اللى هقتلك بيدى مش الصعيد ولدي فين
عيشه.. حطيتو في طشت بلاستيك ورميته في الميه ما هخليكش تطلعو واصل يا حسن الواد ده لو دخل البيت انا هتفضح
حسن مسك فيها وقال بزعر… يا خاطيه يا فاجره طلعى الولد
عيشه… خلاص ما فيش ولد الولد راح رميتو في الترعه
حسن… يا مين بالله لاقتلك بيدي يا ولدي
عيشه… وطى صوتك هتلم علينا الناس
حسن… مسك رقبتها بقى يخنق فيها
وقال… ولدى فين ولدى فين
عيشه زقتو علشان يبعد عنها وقع في الترعه اتخبط على حجر دماغه اتفتحت
قالت ببكى…. حسن يا حسن اطلع من عندك ماقصديش اموتك ما قصديش انا قتلت حسن حبيبي لازم اروح نعيم صدق ان العيل مات واخواتي دفنوه بس لو شافنى هتفضح ما ليش دعوه بحد انا هروح وانا ما قتلتوش هو عايز يموتني انا بعدته بس
عادل…. ورجعت على بيتها يا ولدي انا كنت قادر ساعتها امشى وراها واديك ليهم بس ما تاخذنيش في الكلمه قلت يعني طالما امك ما عايزاكش ما حدش هيقبلك هناك يا ولدي ده هيشبط فيك واللي متجوز امك ده اللي المفروض انت ولدو هيشبط فيك لما يعرف ان مرته خانته مع اخوه وخلفتك منه ما هيتقبلش الموضوع اتلخبطت ما عرفتش اعمل ايه جبتك هنا عشان تكون في امان لحد ما تكبر وعودك يشد وتقدر تاخد حقك بيدك وسبتك تسمع كلام الناس دي سنين ولد حرام دي انت كنت هتسمعها حتى لو كنت عند ناسك انا ما عاوزكش تزعل مني انا جمعتلك حق العمليه الدكتور قال ان التشوه ده هنعرف نداريه بس ما هيبقاش عندك دليل لما ترجع لناسك كدا لما ترجع شبه الراجل ده اللي مات ابوك هيصدقوك من وشك
ياسين….. يعني امي هي اللي رمتني بيدها في الترعه
عادل… عشان خافت حطتك لاى حد يلاقيك وانا من حسن حظى اني لقيت انا دلوقتي هسيبلك الاختيار ترجع لناسك وتواجههم وتاخد اسمك طبعا انت هتقدر تعمل تحاليل واى حاجه تثبت نسب ولو ما عاوزش ناسك ده بيتك واحنا ناسك وهنكون مستنيينك في اي وقت يا ولدي وكلمت ولدى دى مش حيا الله كلمه لا انت ولدى بجد يا ياسين وده بيتك
ياسين….. بس انا لازم ارجعلهم واواجهم كلهم حتى لو امى خاطيه بس جوزها ده اتقرطس ومصدقها وماشى عميانى وانى ما هسيبهاش تبرطع كده بعد ما غلطت فى حقو وحقى مين عرفها ان اللى هيلاقينى هيكرمنى وابوى رغم انو خسيس وخان اخوه مع مرتو ويستاهل الموته اللى ماتها بس اسمو هيساعدنى وانا ليا حق عندهم وراجع اخدو
الفصل التالي اضغط هنا
يتبع.. (رواية مجهول الهوية) اضغط على اسم الرواية لتجد الفهرس كاملاً بجميع الفصول.