رواية شبح الليل الحزين – الفصل السابع
الدكتور ممدوح
بعد ما الكل مشي وطلعت الاستراحه وكلت ونمت شويه صحيت الساعه 9 بالليل وأنا الفكرة استوت في دماغي قررت أنزل واكلم حسن أول ما نزلت من الاستراحه لقيت عم بدوى التمرجي قاعد تحت وبتفرج ع التليفزيون ومعاه عمال النظافة والامن قولت لهم بصوت عالي أنا خارج شويه اوعي حد يقفل الباب وأنا بره كلهم بصوا لبعض قولولي خارج فين يا دكتور مش معنى أن ربنا نجاك مرة انك تجازف تانى ضحكت ومشيت وأنا عند البوابه الخارجية شوفتهم واقفين في الشباك قولت أكمل مش واروح عند أبو محمود لحد ما يدخلوا جوه وبعدين ارجع اكلم حسن
ومنها بردو اكدت قدام الكل أنى بخرج بالليل عادى وروحت عند أبو محمود بحجه أنى بطمن ع ابنه مع أني عارف انه بقي كويس خلاص وصمم يعزمنى ع العشا بس أنا رفضت وقولت له بقلم رشا منصور كفايه كوبايه شاى وبعدها خرجت وبردو أبو محمود بيبص عليا من الشباك ولحد ما وصلت عند الترعه وقفت عند الشجرة الكبيرة قولت علشان محدش يشوفني ولا من المستشفى ولا أى حد من الأهالي يكون باصص من الشبابيك ونديت ع حسن بن عتمان تلات مرات وبصيت ع الترعه لقيت هناء طلعت ليا وبتضحكلي
هناء….. عامل ايه يا دكتور ممدوح
دكتور ممدوح…. تمام الحمد لله أنا هحتاج منك خدمه لو عملتيها هقدر أنفذ طلب اخوكى حسن بسهوله
هناء…… أنا موافقه ع أى حاجة تطلبها
دكتور ممدوح…..
قولت لها ع طلبي وهى قالت ليا أنها مستعدة لو ده هيخلي حسن يوصل لهدفه وبعدها حسن ظهر وقالي
معلش يا دكتور اتأخرت عليك بس أنا سمعت طلبك من هناء وتقريباً كدا فهمت اللي في دماغك
قولت له وايه رأيك الفكرة دى جاتلي من اللى عمله محمد الممرض انهاردة وفهمت انك انت اللى خليته يقول كدا
حسن…..
أنا كنت عاوز أسهل عليك الموضوع علشان لما تقول للناس أى حاجة يصدقوك ويسمعوا كلامك
دكتور ممدوح…..
تمام وده اللى أنا هحاول اكدوا بس اهم حاجه هناء تظهر بشكل مخيف يرعب أى حد يبصلها فاهمني
حسن….
دى حاجه بسيطه جدا ولو عاوز كمان اهلينا اللي في المقابر يظهروا لهم مافيش مشكله
دكتور ممدوح…..
لأ أنت كدا مش هتخوف أهل البلد أنت هتخوفني أنا 🙄 خلي اقتراحك ده ينفع في بيت الرعب
حسن….. ناوى تبتدي من أمتي
دكتور ممدوح ….
فى أى لحظه الاقي فرصة هنفذ ع طول وزى ما اتفقنا كلمه السر سيدي المغازي وأنا هفهم محمد الممرض دوره وانت من ناحيتك خليه ينفذ من غير ما يسأل عن أى تفاصيل
حسن….. اطمن هو هيساعدك من غير ما يسألك
دكتور ممدوح……
ببص لقيت حد قرب من شباك المستشفى قولت له اختفي أنت دلوقتي يا هناء اظهري بسرعه زى ما فهمتك
وفعلا لقيت اللى وقف نادى ع الكل وأنا عملت نفسي كأني بقول تعويذة وأول ما اتأكدت أن كلهم شايفين اللى بيحصل قولت لها انزلى الميه ببطئ وفعلاً نفذت وروحت ماشي في اتجاة المستشفى بقلم رشا منصور بكل ثقه ولقيتهم كلهم واقفين في الريسبشن اللى جري وطى ع ايدها باسها ويقولى بركاتك يا دكتور واللى يقول أنت مخاوى واللى يقولى أنت لك في السحر قولت لهم أنا تعبان وعاوز انام وطلعت وسيبتهم وأنا واثق أن كل اللى حصل هيتحكي لكل أهل البلد
وده اللى أنا عاوزة وتعتمد تانى يوم أنزل الساعه 7 علشان يكون كل أهل البلد تحت أصل انهاردة يوم التطعيمات ومافيش فرصه أحسن من كدا ومجرد ما نزلت لقيت الكل سكت وبيبصلي والتمرجي جالي اجيبلك فطار يا دكتور قولت له لأ أنا عاوز شاى ويلا دخلي الناس بالدور
مش قادر اوصفلكم اللى حصل كل واحد داخل واللى معاه فطير واللى جايبلي قشطه واللى جايبلي فراخ ولقيت مرة واحدة الغفير داخل عليا بيضر’بلي تعظيم سلام وبيقولى يا سعادة البيه الدكتور حضرت جناب العمدة عازم حضرتك ع الغدى وهيبعت لك الكرته الساعه 3
قولت له تمام بلغه أنى متشكر جدا وقبلت العزومه
ومشي وطبعاً كل ده ع مسمع كل أهل البلد وبيني وبين نفسي قولت سبحان الله الموضوع ده شكله جه رزق ليا فطير وقشطه وفراخ وكمان في غدى احمدك يارب أنت عالم بالحال خلصت الكشوفات ع الساعه 2 طلعت اخدت شاور وجهزت ونزلت قعدت عند الترعه كنت قاصد لأن كان في ناس من أهل البلد واقفين زى ما يكونوا بيراقبوا وعاوزين يعرفوا ايه اللى بيحصل ..
وجت الكرته بقلم رشا منصور ووقف ع جنب بعيد عن الترعه ضحكت وقولت له واقف بعيد ليه قالي يابيه أنا عندي عيال ربنا يجعل كلامنا خفيف عليها قولت له مدام أنت معايا متخفش قالي الامر ميطمنش بردو يابيه استغليت الناس اللى واقفه وشديته وروحت عند الترعه وقولت اطلعي بشكلك الحقيقي يا جنيه الميه
ظهرت هناء بشكل مرعب خليتني اتفزعت منها لدرجه أنا والغفير كنا ماسكين في بعض وبعدين لقيت الناس بتصوت روحت وقفت وشاورت لها وقولت بحق بركه سيدي المغازي هذا الرجل في أمان طول ما هو معي ولكي السمع وعليكي الطاعه وهذا الأمر ينفذ في الحال
قالت بصوت مخيف السمع والطاعة واجب النفاذ في الحال واختفت قولت له أيه رايك لسه خايف بس خلي بالك اوعى تيجي لوحدك بالليل لازم اكون معاك قالي هو أنا بعد ما شوفتها معقول اجي برجلي تاني هنا ده أنا قطعت الخلف من منظرها قولت له ع فكره كدا هتزعل منك قالي لأ لأ مدد يارب وطلع يجري وساب الكرته ..
قولت له الله يهبلك اروح ازاى للعمدة دلوقتي لقيت محمد الممرض قالي تعالي يا دكتور ممدوح وطلع الكرته وعلي صوته وقال هو أنا أطول اشتغل لك سواق حنطور ده أنت بركه ارزقني البركه يا دكتور علشان اعرف ارجع تاني المستشفى روحت حطيت ايدي ع راسه وقولت له ع خيرة الله أنا راضي عنك ومشينا وكل هذا تحت أعين أهل البلد وبقيت ماشي اضحك ع كل اللى حصل بس لازم اكمل للنهايه …..
الفصل التالي اضغط هنا
يتبع.. (رواية شبح الليل الحزين) اضغط على اسم الرواية لتجد الفهرس كاملاً بجميع الفصول.