اشواك الورد (رواية عزيز وورد) الفصل الثاني عشر 12 – بقلم ميفو السلطان

#اشواك_الورد

#حكايات_mevo

البارت الثالث عشر..

استيقظ عزيز وجد ورد تنام علي صدره باريحيه ونعومه احس بمشاعره تنساب من قربها ظل يتامل وجهها وجمالها كان شعرها يختلط بوجهها ويفترش صدره ابعده عنها ومسك احدي الخصل يشمها ويقبلها بحب.. ظل يتامل ذلك الوجه الذي اتعبه واضناه كانت ملتصقه به شعر انه لم يعد يتحكم بحاله في وجودها .ادرك اخيرا ان ورد بالنسبه له ليست رغبه وانما مشاعر جياشه.. احس انه يريدها ويرغبها كحبيبه كروح قبل الجسد.. احس ان بين يده ملاك اوقعه وشق قلبه ينغرز بداخله.. احس بروعه تلك المشاعر وتنهد تنهيده اخرجت مافي صدره من هم وادخلت كل الراحه داخله..

اقترب منها  بنعومه ورقه  يهمس.. بحبك يا وردتي خلاص ماعدتش جادر اتحمل.(اخيرا نطقت يا حزننا😅😅) . عرفت ووعيت انك ليا وبتاعتي العمر كله.. وعيت انك اجمل هديه جاتني.. كنز كان مدفون وظهرلي ينور حياتي.. عارف انك اتوجعتي مني وعارف انك خايفه مني بس لاه ما ههملكيش اكده.. وزي ما خليتك تشتعلي من رغبتك هخليكي تعشجيني زي مابعشجك.. خابر انك طيبه وغلبانه وجلبك ابيض و َاني صعب وجاسي بس خلاص يا جلبي.. ما هتلاجيش مني الا كل حب.. هخليكي مرتي وحبيبتي وهجطع لسان اللي يزعلك يا جلب عزيز.. عارف انك مش مطمنه ليا ولا مأمنه وفاكره اني هرميكي واتجوز.. بس لاه.. وعد مني لاخليكي فوج الكل.. مرت عزيز الجبالي ست البلد كلها.. عارف ان صعب ألين دماغك واخليكي تصدجي بس ماجادرش ابعد عنك بعد اكده.. وهخليكي تعشجيني يا ورد.. خابر اني واعر وصعب عليكي بس اتحملي يا عمري كل اللي هعمله عشان اجيب رجلك واخليكي تحبيني كيف ما بعشجك.. حاسس اني طاير بعد ما وعيت وعرفت انك جوايا جاعده ومتربعه.. جلبي اللي جايد نار بيجولك العشج جوايا طايح وبيطحن فيا يا جلبي يا رب صبرني من هنا لحد ما يحصل وانول المراد واخد جلب حبيبي.

بدات في التململ بين يده احس بالاشتعال.. اهدي يا عزيز نفسك تهجم عليها بس اهدي علي حالك.. جلبي هيجف بطلي فرك الله يرضي عنيكي.. فتحت عينها احست به ملتصقا بها تجمدت .وجدته ينظر اليها نظره غريبه لم تعهدها من قبل ليقول.. احلي صباح علي احلي عيون.. الجمر بيطلع بالنهار..

رجف قلبها.. ماله ده عالصبح اتجنن اياك.. لم ترد عليه كانت مشلوله.. اكمل.. الجمر ساكت ليه بس مش مهم جمري يعمل كيف ما بده..

كانت مذهوله ضحك عليها لينحني  يهيم بها ويقول.. يلا همي عشان هنخرج عندي ليكي مفاجاه هتعجبك.. ليقوم وهيا تفضل كما هيا نظر اليها وجدها كما تركها متسمره مذهوله تنهد بغلب لاه ماهجدرش علي اكده ليعاود اليها وانحني مره اخري عليها بشده فلم يعد قادر علي بعدها وهيا من الشلل لا تفعل شيئا ..

همس.. هتفضلي اكده كتير ماهستحملش والله واصل  وهجعد ابوس فيكي لحد ما تموتي في يدي ما تفوجي يا بت الناس جلبي هيجف..

رجف قلبها وقفزت مسرعه وهيا تقول.. ايه جله ادبك دي هو فيه ايه ماتحترم نفسك ايه ده وهربت للحمام وهو يضحَك بشده. وهو يقول.. انت لسه شفت حاجه يا جمري.. اه يا جلبي اللي بيحب وهيموت عاللي بيحبه.. البت هتلحسلي عجلي والله ما هفوت لحظه الا واشعللك يا حبه الجلب .

كانت هيا في الحمام تمسك صدرها.. هو فيه ايه اتجنن اياك وعامل ليه اكده..وبيبصلي ليه اكده.. خبطت علي قلبها وهتفت….. وانت مالك بتدج ليه  هتخرج من مكانك .. ظلت تسيطر علي نفسها.. اعمل ايه دلوك ماهستحملش اكده واصل منك لله عايز مني ايه وبتعمل اكده ليه.. خرجت بعد فتره لتجده قد لبس ومنتظرها بجوار الباب واقفا يبتسم وينظر اليها بحب ذهبت مسرعه الي الدولاب ذهب اليها وهيا تمد يدها تحضر شيئا تلبسه احتضنها من الخلف وقال…. وريني هتلبس ايه يخليكي كيف الجمر.. كانت خرساء وقلبها ينبض وتعبث بالهدوم ولا تركز في شئ …قربها من الخلف يتلمسها بحنان يمد يده وشد عباءه جميله وقال…. هيا دي بتبجي عليكي جمر وانت جمرين..

ادارها كانت لا تنظر اليه وتحاول ان تتماسك .

قال…. بتبقي حلوه جوي لما تحمري اكده ..قطبت جبينها محاوله ان تبدو جديه وتاخذ العباءه من يده بعنف لتصدح ضحكته ويقول.. وبتبقي جمرين لما تغضبي اكده كيف العيله الصغيره..

ابعدته وذهبت تلبس ليقول.. همي يلا مستنيكي.. همس ….يا موجفه جلبي ربنا يصبرني عليكي لحد ماتحسي وتأمني ليا.خرجت بعد ان تجهزت وذهب اليها فهربت من امامه .

لحقها عند الباب لتقول.. ماتبطل بقه هو ايه ده.. بطل انت مالجيش حاجه غيري والا ايه..

قال بهيام.. لا وحياه الغالين مالجيش الا انت يا جمر..

نظرت اليه بغضب.. لا يا فهيم عندك البت اللي كت بتوكلك بيدها روح لاجي عندها السحسحه كلياتها وهملني.. اوعي بقه اكده سيبني..

كان مبتسما من غضبها..

هتف…. هو الجمر زعل انها كانت بتوكلني بيدها تصدجي ماليش حج ماهتتكررش تاني اقترب ونظر اليها بهيام …..والله ماهكررها انت بس تأشر يا مغلبني ..

انفعلت…. وانا مالي توكلك والا ان شالله تلبسك انتو حرين في بعض..

ليقول بخبث.. لاه حرين ايه مفيش اكده انا اللي يلبسني واحده بس ماهسيبش حالي الا للي شجلب حالي..

نظرت اليه ببلاهه.. ضحك… يا بت ما تبصيش اكده ما هرحمكيش اكده همي يلا الا انا علي اخري.. ومسك يدها..

قالت ساخطه ….سيب يدي انت اتجنيت هننزل اكده كيف..

قال …..راجل ومرته ماننزلش ليه حد له عندينا حاجه..

لتقول بسخريه…. اه.. حبيبه الجلب الست جميله ليها والا انت ناسي اياك.. مرتك..

هز راسه يستغفر ربه ويقول.. مفيش ليا مرت غيرك يا جلبي ولا هيبقي. يبقي نهدي اكده ونشيل الكلام العبط ده.اني برضه اهمل الجمر ده.. دانا عندي نجمه ماحدش يطولها.

كانت تنظر اليه ببلاهه.. هو اتجن عالصبح جمر ايه ونجمه ايه.. ماله ده.. لتبتعد وتذهب للباب.

لحقها عند الباب ومسكها.. استني بس الجمر شعره واجع من ورا هتنزلي ازاي.. جلبي يوجف لو حد لمح خصله منيه.. مد يده وبدا في هندمه شعرها وقلبها يرجف بشده انتهي واقترب وقبل خدها.. ايوه اكده جلبي مافيش حد يوعي لطرفه. ضحك .وافردي وشك ليجولو اني ضاربك عالصبح..

مدت يدها وتخبطه. ….تضرب مين وانا ههملك تمد يدك اياك..

اقترب منها لترتبك بشده.. التصق بها.. انت واعيه للي عملتيه واد الخابطه دي..لترتعش بشده.. مسك وجهها…. عشان تبقي ترفعي يدك اتحملي بقه.. لينزل عليها بحب شديد اوضع فيها كل شوقه الذي كتمه من ليله امبارح لتنتفض بين يديه وهو يحس بقلبها تحت صدره ينبض بجنون .تحكم بنفسه وابتعد ليقول بهيام…. يدك لو اترفعت تاني هيبقي ده اللي هيوحصل عشان توعي انت متجوزه مين.. كانت ساهمه ووجهها احمر .

هتف…. طب هننزل كيف اكده هنتفضحو ولا اني ما بيهمنيش.. ما تفوجي يا بت الناس الا انا ماعارفش اتلم علي حالي..محمريه وجمر اكده.. يا غلبك يا عزيز  التصق بها وهمس.. عزيز خلاص هيطير..

اطرقت وهمست…… بعد بقه عيب اكده..

همس قرب شفتيها…… والله عيب انت جلبي هينخلج من جمالك وشفايفك الجمر دول هيموتوني.. نظرت اليه قليلا لتفيق وترتبك وتهم ان تتركه شد يدها وخرجان ..نزلا فوجدا امه تجلس مع زينات وجميله ومريم ليقول صباح الخير عليكو.. احنا خارجين عايزه حاجه يا اماي..

ابتسمت سعيده فولدها عينيه تلمع من السعاده لتقول.. لاه يا ولدي ربي يسعدك.. علي فين اكده..

قال.. هنروح الناحيه الشرجيه عند المجعد بتاعي عالنيل هنجعد شويه ونعاود..

ابتسمت سعيده فهو لا يدخل احد الي مكانه الخاص لتقول ….الله يريح بالك يا ولدي خلي بالك من روحك يا ولدي..طب. اجعد كل حاجه الاول وبعدين روح يا ولدي.

شد ورد واجلسها وهتف.. هناكل الاول يا غاليه وبعدين نروح وبدا في الجلوس و وضع طبق لها و وضع الطعام وهيا تشعر بالحرج الشديد وهو لا يهتم باحد وزينات وجميله مقهورتان.. اقترب منها وهمس.. ايه مابتكليش ليه اوكلك يا جلبي..

احمرت اكتر وخبطته من تحت وهتفت….. بطل اكده اختشي عاد.. جميلتك هتزعل اكده.

ضحك وهتف.. جميلتي جاري هتموتني اهه مش اكده يا جمر انت هو فيه حد غيرك جميل جاعد ومنور..

نظرت اليه.. انت جرالك ايه.

همس.. يا لهوي عاللي جرالي لو جولت هتسورجي جدام الخلج.. سيبيني باللي شابط جوايا…. مسك قطعه من الفطير وغمسها في العسل وضعها في فمها ثم يمتص اصابعه ليقول.. تصدقي صوابعي لما لمست شفايفك بقت احلي من العسل.

احست انها اشتعلت.. لتهمس.. بطل بقه الله يخليك.. ايه ده انت اتجنيت عالصبح.

ضحك …اه اتجنيت ووعيت.. واللي وعيتله جنني.

تدخلت زينات.. ايه يا عزيز مالك رايج وهتهمهم اكده عالصبح ما معكش ناس.

نظر اليها.. وما اروجش ليه يا مرت عمي.. مرتي جنبي ومبسوط اهه والا عندك جول تاني لو عندك اكتميه جواتك احسن انا رايج كيف ما بتجولي..

هتفت زينات.. واه بتجول ايه هتاخدها معاك اياك انت مابدخلش غرب هناك..

مسك عزيز يد ورد لتحاول ورد ان تشد يدها شدها اليه ونظر لزينات.. غرب.. هما مين الغرب دول.. دا الجرب كله يا مرت عمي.. بس انت مالك من اساسه تحشري نفسك ليه.. وقف …همي يا غاليه شدها في احضانه ….راجل وهياخد مرته مالك بينا عاد خلي كلمتينك محشورين جواكي وبطلي تخرجي العفش كله انا همشي بدل ما اغفلجها وانا جايم رايج.

هتف لامه… انا ماشي يا غاليه.. وذهب الي فوزيه واخذ منها بعض الاشياء وشد ورد و خرج وهيا مزهوله .

نظرت زينات بقهر وقال….. رايح بيها فين ده عالصبح واخدها المجعد بتاعه اللي مابيدخلوش حد.. ايه الحزن ده جبر يلمها ونستريحو منيها..

نظرت سعيده بغضب.. ماتجفلي خاشمك يا زينات بتدعي علي مرت ولدي جدامي انت اتجنيتي.

بهت زينات.. مرت ولدك كيف يا حاجه. دي تبجي مرته لاه ماتنفعش واصل.. بتي اللي هتبقي مرته مش بت الهلاليه.

غضبت سعيده.. والله انت مالكيش تجولي مين اللي هتبقي مرته.. ولدي اللي يجول وتاني مره حديتك يتلم عن مرت ابني ماعتش هسكت واصل ليكي ولبتك واتلمي بجه عشان ما اطينش عيشتكو واصل والحاج عابد يوصله خبر.. فاهمه يا زينات.

كانت سعيده قد فاض بها الكيل وقد لان جانبها من جه ورد فهيا تراها فتاه طيبه وحنونه ورات واحست ان ابنها اصبح متعلقا بها فهي لم تري لمعان عينيه الا مع ورد.. لتقوم وتقول.. انا جايمه بدل ما اغفلجها واطينها عليكو.. وتركتهم و زينات تنظر لجميله بقهر.. يا دي الحزن بت الهلالي هتركب وتدلدل والا ايه في ايامها الطين دي.. اعمل ايه دلوك..

هتفت جميله.. ماتخافيش يا اماي ما هسيبهاش تتهني وتاخده مني واصل انا ما هسيبش حجي في عزيز..

عند بدور اتصل عليها كارم.. انت ماهتجيش ليه عاد الله في سماه لو ما جيتي لاكون باعت الورجه للخلج وفاضحك يا بت الهلالي.

صرخت.. طيب والله تعبانه هبقي زينه واجي والله عيانه الله يرضي عنيك يا كارم الله يسترك

هتف ….خلاص ههملك يومين وتاجي وساعتها اعملي حسابك اني هعوزك مرتي وهدخل عليكي انا ما هسكتش اعرفي انت اتجوزتي مين.

لتنهار بدور وتهتف.. الله يرضي عنيك الله يخليك ماتعملش فيا اكده..

هتف.. انا جولت كلمه هتبقي مرتي خلاص وكيفي حالك وبرضك هتتصرفي في فلوس وشوفي حالك يا بت الناس..قفل الخط.. لتتصل بورد.. فلم تجد ورد انخلع قلبها لتنهار في البكاء دخلت عليها جليله.. بتعيطي ليه يا محروجه فيكي ايه..

هتفت بدور…. هاه مفيش البت ياسمين تعبانه جوي واني خايفه عليها..

هتفت جليله.. تجومي تعيطي.. مالك بجيتي حنينه اكده فجأه من ميته المحن ده.

صرخت بدور.. ايه انت مافيش في جلبك رحمه بجولك عيانه تعبانه جوي تتريجي.. صحيح هتجيبي الرحمه منين..

صرخت جليله…. ماتتلمي يا بت بطني بدل ما اغفلجها عليكي ماهو ماعدش تحت يدي اللي انت اطلع فيه غلبي.. راحت بت نعمات اكل مين دلوك.

صرخت بدور.. اه بت نعمات اللي سودتي عيشتها هيا وامها انا ماشفتش زيك عملتلك ايه ورد دي غلبانه وطيبه كيف النسمه..

هجمت عليها جليله.. اجطمي الله في سماه لاموتك يا محروجه.

اتي الجد ….بتضربيها ليه يا جليله هو انت مابتهمديش..

هتفت جليله…. ايه يا حاج بربي بتي.

صرخت بدور…. لاه لاه.. عشان بجول علي ورد طيبه وغلبانه وخالتي نعمات اتظلمت  بتضربني..

اقترب جابر ونظر اليها بغضب ….بعدي يدك بدل ما اجطعهالك وانت خابره اني لو جمت هغفلجها وسيبي سيره نعمات راحت لحالها والا لساه الغل معشش يا بت اخوي.. خابر الزمن مابردش جلبك لسه بتاكلي في حالك من نعمات وصابر لتبهت جليله.. ليكمل.. ايه فاكراني اهبل عاد.. لمي نفسك بقه الله في سماه لاجفلك عشان تتلمي وسيبي اللي راح راح واكبري البت الصغير اللي محروجه زمان همليها ما هواش عافيه وغصب.. اللي راد حاجه خادها َانت الله بعتلك رزجكك.. فاتلمي َماتحربيش عشان انا واعي لحرجتك وماخابرش ما بتبردش جتتك ايه ونعمات راحت لحالها.. مره سو يا ساتر.. وتركها وذهبت..

لهتفت بدور …..يجصد ايه جدي يا اماي.

صرخت جليله.. مالكيش صالح همي غوري من جدامي.. لتجلس وحيده تفكر.. ايه يا عمي بتكلمني َوتلجح عليا.. اه ناري ما بردتش اعمل ايه لو اطولهم اجتلهم جتل…. ربنا ياخدك يا ورد ساعتها هرتاح..

ظل عزيز ممسكا بورد اخذها بالعربه وصلا الي مقعده الخاص عالنيل كان مكانا كبيرا محاطا بالاسوار وعليه حائط شجري يلتف عالحائط دخلا لتجد منظر يخطف الانفاس.. كان المكان محاط بالخضره من كل ناحيه. من الامام منظر النيل علي امتداد البصر حقول الزراعه محاطه بالصخور الحجريه شدها ودخل وهيا مسحوره كان المكان تنيره ورود رائعه كانت جنه صغيره.. كانت عيناها تهيم بذلك الجمال وصلا الي منحدر صغير حملها من وسطها ونزل بها ليقفا في مكان محاط بالمياه والخضره.. لم تري مثله في جماله كانت صامته ساهمه وهو ممسك يدها وعيناه تتاملها بسعاده وهيا مسحوره بهذا المكان.. كان مكانه الخاص فاراد ان تكون َمعه ليكون مكانهما معا لتفيق مما هيا فيه وتهتف.. ايه الجمال ده هو فيه اكده..

هتف بحب وهو ينظر اليها.. لاه والله مافيش جمال اكده واصل.. همس وهو يقترب منها.. عجبك المكان..

رجف قلبها.. عجبني.. دا مالوش وصف ولا زي.. ايه ده.. دا عامل كيف الجنه.. جلبي هيجف من جماله..

شدها اليه يقول…. وانا دلوك جلبي هيجف من جمالك.. لتحس بان قلبها سينفجر وتهمس لنفسها.. اهدي يا ورد اهدي.. خلي بالك من حالك.. ابتعدت بسرعه وتقول.. دا انت اللي عامله اكده وبتاجي هنا كتير..

قال.. لاه انا جبت ناس تعمله وباجي لحالي إهنه ماحدش بيخش هنا واصل..

قطبت جبينها.. نظرت اليه وقلبها يخفق.. ماحدش بيخشه ليه دا حاجه تسرج الروح وتخطف الجلب..

قال.. عشان ماحدش يستحج يخشه الا اللي يخصني واللي رايده والجريب بالجوي وانت تخصيني يا ورد..

نظرت اليه بدهشه.. ليكمل ….انت هنا عشان المكان ده بتاعي وانت بجيتي بتاعتي خلاص فتخشي وتيجي وجت ماتحبي وماحد يهوب هنا غيرك.. انت بقيتي حاجه تانيه غير الكل ..اقترب منها وادارها تنظر الي النيل واحتضنها من الخلف لتنساب مشاعرها مما هيا فيه فهيا لم تعد تعرف ماذا اصابها فقربه اصبح يشعلها ويشلها تماما ولمساته تحرقها وتجعلها مغيبه..

كان هو يعي بحالها فهي كالفراشه الرقيقه يعلم انه ما ان يغزوها بمشاعره ستستجيب فكان يدخل لها من تلك الناحيه  يصب عليها مشاعره  بحنان ..كان المكان ساحرا لتتوه في تلك اللحظه  سكون غريب هيا بين احضانه ساهمه جميله هائمه.

ظلا فتره طويله لا يفعلا شئ وكل منهم يتنهد ومشاعرهم تهيم لوحدها وهو يحس بقلبه سيجن فاستكانتها هكذا الهبته يريدها بشده ولكنه يعلم انها ليست مستعده ان تكون له زوجه محبه فهو ادرك انه يحبها ويريدها.. اما هيا فلم تدرك بعد ولا تعرف شئ وهو يعلم ان هناك اصبحت بداخلها رغبه له ولكنها لم تعشقه بعد اراد ان ياخذ قلبها كاملاً.. بدا يهمس لها ويقول.. حاسه بايه.. كانت كالخرساء تائهه لا تعرف ان تنطق من اساسه..  بحب ويقول.. حاسه بايه..

لتنساب الكلمات من بين شفتيها وتقول…. حاسه باني طايره لوحدي والدنيا بتوسع وحاسه بجلبي هيخرج من مكانه.. كانت تتكلم بلا وعي..

همس علي وجهها…. لاه انت مش طايره لوحدك وماينفعش دلوك تبجي لوحدك انت طايره وانا معاكي وطاير بيكي وجلبك ده اللي هيخرج من مكانه عشان حاسه بجلبي اللي خرج خلاص وما عتش عارف اسيطر عليه.. انت شجلبتي حالي وماعتش عارف اتلم علي حالي.. احتضنها …حاسس بجواتي بيطحن حاله عليكي.. جواتي ماعادش جادر يبعد وانت مش حاسه اياك اجول ايه بس.. اغمض عينيه ويقول..

يا حلو يا ماشي كرمكم عنب إدينا م  عنجودك حته

والتجل دا ليه ما دام عنبك موجود اطول منه حته

إوعى تعمل البخل صنعتك والكريم موجود يديني من عنبك حته

يا لابس التوب، أنا اللي حاتوب على يدك

جسمي انهرى داب من المكتوب على يدك

يا أبو لحظ فتان كعود الزان على يدك

عشان ما انت كامل بقى ومكملك سيدك

مستني لما أروح لك البيت وأبوس علي يدك

أسوج عليك مين، غير عمك وغير سيدك؟

سايج عليك النبي تجود لي بالوصال وتسعفني

لحسن روحي هملتني وراحت خلاص في يدك

يا أبو عيون عسلي وخدود حمر ومكملك سيدك

انت غيابك عن الناس يزيدك حسن وبريدك

وان سألت عني يا جميل سألت انا عنك

يجازيك يا لايم عليَّا في الغرام إوعى تلومني فيه

دا الحب لو نار والعة رايد ادوس النار لاجل ما الاجيه

سالني وايش تريد جولتلو انت..

جالي اجيبلك حد غيري جولتلو انت..

انت اللي عليه العين وجوات الجلب ساكن انت..

ليديرها يهمس …..والله انت.

نظرت اليه بهيام .. وما ان نظرت اليه هكذا وقف قلبه.. هموت اكده بتبصيلي اكده جلبي وجف يا بت الناس شدها اليها  بحنان وعشق احس بمشاعرها تنساب بين يديه ظل يهيم بها لفتره وهيا مستسلمه واصبحت مشتعله احس بها تضغط علي يديه من فرط مشاعرها احس ما يجول في صدرها .شدها اكثر يهيم بها اكثر ليركنها علي احد المقاعد  وينزل عليها  وهيا تتقبل كل ذلك بهيام وهو قلبه سينفجر مما هو فيه وهيا لا تبالي بل تشده اليها وهو من فرط انفعاله يضمها بشده  لتستجيب وتشعله اكثر وهو يهمس لها بكلمات العشق وتغيب عن الدنيا .

ظلا معا لفتره لا يحسان بالدنيا وقلبه اصبح في مكان اخر.. فقد وعي ان حبيبته تريده وترغبه واستجابتها ليست رغبه فقط فهيا حانيه بشكل اهلك قلبه .احس انه ملك الدنيا اخيرا فحبيبته بين يديه محبه هائمه وذلك لا يكون الا بوجود مشاعر طاغيه   .

مر وقت لا يعلمانه وكل ينهل من الاخر احس انه تمادي كثيرا ليتحامل علي نفسه ويبدا في التحكم في نفسه وهو يتعذب لانها في دنيا تانيه دنيا ادخلها اياه بعشقه ويحاول ان يخرج و َهيا مازالت هائمه.. ابعدها وأخذها في احضانه وقبل راسها وهيا ليست معه من الاساس واحس انها مازالت مشاعرها في َمكان اخر.. همس.. ورد.. حبيبتي.. انت روحتي ليه اكده طب اعمل ايه دلوج.. كان يقبل راسها ويمسد جسدها تنهد.. ورد جلبي فوجي يا روح عزيز ماجادرش اشوفك اكده واسكت.. بدا يمسد علي جسدها  كي تفيق لتبدا في فتح عينها وقفلهما اكثر من مره لتسمعه يقول.. ورد  الله يرضي عنيكي فوجي بجه انا اكده كتير عليا ماعتش مستحمل..انا حاسس اني خلاص كفايه عليا سكات لكده.. بجيتي في دمي يا بت الناس..بجيتي روحي الله في سماه جلبي هينشج دلوك.. انت رايحه وجمر وانا ماعدتش جادر ابعد ولا اسكت.. نفسي اجول اللي في جلبي.. خايف عليكي من جواتي…. كان يتلمس جبينها بحب ويهمس بكلمات الحب وهيا مغيبه سرحانه هائمه وقلبها سينفجر.. همس.. بحبك يا جلب عزيز والله..

لم تسمع هيا جملته ظلت تحس بيده لتفيق مما هيا فيه وتعي ما حدث بينهما .انصعقت من نفسها وكيف اصبحت كذلك وكيف جعلها راغبه هكذا دون ان تحس وكيف ان مشاعرها مشتعله احست انها ترغب زوجها بشده وان بها مس من الجنون .. كان قلبها يرجف…ايه يا ورد خلاص بجيتي لعزيز ماتنكريش خلاص هو لينك كيف مايريد.. انا ماجدراش ابعد عنيه وعايزاه راجلي.. ايوه عايزاه راجلي وجلبي بيدج وهيموت عليه انا حاسه بنار جواتي وانا معاه وواعيه لحالي اني رايداه.. عزيز خلاص يا ورد وصل للي عايزه وخلاكي طوع طوعه وانت بس مش رايده ….صمت عقلها فجاه.. انت رايده وحابه يا ورد.. انت هتتجنني عليه وبتنحرجي لما يروح لغيرك ده كله معناته حاجه واحده.. واعيه يا ورد ان عزيز بقي جواكي.. واعيه هو بجي ايه ليك.. لتهمس لاه لاه.. بس اسكتي ماتجوليش اكده..يا مرك يا ورد مش رغبه وخلاص.. عزيز  بجي جوا جلبك خلاص.. لتنهج بشده.وتنظر اليه غير مصدقه.. وهو ينهشه القلق عليها.. . حبيتي عزيز يا ورد.. يا مرك عاللي جاي.. حبيتي ابن الجبالي اللي جالك هياخدك ويطوعك.. حبيتي عزيز يا حزينه..عشجتيه يا بت الهلالي.. ابن الجبالي بجي جواتك. هتعيديه تاني. نعمات حبت صابر وهيذلها بس صابر كان بيعشج نعمات وعزيز هيحب واحده غيرك.. يا جلبي اه ماجدراش اخد نفسي….

هتف عزيز فراها حالها مرعب ومصدوم … بيكي ايه ماتخلعيش جلبي..

نظرت اليه بقهر.. لو عرف هيذلك يا ورد هيمرط نفسك ويتحكم بيكي وياخدك ويرميكي هيضحك ويجولك خلاص خدت كيفي وعملت اللي جولتلك عليه انك هتبجي رايده وساعتها ههملك بعد ماذليتك.. هتتذلي يا ورد اصحك تعرفيه حاجه واصل.. دا الموت اهون.. جايلك الذل يا بت نعمات بالكوم.. لتنتفض لا اراديا وتصرخ وتقول…(ماتقولها يا عم البت بتنح وقرفتنا 🙄🙄)