رواية حياتي فقط – الفصل الثاني والثلاثون
الخاتمة ٢🔥 والنهاية
بدور : محمد خير فيه ايه ..انت كويس
ابتسم محمد وضمها اليه بدون كلام ..قاومت بدور في البدايه ولكن استسلمت له
بعد فتره
بدور : خير يا محمد فيه حاجه
محمد : لأ بس كنت محتاج اعمل كدا
ضيقت بدور عينها : بس كدا
محمد : ودي حاجه قليله …انتي مش عارفه انتي وحشاني قد ايه
بدور : لحقت اوحشك دا هي نص يوم …نص يوم ايه دا مكملتش نص ساعه
محمد بمرح : ملكيش في الرومانسية انتي …ها قوليلي عملتي ايه مع ملك
بدور بمرح : هو انا لحقت بس يعني اخدنا علي بعض شويه ….محمد انت عارف انا حبيتهم هنا اوي حتي طنط ثناء خلتني اقولها يا ماما …..حتي تعرف ماما وحور وحشوني اوي
محمد : لو عايزه تزوريهم معنديش مانع غلي فكره
بدور بفرحه : بجد
محمد : عندي استعداد اعمل اي حاجه علشان اشوف العيون دي مبسوطه
بدور بفرحه: ربنا يخليك ليا وميحرمنيش منك ابدا
محمد بخبث : لا احنا اتطورنا خالص
________________
اما عند ملك اتصل عليها علي واخبرها بالنزول الس الأسفل في الحديقه الخلفيه
علي بابتسامه: ملك
التفتت اليه ملك وذهبت اليه
ملك : خير فيه ايه
علي : لا مفيش حاجه متقلقيش كان بس كل واخد عايز يشوف مراته
ملك بعدم فهم : كل واحد هو مش محمد بس
ضحك علي : لا دا سيف وطارق كمان
شهقت ملك : يلهزي طب افرض ماما ثناء طلعت تطمن علينا
علي : لا متقلقيش ان شاءالله انا هناديلهم دلوقتي ….بس خلينا في المهم
ملك : ايه
علي : عملتي ايه مع بدور
ملك : انا فرحانه اوي يا علي بدور طيبه …بس انا في جوايا حته عايزه تشوف اللي المفروض امي بس بتغاضي عن الموضوع وارجع اقول محدش يستحق حاجه غير اهلي هنا ….انا متوتره اوي يا علي ومش عارفه اعمل ايه
علي : مش عايزه تشيلي هم حاجه يا ملك طول ما انا معاكي ….ومش عايزك تحكمي علي حد من غير اما تسمعي منه هو كمان …..فكري بس في بكره ومتشليش هم حاجه ..عايزك تفتكري انه اخيرا يا ملك هنكون سوا…اخيرا ربنا استجاب ليا …بحبك من اكتر من ١٠ سنين ….قلبي بيرقص من الفرحه …مش عارف هيجيلي نوم ازاي النهارده
خجلت ملك ولم تتكلم
علي بابتسامه: مش عايز رد بكره هتكون كل حاجه حلالي و ساعتها مش هتبطلي تقوليهالي
كانت ملك علي وشك الرد ولكن سمعت صوت ثناء يأتي من الداخل
انتفضت ملك وعلي واردفت ملك : يلهوي يا علي لو ماما شافت سيف ولا محمد ولا طارق الدنيا هتولع
دخلت ملك ورأت ثناء تصعد السلم فنادت عليها
ملك بصوت عالي قليلا لكي يسمعوا : ماما
ثناء : ملك !!! بتعملي ايه تحت دلوقتي يا حببتي
ملك : مفيش يا ماما كنت عطشانه فنزلت اشرب
ثناء : طب با حبيبتي
سمعت كل من حياه وبدور والاء صوتهم ففزعوا
حياه : يلهوي …ماما …اعمل ايه دلوقتي ياربي
سيف : اهدي انا هنط من هنا
حياه بقلق : تنط ..تنط ازاي يعني
سيف بمرح : انتي مستقليه بيا ولا ايه وفي اقل من دقيقه ذهب سيف الي البلكونه وقفز منه
اما محمد ففعل المثل ولكن قبل أن يخرج اردف : بحبك يا ام عيون مجنناني
بدور بتوتر : دا وقته …دا وقته يعني
اما طارق نظرا لانه بالدور الأرضي فخرج مسرعا الي الخارج
اطمنت ثناء عليهم وذهبت
علي : ايه يا شباب كل دا
محمد بانزعاج : يا عم دا مكملناش نص ساعه
ضحك علي : شكلك واقع اوي يا حمودي
طارق : اومال ايه دا الواد محمد دا مبخت من
يومه…تصدق خطب واتجوز في يوم واحد
محمد : منك لله يا اخي وانا اقول حياتي بايظه ليه
…وانتبهوا علي سيف الشارد ….وكزه محمد في كتفه: ايه يا عم الحبيب انت كمان سرحان في ايه
سيف: ما انا معاكم اهو قاطعه رن موبايله فاردف : حياه
محمد : ايوا يا عم يسهلو
ابتعد سيف قليلا عنهم
عند حياه
حياه : الحمد لله يارب ..وتذكرت ما مر به ليكون حصله حاجه لنا هكمله
سيف : ايوا يا روحي
حياه : ايوا يا سيف ..انت كويس
سيف : متقلقيش يا روحي …المهم مش زعلانه مني
ابتسمت حياه : لأ
سيف : بجد يا فراوله
حياه : فرواله !!!
سيف بابتسامه: مش كل اما اكلمك كلمه تحمري ..
واكمل بمرح ووقاحه ..انا النهارده ملحقتش اسرق منك حاجه انا زعلان اوي
حياه بعدم فهم: تسرق ايه
سيف بخبث : بوسه مثلا كدا يا حياتي
خجلت حياه بشده : تصدق انك وقح وقليل الادب
ضحك سيف بصوته كله مما جعل محمد وطارق وعلي ينظرون اليه
واردفوا : هي بتقوله ايه !!
التفت سيف اليهم ورجع لهيئته : طب سلام بقي اشوفك بكره
محمد بهمس ومرح: بتقولها ايه يا نمس انت
سيف : وانت مالك انت متخليك في حالك
محمد بضحك : مقبوله منك يا عمنا
علي : انت بتقولوا ايه
محمد : لأ مفيش حاجه
______________
في اليوم التالي
استعدت ملك بفستان دهبي اللون بسيط …كانت تشبه الاميرات به …وارتدت حجابها مما جعلها تبدو أجمل بكثير وارتدت حياه فستان باللون الوردي هي الاء وبدور
تم عقد القران في وسط فرحه الجميع لهم تفاجأ الجميع بوالد سيف يجلس مكان علي …
تفاجأ الجميع مما حدث وبالفعل بدأ الشيخ في عقد قران سيف وحياه ، وسألها اذا كانت موافقه فأمات له بنعم ومضت علي الأوراق التي أعطاها إياها وأردف “بارك الله لكما و بارك عليكما و جمع بينكما فى خير ”
بارك لهم الجميع وسلم سيف علي الجميع ثم نظر إليها بحب يفيض من عينيه وذهب إليها وحملها أمامهم وضمها بشده ،شعرت حياه بالخجل الشديد اما حدث أمام الجميع فهمست له :خلاص يا سيف
انزلها سيف ببطء شديد:مبروك عليا انتي يا حياتي للمرة التانيه
حياة بخجل يكاد يقتلها : الله يبارك فيك وذهبت من أمامه مسرعه فضحك الجميع عليها
كان الجميع يتسائل في ماذا حدث
تذكر محمد:
فلاش باك
في الجنينه
أخبر سيف ويوسف محمد جميع ما حدث لهم وبالطبع اخفواعليه ما حدث بالصعيد اكتفوا بأنها اختطفت وأنه تزوجها ليحل الأمر ،وأنه بالفعل يحبها كثيرا … صدم محمد في بادئ الأمر وغضب بشده من اخفاءهم الامر فماذا لو حدث حدث شئ ما، ولكنه حمد ربه
نادي محمد علي علي ووبخبه علي إخفاء الأمر عليه ولكنه سماحه بعد عدة محايلات وأخبر محمد سيف : بص يابني انا زي اي أب خايف علي بنته وخصوصا لو في حاله زي حالاتك انا بنتي مش هتكون معايا في نفس المكان عايز اكون مطمن عليها وأموت وانا مرتاح …..اخاف يحصل ابنتي زي ما قولت وتتعرض لخطف تاني لو حد بيهددك أو ليه معاك مشكله انا عايزها تعيش في سلام
سيف : اوعدك ان بنت حضرتك هتكون في امان مستحيل اخلي اي حد يقرب منها طول ما انا عاي
محمد : بس يا بني انا عايزك تطلقها
سيف : أ ..ايه
يوسف : اهدي يا سيف …. من فضلك يا محمد متاخدتش الامور كدا …انا ابني ان شاء مبقاش ليه اعداء ، دا كان عنده مشكلة معايا انا واهو راح لربنا……و.
قاطعه سيف قائلا : يا عمي اوعدك حياه في عيني وافديها بروحي … وانا ان شاء الله مش هروح مهمات تاني احنا كنا بنروح تطوع إنما شغلي كله في القسم اما بالنسبه للحصل دا فزي ما بابا قال لحضرتك كانت مشكلة شخصية ما بين والدي والراجل دا يعني الشغل ملهاش علاقه زي ما حضرتك قولت
محمد : طب سيني شويه وهكلمك
يوسف : زي ما تحب يا محمد بيه
محمد :محمد بيه ايه بقي احنا نسايبيا يوسف بيه
ضحك يوسف: يبقي انا كمان يوسف
صعد محمد الي حياه وواجههابالأمر فاجابته بخجل انه بالفعل تحب سيف وأنه كان معها ولم يتركها فسألها ان كانت تود كتب الكتاب اليوم ام لأ …فأجابته:زي ما حضرتك نحب يا بابا
ضمها ابيها: كبرتي يا حياه وهتتجوزي
حياة بمرح : ايه يا حج محمد …اذا كان انت بنفسك اللي جايب العريس
ضحك محمد بشده واردف ممازحا : يعني لسه هتتجوزي ما اتجوزتي وخلاص
ضحكت حياه بشدة
وقابل محمد سيف وأخبره بموافقته علي كتب الكتاب اليوم
محمد : بص يا ابني انا عايز اقولك حاجه
سيف : قول يا عمي
محمد : هي يمكن يا ابني بقت مراتك …بس امانه عليك تحافظ عليها ….انا معنديش غيرها ، وسعادتها وراحتها اللي يهمني …اوعدني يا بني انك تحافظ علي الأمانة
سيف : متقلقش يا عم انت بتأمني علي روحي ….وانا
هريحيك وهوعدك ووعد الحر دين عليه اني مش هزعل بنتك في يوم وهحافظ عليها وهكون سندها وامانها وافديها بروحي لو تطلب الامر ، واديها عيوني لو هيا طلبتها
محمد بحب : ربنا يطمنك يا بني ويكتبلكم السعادة
باك *
ولكن اخبرهم محمد : فكرت في الموضوع ووافقت وكدا كدا لسه فاضل شويه علي الفرح
علي متصنع االبكاء : لا بالله عليك اخلي الفرح كمان يومين
ضحك الجميع عليه
محمد :ايه هو سلق بيض استني شويه
علي : استني ليه اكتر من كدا
وبعد عدة مفاوضات واستغل سيف تعب والده وأنه سيرهق بالفعل اذا سافر كثيرا ففرصه وهو هنا أن يقيموا حفل الزفاف …..وبالفعل وافق محمد علي أن يقام بعد اسبوع
كان الجميع في سعادة
في السماء تفاجأ الجميع بدخول والدة بدور التي تواصل معها علي لكي تتعرف علي ملك
تفاجأت ملك من وجه الشبه بينهم ولكن لم تعرف ماهيه تلك المشاعر التي غمرتها لمجرد رؤيتها ….احضنتها بقوة دون اعتراض تحت بكاء ثناء والجميع …ورحبوا بها وجلست مع ملك واخبرتها انهم بحثوا عنها كثيرا وعندما لم يعرفوا شئ ظنوا أنها توفت… احتضنت ملك أختها بدور وحور بشدة تأثر كل من محمد وعلي وضم طارق آلاء اليه …
بكت حياه كثيرا من هذا المشهد وذهبت للخارج وعندما رأها سيف خرج ورائها
وجدها تبكي بشده فذهب إليها وشدها عليه وضمها بقوة
بعد فترة هدأت حياه
مسح سيف دموعها ورفع وجهها اليه :ممكن اعرف حبيبة قلبي بتعيط ليه ، ليه كل العياط دا
بكت حياه مره آخري وتشبست باحضانه
شدد سيف عليها وأردف: خلاص اهدي يا حياتي …خلاص يا روحي
هدأها مرة اخري
حياة : خلاص يا سيف ملك مش هتبقي اختي بقي ليها عيلة تانيه وأخوات تانيه ، انا والله بتمني ليها كل خير انا بحبها اوي ، ملك مش بس اختي ، انا بعتبرها هي والاء حياتي ، بس انا مش عارفه ليه حسيت كدا يمكن محتاجها هي تطمني اني محدش هياخد مكاني ، محتاجها تقولي اني لسه زي ما انا عندها واني ….
قاطعها صوت ملك من الخلف وهي تبكي: وانتي محتاجاني أأكدلك انتي ايه عندي مكنتش اعرف انك مش واثقه فيا كدا
حياه : ملك
ذهبت ملك إليها وضمها بشده : بقي انتي بعد العمر دا كله مش عارفه انتي عندي ايه
حياة ببكاء هي الاخري : عارفه والله وانتي كمان عارفه انتي عندي ايه ….انا اسفه مش هفكركدا تاني
وضمتهاحياه بشده وأردفت: مش اللي بيصير يبقي بيحب وانا بحبك اوي يا كوكو
ملك بضحكة وبكاء بنفس الوقت : وانا بحبك يا كلبه البحر انتي …بس والله لو قولتي كوكو تاني هولع فيكي
ضحكت حياه بشدة وابتسم سيف وعلي اللذان كانا يراقبهما
: خياااانه كان هذا صوت آلاء من الخلف ضحكوا جميعا عليها ثم ذهبوا الي الداخل وقضوا وقتا جميلا معا
بعد اسبوع ما سريعا تقريبا ملك من والدتها كثيرا وأخواتها كما أحبت ثناء هذه المرأه كثيرا
في ليله الحناء كانت الفتيات ترتدي فساتين مكشوفه قليلا حيث أنها للسيدات فقط……رقصوا جميعا وكان اليوم ملئيا بالسعادة …. ورقصت ملك مع امها واخواتها … بعد فتره قاموا بتغيير فساتنيهم الي فساتين اكثر احتشاما لعلمهم أن العرسان قد اتوا
دخل الشباب وسلموا عليهم وقاموا بتشغيل بعض الاغاني الرومانسية حتي يرقصوا سلو عليها
علي: ايه القمر دا ….بقي كدا هنت عليكي اسبوع بحاله متكلمنيش ولا تردي عليا
ملك : ما انت عارف أوامر بابا لازم تتنفذ ….
علي : دا حتي وقت الاكل يا شيخه يخلونا لوحدنا
ضحكت ملك : احسن ….اصل الحاجه لما تيجي بصعوبه …بتبقي صعب يتفرط فيها
علي بحب : مستحيل يا ملك …مستحيل مهما حصل افرط فيكي ..
_____________
كان سيف قريبا منها جدا : ايه الجمال دا
حياه بخجل : شكرا
سيف : اسبوع بحاله مشفكيش ….ينفع كدا
حياه : كلها يوم وهكون معاك علي طول
سيف : هانت ….بس مبسوط أن الفستان محتشم انا قولت طالما لوحدكم زمانكم واخدين راحتكم
حياه بتوتر : مهو ..اصل …
ضيق سيف عينيه : اوعي تقولي أنك غيرتي ولا حاجه
حياه بتوتر وحاولت الإبتعاد عنه قليلا ولكنه شدها عليه مره اخري : اصل …اصل يعني
حاول سيف التحكم باعصابه وقال بهدوء : انتي ناويه تجلطيني انا عارف ….
حياه : بعد الشر عليك …متقولش كدا
ضحك سيف : لا يا شيخه …. واكمل بحب يا حبيبتي انا بغير ..ليه مش حاسه بيا …انا مش عايز يكون بينا خناقات ..يوم كتب الكتاب انا مكنتش عارف انام طويل علشان وجعتك لما مسكت دراعك …ازاي انا اقدر اوجعك
حياه : خلاص والله مش هعمل اي حاجه تضايقك تاني
ضمها سيف بشده
___________
طارق : زي القمر
خجلت الاء وتوردت وجنتيها
ابتسم طارق : لا مش متعود عليكي كدا
الاء : بس بقي
ضحك طارق : وانا عملت حاجه
الاء : اسكت بقي انا جعانه اوي مكلتش من ساعتين
ضحك طارق : مش هتتغيري ابدا
_____________
محمد : اخيرا بقي
بدور بعدم فهم : اخيرا ايه
محمد : الفرح بكره يعني
ضحكت بدور : محمد انت كويس …احنا متجوزين يا حبيبي
محمد بابتسامه حب : لا يا قلبي بكره الفرح اللي بجد
بدور : هو انت بجد هتعمل فرح تاني….انا بجد مش عايزاه
محمد : لأ يا روحي لازم يتعملك احلي فرح وانتي
موافقه وراضيه بكل حاجه مش مجبوره
تأملته بدور بحب وظلت تحمد الله علي وجوده
محمد بمشاكسه : انا عارف اني حلو اوي بس الاغنيه خلصت
انتبهت بدور حولهم فرأت الجميع يذهب ما عداهم…خجلت بشده وابتعدت عنه
____________
في اليوم التالي
تجهزت الفتيات بذلك الفستان الأبيض ….وكانوا جميعهم ملكات …..ذهب الشباب اليهم وخرجوا الي الحديقه حيث كان الزفاف في حديقه بيت حياه
همس طارق : بحبك
الاء بحب : بموت فيك
بدور : محمد
محمد : روح محمد
بدور : انا بحبك اوي
اتسعت أعين محمد وحملها ولف بيها : بعشقك
ضحكوا جميعا
علي: بحبك
خجلت ملك وهمست : وانا كمان
علي : لا مش سامع علي صوتك
اردفت ملك بجرأه : بحبك
اما عند سيف
سيف : بعشقك يا اغلي حاجه في حياتي يا حياتي
حياه : وانا بحبك اوي يا سيف
قبلها سيف علي وجنتيها مما جعل الدماء تتصاعد ..
ضحك سيف : مش بقولك فرواله
بكت ثناء وهي تدعو اليهم بالسعادة وأن يديم الله عليهم الفرجه والمحبه
انتهي الزفاف بفرحه الجميع
في بيت طارق والاء
دخل طارق علي صوت بكاء الاء
طارق بخضه : فيه ايه…مالك يا حبيبتي بتعيطي ليه
الاء : مجبوش مكرونه بالبشاميل…ماما عارفه اني بحبها اوي ومع ذلك مجبتش
طارق : انا عارف انها عين الواد محمد …بقي كل العياط دا علشان المكرونه بالبشاميل…انا هطلبلك يا ستي دلوقتي
الاء بابتسامه : بجد
ضحك طارق : صبرني يا رب
_____________
بعد سته سنوات
أنجب سيف وحياه: يوسف ويونس وفيروز
وانجب علي وملك : آسر وأنس وأرين
انجب طارق والاء : رغد ولين
انجب محمد وبدور : يزن وفتون وميرال
تجمع الجميع داخل فيلة سيف وحياه
كان الجميع علي سفره الطعام والأطفال متجمعون في نهايه الطاوله معا
سيف بخبث : اجبلك حته من الديك الرومي يا طاروقه
ضحك الاء وحياه بصمت …تحت استغراب الجميع
سيف بمرح : اقول ولا …
طارق بغضب مرح: لا قول يا اخويا هتفضل تزلني بيها كتير
حكي لهم سيف عن موقفه مع الديك الرومي مما جعلهم يضحكون بشده
انقضي اليوم بسعادة وفرحه علي الجميع
____________________
ها قد وصلت روايتنا الي نهايتها اتمني أن تكون قد أعجبت احدكم ونالت استحسانكم …. ارجو من اي احد حب الرواية يرشحها للاخرين او علي الاقل يخليها في قائمه القراءة بتاعته ويعمل فوت للرواية 🤎
دمتم في رعاية الله والي اللقاء في رواية اخري 🤎
تمت بحمد الله 🤎
اقرأ ايضا روايات كاملة من هنا
الفهرس كاملاً بجميع الفصول عبر الرابط التالي (رواية حياتي فقط) اضغط على اسم الرواية لتجد الفهرس كاملاً بجميع الفصول.