رواية لعبة ابليس – الفصل السادس
الجزء السادس
#الجزءالسادس
#لعبةإبليس
الضابط.مصطفي…
وفجأة لقيت علاء بيتصل وبيقولي يا عمي وأنا في القسم. بقرأ المحضر. في بلاغ. وصل أنه تم العثور على جثة. أنثي في منطقة انشاء مباني ع بعد خمسة كيلو من بيت نورهان 😲😲
قولت له أنت بتقول ايه بنتي اتقtلت.يا علاء لأ لأ بنتي أنا ماليش غيرها أنا .. أنا وحسيت إني دايخ وضغطي بيقع…
قفلت واتصلت ع أحمد الجمال يلحقني.ما أنا كنت لسه واقف بالسيارة قدام بيته متحركش ونزل ليا بسرعة وأول ما شاف حالتي كان مصمم اطلع معاه لكن قولت له تعالي معايا أنا محتاجلك علاء بيقولي أن في جثةe إحتمال تكون بنتي يا أحمد…
وغصب.عني دموعي نزلت ولقيت احمد الجمال بيقولي .
المستشار أحمد الجمال…
أول ما طلعت شقتي قعدت أرتاح وحاولت أطمن مراتي ع عصام ولسه بحكي لها ع اللي حصلنا في الشقه اتفاجئت ب إتصال مصطفي أبو نورهان وبصراحه قلقت…
رديت بسرعة ولقيته بيقولي الحقني.انا مش قادر أخد نفسي أنا تحت البيت نزلت له بسرعة وأول ما قالي ع مكالمه علاء له قولت له
أنا معاك وأن شاء الله خير ومتطلعش نورهان أطمن واتصلت ع هشام أبني يحصلنا بسرعة…
منكرش إني كنت خا’يف. ظهور جثةe نورهان معناه تثبيت التهمة ع عصام أبني…
وبالطبع أنا اللي سوقت السيارة وفضلت أدور ع المكان وفضل مصطفي يتصل على علاء نعرف منه المكان فين بالضبط لكن كان الفون بيدينا مغلق أو غير متاح وشويه وشوفت سيارة شرrطة ووقفت عندهم وكانوا رافضين ندخل الموقع علشان الأدلة..
لكن مصطفي طلع الكارنية بتاعه ووقفنا أنا وهو قدام الجثما.ن محدش فينا قادر يرفع الملاية من عليها…
وأخيراً تشجعت وشيلت الملاية وللوهلة الأولي تقول إنها نورهان
بنت شعرها أصفر ونازل ع وجهها وبملابس شفافه وكل الشواهد بتقول أن دى جثة. تم نقلها وأنها اتقtلت في مكان تاني..
وساعتها افتكرت البقعة اللي كانت ع سرير…
يبقي اتقtلت لما كانت بتجهز ملابسها ومجوهراتها…
وفضلنا واقفين مصدومين أنا بفكر في أبني ومصطفي اللي طالع عليه بيقول بنتي لأ لأ مش بنتي.. أنا مشبعتش منها 😭
وفجأة وهما بيرفعوا الجثةe لقينا في شعر وقع والضابط. قال شيل البروكة يابني كل حاجه لازم تتحرز…
قولت له استني بروكة إيه وروحت رفعت الملايه تاني وبصيت ع وشها لقيتها بنت شعرها أسود وفي حسنه كبيرة ع وشها قولت يا مصطفى دى مش نورهان تعالي بص….
وحسينا أن روحنا رجعت لنا تاني وفضلنا نحمد ربنا ووصل هشام أبني واخدنا ووصلنا البيت وصممت أن مصطفي يبات معانا
بصراحه حالته مطمنش …
واتحججت بأننا نبقي ننزل مع بعض نروح الأزهر وساعتها قالي أنه كلم واحد معرفة يسأل له ع شيخ متخصص هناك
قولت له طب كويس أهو وقت ما صاحبك يكلمك ننزل ع طول..
كمال…
بعد ما علاء ما مشي من المستشفى وقالي أنه رايح يشوف المحضر وايه اللي تم فيه..
فضلت قاعد افكر ياتري إيه مصير الأولاد إذا نورهان مظهرتش..
واضح أنها كانت ع علاقة بواحد غيري ومش بعيد يكونوا دول عياله.. ما اللي تخون. جوزها مع واحد سهل تخونه،مع اتنين ولا تلاته. كمان..
وخرجت من المستشفى وقعدت في كوفي شوب أفكر.. طب لو طلعوا عيالي مش بعيد عمى مصطفي يقولي خدوهم وقتها أوديهم فين ما أنا ياريت كان عندي أم تشرف تحافظ عليهم..
دى مش بعيد تشغلهم يلموا النقطه. ولا يرقصوا في الكبارية..
بس لو أعرف انتي فين يا نورهان. اختفيتي/فين..
في جميع الأحوال أنا ماليش عين أشوف حد ولا علاء ولا حتى عمي مصطفي أنا هلغي الإجازة اللي اخدتها علشان نورهان هانم.
وارجع شغلي أحسن وأكد عليهم في الشغل بلاش سفريات ليا احسن عمي مصطفي يتهمني. إني عملت حاجه في بنته وهرrبت…
واتصلت ع الشركة وطلبت إلغاء الإجازة ومن بكره هكون موجود.
علاء…
أول ما فتحت الموبايل لقيت عمي مصطفي أتصل عليا كتير كلمته ولقيته بيقولي فينك يا علاء كلمتك كتير ع العموم الحمد لله أختك بخير…
قولت له قابلت نورهان ولا هي كلمتك ولا مين اللي قالك أنها بخير .
قالي ياريت كنت أعرف لها مكان أنا قصدت أن الجثةeمكنتش بتاعة نورهان ومعنى أن مظهرش أى خبر عنها أنها لسه عايشه…
ع العموم أنا هنا في البيت عند عمك أحمد هبات معاه والصبح هروح الأزهر نشوف شيخ يعرف يدخلنا الشقه اللي بقت كلها مسكونه بالعفاريت دى…
وأنت الصبح روح المستشفى ولو لقيتهم كتبوا الأولاد ع خروج معلش يابني خدهم ع شقتك ووصي عليهم مراتك..
لحد ما نوصل بس لحل المصيبةe اللي إحنا فيها دى..
قولت له من غير ما تقول يا عمي أنا كنت هعمل كدا المهم لو عرفت أى حاجة تطمني وأنا هتابع التحقيق بردو…
وقفلت مع عمي مصطفي وقولت صحيح هى العيال دى بعد كدا هتعيش فين ولا المدارس بتاعتهم وازاى بعد السنين دى هنطلب بتغيير أسماءهم ونقول لهم إيه حيرة
منك لله يا نورهان العيال ملهاش ذ’نب. في اللي بيحصل ده.
هشام….
بعد ما وصلت بابا وعمي مصطفي طلعت ع عمارة عصام وسألت البواب كنت فين امبارح بالليل ولو في حد غريب طلع أو نزل من العمارة…
قالي والله يابيه أنا كنت مسافر البلد وكنت سايب ولدى هنا لوحده والضابط. سأله وهو قاله أن في اليوم ده الست نورهان طلبت منه طلبات كتير وقالت له مترجعش إلا ومعاك كل حاجه وحتى رمت له الفلوس من البلكونه… والطلبات محدش خدها ولسه عندنا جوه..
استغربت وسألته ازاى بتطلب منه وبعد ما ينزل تحت ترمي له الفلوس!!!!؟ مش غريبه دى .
قالي يابيه في جروب ع واتس عليه كل سكان العمارة وفتحلي الموبايل وفعلاً لقيت كلامه صحيح…
معنى كدا أن نورهان كانت مخططة. أن محدش يشوفها وهى نازلة أو يشوف شريكها وهو طالع عندها…
الضابط.مصطفي…
طول الليل قلقان وعقلي مش مستوعب اللي حصل وكل ما اغمض عيني أسمع صوت بنتي بتستغيثe أقوم مفزوع. من النوم ومرة تانية شوفتها مكتفة. في كرسي في مكان مظلم..
بنتي أنا بنتي حد خا’طفها. بس مين ؟؟؟! أكيد اللي كانت متفقه معاه ع عملتها دى غدرr بها ..
هانت كلها كام ساعه والضابط. يجيب ليا كل مكالمات ورسائل اللي ع موبايل كمال ويعرف ليا هو بيروح فين..
وفضلت منتظر لحد ما الشمس طلعت وكلمت صاحبي وسألته ع الشيخ وقالي هيكون موجود بعد صلاة الظهر في مشيخة الأزهر.
وبعد شويه دخل ليا أحمد علشان الفطار جهز…
والمدام راحت شغلها واستغربت أن معندوش شغاله وقالي أن مراته من زمان مش بتجيب شغاله غير مرة في الأسبوع علشان تساعدها على تنضيف البيت غير كدا ازاى هنقبل بوجود بنت في شقه فيها تلات رجاله وقولنا الحمد لله الحمل خف من عليها من بعد جواز عصام وهشام وأنا طلباتي بسيطة…
وقومت فطرت وشربت قهوة وقولت له ع ميعاد الشيخ فقالي أنا لما بيكون عندي مشكلة بروح النادى وافضل امشي كتير وبصفي ذهني وبقدر أفكر كويس واعتقد أن إحنا محتاجين ده دلوقتي..
وروحت معاه النادي وبدل ما اصفي ذهني افتكرت زمان وأنا مشغول ومكنش في وقت أخرج نورهان وكنت معتمد ع الرحلات المدرسية أو ع خالتها وحتى في الجامعة كنت سايبها تخرج مع أصحابها مع إني معرفش ولا واحدة فيهم…
أصحابها!!! أنارشامنصور فاكر أن في أجندة في غرفة نورهان كان فيها عناوين أصحابها وقالتلي مرة زمان أن من كتر ما طلبت الدليفري وهى عند أى واحدة من صاحبتها. مجرد ما تقول أسم المنطقة كان يقولها العنوان بالتفصيل..
كويس أكيد حد منهم يعرف حاجه عنها…
المستشار أحمد الجمال….
أول ما قرب ميعاد آذان الظهر قولت ل مصطفى يلا بينا نصلي في الأزهر ونطلع من هناك ع الشيخ ولازم ناكد عليه يدخل معانا شقه عصام يمكن الجن.اللي فيها يكون أبن حلال ويقوله اللي حصل..
وفعلاً قابلنا الشيخ وعرفه مصطفي بنفسه وبيا وحكي له ع اللي حصل ومذكرش طبعاً حكايه الأولاد..
والشيخ وافق يروح معانا الشقه واستأذنا من الطب الشرعي اللي صمم يحضر معانا علشان البصمات.والادلة . وأول ما فتحنا الباب فضلنا واقفين وبعدها الشيخ فضل يدق على الباب وكأنه بيطلب إذن الدخول وسمعنا بعدها دقه صغيره وقال لنا الشيخ محدش يقرب إلا لما أقولكم…
ودخل الشيخ كام خطوة فقط وسمعنا صوت همس وكأنه بيوشوش حد وبدأنا نحس ب هواء مع أن كل الشابيك مقفوله…
وبعدها الشيخ بص لنا وقال الموجود هنا روح حضرت ومش عارفه ترجع وهى روح مظلو’مة. وحاولت تعرفكم بوجودها عن طريق هز مؤشر لعبة ويجا يمكن حد منكم يصرفها…
قولت له اسألها هى مين ولو شافت اللي حصل ل نورهان وإذا كانت عايشة ولا ميتة ومين اللي عمل كدا…
فضل الشيخ ساكت ومغمض عينه كأنه بيسمع وبعدها قال الروح بتقول أنها من دمها اتقtلت واتظلمت. ولم يعلم بها أحد…
ونورهان مازالت من أهل الأرض حتى الآن وبيتم تنفيذ. فيها العدل ع الأرض قبل ما ترحل من الدنيا.
وبعدها الشيخ قال الروح رافضة تفسر أى شئ وطلبه الرحيل في هدوء وإلا هتشوفوا غضبها…
قولت له لأ لأ ترحل في أمان الله وأحنا آسفين لها…
وفضل الشيخ يقول كلام كتير وأنا كل اللي في بالي ؟؟؟ معقول يكون مصطفي قtل. مراته أم نورهان ولا تكون نورهان امها واحدة تانية محدش يعرفها…
ما العيلة دى فيها حاجات غريبه ومحدش فاهمها….
يتبع….
تفتكروا يكون حلم مصطفي صحيح ونورهان مخطو.فة!!؟؟؟
بقلم. #رشامنصور
الفصل التالي: اضغط هنا
يتبع.. (رواية لعبة ابليس) اضغط على اسم الرواية لتجد الفهرس كاملاً بجميع الفصول.