رواية شغف الغرام الفصل العاشر 10 – بقلم بقلم همس كاتبة

بارت ( 10 )

(شغف الغرام )

بقلمي :همس كاتبة

زين شد على اسنانه : انتي ايه الي جابك ؟

هي بحماس و سعادة : عندي ليك خبر حلو تاني ، انا حامل

الجد اسماعيل باستنكار: وه مين البت دي يا ابني و مالها بتحضنك كده من غير حيا

هي : انا نتاليا و ع فكرة انا حبيبته و حامل بابنه

نزل الخبر كالصاعقة على الجميع و خصوصا غرام التي لم تستوعب الامر

الجد بصدمة : ايه الكلام الي بسمعه ده يا زين ؟ انت اتجوزت على مراتك ؟

زين ببرود : لا ما اتجوزتش

الجد بغضب اكبر : امال مين البت دي

زين ببرود اكبر : دي نتاليا صاحبتي

فريد : زين انت بوعيك يا ابني ؟ البنت بتقول حامل بابنك ، يعني ايه بالحرام مثلا ؟

نظر له زين بلامبالاة

الجد بغضب : ما تنطق و كفاياك برود

قربت غرام من زين و قالت بدموع و ابتسامة حزينة : انا مش هصدق اي كلمة من الي اتقال ، ولو انت كمان قولت كدة مش هصدقك عارف ليه ؟ مش عشاني على فكرة انت اصلا مش بتحبني ، بس عشان انت اتربيت هنا و انا عارفة كويس البيت ده بيربي ازاي ، زين الي اعرفه مش ممكن يعمل كدة ابدا

زين : خلصتي ؟

غرام بدموع : اه

اتجه زين الى نتاليا و امسك بيدها وقال : جدي بما ان نتاليا حامل بابني فأنا لازم اتجوزها و اعتقد انك مش بترمي حد من لحمك و د.مك مش ده كلامك برضو

الجد بحزن عميق : اخر حاجة كنت اتوقعها انك تعمل كدة ، خيبت املي فيك ، كنت فاكر ان انت الي هيشيل من بعدي  يا خسارة يا زين

نظر زين له بنفس البرود واخذ نتاليا و اتجه الى الاعلى الى احدى الغرف

اما غرام نظرت لجدها بدموع مرت ثوان قليلة و اصبحت تفترش الارض مغما عليها

ليث بصدمة : غراااام

ملاك بدموع : غرام ، غرام حببتي

رباب : تعال يا فريد شيلها نوديها لاوضتها

عطر بدموع : شوفتي عمايله فيها المسكينه ما لحقتش تفرح

نفض يدها بعنف

زين بغضب : عايز اعرف حالا مين اداكي عنواني

نتاليا بخوف : فففف…فرح كلمتني وقالتلي انك هنا في بيت جدك

زين بغضب : وازاي تجيلي هنا ها ؟ انتي مش عارفة اني راجل متجوز ؟

نتاليا بدموع : انا احق منها فيك ، انت ليا انا ، انا حامل بابنك ، بس طبعا لازم تروح ليها لانها بنت عمك

زين بغضب اكبر : انتي اتهبلتي ولا ايه ؟ الواد الي ببطنك ده انا مش عايزه انتي فاهمة و مش هعترف بيه

نتاليا بدموع : امال قلتلهم هتتجوزني ليه ؟

زين بسرحان : ملكيش دعوة

قربت منه بهدوء : طب ليه ما تتجوزني و نخلف و نربي ابننا ،انا بحبك ، بحبك اوي يا زين

دفعها عنه بقوة وقال بقرف : انتي وحدة رخيصة اوي يا نتاليا و انا مش بيعجبني الرخيص فاهمة ؟

الجد اسماعيل : زين غلط غلط كبير اوي بحق ربنا و بحق نفسه و بحق مراته و بحق عيلته كمان

فريد : و هنعمل ايه يابا

دلف معتز وقال  : في ايه يجدي مال البيت متكركب كدة

ليث بوشوشة : دي باينها ليلة مش هتعدي ، البت نتاليا جات هنا وقالت انها حامل من زين

معتز : يا انهار اسود

الجد : احنا لازم نداري الفضيحة دي بالاول و نجوز زين من البت دي و بعدين انا عارف هتعامل معاه ازاي

فريد : هتعمل ايه يابا ؟

الجد : ما تشغلش بالك

فريد : لا يابا انا لازمن اعرف هتتصرف معاه ازاي لازمن يتعاقب زين غلط بحق الكل و غرام هتقضي عمرها حزينة مش كفاية سابها سنتين  مخطوبة و ما سألش عليها وفوق كدة حمل نفسه اثم كبير و هجيبلنا عيل ابن حر.ام في العيلة و ده ما يشرفش حد مننا

الجد : انت عندك حق يا فريد ، انا هخليه يطلق غرام قبل ما يتجوز البت الي جت و يوم فرحه كمان هيبقى يوم فرح غرام

ليث بصدمة :  ايه الكلام ده يجدي مستحيل يحصل كدة زين لا يمكن يوافق ع الطلاق

الجد : هيوافق غصب عنه او هخلي غرام تخلعه محدش ضربه على يده و قاله يعمل عملته دي

في اوضة غرام

غرام بتعب : في اييه

هند بدموع : بس يحببتي خليكي نايمة و مرتاحة

فجأة انفجرت غرام بالبكاء الشديد : ليه يعمل كدة يهند ؟ليه يكسر قلبي ؟انا ما صدقت افرح ، ليه يعمل فيا كدة

ملاك : اهدي بس يغرام ، انتي ارتاحي دلوقتي و بكرا هنشوف هيحصل ايه

هند : غرام انتي لازم تواجهي زين و تعرفي منه الي حصل بالزبط و بعدها تقرري هتعملي ايه

دلف زين الاوضة

زين : اطلعو برة

خرجت هند و ملاك

زين ببرود وضع يده في جيبه وقال : انا عارف انك ممكن تكوني زعلانة من الي حصل ، بس عايز افهمك حاجة  انتي اتفرضتي عليا يا بنت عمي و مش زين الي تتفرض عليه حرمة ، و قصص الحب و الكلام ده انا مليش فيه ، انتي قولتيها قبل كدة لا انا بحبك ولا انتي بتحبيني انا مش هعرف اعيش حياتي مع وحدة انا حاسس انها اتفرضت عليا   ، وعلى فكرة علاقتي بنتاليا كانت قبل ما اعرفك اصلا و لما اتجوزتك بعدت عن كل ده عشان انتي مراتي يعني انا ما غلطتش بس دلوقتي الوضع اختلف نتاليا حامل بابني عشان كدة انا هسافر معاها و هقعد فترة برة مصر ، عايزة تفضلي مراتي اهلا وسهلا عايزة تطلقي براحتك

غرام بصدمة و دموع و غضب : انت ايه ؟ انت اييييييه ؟ مش بترحم حد ، شايف نفسك حتى وانت غلطان مش بتحس بغيرك ، انت بعد كل الي عملته شايف نفسك مش غلطان ؟ انا مش عايزة افضل معاك لو ثانية واحدة ، انا بقيت اقرف منك يا زين ، و اوعك تكون فاكر انه الفيلم ده هيعدي عليا كدة ، انا مش هصدق انك عملت كدة ابدا يزين فاهم  بس برضو مش هفضل مراتك ولا ثانية

زين ببرود : براحتك

غرام بغضب : قبل ما تسافر تطلقني

زين بغضب مسك ايدها : مش انا الي اخد اوامر منك يحلوة

خرج زين من الاوضة و معالم وجهه تدل على كمية غضب جهنمية

فرح : زين انا ……

مسك يدها بع.نف شديد و دلف اوضة المكتب   بتاعه

زين بجنون : انا الحق عليا الي لميتك و عاملتك زي ملاك اختي  ، انتي ازاي تقولي لنتاليا اني هنا ، ازاااااااي ؟

فرح بخوف و دموع : هي اتصلت فيا و سحبت مني الكلام من غير ما اقصد والله العظيم مكنتش عارفة انها هتيجي لغاية هنا

صفعها بقوة حتى سقطت على الارض

زين بقرف : انتي اسوأ بنت شوفتها بحياتي ، كل ده عشان شوفتي غرام اتبسطت شوية كل ده غيرة و حقد ، انا اعرفك اكتر من نفسك يا فرح انتي مش بتحبي حد يكون احسن منك و مش بتحبي تشوفي حد مبسوط ، فاكرة بحركاتك دي هبصلك او اعبرك ، ده  حتى نتاليا احسن منك  ع الاقل ممكن ابصلها بس انتي عمري ما هفكر ابصلك لاني بقيت اقرف من وجودك حواليا

انهى كلماته و خرج من الاوضة

و فرح تنظر بدموع و حقد شديد مسحت دموعها فورا و اتجهت لاوضة غرام

كانت غرام تنظر خلال النافذة بانكسار

فرح بضحك : هو الحلو ما كملش ولا ايه ؟

غرام بصدمة : فرح !

فرح بخبث : اه فرح يختي ، مش ده زين الي استنتيه سنتين خطوبة ، اهو هيتجوز عليكي و هيخلف كمان وانتي هتفضلي عايشة بحسرتك يعنيا  زي البيت الوقف

غرام بدموع : انتي ليه بتكلميني كدة

فرح بحقد : عشان انا الي لازم زين يتجوزها مش انتي ، عشان ابويا اتجوز خالتك و طلق امي ، عشان حتى خطيبي بيحبك انتي مش انا

غرام بصدمة : خطيبك بيحبني ؟!

فرح بدموع : اه معتز بيحبك انتي يغرام و بيحاول ينساكي فيا و ملاك دي و لا بيعبرها ، انا طول السنتين دول و انا قريبة من زين كنت فاكرة انه بيحبني بس طلع كل الوقت ده بيتسلى بيا زي ما عمل فيكي و في نتاليا ، زين الستات بنظره لعبة ، بس انا دلوقتي فرحانة اوي عشان واخيرا هشمت فيكي

غرام بابتسامة و دموع : اشمتي يا فرح ، ع الاقل انا مشاكلي كلها بواجها و بحاول اتعامل معاها و زين ده مهما يلف و يدور بالنهاية هيرجعلي ،و حتى لو اطلقنا هعيش حياتي و بكيفي كمان عارفة ليه ؟ عشان انا طبيعية ، بس انتي طول عمرك بتستخبي ورا صباعك ، دايما بتحاولي تحلي المشكلة بمشكلة جديدة عمرك ما هتعيشي مرتاحة ، عشان انتي مش بتحببي حد فيكي ، اشمتي فيا  يا فرح ع الاقل دي الحاجة الوحيدة الي ممكن تبسطك ، انتي انسانة انانية و عبيطة ، بتدوسي على اي حد عشان نفسك ، بس صدقيني هتتعبي اوي يا فرح و حتى لو اتجوزتي معتز مش هتستمرو بالجوازة دي عشان انتي ما تتعاشريش و هتعيشي حياتك كلها لوحدك

نظرت فرح لغرام بدموع فكلام غرام صحيح مئة بالمئة

خرجت من الاوضة و الدموع في عنيها

ملاك : فرح مالك

نظرت فرح لملاك بسرحان ثم ذهبت تبكي

ملاك باستغراب : مالها دي

معتز : هتعمل ايه بالمصيبة دي

زين : هسافر

معتز : ايييه ، زين انا فرحي قرب

ليث : هتسافر ليه يا زين

زين ببرود : لازم اخلص من ام الحكاية دي

معتز : زين خد بالك من نفسك

ليث  : ما تجمد يا معتز مالك بقيت رهيف كدة ، بعدين انت بجد ناوي تتجوز فرح ؟

معتز باستغراب : اه ليه ؟

زين : ربنا يكون معاك ، واضح انك اتجننت  انا كنت فاكر يومين و هتفضها سيرة بس واضح انه بجد

ليث : زين ، غرام وضعها ايه

زين بشرود : مش عارف ، بس انتو خدو بالكم منها لغاية ما ارجع

ليث : زين غرام ما تستاهلش كل ده ، انت ناسي انك سبتها سنتين و كمان دلوقتي فهمتها انك هتتجوز غيرها انا بقول كدة كتير

زين : مش عارف ،  المهم انا الصبح هاخد نتاليا و اسافر مش عايز جدي يعرف الا لما اكون وصلت المطار

معتز : زين لو حابب انا ممكن اكون معاك

زين : لا انا هخلص الموضوع ده لوحدي ، انتو خودو بالكم من ملاك و غرام

في اليوم التالي

في الصباح الباكر دلف زين اوضته هو وغرام و قرب منها وباسها بهدوء  و مسح اثار دموعها وو بعدين خرج من الاوضة و اخذ نتاليا و اتجه للمطار

استيقظت غرام من النوم و استذكرت ما حدث  وبدأت تبكي بصمت

دلفت هند

هند : غرام حببتي مالك

غرام بدموع  و بحة : مش قادرة اصدق الي حصل ده

هند : ان شاء الله خير يحببتي ، زين سافر النهاردة الصبح من غير ما يقول لجدو اسماعيل و جدو زعل اوي

غرام بدموع : زين مش بيهمه حد بيدوس ع الكل و بيفضل ماشي بسكته

هند : غرام انا متأكدة ان الموضوع ده في ان

غرام بدموع : ما تفرقش

هند : استني الباب بيخبط هقوم افتح

دلف شريف و هو يدفع الكرسي المتحرك

هند : طب انا هروح اعملك فطار

شريف : حببتي مالك

حضنته غرام بدموع : انا تعبانة اوي يا شريف ، زين سافر خلاص و هيتجوز غيري و يخلف كمان

شريف بحزن : ربنا يسامحه يحببتي مش عايزك تفكري فيه تاني ، جدي كلم محامي عشان موضوع الطلاق بس …

غرام باستغراب: بس اية ؟

شريف بشك : مش عارف ليث و معتز بيحاولو يأجلو بالموضوع ده بشكل غريب

غرام بدموع : طبعا عايزين لصاحبهم الجهتين

شريف : المهم انا جاي اكلمك بموضوع تاني

غرام : في ايه يا شريف

شريف : غرام ، انا لازم اسافر مع رتاج  ، هقعد من اسبوعين لشهر بالكتير

غرام بصدمة ودموع : تسافر ؟ عايز تسيبني انت كمان ؟ ………يتبع