رواية مغامرات عائلية – الفصل العاشر
10
بارت 10
دينا : الخاين هو مصطفى .. هو الي قال لجدو و صورنا فيديو كمان عشان يثبتله
التفت الجميع له و هم ينظرون بصدمة
تميم و هو يرفع اكمامه : الحق اتشاهد بقى
زياد بغضب : اه يا عميل … بعتنا يا زبالة
اوس : و عزة جلالة الله لانفخك تعالالي هنا
رفع مصطفى طرف جلابيته و هرب منهم باتجاه البيت و هو يصرخ : جدوووو يا جدوووووو … هيموتوني الحقني يا جدووووو
لم تمر ثواني الا و تميم كان قد امسكه … هجم عليه الشباب جميعهم و اولهم اوس الذي بطحه ارضا فوق الطين و انقض عليه بالضرب الخفيف بمشاركة تميم الذي يثبت قدماه
اتجهت له حلا بسرعة و بدأت بقرصه اما دينا تقف تصفق لهم بحرارة
حلا بشر : اول مرة ييجي بنفسي اكل لحوم بشرية .. هاااع
و عضته بيده و هو يصرخ بقوة
تناول زياد مصطفى من بين ايديهم و رفعه عن الارض بمساعدة فارس و ذهب باتجاه برميل ماء قريب
زياد : ثبته كويس يا فارس .. دلوقتي هتتعاقب يا صهيو.ني … استلقى وعدك بقى
مصطفى بصراخ : يا جدووووووووووو
امسك زياد رأسه و غطها في برميل الماء …. رفعه كي يتنفس قليلا و عاد يكرر غمره بالماء اكثر
حبيبة بانفعال : حرام عليك يا زياد .. سيبوه بقا هيموت بايديكو
دينا : اسكتي انتي .. ده جاسو..س .. عذ.بوه يا شباب لازم يعرف ان الخاين حسابه عسير
ذهبت غادة بسرعة الى زياد و فارس و حاولت افلات مصطفى من بين ايديهم
غادة : بس بقا حرام عليكو
دفعها تميم عنهم و قال : ده لسا ما شافش حاجة و حياة امي لاربيه
امسكت حلا كومة طين بيدها و قالت : يلا يا بنات لازم ننتقم منه احنا كمان .. هنحدفه بالطينة عشان يعرف ان الله حق
وقفت بجانبها كارما و امسكت ايضا كومة طين و رمتها عليه و عندما رمت حلا كومتها اخطأت و اصابت فارس
فارس : اييييه مش انا يا حلا … ركزي
حلا بضحك : اسفة يحبيبي ..طب وسع كدة عشان تصيبه
حبيبة ليزن : انت هتفضل تتفرج عليهم كدة .. اعمل حاجة حرام الولد هيروح فيها
يزن و هو لا يزال تحت تأثير الصدمة : دول كانو ينفخوني لو قربت
نفخت حبيبة بنفاذ صبر و اتجهت لاوس و قالت : اوس قولهم يسيبوه .. حرام كدة ده اتبهدل جامد
اوس : ما تخافيش عليه .. لازم يتربى عشان ما يعيدهاش تاني
تميم بصوت عالي : جهزولي الحبال يلا .. هنربطه و نروقه شوية
حبيبة بفزع : يخربيتك هتعمل بيه ايه اكتر من كدة … لا انا هروح انادي جدو
لارا : اهي دي كمان شريكته .. لازم تتعاقب زيه
دينا بحدة : اخرسي يا لارا لاحسن اعمل فيكي زيه و اكتر كمان
اتت سحر تركض و معها عدنان بعد ان سمعو صوت صراخهم
سحر بفزع : في اييييه ؟! ايه الي بيحصل هنا ؟!
نظرت الى مصطفى و فتحت عيناها على وسعهما من شدة الصدمة
سحر بصراخ : اييييه الي بتعملوه ده .. و الله لاوريكم كلكو … بستقوو على ابني الصغير
ذهبت الى مصطفى و افلتته من ايديهم و حضنته بقوة و هو يرتجف
عدنان بغضب شديد : ايه الي بتعملوه ده ؟! بتضربو اخوكو الصغير ؟
دينا : ده جاسو..س يا اونكل .. هو السبب بالي احنا فيه ده
عندنان بحدة : اخرسي .. حسابكو عند جدكم .. و ديني لاربيكم من اول و جديد .. امشو قدامي يلا
تميم : مهو الي كان ينقل اخبارنا لجدي
عدنان : اخرس خالص … انت الكبير الي بتعمل الحركات دي ؟! … ده انت فرحك بعد شهر … امشو قدامي يلا … بسرعةةةةة
*******************
بعد دقائق كان جميعهم يقفون بصف واحد امام عبد الله و قد طلب يزن من والده المغادرة فورا لتجنب احراج العائلة
عبد الله بغضب : ايه الي عملتوه ده ؟ ازاي تتجرأو و تمدو ايدكم على حفيدي الصغير ؟!
كان الصمت سيد الموقف .. جميعهم يقفون كالاصنام و هم يعلمون جيدا انهم لن يستطيعو الفرار من عقوبة اخرى ستقع عليهم
عبد الله ببغضب اكبر : حد يتكلم .. ايه السبب الي يخليكو تضربو عيل صغير بالشكل ده ؟
دينا : عشان هو خاين و هو الي قالك عن الي عمالناه
عبد الله بصدمة : و الله ؟! يعني ده سبب مقنع لضربه ؟
تميم باندفاع : ايوة .. حضرتك علمتنا ان الامانة اهم حاجة في الفريق .. و ده خان الامانة .. كان معانا بالمشوار و شجعنا و بعدها جيه و قالك عشان تعاقبنا يستاهل كدة و اكتر
عبد الله : مهو اتعاقب معاكو !
زياد : حتى لو اتعاقب معانا .. طالما خان الاتفاق لازم عقوبته تبقى اكبر … و بعدين مهو واقف قدامك زي الجحش ما حصلهوش حاجة
مصطفى بانكار : انا مقولتش حاجة .. ما تقولوهم يا جدو
عبد الله بخبث : صحيح مصطفى ما قاليش حاجة عن الي عملتوه .. انا عرفت لوحدي
حلا : و الله ؟ و ازاي عرفت بقا ؟
حبيبة بشهقة : حلا !
عبد الله : ما تيجي تلطشيني قلمين يا حلا ؟ هو انا عيل في سنك عشان تحققي معايا ؟!
حلا بأدب : انا اسفة يا جدو .. و الله مش قصدي … بس يعني انا دمي محروق .. انا اسفة ارجوك تسامحني
عبد الله : انا شوفت الفيديو على اليوتيوب … مصطفى نزله الصبح و انا شفته .. انت ظلمتوه و ضربتوه على حاجة هو معملهاش
نظر كل الشباب لبعضهم بدهشة
دينا بصدمة : نعاااااااام ؟!
نظر لها عبد الله بصدمة و قال : انتي هتردحيلي ؟
دينا بتوتر : لا بس اصلي اتصدمت
اوس : الكلام ده مش منطقي .. حضرتك معندكش وقت تقعد تقلب على اليوتيوب و تشوف الفيديو بتاعنا بالذات .. احنا مش عيال عشان يتضحك علينا
عبد الله باستغراب : انا مش فاهم … هو انتو قعدتكو مع بعض دي خلكتو تنسو الادب و الاخلاق الي ربيناكم عليها ؟! … ايه يعني انا كداب يا اوس ؟
اوس : اعوذ بالله محدش قال كدة يا جدي
فارس : جدو ارجوك ما تدافعش عنه احنا عارفين انه الجاس..وس و هو الي بلغك بالي عملناه … و هو اصلا السبب بمرمطتنا دي … انا ريحتي واصلة الطرقة من الشغل بالزريبة … و احنا كلنا مش ندمانين على الي عملناه بيه
عبد الله بابتسامة تعجب : و الله ؟!
غادة برجاء : لا ياجدو .. انا ما ضربتش معاهم .. ارجوك ما تعاقبناش تاني انا اتفرمت بالشغل برا
عبد الله : لا هتتعاقبو .. كلكو هتتعاقبو عقوبة اكبر .. و همدد فترة الشغل لاسبوعين كمان يمكن تتهدو و تتربو شوية .. و الشغل المرادي هيكون جوا البيت و برا … و مش كدة بس .. هتدخلو حبس انفرادي باوضكم من غير اكل و لا شرب و لا موبايلات لمدة تلات ايام
فتحو افواههم جميعا بصدمة … عجز لسانهم عن الكلام في هذه اللحظة
تميم بصدمة : و انا امته هلحق اجهز لفرحي الي فاضله كام يوم ؟! و ايه بالنسبة شغلي ؟!
عبد الله بحدة : فرحك ده هيتأجل يا دكتور … لغاية ما احس انك عقلت و قادر تشيل مسؤولية .. طول ما انت هايف كدة عمرك ما هتعرف تفتح بيت و تعيش مراتك حياة كريمة
كتم اوس ضحكة بداخله و هو ينظر الى تميم المصدوم
حبيبة بترجي : جدو ارجوك ما تعملش كدة .. خليهم يعتذرو لمصطفى .. و مصطفى قلبه طيب و هيسامحهم و يتنازل .. بس ارجوك بلاش تاجل الفرح حرام عشان فريدة
دينا : و بعدين فرحهم اتأجل مرتين قبل كدة .. دول خللو
عبد الله : الي عندي قولته .. دي نتيجة التمادي .. و الي يكسر قانون في بيتي يتحمل النتيجة .. طول عمركو عارفين الضرب ممنوع في البيت ده … كل ما تغلطو اكتر هتتعاقبو اكتر .. يا رب بس تتربو
وكزت دينا حلا و قالت : عيطو عيطو يلا
بدأت البنات بالبكاء و الشهقات المتتابعة ليستعطفو جدهم حتى اصبح الضجيج عالي جدا
عبد الله بنرفزة : كفاية بقا
حبيبة باستعطاف : جدوو .. سامحهم المرادي .. عشان خاطري .. ارجوك
نظر اوس الى مصطفى و اشار له بحاجبيه
مصطفى بخوف : جدو .. انا متنازل عن حقي .. سامحهم عشان خاطري
حبيبة : اهو مصطفى بنفسه عايزك تسامحهم .. ارجوك يا جدو عشان خاطر فريدة على الاقل دي ملهاش ذنب
صمت عبد الله قليلا و كأنه يفكر بالامر .. فبكاء الفتيات اثر عليه نوعا ما
عبد الله بهدوء : ماشي مش هنأجل الفرح و لا هتتحبسو .. بس العقوبة هتفضل قائمة … هقسمكم لمجموعتين .. قسم يشتغل بالغيط و القسم التاني يسلتم البيت هنا من تنضيف و طبخ و نفخ … و المرادي هخلي الكبار هما الي يشرفو عليكو
غادة بسرعة : انا هشتغل في البيت
كارما : و انا كمان
دينا : ايوة يا جدو خلي البنات تطبخ و تنضف و الرجالة ينزلو يشتغلو بالارض و الزريبة
عبد الله : الشغل مش على مزاجكم .. انا الي هقسمكم و انا الي اقرر كل واحد يشتغل ايه .. يلا اطلعو برا كلكو
اتجهو للخروج
عبد الله : استنو … اعتذرو لمصطفى الاول على الي عملتوه بيه
هتف جميعهم بصوت واحد : احنا اسفييين
و خرجو بعدها واحدا تلو الاخر عدا حبيبة و مصطفى
حبيبة : جدو .. انا بقول كفاية كدة لو سمحت .. حرام دول تعبو جامد النهاردة .. و بعدين هما صادقين يعني مصطفى هو الي قالك عليهم و دي حاجة تزعل بصراحة
عبد الله بهدوء : مهما كان الي عمله مينفعش يضربوه كدة .. ده لسا عيل صغير
حبيبة : عارفة و الله بس حضرتك قسيت عليهم بزيادة … دول كبرو و بقو شباب و العقوبة دي اهانة ليهم .. يعني هما استحملو الشغل بالارض عشان ده اساسا شغل عادي .. بس ان حضرتك تحبسهم و تسحب موبايلاتهم و الله حرام
عبد الله : مش هما قالو زهقانين ؟ اهو بسليهم شوية
مصطفى بابتسامة : ده حضرتك بتتسلى عليهم .. جدو خلاص اعفيهم حرام .. و بعدين دول هيحقدو عليا اكتر من الي عملته فيهم
عبد الله : هفكر
حبيبة بابتسامة: يعني لو استمرت العقوبة يومين تلاتة مش هيجرا حاجة .. بس و النبي مش اكتر من كدة عشان نفضى للفرح .. تميم هيزعل اوي و هتتكسر فرحته
عبد الله : خلاص يا حبيبة كفاية زن … هسيبهم يومين يتربو و بعدها ابقى اطلق سراحهم
حبيبة بسعادة : شكرااا يا احلى جدو بالدنيا
ذهبت بسرعة للخارج و هتفت بصوت عالي : فترة العقوبة يومين بس
تميم بصدمة : بجد ؟
حبيبة بابتسامة : ايوة .. جدو قالي كدة
دينا بسعادة : اه يا عفريتة .. اقنعتيه .. هاتي بوسة يا قمراية
قربت حبيبة وجهها من دينا التي قبلتها على خدها بحماس
اوس بخبث لحبيبة : و انا عايز وحدة
حبيبة بصدمة : بس بقا عيب
اتت سعاد من وراهم
سعاد بحدة : حلا و حبيبة .. اطلعو لباباكو بسرعة
ابتلعت حلا ريقها و قالت : استر يا رب .. امشي يا حبيبة
*************************
دلفت حبيبة و هي تمسك بيد حلا الى اوضة والدهم
حبيبة : ماما قالت انك عايزنا
حسين بحدة : ايوة .. اقعدو قدامي يلا
اتجهن سويا و جلسن مقابله
حسين بغضب : ايه الي بيحصل بالزبط ؟! على اخر الزمن الناس تتكلم على بناتي ؟ عايزين تسودو وشي قدام اهلي ؟ عايزينهم يقولو حسين معرفش يربي بناته ؟
حبيبة بهدوء : ما كل الي في البيت اشتركو بالي حصل يا بابا
حسين : مليش في الي هنا … انا ليا ببناتي الي مبقوش يسألو على زعل ابوهم .. من ايمتا و انتو بتتصرفو بالتهور ده ؟!
حلا : يا بابا احنا معملناش حاجة ..
حسين بمقاطعة : انتي بالذات اخرسي … انتي المفروض بنتي الكبيرة الي بثق فيها اكتر من نفسي .. حبيبة ما اتعاقبتش عشان ما عملتش حاجة .. بس انتي عملتي و ضربتي مصطفى .. و الناس الي المفروض انك هتبقى مرات ابنهم بقو يتكلمو عليكي بسبب تصرفاتك الطايشة
حلا بغضب : انا كنت باخد حقي .. و كل الشباب كانو معايا ما وقفتش عليا يعني
حسين بصوت عالي : اتكلمي عدل يا بنت .. انا ابوكي الي واقف قدامك .. اقسم بالله يا حلا لو ما اتعدلتي و احترمتي نفسك لاكون حارمك تقعدي في البيت ده
سكتت حلا فجأة و مطت شفتيها للامام تحاول كبت غصة خنقتها و لكن دموعها سالت على وجهها فانفجرت بالبكاء فهي غير معتادة على على هذه النبرة من والدها
اقتربت منها حبيبة بسرعة و حضنتها
حبيبة : بابا و الله ما لينا ذنب بالي حصل .. و حلا ما عملتش حاجة عشان تزعلها كدة … و بعدين مصطفى هو السبب بكل الي حصلهم
حسين بغضب : مش هسمح ان بنت ليا توطي راسي قدام اهلي مهما كان السبب .. مش هسمح لحد يتكلم على بناتي .. و لو انتو ما غلطوش مكنتش هسمع كلام من اولاد عمي و مراتاتهم عليكو
حبيبة بهدوء : يبقى هما فاهمين غلط .. و قبل ما يجيبو سيرتنا يبصو لاولادهم .. هما كانو مشتركين بكل الي حصل و هما الي جرجرونا وراهم
حسين بحدة : اسكتي .. احنا هنا ضيوف و هما اهل البيت .. هما حرين بس الضيوف عيب يتمادو
نظرت له حلا و قالت بدموع : انا عايزة ارجع مصر .. مش عايزة افضل ضيفة .. و خليهم يتكلمو عليا براحتهم بقا
خرجت و هي غاضبة و تبكي بشدة
حبيبة : بابا انا عارفة اننا غلطنا .. بس جدو قال هو الي هيعاقب الكل .. حلا ما تستاهلش تجرحها بالشكل ده
جلس حسين و قال : لازم تفهم اني بوعيها .. لما اجرحها انا اهون عليا من ان حد يجرحها و بالاخص قرايبي … مش هستحمل حد يتكلم عليها و انا اقف ساكت عشان احافظ على صلة القرابة .. دي هتتجوز بالعيلة زيك .. يعني اي كلمة من هنا و لا من هنا هتأثر على حياتها .. و انتي بنفسك شفتي الي حصل لزياد و غادة
جلست حبيبة بجانبه و قالت : بابا حلا قوية .. انت عارف شخصيتها محدش يقدر يأثر عليها او يزعلها … و فارس مش بيقبل ان حد يكلمها بطريقة مش كويسة … ما تقلقش عليها هيا عارفة مصلحتها … بس ارجوك طيب خاطرها حضرتك جرحتها جامد
***********************
كانت تمشي بسرعة باتجاه اوضتها
فارس بذعر : حلا في ايه مالك ؟ ليه بتعيطي
حلا بغضب : ابعد عني .. مش عايزة اشوف وشك .. كل ما بمشي وراك بتحصلي مصيبة
فارس بصدمة : ليه هو انا عملت حاجة ؟!
حلا بحدة : فارس انا مش عايزة ارتبط بيك .. و البيت ده مش هعتبه تاني .. انا هلم هدومي و ارجع مصر
فارس بصدمة اكبر : ايه الي بتقوليه ده ؟! ايه الي حصل طيب ؟!
حلا ببكاء : مفيش حاجة .. ابعد عني و بس
اتت حبيبة من وراهم و هي تركض
حبيبة : حلا اهدي يا حبيبتي ما حصلش حاجة لكل ده
حلا بغضب : طبعا ما حصلش حاجة بالنسبالك .. انا الي اتبهدلت من بابا و اتقل مني مش انتي
حبيبة : لحظة عصبية يا حببتي هو اتعصب بس لما سمع كلامهم .. اهدي و ما تدمريش الدنيا
حلا : بس بقا .. خليهم يتكلمو لحد ما يتفلقو .. مش انا الي تقبل انها تعيش مذلولة … مش هسمح لحد يقل مني
فارس : طب ايه الي حصل .. مين الي اتكلم عليكي ؟!
حبيبة : فارس لو سمحت هيا مش قادرة تتكلم
دلفت حلا اوضتها و اغلقت الباب بعنف
فارس : حبيبة احكيلي ايه الي حصل
حبيبة : مش عارفة بالزبط .. بس واضح ان في حد من الكبار اتكلم على حلا قدام بابا عشان ضربت مصطفى
فارس بغضب : قصدك امي و ابويا يعني ؟!
حبيبة : و الله مش عارفة
فارس بحدة : طيب .. انا هعرف
و اتجه للاسفل بسرعة
فارس : ماما
خديجة : ايوة عايز ايه ؟!
فارس بهدوء : ايه الي قولتيه لاهل حلا عشان يبهدلوها كدة ؟!
خديجة بحدة : و انت مالك ها ؟! .. من دلوقتي بقولك اصرف نظر عن موضوع الجواز من البنت دي عشان مش هقبل انها تبقى مرات ابني
فارس بصدمة : يااااه .. ايه الي قلبك عليها كدة ؟! ده انتي كنتي بتموتي فيها
خديجة بغضب : عشان دي بنت قليلة الادب .. مدت ايدها على اختك الصبح و شتمتها .. و دلوقتي ضربت مصطفى .. و انت زي الدلدول ماشي وراها و سايبها تتحكم بيك
فارس بغضب : دي حياتي و انا حر فيها .. و محدش ليه حق يتكلم عليها نص كلمة .. دي هتبقى مراتي
ايهاب من وراه : فارس اخرس و احترم نفسك و انت بتكلم امك
فارس : انت ما سمعتش هيا بتقول ايه ؟!
ايهاب : لا سمعت .. و معها حق .. حلا مش مناسبة ليك …………يتبع
مغامرات عائلية
همس كاتبة
الفصل التالي: اضغط هنا
يتبع.. (رواية مغامرات عائلية) اضغط على اسم الرواية لتجد الفهرس كاملاً بجميع الفصول.