رواية حياة (ادم وحياة) الفصل الرابع عشر 14 والأخير – بقلم روان رشاد

_هل السحر فعلاً موجود ؟! طب إيه الدليل ؟!

»أيوة السحر موجود .. ناس كتير مش بتصدق بوجود السحر ، وبتقول أنه خرافة وكذب ..

أكبر دليل لوجود السحر هو ذكره في القرآن الكريم ، وأن الرسول عليه الصلاة والسلام أتسحرله من اليهودي لبيد بن الأعصم ، وأن السحر كان موجود بردو أيام سيدنا سليمان عليه السلام ، وبعد ما اتوفى كتر جداً فربنا عز وجل أنزل هاروت وماروت عشان يعلموا الناس الفرق بين  السحر والمعجزة ، ويأمروهم أنهم يتجنبوا سحر بني اسرائيل ..

_السحر يوصل للدرجة اللي وصلت لها حياة ؟!

»أيوة ، وأكتر كمان .. في سحر يوصل لدرجة الجنون ، وسحر يمرض الإنسان بمرض ملهوش علاج أو بمعنى أصح الدكاترة متعرفش إيه المرض ده عشان تقدر تعالجه ، والسحر بيخلق حكايات في عقل الإنسان مش موجودة في الحقيقة ، وبيخلي الانسان يتصرف تصرف مش واعي له لدرجة إن ممكن الإنسان يقتل!! ، السحر من أصعب الأمراض اللي ممكن تقابل إنسان ..(أه السحر يعتبر مرض ، وأي شخص يقدر يسحر يعتبر كافر كما ذكر في القرآن الكريم) ..

_طب هو موجود الأيام دي كتير زي زمان ؟!

»لأ ، موجود الأيام دي أكتر من زمان ، تقريباً ٩٥٪ من الناس مسحورين ، بدون أي مبالغه ، الناس قلوبها مبقتش صافية لبعض ومبقاش في حب الخير لبعض ، بقى الكل بيأذي عن طريق السحر ، عشان الحقد والغل اللي في القلوب ميظهرش ، ويكون المؤذي مش في الصورة ، وأكتر أذية بتيجي من القرايب والاصحاب والمعارف ، أكتر من الغريب ، يعني احتمال تكون أنت مسحور وانت لسه مش داري ..

_طيب مين اللي بدأ السحر ؟!

»المعروف إن إبليس هو كبير السحرة وزعيم الجن ، والجن أتعلموا السحر من إبليس ، وعلموه للناس اللي اتبعتهم ، وبدأ ينتقل مش شخص لشخص لحد ما وصل لأكبر عدد ممكن تتخيله ، وأول الناس استعملته كانوا الكهنة ، وحالياً الدجالين والمشعوذين  ..

_طيب هو أنا ممكن يتعملي على حاجة تانية غير صورتي ؟!

»أكيد طبعا ، ده على حسب مدى كفر الساحر ، كل ما يعلى بالكفر كل ما يقدر يأذي بأقل حاجة منك ، زي أسمك بس ، أو أسمك وأسم والدتك ، أو قطعة من هدومك ، أو خصلة من شعرك ، أو أي حاجة تلمسها بأيدك ، أو من دمك ، أو لو الساحر عايز يأذيك شخصياً من غير ما حد يروح يقوله عليك مجرد ما يبصلك أو يتخيلك بيسحرلك .!

_طيب في فرق بين اللي بيصلي واللي مش بيصلي لما يتسحرله ؟!

»أكيد ، كل ما الإنسان إيمانه يقوى بالله سبحانه وتعالى كل ما أثر السحر يكون خفيف ، يعني مثلا زي الإنسان اللي عنده مناعه قوية أول ما يجيله دور برد هيستحمله ويتخطاه بسهوله ، على عكس الإنسان اللي مناعته ضعيفه ممكن دور برد يقتله !! الصلاة والعبادة دول بقى مناعة الإنسان ..

_طيب أنا خوفت كدا !!؟

»أوعى تخاف الخوف بيضعف جسمك وبيسهل السحر من السيطرة عليك ، الخوف والحزن بيضعفوك ويخلوا أي حاجة ضعيفة خلقها ربنا تسيطر عليك ، بأختصار الخوف والحزن بيضعف مناعتك ، قوي قلبك بذكر الله ..

ندخل في موضوع تاني ..

_هو فعلاً الراجل لما يحب وميقدرش ياخد اللي حبها يأذيها ؟؟

»مش كل الرجالة بتأذي ، في منهم بيرضوا بالنصيب والقدر ، ومنهم متفاهمين ومتسامحين ، بس بعضهم مؤذي ، ومؤذي جدا كمان ، ولو مكنش عن طريق السحر بيكون عن طريق أي حاجة تانية كتشويه سمعة البنت مثلاً ..

_هو كل قصص الحب لازم فيها أذية من أي طرف  ؟!

»لأ طبعاً .. الحب جميل جداً ، أجمل نعمة ربنا عطاهلنا أننا نحب ونعرف نحب ، بس لما نيجي نحب نختار الشخص الصح ، يعني قبل ما نبص على المظهر  والمميزات ، نبص على العيوب ، ونشوف هل هنقدر نتعايش مع العيوب دي ونستحملها ولا لأ ، لأن الحب والجواز عمر لوحده فلازم نختار نعيش العمر ده مع شخص يستاهل ..

_طيب النساء تستحق أنهم يتأذوا ؟!

»دول ألطف وأرق الكائنات اللي خلقها ربنا ، والرسول عليه الصلاة والسلام أوصى الرجال بالنساء خير ، وأمرهم أن يعاملوهم بلطف ، بس مش هنكر أن في ستات تستحق الاذية بس لما تكون جبروت ومؤذية (كزوجة سيدنا لوط وزوجة سيدنا نوح) ..

أختصار الكلام ..

منخافش بس نخلي بالنا ، ونداوم على ذكر الله لأن حصن المسلم القرآن والذكر ..

ونحاول نختار صح نصنا التاني اللي هنكمل معاه بقيت عمرنا ، لأن بالاختيار ده يا حياتنا هتكون سعيدة يا حياتنا هتكون تعيسة ،وأكيد كلنا بنكره التعاسة ..

رسالتي في الرواية .. 📖

حابة اوصلكم السحر ممكن يوصل الإنسان لإيه ، والجواز بالإكراه خوفاً من العنوسة ممكن يعمل في البنات إيه ، وإن نصاق صديق صدوق أحسن من صديق كذوب ، وإن الحزن ممكن يعمل فينا إيه ويوصلنا لإيه (لا تحزن إن الله معنا) ، ولو قربنا من ربنا هيرضى عننا وننعم بالأمان (لأن المؤمن لا يصيبه أي مكروه) ، فالرضا بقضاء وقدر الله والتفاؤل بالخير من أسس السعادة  ..

ارضى باللي قسمه ربنا عشان تعيش مرتاح البال والاحوال 🖤

#


بقلم_روان_رشاد

..الخاتمة





..