رواية عندما يغيب العقل – الفصل العاشر والأخير
حليمه …كعدت وكمت ابجي ياربي وين اروح
تالي عمري اكعد بدار العجزه شراح اكول الاهلي
شلون بيه هذا عقاب لان صدكت واحد حيوان مثل هذا
وين اروح ياربي ارحم حالي مره جبيره
ومالي احد خليت نفسي بلنار
يومين واني لا اكل ولا شرب بس ابجي وجهي صار اسود
الوقت يمشي واني ماعندي اي حل
اول ليله بليل طفيت الاضويه من كل البيت من وكت
حتى من يجي فاضل يتوقع طالعه مااريده يجي ويغثني ويخوفني بلكت الله يهدي ويعوفني بحالي
قفلت البيبان من المغرب اكيد راح يجي حتى يهددني ويخوفني حتى اطلع من البيت
فعلا الساعه عشره بليل اجا دك الباب دك حاول يفتح الباب مقفول اتصل عليه قفلت جهازي
رجع اجا الساعه ١١ ونص دك الباب ما فتحتله
اسمع ابو ايمن طلع وسئله شيريد
رد علي موصيتني على شغله واجيت قبل شويه وماكووو
وهسه رجعت
ابو ايمن…انطينياها
فاضل…لا لازم افهمها عليه ارجع باجر
اتصلت عليه ام ايمن جهازي قافلته
صعدت من الحايط صاحت عليه اسمعها تكول بيتها اضلم يمكن راحت يم اختها
حليمه..بس باجر بيتي شلون بيه اباوع للحيطان وابجي
شلون راح اعوف بيتي بكل هاي السهوله واطلع
اخر عمري لا بيت ولا مكان ياربي شلون بيه ضيعت نفسي بكل سهوله وين جان عقلي
اريد واحد احجيله يساعدني اطلع من هاي المشكله
مااجا على بالي غير ابو ايمن محامي ويفتهم
لازم احجيله كلشي بلكت يكدر يساعدني
لان اهلي مراح يكدرون يسون شي اخواني يذبحوني اذا عرفو هذا الشي
ثاني يوم السبت بقيت بيتي اضلم طول النهار كاعده وافكر
بليل قررت
اروح احجي لابو ايمن لان باجر اذا رجع فاضل ومافتحتله الباب اكيد راح ينفذ تهديده
رحت بليل ورا العشى عليهم للبيت بس دخلت ام ايمن هله خاله هله بيج
وين جنتي بيتج اضلم
حليمه…اني واكعه بمشكله واريد ابو ايمن يساعدني
ام ايمن…خير انشاء الله هسه اتصل علي يجي بسرعه
هو على جيه هسه اكعدي
كعدت عشر دقايق دخل ابو ايمن عليه
ابو ايمن…هااا خاله شلونج
حليمه…اني واكعه بمشكله جبيره وأريدك تساعدني
بس محتاجه منك يكون الموضوع بينا محد يعرف بي
هذاوالموضوع اذا انتشر اقتل نفسي
ابو ايمن…الله يستر احجي
ام ايمن اخذت الجهال للغرفه الثانيه وعافتنا وحدنا حتى احجي براحتي
حليمه…ابو المولد فاضل
ابو ايمن…شبي هليام اشوفه يتردد عليج
حليمه…هسه راح احجيلك المشكله من البدايه
جمانه مرحبا
حجيت كلشي صار وياي من اول مكالمه الحد مااجا فاضل هو وزوجته البيتي
ابو ايمن….صدك تحجين عود تخلين ركبتج بيد واحد مثل هذا
حليمه…ضحك عليه قشمرني دخل عليه بلحب واني عايشه وحدي محد بحالي ولا واحد يسئل عني
غسل دماغي اني اعترف اني غلطانه بس شلون اطلع من بيتي تالي عمري وين اروح
ابو ايمن…لاتشلين هم اني راح اساعدج عندج رقمه
حليمه…اي هذا رقمه
طلع ابو ايمن الرقم سجله واتصل على واحد واني كاعده
واحد هكر شاطر يعرفه من شغله بلمحكمه
شاطر كلش بهاي الشغله معروف على مستوى العراق مو بس منطقتنا
ابو ايمن…راح ادزلك رقم اريدك تهكر جهازه وتمسح كلشي علي كلشي يعني كلشي
الولد كاله صار تدلل بقيت كاعده وادعي ربي ساعه الولد اتصل وكاله تم كلشي انمسح من على هذا الجهاز
حليمه…خاف حافظهن بمكان ثاني
ابو ايمن …تتوقعين راح اعوفه انتظري شوفي شلون راح اخلي يمشي ويتلفت ورا
حليمه…صار ٣ ايام الا اكل ولا اشرب ولا انام بس ابجي
اريد اموت من القهر الله يبارك بيك ويحفظك
ابو ايمن…روحي البيتج اتعشي ونامي وباجر اخلي
يبوس رجلج بس كون تسامحي
جمانه مرحبا
طلع ابو ايمن واني رجعت البيتي سبحت وتمددت
مااكدر انام بعدني خايفه
شوفو الخطه الي مشى عليها ابو ايمن حتى يخلصني من
فاضل
اتصل على ضابط بلمركز واتفق وياا على خطه
راح ابو ايمن للمولد لكه فاضل بي سوو نفسه يسئل على خطهم واذا يكدر يجيب جوزه ثانيه يريد امبيرات اكثر
وبهذا الوقت خله جيسين مخدرات داخل المولد
بدون ما ينتبه فاضل
شويه وسيارة الشرطه فوكاهم فتشو غرفة المولد لكو بيها مخدرات راسا لزمت فاضل انت اتاجر بلمخدرات
واجت عليك اخباريه
فاضل تخبل تليفونه قبل شويه تهكر والنوب هاي المخدرات منيين اجت حاول يشمر التهمه على الولد الي
يلزم المولده قبله
بس الضابط أكد الاخباريه جايه بااسم فاضل
اخذو فاضل للمركز كل هذا وابو ايمن واكف يباوع علي
ابو ايمن وصاا الشرطه يخلو بسجن وحده ويبقون اليل كله يخوفو من السجن وشلون هيج يورط نفسه
بعد راح ينحكم مايطلع من السجن لان علي بلاغات هواي
حتى الصبح ابو ايمن يلكا مستوي على الآخر
بمقابل ابو ايمن راح يجبلهم ريوك محترم الصبح
جمانه مرحبا
بات فاضل هاي اليله بلسجن كانت اتعس ليله مرت علي بحياته الشرطه ماخلو ينام اليل كله
واحد يرفع وواحد يكبس للصبح كاعد مانايم
ثاني يوم قبل لا يعرضونه على المحكمه بتهمة المتاجره
بلممنوعات هذا الي الضابط فهمه الفاضل
اجا علي ابو ايمن
ابو ايمن…انت جيراني واني تطوعت اساعدك
فاضل…اقسم بلله مو اليه ولا اعرف اي شي عنهن
ابو ايمن…هذا الكلام مايفيد لزموك متلبس
فاضل…فدوه اروحلك راح يضيع مستقبلي عندي اطفال
ابوي من البارحه نايم بلمركز
ابو ايمن…هسه اطلعك منا بس عندي شروط
فاضل…فدوه بس اصعد للمحكمه اضيع الله يخليك طلعني
ابو ايمن…اقل شي تاخذ حكم ٣ سنوات
فاضل…فدوه طلعني واني مستعد اقبل شروطك شكد ماتريد اني حاضر
ابو ايمن…اولا عندك بعد تسجيل الحليمه
راسا فاضل سكت حليمه انت شمدريك
ابو ايمن…لا جاوب السؤال بسؤال رد عليه
فاضل…لا ماعندي هو بس هذا التليفون والبارحة انمسح كلشي علي
ابو ايمن…واذا طلع اكو تسجيل
فاضل..اقسم بلله ماعندي اي تسجيل
ابو ايمن…اذا طلع اكو بعد تسجيل هلمره البسك قضيه
تاخذ بيها اعدام
فاضل….وداعت جهالي ماعندي طلعني وبعد مااقرب عليها
ابو ايمن….لا ماتطلع الا ترجع الذهب والبطاقة وكلشي اخذته منها
اذا مارجعت ذني خلال ساعه
اني اروح وياك للمحكمه واني اسجنك بايدي والبسك بعد قضيه انت ما تعرفني زين وحليمه تخصني
فاضل….الذهب موجود اني مابعته خليته يم زوجتي
بس الراتب صرفته اني مستعد ارجعه الها
ابو ايمن…هاك تليفوني اتصل على زوجتك اجيب الذهب كله والبطاقة وتجي هسه حالا
اتصل فاضل بزوجته الي اليل كله ما نايمه لان زوجها راح يلبس قضيه وينسجن
فعلا خلال نص ساعه اجت زوجت فاضل وبيدها الذهب والبطاقة
جمانه السعيدي
حليمه…ابو ايمن اتصل عليه
حليمه….هاا ابو ايمن بشرني
ابو ايمن …عديلي الذهب مالتي شنو
حليمه.. خل يولي الذهب اهم شي ماكو عنده اي تسجيل
ابو ايمن…لا ماكو تسجيل شنو الذهب مالتج
حليمه…شنو رجعه
ابو ايمن…عدي بسرعه
حليمه…كلاده ذهب شمس طويله بتوت اربعه
زوجين تراجي طوال اربع محابس وحلقه وحجل
ابو ايمن …تمام والبطاقة رجعت بس الراتب ماكو
حليمه…مااريد الراتب بس ابقا بيتي
ابو ايمن….لا الراتب يرجع حتى واحد حرامي مثل هذا يتأدب
ابو ايمن… هاي كمبياله براتب حليمه الي اخذته
بس تطلع ترجع الراتب وتأخذ الكمبياله ولا اني اسجنك بايدي
وقع فاضل على الكمبياله وطلع هو وابو وزوجته من المركز
ابو ايمن رجع الذهب والبطاقة الحليمه
حليمه…ابوس ايدك الف رحمه على والديك مااعرف شلون اجازيك
ابو ايمن …صيري حذره مره ثانيه اكثر
حليمه…انشاء الله
ابو المولد بطل فاضل من الشغل لان صارت علي سمعه يتاجر بلمخدرات يومين وفاضل جاب الراتب
للمكتب مال ابو ايمن واخذ الكمبياله
جمانه مرحبا
رجع كلشي الحليمه صح مرت بتجربه كلش قاسيه
بس رجعلها حقها اخذت الذهب تنطي الابو ايمن لان خلصها من هاي المشكله بس هو ما قبل ياخذ منها اي شي
هذا كان أقسى درس مر على حليمه بحياتها حلفت بعد ماااتمن باي احد ولا تحجي عن حياتها الاي احد
ومنا وسدت بابها وهي تحمد ربها لان خلصها من هاي المشكله
بعدها حليمه اقترحت على سميره ازوج ابنها الزغير بيتها
الولد عمره ٢٢ سنه ويتعارك وياا اهله لان يريد يزوج وحده يحبها بس اهلها لا عدهم مكان ولا عدهم امكانيه يزوجو
ضل كل يوم يخلق مشكله بيتهم
حليمه…انطته غرفه وجهزته على حسابها ازوج رعد بيت خالته بعد الزواج نعدل حاله ولكه شغل بمعمل
المنيوم زوجته حبابه وفقيره خادمه حليمه وتحبها
بعد شهرين زوجته طلعت حامل
بعد سنتين من هاي المشكله بيت حليمه صار بي حس
رعد وزوجته واطفال ثنيين
مالين عليها الدنيا وأخيرا حليمه لكت ونس صار اكو حس بيتها بعد كل هذا الوقت
بيت حليمه صار بي اطفال طايره بيهم ما مصدكه نفسها
اني ماالوم حليمه حليمه رادت تزوج وتتخلص من
حياة الوحده جانت تفكر بلموت اكثر ما تفكر بلحياة
ومالكت غير هاي الفرصه حتى تغير حياتها
هي غلطانه هي تعترف بغلطها بس احنا مانكدر نحكم عليها لان ماعشنا حياتها
ماعشنا الضروف الي مرت بيها
اني مااعتب عليها اعتب على الاهل والاخوان الي
مايذكرون خواتهم بحجة مشغولين
حليمه لو اهلها محاوطيها ومحسسيها بلاهتمام
ابد ماركضت ورا فاضل وصدكت بي
ابد لا تعرفون خواتكم وخاصه الأرامل والمطلقات
اذكروهن حتى لا يصيرن فريسه سهله للناس الي ماتخاف من الله اذكروهن مثل ما اذكرون اطفالكم
لان عينهن عليكم انتم السند
فاضل اجرء على حليمه لان عرف ماعدها سند
ماكو وراها احد يحميها
انتهت قصتنا دمتم سالمين
اقرأ ايضًأ روايات عراقية من هنا
يتبع.. (رواية عندما يغيب العقل) اضغط على اسم الرواية لتجد الفهرس كاملاً بجميع الفصول.