رواية أحفاد الشيخ علي – الفصل الخامس و الاربعون
أحَبك وأختلِف
حَتى بسَلاميِ وَياك
ولا تسِأل عَليه شِلوُني ما لوُنيِ
بس سَلم عَليه وشوُف
ردِي شِلوُن
” ما أرَد السَلام
أشِمرلك عَيوُني .
________________§§§______________________________________________
سجاد::شنو ليش احجي وياه وحدد موعد
اجي اخطب
زهراء::ماريدك هيه كوه؟
سجاد ::مو بكيفج اني اريد ازوج واريدج انتي مرتي
زهراء::سجاد لتعبك نفسك ما يقبل
سجاد::احبج والله
زهراء::لجذب
سجاد::وداعت عيونج الحلوه احبج
زهراء::لا تحلف بعيوني جذب
سجاد ::بالعباس احبج
سكتت ما حجيت شي ومن شافني ساكته شويه واردف
سجاد::خلي نزوج؟
زهراء ::محد يقبل انته سني واني شيعيه
سجاد::اتشيع عمودج
زهراء::من كل عقلك
سجاد::اي والله
زهراء ::اهلك يتبرون منك
سجاد::محد يهمني بكدج خلي يتبرون
سكتت ما حجيت شي واني كلبي يوجعني وخايفه ماريد انطي امل ولا انطي نفسي امل بعلاقه مستحيله لان اعرف ابوي عايش بنص سنه بس مستحيل ينطيني لواحد منهم
سجاد::طيني رقمه والباقي عليه
زهراء::تمام
رديت له رقمه وهوه ضحك وسد الاتصال واني كعدت وبقيت افكر خايفه حيل خايفه وماعرف شنو اسوي
__________________
سمره ::
سمره::عمه شنو غدانه اليوم؟
ايلين ::شون تبسي سويت يجنن يلوك لهل حلك
ضحكت اني وهيه ضحكتلي عمه ايلين ما تحب احد يطبخ ابد مكانها بس اذا مريضه فا طبخ عليه وتنضيف اني لو حور لو سمره واكلها يجنن يفتح نفس حيل طيب فا محد يعترض ابد مرات تسأل شنو تريدون تاكلون مرات سوي بكيفها واني اجي اساعدها لو اسوي زلاطه لو اكطع الها الخضره
سمره:: عمه نطيني اسوي زلاطه
ايلين::جهزت المواد على الكاونتر بس كعدي ثرميهن
سمره::تمام
اخذتهن وكعدت بالكاع مجهزه الي طماطه وخيار وليمون وكرفس وبديت اثرم بيهن
ايلين ::ليش يمه
هيه واكفه على الطباخ تكلب تمن وذوق التبسي واني احجي وياها
سمره::صار من زمان ما رايحه اروح اشوف شكو ماكو
ضحكت واردفت
ايلين::سلميلي على امج
سمره::يوصل ان شاء الله
ايلين::هاي بعدهن ما كعدن جايفات ولا يصيرن امهات بيوت الله يعين الي ياخذهن
ضحكت الها واردفت
سمره::يكبرن ويتعلمن
ايلين::ان شاء الله يمه
سمره::شهريه تأخرت عليه حيل عن موعدها صار سبوعين اريد اشوف دكتوره اخاف متلخبطه او شي
من سمعت عمه ايلين الي كلته عافت جفجير وصاح حور
ايلين::حوور ولجج يمهه حورر وينجج
سمره::شكو عمه شبيج؟
ايلين::خلي تطلع على هاي صيدليه الي يمنه جيبلج تحليل حمل منزلي
سمره::ليش عمه
ايلين::يمهه شبيج شنو ليش كومي ولج كومي صيحها ركض
عفت سجينه من ايدي وكمت من مكانها حتى اصيحها واني ماعرف شكو طلعت افتر بالبيت ادورلها جنها فاره تختفي من مكان وترد المكان ثاني لكيتها كاعده بغرفتها وحاطه رجل على رجل ولازمه الجهاز
سمره::عمه ايلين تريدج
حور ::ماكو حترام للخصوصيه دكو الباب شي بله جنت اسوي شي ابدل اسبح اصخم
سمره ::اول شي غرفتج مو حمام تسبحين هنا ثاني شي تبدلين الي عندي عندج وثالث شي شصخمين يعني كومي يلهه ولج صيحج بسرعه
حور ::ليش شكو
سمره::كومي واني احجيلج
كامت واني طلعت من الغرفه وهيه جتي وراي فتنه المطبخ وعمه ايلين كبل حجت الحور وكالت الها عمود جيب تحليل حمل هيه همات ما صدكت على الله كبل لبست وطلعت واني كعدت صافنه وماعرف احس نفسي مو جهازه اصير ام وماريد جهال شويه وجتي حور وياها تحليل حمل سويته وكعدنه ننتضر يطلع خطين باوعنه خط واحد واني كبل كلت الحمدلله اخذته عمه ايلين وشويه وطلع الخط ثاني
ايلين::ولججج حامل حاملللل
حور ::كلوووووششش عمهه هلا هلااااا
وحده تهلهل وثانيه صفك وشعلن البيت شعل واني بس صافنه بعدني ما مستوعبه وجتي نور على صوت الهوسه والهلاهل
نور::شكو شكوو منو عرسس
حور::ولججج سمغهه حامللل حامللل
نور::كلووششش عمه الف الف مبروكك الله يتممها بالخير
ضحكت الها والكاع ما توسعهن من الفرحه
ايلين::من اليوم ما سوين كلشي شغل كله على ذني جايفات يمهه رتاحي بس يجي عمر كولي اله حتى تروحين لدكتوره
سمره::ان شاء الله عمه
واني عفتهن وطلعت لغرفتي فتت وسديت الباب ما مصدكه الي صار وبقيت اضرب صفنات وشويه ونزلت راسي وباوعت لبطني وحطيت ايدي عليها وعيوني بعدهن على بطني
سمره:: هلا بيك يبعد ماما ماعرف شحجي وياك وشكول واني بعدني ما مستعده اصير ام بس متأكده اصير احسن ام الك بنيهه جنت لو ولد
حسيت فرحه جبير بداخلي وما مصدكه احس نفسي بحلم وكعدت انتضر عمر يجي حتى احجيله
وشويه واجه عمر من سمعت صوته كبل طلعت طايره اركض وبيدي تحليل الحمل وهوه شافني ونضراته كلها ستغراب لان اضحك وطايره من الفرحه واني كبل حطيت بيده تحليل هوه اخذ نضره الهه وكبلل شالني وحضني وفرني واني ميته من الفرحه واضحك وعمه ايلين والبنات يباوعن علينه وفرحانات لفرحتنه
_________________
غزل ::
طلعت للاستقبال الولد ملتمين كل كعدتهم بالاستقبال باوعت سجاد يخابر ماعرف ويه منو وفاتح سبكر اني واكفه يم الباب واسمع عليهم وهوه يحجي ويتهدد
حامد ::اني ما انطي لسني مره لان احنه زلم ما نديح بناته يم سنه
سجاد::السنه شرفك وشرف الي خلفك وبنتك اخذها يعني اخذها وصير مرتي وانت تحضر عرسنه
حامد::ابن **** ابن**** ولكك انته منو تحجي هيج
سجاد::ماريد احجي شي مو خوفن منك لا خوفن على زهراء
وهوه من سمع هيج بده يفشر ويغلط وما خله كلمه مو خوش ما كالها وسجاد ضحك ضحكه قويه واردف
سجاد::ولك انته منو اني اعرفك كلش زين واعرف شنو تشتغل وين تريد توصل
الزلمه من سمع هل حجي سكت
حامد::شقصدك بهل حجي؟
سجاد::اذلك والله وهينك وندمك على كل لكمه حجيتها
حامد :: انجب ابن ال****
سجاد :: دحك لك عندي صور وعندي ملفات الك اذا اسلمهم للشرطه يسحلوك سحل
حامد ::انته منووو ولك انتهه منوو ومنو يكول حجيك صدك؟
سجاد::اي عادي نشاوف بأي مكان يعجبك او تريد ادزهن صور الك
حامد::شنو غايتك انته؟
سجاد::ما عندي غايه اني بس اريد بنتك واريد ترجع مين ما جيت وما تبقه تاجر بال***** فتهمت لو لا؟
سكت ما حجه شي
سجاد::اجي اخطب ومثل الخوش زلمه توافق وباع لك ماريد زهراء تدري بكلشي وذا درت بنفسي اخذك وسلمك بيدي للشرطه
حامد::تمام
وسد الاتصال وكام يضحك والولد يضحكون وياه واني بقيت صافنه مصدومه من حجيه وكل شغلان الي كالها
يامن::انته شدراك هوه يتاجر؟
سجاد::صار شهر اني اجمع معلومات عنه لان غريب امره وسكنه هنا حيل
عراق::عفيه عمي عفيهه بزلم زينه
تراث::راح تسكت عنه؟
سجاد::اني بس ازوج زهراء وعود الله كريم كلشي ارتبه
عراق::الله كريم
سجاد::اول ما يخلص عرس تراث ازف وراه بسبوع لان ابوها مو راحه اخاف يرد يرجع لكربلاء وره الي حجيته
عراق ::اذا رجع شون؟
سجاد ::والله لو يروح لاخر دنيا وياخذها وياه اني لاحكهه لاحكهه
ستغربت من حجي سجاد اول مره اشوفه هيج حجيه وشكله يخوف ما توقعت عنده هيج شخصيه او يخوف احد شكد ما جانت روحه مرحه وسوالفه حلوه وضحك فا ما عبالي يعرف يعصب ويضوج
_________________
سمره::
مر شهرين وبدينه تحضير لعرس تراث ونور وكلها مشغوله وكلها درت بحملي وزاد هتمامهم بيه حيل حيل وهل شي عجبني بس بنفس الوقت متحمسه اصير ام عرفت بيه بشهر ثالث بعدني شهرين وسوي سونار وعرف جنس طفل
نور::كملت جهاز بس احس خايفه مدري ليش
حور ::صاغ شهغين عوزج ما تكملين جهاز
نور::تعتب والله لو راجعه بدون عرس مو احسن
سمره::لا ولجج انتي هم بنيه ولازم تلبسين لابيض حالج حالنه ونزفج ونركص بعرسج
نور::هههه تجي زهراء تشعلها شعل حالفه هيه
سمره::وهذا رايديه عمي شلعتو كلوبنه تراث يكول اله اسوي عرس ما صاررر
حور::عمي شني اني ايمت ازوج والبس الابيض شني بقيت بس اني
سمره::العرس ما يفيدج كملي دراسه بقيتي انتي وزهيره
وكلنه طكينهه ضحك من كلت زهيره حتى وهيه ما موجوده سيرتها ضحكنه هل بنيه صحيح لسانها طويل بس طيبه وتعوف اثر حلو وين ما تروح لغايت كلها تحبها وخبلت سجاد بسوالفها الحلوه ثنينهم نفس شخصيه وزهراء صحيح ام السان بس حنونه احس اذا زوجو راح زهراء تعوض سجاد عن كل شغله فقدها وشافها بحياته كملنه جهاز نور كله والولد حضرو القاعه حجزوها وكملو الباقي كله
سمره::صدك نور تراث ما كالج؟
نور::شنو؟
سمره::شتره بيت حلو وكامل كال ماريد بالبيت جبير شبعنه مشاكل فا شتره بيت وراح تنزفون كبل لبيتكم
حسيتها نصدمت وستغربت ومبين ما حاجيلها
نور::من اول ليله بيت وحدنه؟
حور::اي عمي شسالفه شكو خفتي
نور::مادري بس احسس مادري والله بس خايفه ومتوتره ماعرف
سمره::اشش اششش لا تخافين تراث كلشي رتب دام هوه بضهرج لا تخافين اني اخته واكلج هل شي
نور::تمام
حسيت براحه شويه وره ما طمنتها وخليتها ترتاح شويه لان هل بنيه راح تتخبل من الخوف والتوتر
نور::ما اصدك باجر عرسنهه
حور::شني احس جاي تلعبون هسه وغه يومين صيحين طلكني عمي طلكني
ونور من سمعت حجي حور وكعت بالكاع من الضحك
نور::اي عمي اني بسرعه امل منه وره شويه اشتاقله ونرد نزوج كل يوم اطلكه ورد ازوجه عادي
سمره::اي عمي مو اخوي لعبهه
باوعت عليها تضحك هيه وحور واني ضحكت على ضحكهن
___________________
ساره::
ساره::صدك حبيبي اكلك
حمزه::كولي يعيون حبيبج
ضحكت خجلان منهه واردفت
ساره ::ام احمد تذكرها جيرانه عازمتني اليوم كالت تجين اسويلج غده وشوف ادم
حمزه ::اي روحي واخذي غزل وياج تغير جو
ساره ::اي هوه قبل ما تكول ردت اخذها وياي
حمزه::وخلي ايسر يوصلجن ويبقه وياجن تغدن وتعالن
ساره::تمام
حمزه::عينج على ادم
ساره::اي عمي بعد بعد قبل تكلي عينج على نفسج ديري بالج على نفسج. اكلي زين هسه تكلي عينج على ادم مع الاسسف اي والله
ضحك هوه واجه عليهه وباسني من راسي واردف
حمزه::شني تغارين من ادم شني عمي خيولي انتي الاصل شعدي غيرج اني من اروحلج فدوهه يبعد بيتي
ضحكت واردفت
ساره ::اي صحيح صحيح
ضحك هوه واني عفته وطلعت اكول لغزل ولايسر
طلعت شفتهم كلهم متجمعين بالاستقبال
ساره::ها عمي خوش كعده
سجاد ::ابن اخوي وين
ساره ::بسابع نومهه
ضحك واردف
سجاد ::الف عافيه
ساره ::غزل وايسر تحضرو عدنه عزيمه
مروه::وين
ساره::جيرانه ام احمد عزمتني اني وغزل وايسر
مروه::ادم تخلي لو تاخذي وياج
ساره::لا راح اخذه لان تريد شوفه
مروه::لعد يمه عينج عليه
ضحكت واردفت
ساره ::تمام عمه
كامت غزل حتى تتحضر واني طلعت لغرفتي بدلت ملابسي ولبست عبايه فوك الدشداشه ولفيت الشال وحطيت مكياج خفيف طلعت غزل وايسر ثنينهم. مكملين وينتضروني
ايسر ::عبالنه نمتي
ساره::كول ياللهه
غزل::صارت ليل
ساره::يمهه كولي يالله
ايسر ::ستعجلي يلهه
رجعت للغرفه شلت ادم ولفيته بطانيه حتى ما يبرد وبسته من خده وكعدت اشمهه ريحته جنن
ساره::اوفف متكلي شون اشبع منك اوف ولك اوف هسه مال اكضبك اعضك شونن خدوات تروحلك فدوه امك
ضحكت وهوه نايم ما يدري بدنيه شكو اخذته وطلعت بره كاعدين ايسر وغزل ينتضروني بسياره صعدت بسياره وسديت الباب وايسر شغل السياره ما طولنه شويه وصلنه نزلنه كلنه وايسر اخذ ادم مني وكفنه يم الباب دكيناه وكبل هيه فتحت وضحكه على وجها وبوستني اني وغزل وتهلي وتمرحب بينه
ام احمد::فوتو يمه فوتو شعدكم بعدكم واكفين بره
فتنه وهيه اخذت ادم من أيسر وتنغيله وتضحك وياه
ام احمد::يمه ما شاء الله يشبهه حمزه نسخه منه
ضحكت عليها واردفت
ساره::اي والله كلمن يشوفه يكول نسخه من حمزه
ام احمد::ربي يحفضه يارب
ساره::ان شاء الله
كعدنه وجابت مي وضيفتنه وبقينه نحجي ونضحك واجت بنتها سلمت علينه جبير ثالث مرحله كليه
ارجوان::مشتاقين لا تسألين لا تتصلين
ساره ::والله ما عندي وقت ادم ماخذ كل وقتي واني وعمه مروه وهم بالكوه كادرات عليه
ضحكت واردفت
اروجن ::سوده عليه الله يساعدج ايمت ترجعين لبيتج
ساره::الما يكبر ادومي شويه عود ارجع لان مكدر عليه وحدي
اني كاعده احجي وياهن وغزل صافنه وايسر صافن واني لازمه ضحكتي بالكوه وجوهم تكول احنه شجابنه
___________________
سديم::
فتت للمطبخ واني ميته جوع ومشتهيه شي حلو اريد شي حلوو فتت ادور وفتش بثلاجه ماكو شي شويه وسمعت صوت وراي
مروه::ها يمه شدورين
سديم::عمه مشتهيه كيك
ضحكت واردفت
مروه::هسه اكول ليامن يجيبلج
سديم::لا اريد هسه روحي طاكه عليه حيل حيل
مروه::بعده هوه ما اجه اتصلي عليه خلي يجيبلج
سديم::تمام
عفتها وطلعت من المطبخ لغرفتي فتحت الباب وباوعت جهازي شامرته على جربايه اخذته واتصلت عليه شويه ورد عليه َواردف
يامن::هلا فراشتي ام عيون خضر ائمريني
ضحكت اني واردفت
سديم::شدراك اريد شي؟
يامن::لعد علمين متصله غير فراشتي تريد مني شي
سديم::مشتيه كيك
يامن::اويلي يابهههه تريد كيك اليوم اجيب المحل كله مو كيك هسه امر على ابو كيك جاهز وجيبلج احله كيكه انتضريني
ضحكت واني خجلانه وفرحانه من حجيه واردفت
سديم::تماممم منتضرتك
يامن ::صار يابه
وسدت الاتصال واني بقيت كاعده ماعرف شنو اسوي تمددت على جربايه وكعدت اكلب بالانستا انتضرره الما يجي هوه ما طول عليه نص ساعه هيج وفات وبيده كارتون صغير مال كيك واني كبل عدلت كعدتي والضحكه تارسه وجهي وهوه من شافني ضحكلي واشرلي على خده بمعنه ما انطي الكيكه اله تبوسيني تقرب عليه و بسته من خده وهوه ضحك وحط الكرتون كدامي وفتحه باوعت للكيكه جننن جايبها على شكل فراشه اني من شفتها من الفرحه كبل حضنته وهوه يضحك عليه وكعدت اكل بيها مثل الخبله الي ما شايفه بحياتها كيك وهوه يباوع عليه ويضحك واني اكل لان احس مشتهيتها حيل وطاكه روحي عليها
يامن::على كيفج ولج هسه تغصين
سديم::لا لا ما اغص
وحلكي كله صار كيك والي حواليه وهوه يضحك وجاب كلينس وكعد يمسح بوجهي واني اكل
___________________
غزل ::
كملت اكل وكمت اريد اغسل وشفت ام احمد كدامي وايسر اجه وراي من شافتني كبل بتسمت واردفت
ام احمد::شبعتي يمه؟
غزل::اي والله عاشت ايدج
ام احمد ::الف عافيه
غزل::خاله امج حافيه
واني شويه وعرفت شحجيت وحسيت اريد اطم روحي بس ماعرف وين والمريه بقت صافنه بوجهي وايسر عرف بيه جفصت اجه يركض عليه وتلني من ايدي ويضحك
ايسر::عمه قصدها الله يعافيج بس خانها تعبير
وهيه ضحكت وفاتت للاستقبال
ايسر::الله يسود وجهج فضحتينه تكليلها امج حافيه ولج ما تعرفين تردين تردين تخبليني هوه اني ايست منج من كتيلي الله يعميك
_________________
سمره::
سمره::توصلني
عمر::وين
سمره ::لبيت اهلي مشتاقتلهم
عمر::صارر عمي تحضري لعد واني منتضرج جوه بسياره
سمره::تمام هسه ركض اكمل واجيك
ضحك وكام من مكانه وطلع وعافني واني بدلت ملابسي ولبست عبايه ولفيت شال لفه مرتبه وحطيت مكياج واخذت جنطتي وطلعت من الغرفه وسديت الباب نطيته عمه ايلين خبر اني طالعه لاهلي وكالت سلمليلي لامج واني كبل طلعت بره باوعت عمر بسياره دكلي هونر واني ضحكت جيت عليه صعدت وشغل سياره ونطلقنه لبيت اهلي شويه وصلنه ونزلت اني وهوه نزل وياي فتنهه البيت واول ما شاف الولد كلهم كامو سلمو عليه وره ما سلم راح وعافني
سمره ::شني ما مشتاقيلي
سجاد::وين نلحك نشتاقلج اذا انتي كل يومين زاركه يمنه
سمره::ياا جذاب صار تلث ايام ما جايه
سجاد ::شني شبع خوما شبع طوليها سبوع زوجناج تا نخلص منج اشو رديتي علينه
سمره::جدي الي دكها مناحه وره ما زوجت
سجاد::بجذب تا يكولون باعو بنتهم غاليه عليه
سمره::ستقر شويه
ايسر ::هسه انتي حامل بولد لو بنيه
ايمن::اذا ولد بعد لا تجينه
سمره::يمه مو جايه على بيتكم الف الحمد الله ابوي عايش وما وكعت بديكم
ضحكت امي واردفت
مروه::فوتي يمه كعدتي رتاحي معليه بذوله
ايسر::ذوله؟
ايمن::يمه ذوله عدهم اسماء
عفتهم وفتت جوه وتمددت على القنفات الي بلاستقبال وهمه يباوعون عليه وما يكدرون يحجون اكو كلام بحلكهم بس ما يكدرون يفتحو ضحكت واردفت
سمره:: ها تخافون من صكرتكم
عراق ::هذا حترام مو خوف
سمره::اوي فدوه للاحترم وللشعب الصيني
عراق ::العراق بشنو مقصر وياج
سمره::كشره
عراق::شنو؟
سمره::التكشرك من حب الوطن الي عند اهلك مسميك عراق بعد ابنك من يجي شسمي عاش حتى يصيحو عاش العراق
عراق::تدرين خوش فكره ما فكرت بيها
سجاد ::هاي كل الحوامل عقلهم يصير نص طكه لو بس الي عدنه
سمره::شني عشاكم اليوم
مروه::كبه ويه لازطه وعمج حسين راح يجيب فلافل
سمره::لا ماريدها اريد غير شي
ايسر::انوصي
سمره::طكت عندك الحنيه ماريد اكل فلافل
أيمن::صوجه مو صوجج
ايسر::اي والله صحيح
سمره::اشو ساره ماكو
غزل::بغرفتها
سمره ::شعدها
غزل ::تنوم بأدم
سمره::سوده عليه
اجه عمي حسين وابوي وكلهت كعدت تحجي وتشاقه وتضحك وامي وعمه جواهر ونجلاء بالمطبخ يسون عشه كلها طلعت بره بالحديقه رادو العشه واني بعدني كاعده بمكاني باوعت سجاد تا يطلع وصحت اله واجه عليه غمزتله واردفت
سمره::اشو هاي نجلاء وبنتها ماكو صافيه ودافيه
سجاد ::اي والله اني خايف منهن لا يروحن يسونه عمله خوفج من هدوء ما قبل العاصفه
سمره::امهات سحوره اشو حتى لا كابات لا مشاكل لا شي
سجاد::سكتي سكتي هسه يكبن خلي ازوج واخذ مرتي وان شاء الله تشتعلون معليه
سمره::همداك ياا قليل الحيه ناسي النوسه الي ربوك وتنكر جميلهم
سجاد::يا جميل كضيتها مشاكل وطراك وضرب وجلاليق لو مديحني بشارع وكضيها افتر الم قواطي احسن من كعدتي هنا
سمره::صدك قليل حيه
كل هل حجي وهوه واكف يمي ونتهامس مانو الاستقبال محد بيه ومحد يكدر يسمعنه عليت صوتي واردفت
سمره ::ليش نحجي بهمس
سجاد::مو انتي حجيتي هيج واخذتج على جوج
سمره::همداك اي والله
كمت من مكاني وعفته وطلعت وهوه لحكني طلعت بره وجوي يجنن حيل حلوه وكلها كاعده بالحديقه وبدو يصبون عشه وذكرت ايام رمضان وكعدتنه قبل ما اصير كل هل مشاكل حسيت روحي اريد ارجع طفله كعدت وياهم على الاكل ونفسهم بعدهم على ضحكهم وشقاهم واكلهم
عراق ::هذا بعده يضرب صفنات
يامن ::رجعتو تاكلون من هذا الي يبيع لحم مطايه
ايسر::لا اني ما اكل منه أيمن ياكل ويكضيها صفنات
وكلها تضحك عليهم
عراق::صدك اليوم شفت هذا صاحبكم
ايسر::ياهو
عراق::هذا الي الي مذكر اسمهه
متت ضحك من باوعت على أيسر يريد يلطم وايمن كاضبه من وره عراق
ايمن::ولكك اسمههه مرتضى والله اسمه مرتضى حتى الولد مل وهوه يكلك مرتضه
عراق::اي والله ذكرت صحيح هذا اسمه هم سلمت عليه وسألته كال مرتضى بس نسيته
يامن::اللهه يتمم العقل ودين
وكلهاا ضحكت عليهم كملو عشه وشالو الاكل وعمي حسين وابوي طلعو وعمو وليد من زمان رجع للبلد الي يشتغل بيها وما راح يحضر عرس نور وتراث وكعدنه كلنه نضحك ونشاقه ونذكر ايام قبل وشويه ورن جهاز تراث باوع عليه واردف
تراث::هذا عمر
سمره::جاوبه شوفه شيريد
جاوبه وفتح سبكر
عمر::الو
تراث::هلا
عمر::اختك وين صار ساعه اتصل عليها ماكو
تراث::يعني بربكم هذا هم حجي راعيني شويه ادري بيك نسيبنه ورجلها بس عيب والله
عمر::جان رايعتوني بالمهر المهم صيحلي اختك اريد احجي وياها
باوع عليه والعصبيه مبينه على وجهه واني ميته ضحك بس حابسه ضحكه اخاف اضحك ويحجي عليه اخذت الجهاز من عنده وحطيته على اذني
سمره::الو
عمر::ولجج هلاا هلا بروح وريه اجي اخذج
سمره::ههه لا بعد وكت
عمر::اويلي شون ضحكه مو مشتاقلج
سمره::يله لعد شويهه وتعال
عمر::صار
سد الاتصال واني متت ضحك ونطيت الجهاز لتراث وهوه يخنزرلي واني اضحك وما وطول وشويه واجه سلمت عليهم كلهم وطلعت صعدت سياره وهوه شغلهه ونطلقنه
عمر::تونستي بويه
سمره::اي والله حيل
عمر::دوم ان شاء الله
وصلنه البيت ومبين كلها نايمه لان باجر عرس وكلها متحمسه فتنه لغرفتنه وعمر كبل شمر روحه على الجربايه وتمدد واني ضحكت عليه وكعدت امسح مكياجي وابدل
_________________
نور::
كعدت الصبح على صوت ماما ايلين وسمره وحده جر مني البطانيه وثانيه صيح وشغل الضوه
ايلين::ولج يمه كومي مبقه وقتت عليج انتي عروس كومي
واني ما بيه حيل لا افك حلكي حتى احجي ولا احرك ايدي وما احس اله واحده منهن تسحلني من رجلي
نور::اخخخ ولجج عوفيني
سمره::كومي ولجج كومييي
نور::ماريد أجلو لباجرر
سمره::هيه طلعه نأجلها لباجر بابا عرسج وعمر ينتضرنه ياخذنه للصالون كومي ولج
نور::ما اكوم لو اعرف طك نخله براسج
وجرتني قوي الما وكعتني بالكاع احس ضهري وراسي تكسرن
نور::كمتت ولججج كمتت
سمره::بدلي بسرعه يله ولج
نور::تمام تمام
ايلين ::مو ترجعين تنامين
نور::لا ابدل واجيجن
سمره ::تمام
عافني وطلعن وسدن الباب واني اباوع لفراشي اريد ارجع انام بعدني ما صحصحت هسه عايفه هل فراش الحلوه عمود تراث الله ما يقبلها ضحكت وطلعت ملابس الي ولبستهن وكبل طلعت من الغرفه وهنه باوعن عليه ما حجن شي طلعنه اني وسمره وحور بره وصعدنه سياره وشغلها عمر ونطلقنه للصالون شويه وصلنه ونزلنه
عمر::من تكملن اتصلن عليه اجي اخذجن ونور تراث كال اني اجي اخذج
نور::ليش
عمر::شنو ليش
نور::ماريد اريد وياكم
هوه ما حجه شي شغل السياره وراح كبل لان يعرف طبكاتي وسمره سحلتني سحل الما فتنه للصالون وكعدنه وام الصالون كعدت حفتلي وجهي لان ما حافته واخذت ساعهه كامله الما كملت وشويه واجن ساره وسديم وغزل وزهراء وياهن
نور::تعبت والله اريد انام
زهراء::نجبي لجج انتي هم معتبره روحج عروس حف ما حافه الله واكبر عليج
نور ::دسكتي عني
وره ما كملت حف غسلت شعري ونشفته وبدت تحط الي مكياج وللبنات وجينه من ال 8 الصبح وما كملنه لل5 العصر ياله كملنهه ولبست فساتني وبقيت اباوع على روحي بالمرايه واني ممصدكه هاي اني
زهراء::ولجج ما شاء الله تبارك رحمان عيون الحاسود بيها عود ما شاء الله يارب
ساره::اي والله طالعه جننين هنياله تراث
حور::ما شاء اللهه
وكلهن مدحن الفستان والمكياج وباوعت على روحي صدك طالعه اموت وكلش حلوه ضحكت اني فرحانه ومرتاحه حيل ما توقعت يجي يوم والبس الابيض واصير عروسه وره كل الي صارلي ما توقعت كلشي راح يعدي ونرجع سوه والحمد الله والبنات وحده تكول اني احله من ثانيه طالعات يموتن شويه واجوي الولد وكلمن بسيارته ويدكون هونرات طلعنه بره نركض باوعت لسياره تراث نزل منها وهوه شايل باقه ورد بيضه واول ما شافني بقه واكف صافن عليه يتمعن تفاصيلي ويحفضها ويعاين عليه واني اضحك وفرحانه حيل وهوه كبل اجهه عليه وباسني من راسي وانطاني باقه الورد وكمشني من ايدي قوي جنه يكلي مستحيل اعوفج بعد ومشينه الما صلنه للسياره وساعدني البنات اصعد وهوه صعد ونطلقنه للقاعه واني ميتهه فرحهه وهوع كامش ايدي ما عافها ابد وباقي الولد والسيارت ورانهه وشعلو الجو شعل وشوارع بالهونرات والاغاني وما بيهم واحد قصر
تراث :: مو كتلج انتضريني وعوضج عمر وانتي نتضرتيني واني وعمري هسه خادمين الج
ضحكت اله وحطيت راسي على كتفه وهوه باسني من راسي
تراث::احبج اني حيل احبج اني هاويج نور اتفسجج انتي الاوكسجين الي اتنفسه
نور::اني احبك والله هواي احبك
تراث::مو بكدي والله مو بكدي
بقينه نحجي ونضحك الما وصلنه القاعه نزل هوه واجه عليه فتح الباب وشال من فستاني واني نزلت وكمش أيدي وفتنه للقاعه وكلها فاتت ورانه وصلنه الكوشه وكعدنه وشغلو اغاني وكلها تركص وشعلو الجو شعل
_________________
حور::
سمعت صوت حمحمه وراي لتفت وباوعت عراق اني كبل وكفت عدل خجلان وهوه من شافني ضل يباوع عليه من فوك ليجوه واردف
عراق:: احم احم ما شاء الله
اني كبل نزلت راسي خجلانه منه ومستحيه وهوه يضحك
عراق ::شخبارج؟
حور::الحمد الله وانته شونك
عراق ::اني من شفتج صرت بأحسن حال
باوعت عليه اخذت نضره ورديت نزلت راسي مستحيه وهوه ضحك عليه واردف
حور::شخباغ البنيه الي تحبها
عراق::الحمدلله كلش زينه وسلم عليج
ستغربت من كال هيج ومادري يشاقه مدري شحجي صدك
حور ::الله يسلمها
عراق::اول ما يكمل عرس تراث اخطبها ان شاء الله دعيلي
حور::الله يجمعكم ان شاء الله
ضحك هوه واني ضجت حيل وحسيت نغزه بكلبي كلش قويه مادري ليش واحس دمعي صار بطرف عيني
حور::اني حغوح استأذن منك
عراق ::ليش بعد ما حجينه شي
حور::البنات يصيحوني
عراق ::لعد كولي اسمي وروحي
حور::البنات يصحوني
عراق ::بس كولي اسمي وروحي
حور ::عغاق
عراق ::اوففف اويلي
وحط ايده على كلبه وغمض عيونهه ورد فتحهن ضحك واردف
عراق::نوب وحده
حور::عغاق
عراق ::اووففف ولججج نعل على عشريتهه لعغاق اني محروح من هل صوت وهل خلقه وهل لدغه ومكابل سجاد هذا وجه صخل نعله على شرفك سجاد
ضحكت اني على حجيه وهوه باوع عليه واردف
عراق::ولجج خربب كافي راحح اوكعع والله ما اتحمل نوب دباع الضحكههه ولجح انتي شني ملاك ونازل من سما
ضحكت عليه وهوه يحجي وعيونه ما شالهم مني يعايني عليه واحس يريد يحفض كل تفصيل بيه زين حتى ما ينساهه
__________________
سمره::
سمره::هسه عوفني خلي اركص
عمر::ماكو كعدي وين تركصين هسه يصير شي بيج ترديني اموت
سمره::اسم الله عليك عمي شسالفخ اريد اركص حالي حال خلك الله دباع شونن يركصون
عمر::اشش ابقي يمي
سمره::تعال نركص اني وياك
ضحك هوه واردف
عمر::اكدر اكلج لا؟
سمره::لا
عمر::يله لعد كومي
كمت من مكاني وحطيت اديه على كتفه وهوه حط اديه على خصري وباوع عليه وهوه يباوع عليه وثنينه نضحك واحس بطاقه وحماس وفرحه بنفس الوقت وراحه لان كل شغله ردتها تحققت باوعت امي كاضبه ادم وتناغيله وساره وحمزه يركصون سويه ويضحكون وسديم ويامن هم نفس الحاله خطيه كلما اشوفهم انقهر عليهم لان عرسهم ما تم على خير بس ان شاء الله ربي يعوضهم
________________
نور::
كلها كعدت مكانها وبدت ركصتنه سوهه كام تراث من مكانه والابتسامه شاكه حلكه واني اباوع اله واضحك وساعدني اكوم من مكاني مكش ايدي وهوه ابد ما عافها اله من كام وصلنه نص القاعه وحط اديه على خصري واني حطيت اديه على كتفه وشغلو اغنيه حلوه وهادئه وبدينه نفتر واني اباوع عليه وفرحانه ومرتاحه وماريد هل ليله تخلص ابد لان كلش حلوه يتقرب عليه اكثر وهمس بأذني ويرد يوخر واني بالكوه حابسه ضحكتي
تراث::احبج ولج شطالعه اليوم عمي متتت متتت ذبتت ولجج
نور::ولكك كافي عيب
تراث ::خرا بالعيب
نور::كافي ولك
تراث::اوفف بس نصير وحدنههه
وضحك ضحكه قويهه واني متتت كلها عيونها علينه وهوه ما هامه ولا داير بال اصلا واني مستحيه اريد اضم روحي
تراث::هسه اصيحح بصوت عالي احبججج
نور::ولكك تراث عيب والله لا تفضحنه
تراث::هههههه
نور::اني احبك هواي
تراث::ولج لندار على الله الي سواج ياا بعد كلبي ودكاته
نور::اوف اوف اوف
تراث ::اعضج هسه؟
نور::لا عيب
تراث::انعل ابو العيب لابو
نور::هههه عيب
تراث::فدوهه اللهههه
نور::فدوه الككك
ضحك واني ضحكت الما طفت الاغنيه وهوه وخر واني وخرت رد كمش ايدي ورجعنه لمكانه وجمعو شكو ثنائي بالقاعه وركصو سويه وتراث بقه كامش بيدي قوي وتقرب وهمس بأذني
تراث::هايم بيج
___________________
زهراء::
باوعت راح يخلص العرس وسجاد ماكو طلعت بره شفته واكف ويه بنيه ومره جبيره يمهم وشويه ركب هوه بسيارته وهنه ركبن وياه مبين راح يوصلهن اني ضجتت حيلل وشتعلتتت بيهه نار من شفته واكف ويضحك ويه هاي البنيه
زهراء::ولكك اوففف اوفف بس اصبر ياا جذاب بس خلي اشوفك اله انتفككك والله ما اخلي بيك شعر صاحي امداني صدكت حجيك ابو نسوان تف عليك وعليه
وفتت جوه للقاعه واني مشتعله نارر بناررر مشتعله خلص العرس واني على نفس حالتي كملن طلع لبيت وتراث ونور راحو لبيتهم وهوه ماكو شويه واجتي ساره عليه
ساره::نوصلج؟
زهزاء::لا ابوي يجي ياخذني
ساره::شبيج منو وياج
زهراء ::ماكو شي
ساره::تمام من تصلين دزيلي رساله
زهراء::تمام
وعافتني َوراحت واني كلبي طاك نارر احس اريد ابجي محروك كلبي حيل وعيوني نترسن دموع مشيت شويه ومادري بروحي نعوجت رجلي ونكسر الكعب مالتي وما بقه احد كلها راحت باوعت على روحي وحالتي وما تحملت كعدت على الرصيف وكمتت ابجي طلعت جهازي بسرعه وتصلت على سجاد جاوب عليه وحطيت الجهاز على اذني واني اشهك وابجي وهوه من سمع٨
صوتي كبلل صاح
سجاد ::شبيججج شبيججج منوو وياجج صايررر؟؟
واني بس ابجي
سجاد::وين انتي وينن؟؟؟
زهراء:: بعدني يم القاعه
وسديت الاتصال منه وبقيت بس ابجي امسح دموعي ويردن ينزل وهوه ما تأخر واجهه صف السياره واجه عليهه يركض وكعد كدامي وهوه الخوف مبين على وجهه ويلهث مبين جاي ركض
سجاد::حجيلي حجيلي منو وياج شعندج هنا شكو ما راجعه لبيتكم؟؟
زهراء::وخر عني شكد حقير الله ينعلك الخاين
هوه باوع عليه بصدمه وستغراب
سجاد::خاين؟
زهراء ::لا جذب شفت بعيني بعيني وصلت بنيه وياها امها منو هايي حبيبتك هم ضاحك عليها مثلي
وكمت من مكاني واني محروك دمي وصيح واحجي عليه وابجي
سجاد::ولجج بس خلفهمجج بس صبري
باوعت اكو طابوكه مشموره بالكاع شلتها وشمرتها على سيارته الجام الي كدام كله تكسر وهوه باوع عليها وفك حلكه وكعد مصدوم وحط اديه على راسهه ويباوع عليها
زهراء::تستاهللل والله احركك احرككك مو زهراء الي ينضحك عليها
سيارته جنن من ذني العاليات اخر موديل مبينه حيل حيل غاليههه وهوه شويه وكام عليه
سجاد::يرحولج فدوه السياره وصاحب
السياره
باوعت واني مصدومه من حجيه ما توقعت هيج
سجاد::ولج والله ما خنتج هيه ياهي التسوه ضفرج تا اخونج
زهراء::منو هاي الي وصلتها لعد؟
سجاد::ولج جيرانه والله وخطيه ابنها ماكو وصلتها وهاي بنتها مزوجه والله وعتبرها اختي وما حجيت وياها حرف
من سمعت هيج هديت شويه واخذت نفس وهوه كام يضحك عليه
سجاد ::هسه شون بله نرجع للبيت؟
زهراء ::مادري
هوه ضحك واجه عليه تقرب مني ورفع ايده ومسحلي دموعي
سجاد ::اني اسف وعتذر منج
سكتت ما حجيت شي بس هزيت راسي وهوه ضحك وخر وطلع جهازه من جيبه واتصل مدري على منو وراح بعيد عني شويه ورجع وره ما كمل
سجاد::هسه يجي ايسر
زهراء::تمام
نزل شويه ونزع حذائه شاله وحطه يم رجليه ونزل هوه نزعني الكعب واني اباوع مصدومه من تصرفه ولبسني الحذائ وشال الكعب
سجاد ::الجو بارد بويه
هم ما حجيت شي وهزيت راسي اله واني احس راح اموت من تعب شويه واجت سياره سوده مضلله من هاي الكبار وكفت يمنه ونزل الجام باوعت ايسر ضحك علينه واردف
ايسر::سمعت محتاجين توصيله
سجاد::نجب يله
وفتحلي الباب وصعد وهوه راح صعد ليكدام يمه ونطلقو لبيتي وطريق كله يحجون ويضحكون
ايسر::سيارتك ليش هيج؟
سجاد ::لا تسأل معليك
ايسر ::ولك خبال اي والله سياره مدري بكم دفتر مسوي بيها هيج من كل عقلك؟
ضحك سجاد واردف واني نصدمت من كال كم دفتر
سجاد::سهله
والسياره صارت هدوئ الما وصلت بيتي نزلت وضلو واكفين الما فتت البيت وراحو
_________________
نور::
وكفنه كدام البيت البيت الي شتراه تراث الي هوه بيتنه واني نصدمت من بره شكد حلوه ومرتب حط تراث المفتاح بقفل الباب وباوع عليه
تراث::حياه جديد الي والج وعد بعد ما ينزلن دموعج وهل عيون ما يبجن
نور::اي صحيح
تراث::ولج اني عايش عمودهن عمت عيني اذا بعد بجيتهن
ضحكت وهوه فتح الباب وفتنه واخذ ايدي كمشها وصعدنه الدرج الما وصلنه لغرفتنه واني احس بخوف حيل خايفه خايفه حيل فتنه الغرفه وبقينه وحدنه ماكو اي احد وهوه اجه تقرب عليه واني متوتره حيل وهوه لاحض هل شي لذا كبل وخر واني كعدت فليت التسيرحه وهوه ساعدني ونزعت الفستات وجنت جواه الابسه اتك كصير مال نوم هوه باوع عليه وضحك ورد تقرب مني واني اخذت نفس
نور::تراث
حجه وهوه ذبلان حيل وعيونه ذبلانات
تراث::عيونه
نور::اكو اثار للحادث بعدها بجسمي
هوه وخر وباوع عليه
تراث::اشش اشش ولج من كل عقلج تفكرين هيج ولج اني مستحيل نفسي تلعب منج ولج لو تعرفين شكد احبج مجنتي فكرتي هيج ولج اني ابوسهن اثر اثر والله ومستحيل نفسي تلعب
حجه هيج واني بتسمت اله برتياح وتقرب عليه وباسني من شفايفي وراها رحنه بغير عالم……
يتبع…….
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.