رواية صرخة في الظلام – الفصل الخامس عشر
يالمو سهله تتعوض
صدگ لو غبت يومين
مو اشتاگ اتمرض
~~~~~~~~~~~~~~~~~~
إيهاب: وحق الحق، لأندمه
ابن الـ*** سهلة
كواد يلعب وياي بعده ميعرف
المحامي ايهاب شيسوي بي
اذا حطيته براسي اجيب عرضه
ريناد : بقيت ساكته أفرك بأيدي
من التوتر. خفت لا يذبها براسي
ومنو راح يخلصني منه وهو صاير
نار وشرار
يارب دخيلك منين جبتلي هاي
المصيبه شيخلصني بعد بس
لا يبطلني من الدوام والله خبل ويسويه
إيهاب: خيررر شبيج وجهج مخطوف
يل فاهيه وين راح السانج
السان البربوك
هنيالي شلون عرفت أربي وحده مطفيه
ريناد : باوعت عليه بطرف عيني
هوه التفت خزرني درت وجهي بسرعه
إيهاب:هاي عيونج أشلهن من مكانهن
إذا تبقين تباوعين عليه بطرف عينج
بنت الخره بالبيت الله مايجرعج
موكفتنه تك رجل و هاذا العار يسحل
بيج بشوارع وانتي مثل المطي واكفه
ريناد:أوووف صبرك ياربي
شبيك إنتَ؟
هسه قابل أني گتله تعال
تحرش بيه هاي شلون سالفه
تره ميصير هيج كل شي يصير
اتذبه براسي والله مليت تعبت
إيهاب:لا صدك والله محد كالج
ابقي ساكته وهوه يسحل بيج
كدام اليسوه والمايسوه
ريناد: بس اني مابقيت ساكته
هم ضربته راشدي
ايهاب: هههه كثر الله خيرج
ضاربته راشدي ولج اخخخ
لو ماعزيزه عندي جان جبت
حبل وسحلتج البيت يل ثوله
ريناد: هسه شبيك بس ترزل
بيه مو همزين اكو احد مقدر جمالي
ايهاب:انجبي لج ماريد أسمع صوتج،
هسه نوصل ويصير حسابج…
والله لأطيح حظج اليوم يصير خير
اريد اطلع الدلال كله منج لان الضاهر
دلالي كلشش خربج خلاج مثل
الزمال لا تحلين ولا تبربطين
ريناد: درت وجهي عنه وهوه
يشيل روحه ويدكها نص ساعه
وصلنا للبيت أول ما وصلنا نزلت
من السيارة اركض
حتى بدون ما أسمع منه ولا حرف.
طكيته بركضه للبيت، ماكو غير
بيبي تنقذني منه والله اليوم
اله يشكني ويشك أبويه!
صعدت أركض عالدرج سويت
الدرج طفرتين ما صدكت
وصلت باب البيت.
صرت أدك عليه مثل الخبله
سمعت صوت بيبي تصيح:
: اجيت اجيت شلعتي الباب
يل عرمه انطي صبر شبلاج
قابل وراج جنيه تطرد بيج
ريناد: من سمعت طرقات
حذاء إيهاب عالدرج،
تخبلت صرت أدك أكثر وأصيح
ولچ بيبيييي افتحي الباب
بسرعه، عليج الله!
بيبيييي لحكيني، راح يموتني
إيهاب، ولچ بيبييي!
يبوووو يعالممم، لحكونييي
راح يموتنييي يبوووو عرضي طشر
ولج بيبيييي وينججج لحكيني
خطيه بيبي فتحت الباب مرعوبه
قبل لا يوصل طفرت صرت
ورا ضهرها وأصيح
ريناد:بيبي عليج الله لا تخلينه
يطكنيوالله أسوي كلشي تكولين
عليه بس لا تخلينه يطكني
والله حتا البيت امسحه الج
فدوه بيبي
هوه صار كدامه واني وراها
خطيه صارت كدامي وتحميني
تتوسل بيه يعوفني.
إيهاب:ولچ الفاهيه اليوم اني
أسويج وصلت و أمسح بيج البيت
بس تعالي الزركه اليوم اشكج شكج
أوف لو بس الزلمج اشرب من دمج
ربي شنو سويت بحياتي وهيج
بليتني بهاي البلوه
ريناد: من شفته هيچ حبيت
أستفزه وأخبّله بعد أكثر.
باوعت عليه بوجه برائه وحچيت
بكل برود:
ريناد:صدقه الله منو الزركه
هاي لان بيظه تغار مني وانته ازرك
محد يباوع بخلقتك الجلح الملح
و مشكلتك هاي غصبن عنك
تتحملني وإذا مو عاجبك زوجني
وخلي زوجيحبيبي يتحمل مسؤوليتي.
إيهاب: آآآخ يابوووي ولج
بس لو الزمك الكضي بيج التوبه
ولچ تردين تجلطيني مووو حتاا
ضلين بكيفج دايحه شبيج مفلفله
على سالفة الزواج الفاهيه منوو
يتكبلج من فهاوتج هم عندج السان وتحجين
ريناد:وليشش ماحجي
قابل خايفه منك لا تخزر
تره ماتخوفني خزراتك
بيبي خليك ريلاكس لا يصعد الضغط
-: خفت حلكج بيش طالبته
ترحيله فدوه الطوله وانته يمه
استهدي بالرحمن، عوفها!
هاي طفله…
فدوه رحتلك يمه الخاطري بس
هل مره عوفه قربانك
ايهاب: ولج يمه يا طفله يا بطيخ
اليوم لو ما واصل بأخر لحظه جان
الله أعلم شنو صار بيه!
تعرفين الولد اللي دز أمه
وعمته البارحه وطردتهن من البيت؟
اليوم نفسه لكيته هناك يتحرش
بيه ولزمه من زنده يسحل بيه بشارع
والله يمه لو ما واصل جان ما أعرف شصار وياه!
أم ايهاب:وإنت ليش تتحرك
بروحك ها لا يصير بيك شي
وتروح من ايدي وين انطي وجهي
من وره بنت شارع؟
عود هيه تفيدني هااا
يمكن متفقه وياه، شكو مجلب بيه؟
زوجها واخلص وخلصنه من هاي
السالفه، مليت والله!
وإذا مو هيه كايلتله تعال ومنتفقه
وياه مجان استرجى يقرب منها
ويتحرّش بيها كدام العالم وناس
ليش ماراح تحرش بغيره قبل
بس هيه داوم وماكو وياه بنات يمه
هاي وحده حيه وانته متعرف دروبه
بكدي فا أنطيه إلها، قبل لا تخلي
راسك بالطين ذاك الوكت خطوة
وحده من باب البيت، ما تكدر تطلع
ريناد:ابتعدت عنها واني فاتحة
عيوني بصدمه ولساني نربط
من الصدمه ما عرفت شنو احجي
وبيبي كاعده تقره براسه عليه
وتطعن بشرفي يعني شحجي
موقف كلش صعب وهيه تحجي
وتطعن بيه هاي بمكان ماتكوله
نروح نهد عليه ونسويه كعدت
عشاير وتخلي عبره لمن اعتبر
شنو هذا الحچي بيبي معقوله
تطعنين بشرفي لج اني بنت
اختج ليش هيج تحجين
عليه لايسمعج شيكو..
قبل لا أكمل صطرتني براشدي
ع حلكي ثولتني وصاحت
بأعلى صوتها..
:كافيييي وليي من بيتي ابني
راح يضيع بسببچ من وراج ما شفنه
يوم زين، من يوم الأجيتي علينه
ساعة السوده كافييي وليي من بيتييي
ماشفنه الراحه من يوم شفنه وجهج
ريناد: وكعت عل ارض بقيت حاطة
إيدي ع حلكي ودموعي ينزلن
عشره عشره بقيت عل وكعتي ما
حسّيت إلاوهي تسحب بيه من إيدي
فتحتالباب دفعتني بره، وكعت ع ركبي.
تفلت عليه، وردفت بغيظ..
: برررره! ما أريد أشوف وجهج هنا!
بنت الحرام! قابل شترجه منج
كلشي يطلع من وحده…. واني
مايشرفني تبقين بيتي سمعتي
ريناد: مسحت دموعي وصحت
وحجيت بحركه
انييي واني هم ماريد ابقه يمج
مليت من ضلمج وحقدج عليه
صح ماعرف شنوو السبب
بس انيي مليت وماريد ابقه بعد
حتا لواعرف اكعد بشوارع واجدي
اهون اليه دا احجي واعيط
وماسمعغير صوتالكزاز وصل
لعندي التفتشفت إيهاب مسوي
المزهريات طحين.
باوع عليه ودموعي تنزل تقدم
عليه سحبني من إيدي، مسح
دموعي ويحجي بصوت عالي
إيهاب: انيي چم مره گلت لج
ما أريد أحد يكول عليه بنت حرام
ولا “بنت شوارع هاا چم مره
هيه من عمرها شهور وهيه
يمنه بعد يا شارع هاي
الي تحجين عنه هااا
سمعي زين وخليه بالج
إذا ريناد تطلع من هذا الباب،
آنه هم أطلع وياها… سمعتييي؟!
تحلامين تطلع مناا عل موتي والله
:والله كلبي يلعب من يوم اجتنا
ذيج العرّافة وحچت حچتها،
آنه كلبي ما مرتاحلها أبد…
أنتظر وشوف شراح يصير بيك،
من وراها؟ هاي هيج بعده بعدك
انتظر بس تكبر اله تندم عل ذاك
اليوم
وگول أمي ما گالت يمه زوجه
وخلص مدام بعده صغيره
ايهاب:كافي رحمه الله
يا طلابت العرافة الماتخلص
صار اله 13سنه مووو كافيي
من الاخير احجيه الج ريناد
ما تطلع منا ولا أجبرها تتزوج
مستحيل لحد ما تبلغ السن القانوني
وبوقتها هي تختار اللي يعجبها.
ريناد:بقيت ساكته وافكر
شنو سالفت العرافه وليش
بيبي هل كد خايفه من كلامه
شنو الي حاجيته اله حتا هيج
ترجف هيه وتحجي بطاري العرافه
سكتت ما حجيت شي أريد أشوف
وين تريد توصل اباوع عليهم
بيبي من صوب تعيط وتريد اطلع
وإيهاب متخبل ويحجي بعصبيه
سكتت بيبي شوي،
وجانت تگول…
:إذا انت ما زوج هالحية وتخلص
نفسك منها اني راح أغضب عليك
اليوم الدين!
ريناد:بسرعة باوعت عليه
شفته مصدوم مثلي يباوع
عليه وساكت مسح وجهه
واضح امبين كلش ضاج
كز ع اسنونه وردف بعصبيه…
إيهاب:ههههه من كل عقلج انتي؟
شجاي تحجين شلون زوجها وهيه
عمرها 13 سنة شبيچ، يمهه
تخبلتي رحمه الوالديج
ريناد: ما چنت كدرت احجي شي
وهوه وياه واصله بيناتهم
الشيطان الرجيمعفتهم يتعاركون
مشيت بهدوء كعدت بزاويه أباوع
عليهم كل واحد يحجي شكل بيبي
تريد تزوجني وهوه متخبل
وماراضي ع كلامه
ايهاب: يمه لاتعبيتي ولا اتعبج
خصم الحچي، ريناد ما إلها طلعه
من هالبيت عل موتي!
سمعتي لولا ماوكّع عيشته
بركبتچ! أني من يوم يومي أشتغل
وأجيبله، ماكو أحد إله فضل عليه
أني تعبت عليه وبدمع العين ربيته
تعلعل كلبي يلاا كبرته
هسه بعد كل ذاك التعب
أذبّه الواحد دايح لا اصل ولافصل
هاي كطنه وشلعيه من اذنج
اذا تردين تنطينه الهاذا العار
تدرين شوكت مو جنازتي تطلع
من هاذا البيت ساعتة زفت ريناد
هم تطلع وياي من هاذا البيت
ام ايهاب:هيج صار الحجي
خوش حچي يا ابن بطني
مادام علموده هيج توكف
بوجهي لو اموت هم ما اسامحك
وراح اضل غاضبه عليك
خلي تفيدك أني من هسه لا
عليه ولا ابد خاف جان كلبي
يحترك عليك لان وليدي
هسه لو تموت كدامي هم ماعليه بيك
روح سوي اللي يعجبك
ريناد:ظليت أباوع عليهم
مثل وحده ضايعه متعرف
وين تروح الميت نفسي الصدري
مقهوره وابچي بهدوء باوعت
عليه خزرَتني ومشت الغرفته
مدنكه راسي ألعب بأصابعي
وعيوني يصبن دمع غوشن عيوني
من كثر البجي معرف ع شنو بس
احس نفسي ضايعه واني بين
اهلي شعور كلش محلو
حسيت بي اجا كعد كدامي
نص كعده مد إيده ورفع راسي
بحنية مسح دموعي
بأبهامه باسني من عيوني وردف..
ايهاب:بويه تره دموعج هدن حيلي
ورب العزه مو كافي مثل النار ينزلن
عل كلبي رحميني
ليش كاعده بالزاويه مثل وحده
يتيمه يعروش كلبي
ريناد:حجيت ورجعن عيوني
تصب بدمع ردفت بكسره…
اني مو مثل اليتيمه اني فعلاا
يتينه وضهري مكسور ماعندي
سند استند عليه
لو بس جان عندي اب حامي ضهري
بوكته مجان هاي حالتي
جان فنه اليوصلني بس هههه
همه اول الناس كسرو ضهري
وعافوني وحيده ومشو
وحتا الي اسميه بيبي
وهيه خالتي لان من اني وصغيره
ربتني ملت مني، وتريد تزوجني
وتخلص مني و…
ما كملت الكلمه وانفجرت بالبچي
سحبني بحضنه حضني قويه
ويمسح شعري بحنية.
إيهاب:منو كالج يتيمه وماعندج
سند تستندين عليه اني وين رحت
والله ما أخلي أحد يلمس شعره
من راسچوهاي امي انتي ما
تعودتي ع طباعهامن تكون معصبه
متعرف شنو تحجي
ريناد: لا مو قصت ماتعودت
ع طبعه بس كل مره تتعاركون
هيه جيب طاري عرافه مدري شنو
وتكولك كلامه مراح انسا اريد
اعرف شنو موضوع هاي العرافه
وليش هل كد بيبي خايفه من
كلامه ها احجيلا ضل ساكت
شنو هوه الضامينه عليه اني
ريد اعرف هسه
اباوع عليه وجهه صار اصفر
وعرك كلش مسح وجهه
وصار يتمتم بل كلام ويحاول
يغير الموضوع بي طريقه
ايهاب: بويه انسي سالفه
قدينه واصلان ماله وجود
هاي عرافه وحده خبله متعرف
شنو تحجي وشنو تسوي انسي
يلا كومي بدلي ملابسچ وتعالي
نطلع نتغدى بالمطعم لا تخلين
بالج موضوع تافه وامي مجلبه بي
ريناد: باوعت عليه بنضرة شك
وردفت….
حتا لو موضوع تافه اني اريد
اعرفه شنو هوه ويخصني لولا
ايهاب: بداعت اعزاز كلبج
انسي الموضوع لان والله تعبت
واحس راسي راح ينفجر مليت
من الكلام امشي غيري ملابسج
وتعالي خلي نطلع ناكل بعد مابيه
حيل نقاشات زايده
ريناد: محجيت شي لان شفته
كلش انزعج من الموضوع هزيت
راسي وگلت..
ما بيه حيل، والله تعبانه روح
انته تغده اني اريد انام خليها
لغير مره نطلع سوه
ايهاب:انجبي بنيتي بلا
كثرت كلام بسرعه غير ملابسج
اني انتظرچ لاا تطولين
ريناد: تمام بس اغير ملابسي
واجي ماطول
ايهاب: يلا لا تتأخرين
تره متت من الجوع
ريناد: اوك ما حبيت
أضوجه خصوصاً وهو ضايج
فاقبلت دخلت الغرفة، نزعت
ملابسالدوام لبست بنطرون
وبلوزه خفيفه نص ردن وفوگها
بشت لميت شعري وطلعت بسرعه.
لكيته كاعد مدنّگ ع الفون
من شافنيرفع راسه ضحك
خله الفون بجيبه وتقدم
الزم إيدي وسحبني
ايهاب: يلاا وليدي هواي
طولتي راح يصير العصر
ريناد: ههه وين طولت
حتا وجهي ماشفته بالمرايه
ايهاب: ههه مو يكولون القرد
بعيون امه غزل واني اشوفج
غزاله بعيونب ميحتاج اشوفين
وجهج هياتج تخبلين امشي
يلاا كدامي هههه
ريناد: ياااا عزههه قصدك
اني قرد والله بطلت ماروح
ايهاب: يابويه منو كال عليج
قرد اني اكول ابو المثل هيج
يكول بس اكيد مايقصدج
ريناد: ايي ايي ضل اكل
بعقلي حلاوه ابو المثل هيج يكول
وابو المثل هيج يكول هههه
ايهاب: اويلي منج ومن السانج
يلاا بويه امشي
ريناد: ضحكت ورجعت الزمت
ايده طلعنا شغل السيارة ورحنا
للمطعم أول ما كعدنا جابو المنيو
طلبت بيتزه وببسي.
ايهاب: يمعوده هاذا الكل المثقفين
خلي نطلب باجه او قوزي
عوفي هاي النمنميات هههه
ريناد: ههه ليش يمه المثقفين
بيش احسن منه
ايهاب: بويه اكلهم كله جاهز
مو مثلنه صح احنا سعم مثقفين
بس اذا مو باجه وجدر دولمه
مايشبعنه الندومي وهاي السوالف
ههههه همه عايشين عليهن
ريناد: اي والله ههههه
بهاي انتفق وياك ماكو اطيب
من جدر الدولمه لسوي بيبي
ينافس اكل المطاعم كله
ايهاب: اويلي عليج وعل كلبج
الطيبه فدوه العطيتك ربي
مو بنيه ملاك ونازل من السماء
ريناد: رفعت حاجبي وردفت..
شبيك ليش هيج تحجي شنو
حجيت شي غلط ومادري
ايهاب: لا بويه حشاج من
الغلط بس تعرفين شغله
انتي كلش حنينه وكلبج طيب
ماريد اذكرج وجرح كلبج بس
رقم انو امي غلطت بحقج انتي
ماذميتيه ولا حجيتي شي بحقه
ريناد:بتسمت مجامله وردفت..
عادي هيه اضل مثل امي اني
احبه وكلشي اتقبل منه تمون
ايهاب: فدوه اروحلج يروحي
تربيتي واعرفج بس مدري
ليش احسن وحده فاهيه
ريناد: هههه جعصت ام المشاعر
ههه لا والله مو فاهيه بس بيبي
مره جبيره بالعمر، يصير أمد إيدي
عليها أو انتر بوجهها ما يصير.”
ايهاب:فدوه أروحلج ويجي واحد
ابن كح… يكول ما عرفت أربي
عمي تعالوا شوفوا تربيتي والله
أفتخر بيها وخليه تاج ع راسي
ريناد: ههه لا لا، عفت تربي عمي
واضح كلشش
جابوا الأكل، باوعت عالبيتزه
رجعت باوعت عليه وبرطمت
ضحك، وكال:
إيهاب: شبيچ؟ ليش طنكرتي
تره انتي كلتي اريد بيتزهواذا
ما عجبتچ؟ أطلبلج غير شي؟”
ريناد:ليش طالب نفس البيتزه
مالتي هاا مو كلت هاذا اكل
مال مثقفين ههههه
إيهاب: ههههه بشرفچ؟
هسه على هاي زعلتي عمي
والله طفله وخبله هم
ريناد: اي ليش طالب نفسه؟
إيهاب: اي عجبتني وطلبتها
نفسه عندچ اعتراض ست ريناد؟”
ريناد:ساكته وتبتسم بخجل…..
~~~~~~~~~~~~~~~~~~
يتبع..
الفصل التالي اضغط هنا
يتبع.. (رواية صرخة في الظلام) اضغط على اسم الرواية لتجد الفهرس كاملاً بجميع الفصول.