رواية صرخة في الظلام – الفصل الحادي عشر
واذا گتلك عُيوني مقصر يجوز
حَبيبي أنت وحَبيبي وعين عيني
واگابل عينك الحلوة واغني
وكل اليوجعنك يوجعني
اذا تنجرِح أنا انجرح ويِاك؟
مثل ما أنا منـك أنتَه مني! .
~~~~~~~~~~~~~~~~~~~
ايهاب: هههه والله ضحكتيني
لج كل عقلج ازوج وحده
عرضت نفسه عليه شايفتني طفل
كدامج وتحركينه بكيفج لا غلطانه وداعتج
ام ايهاب: اححح عل اساس غيره
ماعرضه نفسه عليك دكافي رعانيه
ايهاب: يمهه الخاطر الله شبيجج
عليش شاده ويا هاي الطفله
مو شلعتي كلبي والله شيب راسي من وراج
-: اني ماريد غير مصلحتك وشايفته كلش مناسبه الك احسن ماضل حاير بزمانك ازوج و رتاح اليمته اضل اعزب
ريناد: شافني واكف يم الباب خزرني وردف..
ايهاب: ريناد روحي المطبخ بويه
ريناد: هزيت راسي رحت المطبخ واني بعدني افكر بكلام بيبي
غسلت المواعين ولميت المطبخ
طلعت أريد أسبحوانام
عندي امتحانوراسي يوجعني
ما بيه حيل أقرأ شي.
توي طلعت من باب المطبخ، سمعت
ايهاب يصيح اليه
كاعدين بالاستقبال.
مشيت بخطوات مديت راسي ردفت..
هاا سمعتك تصيح اليه
ايهاب:: اي بويه العصرحضري نفسج اخذج السوك
-: هزيت راسي وگلت إن شاء الله.
رحت للغرفة فتحت الكنتور
أخذت ملابس طبيت الحمّام سبحت
وطلعت كعدت كدام المرايه أمشط بشعري، بس تفاجأت من شفت شعري يوكع بيدي
اوف اوف فوك الضيم العليه
انوب شعري صار يوكه بيديه
ذبيت حسره مشطته سويته ظفيرة
سحبت الجرجف والمخدة نمت.
ما كعدت لحد ما اجت بيبي تكعدني.
يل مسعده كعدي شنو تنبل مال نوم
مو تريدين تروحين ويا إيهاب للسوك
يلاا كومي راح يجي شوكت
تلحكين تجهزين نفسج
ريناد: بعدني بنص نومتي
اممم بيبي خليني
نايمه فدوه اروحلج.
-: ولچ كومي راح يجي
كال اروح أغسل السيارة وأرجع
لكيه متحضره لو أعوفه وأمشي؟
ريناد: سمعت هيچ جان بسرعه
شمرت الجرجف طرت عالكنتور
كلبته كلاب
أدور شي ألبسه بس ماكوشي
عجبني بقيت أكلب بيهن
تالي لبست بنطرود أسود
وقميص ازرق وحذاء تكرمون
رياضي هم اسود وجنطة سوده
خليت شوية ميكاج خفيف كحلة،
وحطيت تنت ع خدودي
مع انو خدي هنه حمر
بطبيعتهم بس حبيت أخلي.
رشيت عطر خفيف.
وبيبي فضحتنه بالعياط..
-: ولچ الصفيره طلعي عاد
ماباقي وكت!
صارله ساعة يدك هورن!
-: إي جايه جايه بس ألبس الحذاء.
لبست الحذاء نزلت أركض
لكيته صاعد بالسيارة من شافني
نزل وكف يباع عليه من فوك الجوه
بنظرات ماكدرت أفهمها.
چان يحك طرف حاجبه و اردف..
ايهاب:: انتي مقتنعه بهاي ملابسج
اخدج السوك هاا؟
-: دنكت راسي باوعت ع نفسي،
رجعت باوعت عليه وگتله..
ليش شبي لبسي تره محتشم
وما بيه شي
لو حطيته حجه حتا
ما تاخذني وياك مسح وجهه
و ذب حسره شكبره
ايهاب: اخخخ يربي دخيلك
مو بنيه طركاعه
بويه انتي ما تشوفين
شلون ملابسج؟ الزكات ع جسمج
ريناد: تره محتشمات وما بيهن شي
وين الزكات ع جسمي
بطلت ما أريد أروح.
كل مرة تسويلي سالفة عالملابس.
درت وجهي الدمعة بطرف عيني.
اريد ارجع للبيت
ما حس غير جرني من ايدي
وفتح باب السيارة.
-: صعدي من شتعلت عشيرتج
تعرفيننن…
عيونج نقطة ضعفي.
أتخبل إذا نزلت دمعة منهن.
ريناد: صعدت بالسيارة
بدون ماحجيلا حرف
هوه هم بس صعد حرك السيارة.
چان مشغل أغنية..
“بعيوني أضمك بگلبـي وأكول بعيد
بعيوني أضمك وعمري عالعمره
بگلبـي وأكول بعيد بعيوني أضمك…
الطريق كله جان يباوع عليه
ويغني ويا الغنيه
لحد ما وصلنا صف السيارة
ونزل فتح اليه الباب ومد إيده،
الزمته ونزلت.
ما عاف إيدي ابد ظل الزمه
دخلنا محل موبايلات.
سلم عالولد اللي بالمحل، وكاله:
ايهاب:: السلام عليكم شلونك اخويه
بلا زحمه عليك عيني اريد احسن موبايل عندك
ابو المحل: وعليكم السلام هلا بيك
اي عندي تدلل هسه ثواني
ما طول الولد نزل سبع موبايلات
إيهاب باوع عليه ضحك وكال..
: ها بنيتي تقربي شوفيهن
ياهو يعجبج خذيه
-: هزيت راسي تقربت بخطوات.
كلهن حلوات فاختاريت
واحد منهن كلش عجبني
_ هاذا حلو
ايهاب:: تمام يا عمري انتي
بلا زحمة عليك أخوي خليلي هاذا
ابو المحل: تفضل اخويه بالعافيه
ايهاب:: مشكور حبيبي تفضل الحساب
ريناد: دفع الحساب
طلعنا من المحلعبالي نرجع
البيت بس هوه سحبني
من ايدي وكال..
ايهاب:: يلا خلي نروح السوك
تشوفين شنو محتاجه
حتى تاخذينه.
واني أريد منچ شغلة بويه
ريناد: ايي تفضل، شنو هيه؟
ايهاب:باعي بنيتي
من يجي علينه خطار أو أصدقائي
لو علي لو غيره لا تطلعين
كدامهم بتراكات لبسي دشداشة
وخلي شي ع راسچ تمام
و إذا ماكو احد بالبيت بس احنا
براحتچ، شتردين تلبسين البسي.
: هزيت راسيومشيت وياي
دخلنه المحل كلش جبير
أخذت كومة ملابس وتراكات
ومكياج وعطور
كملت و رحت ع ايهاب
جان كاعد ع الكرسي مدنك
ع موبايل جاي يراسل
ما منتبه الوجودي رفع راسه
ابستم بوجهي و كال..
ايهاب: ها وليدي كملتي لو لا
ريناد: برطمت وعقجت وجهي
ليشش تكولي وليدي
تره اني بنيه مو وليد.
ايهاب: ههه اخخ منج ما تلام امي
من تكول عليج الصفيره هههه
ريناد: رديت بضوجه هيه
بيبي شوكت رضت عليه
كضت عمره تكولي الصفيره
ايهاب: هسه فوك ما تكولج الصفيره
غير تخبلين يعمري انتي
يلاا تعالي بس خلي اتحاسب
ويا ابو المحل
حتا نرجع البيت لان عندي شغل
ريناد: جنه واكفين يم أبو المحل
ايهاب جاي يدفع الحساب
وفجأة دخلوا شباب اثنين للمحل.
من دخلو اكلوني اكل بنظراتهم
جانت كلش مو حلوة.
تعمدو يعبرون من يمي ضحك
واحد منهم عض شفته و غمزلي جال يكول..
-: اشتعلو اهلج عل هاذ الجسم
ضيم يربك بس مال مص و…….
-: فتحت عيوني بصدمه بعدني
ما مستوعبه شنو حجه جان
يمشي ايده عل خصري
اني جنت بوكتها واكفه وره ايهاب
ما اعرف إذا شافه لو لا
بس من الخوف الزكت بضهر ايهاب
والزمت جاكيتي حيل
ايهاب باوع عليه سحبني من ايدي
خلاني وره ضهره وصرخ
بصوت رج المحل رج
: لككك كلابب ناقصة شلون
تجرى تمد ايدككك الوصخه
عليهههه حيواننن
ياهيييي ايدك لمستها بيه
هااااا احچييي
لا أدفنك هنا ورب العزة
ريناد: اباوع عليه تحول الي وحش
وبوده يفترسه
اني من الخوف رجعت ورا
صارو يتعاركون ايهاب يصيح تخبل
ايهاب: لكك احجييي لو اموتك
شنو جايززز من نفسك هاااا
ريناد-: الولد يأشر ع إيده اليمينه.
ما حسيت الا ايهاب بحركه سريعه
سحبه والوه ايده خلاه
وره ضهره وايهاب ضخم
ما اسمع غير بس صوت الطكه
الولد الزم ايده صار يرفس وايهاب
ما رحم بيه ضربه بوكس خله الدم
يطفر من حلگه وخشمه.
إيهاب شال العلاليك من الأرض
لزمني من زندي يجر بيه
ويسب ويغلط
يصيح بعصبيه و متنفرزز
ايهاب:: شفتي شلون يتغزل بجسمج؟؟
شفتيي موووو!!
طبعاً يتغزل بجسمجججج
من ورا هاذا لبسججج عبالج البس كح… بربوك
شتعلوو اهلججج
واحد ناقص يتغزل بعرضييي
شوفي بعد يا ناقص شرف يطلعچ!
وياااا ناقص شرفففف
ريناد:بغصة وقهر صرخت بوجهه
ما تحملت بعد… هوه يسحل بيه
عبالك أني الكلت للولد تعال
تحرش بيه العالم كلها تباوع علينا،
وهوه يصيح والزم ايدي
بكل قوتي سحبت إيدي من إيده
دفعته عني وانفجرت بوجهه
كافي لك كافييشبيك تخبلت؟؟
منا العالم تباوع علينا!!!
ما تستحي شنو أنيييي
الي كتلهم تحرشو بيه؟؟؟
كافي مليت كل همكم شلون
تتحكمون بيه لك
انييي هم بشر دم والحم
ياريت أموت وأخلص
من هالعيشة الزفت
دمرتوني حسبي الله ونعم الوكيل
كافي ارحمونييييي
كولوا يتيمة والله وصى باليتيمم
كعدت ع الارض منهاره
الميت نفسي بحصني
و صرت ابجي بحركه ومن كل كلبي
هوه ظل واكف بمكانه عيونه
اتوسعت وملامحه بهتت مسح
وجهه بقلت صبر
ما نطق و لاحرف بس
الزم راسه متألم رجع تقرب عليه
من خوفي رجعت وره
ضميت وجهي ابديني
عبالي يضربني بس تفاجأة
باوع عليه بنضره معرف
افسره و اردف..
ايهاب:: ريناد سامحيني بويه
والله مو قصدي بس اني
اخاف عليج من نسمت الهوء
اخاف عليج من كل شي
تعرفين ليش لان ربيتج بدمع العين
انتي غلاتج من غلات امي
بويه انتي لا تحسبين خوفي عليج
هوه تقيد لا والله بس احنا
بزمن مايعرف بي بس الله
ريناد: بقيت ساكته دموعي تنزل
الوجع الي بكلبي أكبر من كل هل حچي.
وكته حسيت الاول مره شگد
موجوعة و شگد مضغوطة
ضحكت بستهزاء و ردفت..
هههه تخاف عليه بس اني
كل خوفك مايهمني سمعت
انيييي خوفك مايهمني هههه
تعرف ليش لانك انته واحد ضالم
تريد تبقه متحكم بيه
و بلبسي و بكلشي
رجعت أبچي بصمت جسمي
كله يرجف ماحس غير تقدم عليه
مثل الوحش سحب ايدي بكل حيله
سحلني السياره فتح الباب صعدني
سده راح صعد حرك السياره
ايدي صارت تأذيني عبالك نخلعت
باوعت عليه عاقج حاجبه احسه
عل الحضه ينفجر من العصبيه
گام يدگ بأيده عالسياره
من العصبيه بس يسحك جكاير
بقيت ابجي بسكوت هوه يسوق
مبين عليه كلشش معصب
اني ابد ماحجيت
ولا حرف بس ابجي واشهك بقهر
اسمعه يستغفر ويرجع وره
والله يالله عبالك جنيه صاعده
ويا بسياره امدك و امده حضي
ايهاب:: السانججج لا اكصه لج
تره سمعتج شنو تلغين
-: عزززه هاذا شلون سمعني
اني احجي بيني وبين نفسي
خلي انجب احسن ما
انسحل مره ثانيه واني
مابيه حيل سحله
بس والله ماكدر شلون اضل
ساكته الحد ما نوصل غير
اموت والله
ايهاب: شنو يموتج انتي بزون
ام سبع ارواح
ريناد: خزرته و كلبت اعيوني بملل
ايهاب: عيونججج لا افكسهن
بنت ال…. انوب هيه الزعلانه
اخخخ ولج راح اموت من وراج
ناقص عمري بربوك انتي الله
ذبج عليه بلوه مدري عقوبه اليه
ريناد: بقيت فاكه حلكي عليه
من الفهاوه حكيت شعري و ردفت..
شنو يعني بربوك..
ايهاب: تردين تعرفين شنو يعني
ريناد: اي عفيه كولي
ايهاب: يعني…… هههه عرفتي هسه
شنو يعني اسم بربوك
ريناد: فتحت عيوني بصدمه
وردفت..
عزهههه انته شكد واحد سرسري
ايهاب: انجبي لج لا اشمرج
من الجامه طايحت لحض هوه انتي
وحده ثوله ضلي بثولج احسن
ريناد: باوعتله بطرف عيني
جان يدمغني بعكس ايده
ويشخط السياره سوه الطريق
نص ساعه وصلنه البيت بسرعه
فتحت باب السيارة ونزلت أركض.
وصلت الباب فتحته واني روحي طالعه
أول ما دخلت شفت نسوان اثنين
كاعدات ويا بيبي بالاستقبال.
وحدة منهن لمحتني،
لتفتت عليه ضحكت وكالت..
:: صلوات عل محمد… تخبل
والله ابني خوش عرف يصيد غزالة…
~~~~~~~~~~~~~~~~~
يتبع..
الفصل التالي اضغط هنا
يتبع.. (رواية صرخة في الظلام) اضغط على اسم الرواية لتجد الفهرس كاملاً بجميع الفصول.