رواية تجبر أبناء العم – الفصل التاسع
/////////////////////////////////////
منار …
كاعده بطارمه بعد مانضفت ورتبت
البيت كاعده وصافنه فززني صوت
مرت ابوي ” زمن ”
زمن : هاي شو كاعده مدكومين
تنضفيننن
منار : ها خاله هستوني خلصت والله
شوفي البيت يلمع
زمن : والقاطع الفوگ امشي نضفي يلاااا
شنو مخليتج يمي بس اعلف بيج يلاا
هزيت براسي ورحت اكمل شغل الفوگ
اني منار صديقه ساره المقربه هيه تصير
جيرانه جنه نلعب من الطفوله سوة احبه
اموت عليه ساره بنسبه الي اخت وصديقه
ونور أحسه امي من كد متحن عليه ايلين
الي جانت بكلشي تشاركني فلوسه العابهه
كلشي هاله ماكو منهه ابد صديقاتي ذني
بس جنت احس ساره اقرب وحده بيهم
الي جننت احجيلهه عن ضلم مرت ابوي
الي وجانت تريد تروح تتعارك وياهااا
واكثر من مره سوتهه بس ابوهه جان
ميقبل ويضربهه بس كلهاذه وأبد
مستسلمت انو تدافع عليه
اني منار عمري 18 من بغداد امي متوفيه
من جابتني للدنيه توفت أثناء لعمليه
ابوي تزوج من زمن الي هيه تصير بنت
عم امي عساس عود تحن عليه وتربيني
ومتفرق بيني وبين اولادهااا بس مو هيج
صار اربعه وعشرين ساعه مخليتني اكرف والله النوم حسره عليه الاكل تنطيني الزايد اولادها يكملون دراسه بس بطلتني خلتني انحرم منها ماحبتني ولا حنت عليه
ابوي جان يموووت عليه يفقد اذا صارلي
شي بس بس هاذه الشي جان قبل هسه
لا ميحبني ولا يريدني يشوف العمى ولا
اني توز برأسه اربعه وعشرين ساعه
والله اموت الف موته لمن اشوفه
يحضن باخواني واني لا كلمه طيبه
بجذب ميكولي وزمن اخخ يا زمن
شوفتني العذاب المر نجوم ضهر خلتني
اعدهن نجمه نجمه لهساتني اذكر
من جنت عمر 15
جنت انضف واجت اختي الصغيره
رهف تلعب ماكتلهه شي والله بس كلت
اله روحي منا له هيه تجي وتصيح ضربتي
بنتي معنو والله احس رهف روحي من الدنيا اني اضرب روحي حجيت بررت ماكو كامت تحجي واني ارد بس متوقعت منهه تاخذنيي للمطبخ وجان اكو بجدريه مي ديفور بسرعه حطت ايدي بل مي الحارر !!!!! احس روحي فرفحتتتت تفرفححح متتتت بوكتهه ايدي وبمي حارر كمت اصرخ بعلو صوتي من حلات روحي رگضت للطارمه ورجعت ركض للمطبخ كمت اكمز من الوجعع وهيه تباوعلي بشماته بانتصار عذبتني مرمرتني تمرمر جنت دائما اكول لو امي عايشه جنت عشت هل حياة جنت تعذبت هل عذاب جنت نمت جوعانه جنت انام واني اتلوة من الحرگ لو جسمي يوجعني من الضرب لو جان جسمي كله اثار جنت عشت هاذه كله مالگه اي سؤال لان ماعشت هاذه الشعور عمري مكلت كلمه ماما اتمنى اكوله بس منو يستاهل
فزيت من تفكيري عله صوت زمن وهيه
تصيح
زمن :: ولج صخامم وينج
منار : جيت خاله
نزلت وهيه تباوعلي معاجبه كالت
زمن : خلصتي الفوگ ؟
منار : اي بقى بس أعزل الملابس
زمن : دعوفيهن وتعالي
اخذتني تجرجر بيه طببتني عله
نسوان كبار بل عمر
كعدت وكالت
زمن :: عيني هاي العروسه !
//////////////////////////////////////////
“” ساره “””
اباوع البنات حارن بيهه راحت رحيق
طلعت للحرس علمود يرحون لعمتي
شكريه
واني كاعده يم الباب مال مطبخ اتصلت
رحيق بعمتي وبقتام والبنات فوك راس
نور كاعدات اله اني حته النفس عندي گمت
اشهگه ڜهك عيوني نملت بدموعي
اي اي رجع بيه هاذه المشهد لمن امي
سقطت بوكته جنت زغيره كاعده العب
بلعابتي وامي جانت حامل شفته كبال
عيني لمن بيبي نوريه دفعتهه من فوگ
وكعتهه امي بوكته خسرت طفلها واني
خسرت اختي الي جانت راح تجي والعب
وياهه دفعت امي كدام عيني وجنت طفله
كلشي مافتهم بس صافنه اخذوهه الامي
بوكتهه يركضون بيهه للمستشفى واني
كمت ابجي لان عبالي امي ماتت لان
شفت طلع دم وبيبي لان كمت ابجي
اخذتني وحبستني بل مخزن تخيلووو
طفله يا عالم طفله عمرها ماتجاوز
العشر سنوات تنحبس بمخزن بارد
وجانت بوكته مطر وشتاء وناس
متلفلفه يم الصوبه واني بل برد وابجي
عله امي من كل كلبي
بوكته حاول اخوي حسين يطلعني من
المخزن هوة ونور بس مكدرو جانو زغار هم
رجعت من ذاكرتي عله مي يوكع عله
وجهي صحصحت لكيته قسور كاعد ومخلي
رأسي بحضنه كمت من يمه اباوع ماكو نور
ساره :: وينن ويننننن اخذتوهههه نوورررر
حبيبتي جايتج يروحييي وينجججج
وينننن راحتتتت نورررر جيبولياههه
قسور :: ساره سارة اهدي اهدي شبيج
للمستشفى خذوهه نور امشي اخذج
له تروحين مو
ساره :: اي اي اروح اروح
قسور :: رحيق صايه وشال بسرعه
راحت رحيق تركض تجيب صايه وشال
جابتهم وهوة كام يلبسني ورحيق تعدل
بشالي الي جنت لابسته من نزلت خلص
قسور لزم يدي وطلعنه لسياره صعدني
وراح صعد وساق للمستشفى هاذه الحجي
كوله واني مو بوعي بس اباوع حته بجي
ماكدر ابجي وصلنا للمستشفى ولكينه
قتام وعمتي شكريه وحاتم وبس رحت
اركض عله قتام وكلت
ساره : شنو صارر احجي شبيهه نور فدوة
احجي الله يخليك
قتام : بعدهم مطالعين الدكاترة ساره
اجه قسور أخذني وكعدني عل
كرسي لزمي وجهي بثنين ايدي وكال
قسور :: أن شاء الله مابيه شي لا تفاولين
عليها بعدين هدي وجه اصفر لا نبتلي
بيج انت نوب رايح اجيبلج عصير
واجيج تمام
هزيت براسي
خله وراح يم قتام ماعرف شنو همسله
ودگدگ عله ضهره وراح طلع كبل
غمضت عيوني احس بيهم جمر
يحركوني حيل مرت تقريبا 10 دقائق
واجه قسور جاب
عصاير وماي وزعهن عليهم واجه
يمي جابلي عصير فتحه وقدمه الي
قسور : شربي
ساره : ماريد
قسور : دشربي وجهج اصفر ساره
ساره:كتلك ماريد
تقرب وشربني ياه غصب هستوني اريد
احجي وطلع الدكتور وكال
الدكتور : الحمدلله على سلامه المريضه
قتام :: الله يسلمك بشرني شلونهاا مرتي
دكتور : والله بصراحه لاسف البنيه سقطت
هستونه نريد نعبر هاي الصدمه اجه سجاد
يركض وكال
سجاد : قسور الحگ صور رحيق منتشره
بكروب العشيره !!!
/////////////////////////////////////
“”” ايلين “””
كاعده بصاله وافكر شصار ويه نور كلبي
أحسه يريد يطلع من مكانه من الخوف
وهاله كاعده يمي مخليه ايديهاا عله وجهه
عمتي نبراس تقره قران
ايلين ؛: هاله نور شراح يصير وياها
هاله :: ماعرف بس ماتوقع الي صار ويانه خير
ايلين : فدوة كلبي يوجعني خاف ماتت
كامت حضنتني تهددي بيه
هاله : انجبي لدكولين هيج ماكو شي
أن شاء الله الامام علي أن شاء الله يحرسها
بعدها حاضنتتي ودخلت ريماس
ريماس :: سلام عليكم
ام حاتم : هلا يما وعليكم السلام
ريماس : شو كاعدين وينهااا رحيق
ام الفضايح وينهاااا
كامت عمتي نبراس وگالت
نبراس : شنوووو يا فضائح ولج
ريماس :: امممم شكلكم ماتدرون
هاله :: احجي شبيجج
ريماس :: عيني شوفو كروب العشيره
كلهاا شافت صور رحيق بلا شال
شهكت عمتي نبراس مخليه يدها عله صدرهاااا
تبادلنه النضرات اني وايلين بصدمه
مستحيلللل رحيق مو هيج صارلي
وياههه تقريبا 3 شهور ماشفت
شي محلو عليههه
هستوني نريد نروحلهاااا
وطب قسوررر صايرررر ناررررر جمررر
صاح بعلووو صوته
قسور: رحيققققق ولججججج رحيققققق
هستوه يريد يصعد الهه ونزلت رحيق
وجهه مطعون احمر شعرها منكوش
رگبتههه حمره نزلت عيونهااا كلهااا دموع
قسور::: ولججج انت شنوووو فهمينييي
شنووو ولججج صورجج صارت بكل
مكانننن ولججج بيش قصرت وياج
ردتي شي ومجبته الج ولج طولللل
عمري مداللج ارقه البس نلبسج طلعات
طبات ولج شنو تردين جان يحضرررر
يمج هيجججج جازينه ولج كليلييي شسوي بيججج كوليلي اكتلج اضربججج هاي
مو فعايل إلزلم بس انت كوليلي شسوي
بيججج والججج انت تعرفين كلش زين
عشيرتناااا ولججج كوليلي عوفيهممم
طبهم مرض ميهمني كلام الناس ولا
العشيره همه ونعالي بس احنه ولجج
شنو شعورج وانت تدزين صورج الههه
ولججججج ماخجلتيي من باوعتي بوجهننننههه
////////////////////////////////////////
“” ساره””
طبيت للبيت عله صوت قسور
عفته ورحت وكفت كبال رحيق
باوعلي وكال
قسور: وخري
ساره : لا
قسور: وخريييي سارةةةةةة
ساره : لا ترفع صوتك بوجهيييي كتلك
ماوخررر اختك الصغيره وحيدتكم واذا
غلطت هيه مو نبي الإنسان مو معصوم
عن الخطأ بنهايه احنا بشر يحق النه
نغلط ونصحح
قتام : وحيدتنااا !!! هيج تسوي ولج
نفضحنه مع كل الاسف عليج هيه
هاي تربيتنه الج
شهكت رحيق
رجع كمل كلامه قتام وكال
قتام :: ماتستاهلين نكون الج إخوة وحق
سبع الكنطره ماتستاهلين
قسور:: هنه حجايتين يرحيق منا وهيج
انسي عندج اخ اسمه قسور لا احاجيج
ولا اباوع بوجهج بعد وقسم بالله العلي
العظيم اذا شفتج كدامي متتوقعين
شسوي انت بنسبه الي متي
ضليت اباوعله يحجيههه بحرگه كلب
قتام : كلام قسور ينطبق علي وعليه !
هستوهم يريدون يطلعون طبو هاشم وجعفر وغازي
ساره : امشي فوگ
أخذته اجرجر بيههه
عاط عمو جعفرر
جعفر :: رحيقق
درنه وجوههنه علي كال
جعفر : تفووو عليه اذا انت بنتي
بس كال هيج وخله وراح الغرفته
كال هاشم
هاشم :: هاا يا قسور تعيرني بنتي واختك
ماعندهاا اخلاق شفنه الاخلاق من يمكم
سكت قسور خله وطلع يربد ربد
غازي :: سالفه الدلال متفيد بعد هسه
راح يجي سجاد وأمه وشيخ ويخطبوج
السجاد وانتهى النقاش
كال هيج لو رحيق تخبلتتت راحت تركض
الابوهه تدگ بل باب ودكول
رحيق :: باباا فدوة لااا ليش هيج بابا
كعدني بل مخزن اخذو تليفوني موتوني
ضربوني لا تزوجوني السجاد حباب
يابةةة فدوة لاااا لا تكسروني
هل كسره يابةةةة الااا
اخذتهااا اني وهاله نهدي بيهه صعدتهه
فوگ وهيه منتهيه من البجي حضنتهه
بدون شعور تذكرت لمن غصبونه عل
زواج شعور يقهرر هاله تبجي وايلين
تبجي ورحيق تبجي كلهااا تبجي
عطت عله هاله وايلين يلا سكتن
شويه ومانحس اله ندفر الباب ودخل
ليث عيونه بگصتةةة
ليث :: هايييييي شنوووو الي شفتةةةةةة ولججججج ترديننن تخلين راسنه بل كاع
ولج شنو. انتي
تقرب لزمههه من شعرهااا حيل يعت بيه
اريد اجرهه ماكو طب حاتم يركض لزمه
حيل وهوة لازم شعر رحيق ويعت بيهه حيللل
دفعه حاتم وطلعه برااا رگضت هاله قفلت الباب وهوة فلشه تفلش يغلط ويسب ورحيق نتهتت من البجي شسوي ياربي شلون احميهه منهم راسي صدع
شويه وندگ الباب وصوت ريماس تعوج
بحلگه ودكول
ريماس :: ام الفضايح كومي اجه الشيخ
يلاااا هههههههه يل شريفه
اجيت اطلع الههه اسحلهه لزمتني هاله
هاله:: فدوة سارة مو وكتهه
سارةة :: خليني اموتههه لهل كلبه
سكتت من كامت رحيق لبست صايه
وشال وتريد تنزل لزمتهه
سارة : وين
رحيق : سارة اني استحق الي ديصير
وياي كلشي استحقه انطيت كلبي
لشخص الغلط وهاي جزاتي
سارة:: مستحيلللل اعوفج تزوجين
هيج ماراح اخليج تعيشين شعورنه
رحيق :: عوفيني اذا اضل أهنأ راح اموت
من الندم عاد اروح اهناك احسن
حضنتههه حيللل
سارة :: اتاكدي يا رحيق لو فديوم
خذلوج كل الناس راح تلگيني موجوده
يمج شنو تردين كوليلي انت مو وحيده
سكتت تهز براسهه
حضنت هاله وايلين
ونزلت نزلت وراهااا راحت بصاله
كلهم موجودين ماعدا اخوانهه اجه هاشم وصااحلههه طبو للاستقبال يعقدون
بهل أثناء فاتت عمتي شكريه وجه
اصفرررر وعيونههه دم
ماحجت شي ولا كالت شي مرت تقريبا
ربع ساعه وطلعت رحيق بس شافت
امهه راحت الهه تحضنه بس صار العكس
دفعتهه عمتي شكريه وگالت
شكريه : متستاهلين اودعج تفووو عليج
سكتت رحيق دنكت راسهه وطلعت مكسورة
خاطر وكلب غلطت اي بس اهلهه كسروهاا
فوگ كسرتهاا طلعت وهيه مدنگه
واهنا عرفت محمد العلي ولده وأحفاده
كلهم نفس الطينه …..
//////////////////////////////////////
“” منار””
طببتني عله نسوان كل وحده شكبرهاا
من الصدمه ضليت كاعده حته كلشي
محجيت
اريد احجي اكول شنو ديصير بس احس
الساني نبلع بس اباوع بعيوني ضلن يحجن ويسولفن وهيه دكولهن شلون اني
اطبخ وانضف ومعتمده عليه بكلشي
وبشغل وعود هيه الي معلمتني تحجي
وتتغزل بيه ودكولي كلام حلو كدامهن واني
افور واغلي بس مابيدي شي اذا كلت ابوي
اكيد راح يضربني وجسمي كله اثار ماتحمل بعد انضرب أو انحرگ
گمت من يمهم بعد ماشرتلي زمن اطلع
احس كلبي يوكف اريد امي صح ماشايفته
ولا اعرفهااا بس محتاتجههه اوففف
يايمه اووف تعالي شوفي بنيتج الي
ماشفتيهه ولا شافتج شصاير بيهه
مرت تقريبا ربع ساعه وطلعووو النسوان
رحت الزمن وكلت
منار : فدوة خاله اصير خدامه الج بس
فدوة لا تزوجيني الله يخليج ماريد
زمن :: اششششش صوتج ماسمعه
ليش عيني ضاله عله كلبي بس اعلف
بيج ونوم
منار : حرام عليج اني يتيمه
والله وصه بل يتيم
زمن : ههههههههههه واني شدخلني اني
البارحه كلت الابوج وهوة كالي الي
تشوفينه مناسب سوي
هيه هاي المالهه سند هيج يصير وياهااا !!!!
رحت ركض طبيت للغرفه الفوگ طلعت
تليفوني من جوة النضده واتصلت عله
” عبد الإله”
بس اتصلت رد
منار : عبد فدوة تعالي راح اموت
عبد الإله: ها يعيون عبد منو وياج
منار :: زمن عبد زمن جايبه نسوان
يخطبوني فدوة لا تعوفني سوي
شي بداعتي يمك والله اموت
اذا صرت عله ذمه رجال غيرك عبد
عبد الإله: هاي مرت ابوج بيهههه شييي
ماتووب منار اني حجيت ويه امي الف
مره بموضوعنه وفاتحت ابوي بل
موضوع ورفض هوة وبيبي
منار :: وشنو الحل هيج اني اهون عليك
وتعوفني ازوج ؟
عبد الإله: انت روحي انت عمري تطلع
جنازتي وتطلع سياره عرسج
منار :: اسم الله عليك بس فدوة سوي شي
عبد الإله: تمام بس خلي ببالج من سابع المستحيلات اخليج تنامين بحضن
غير حضن عبد حته لو كلفني هل
شي حياتي
منار : عبد
عبد الإله: ياعيونه العبد
منار : منتضرتك
عبد الإله: تمام
سد التليفون واني ميته بجي كمت
اشهك من البجي درت وجهي وشفت
اخوي حسام واكف يباوعلي !!!!!!
///////////////////////////////////
“” رحيق
دائماً جان حلم البدله البيضه والقاعه
والورد الابيض يتردد عليه بل حلم
بس هسه اني وين كاعده بغرفه سجاد
بصايه سودة وشال اسود وجه مطعون
ازرك من البجي وارجف
ههههههههههه وين البدله وين القاعه ليش
ليششش مكتوب النه نعيش نفس القهررر
ليششش ربيي هيج احنا منحوسين هيج ؟
هيج تكرهناا ومتحبنه هيج ماتريدنه
ربي مو انت الي خلقتني مو انت ليش
هيج داعيش مو هل بنات نفسي كل
وحده لههه عرس مطنطن ليش بس
احنه العذاب وين منروح لاحكنه
منووو رتاحت بينه نور الي تزوجت
غصب وبس بعدين قتام حبهه ومن
فرحو طلعت الف سالفه وطفلهاااا
ساره الي حايره بينه وبمشاكلنه شتلحگ
تواسيني لو تواسي نور وريماس الي
كابسه عله نفسهااا
عركاتهااا ويه قسور مارتاحت ابد
هاله الي تزوجت غصب من رجال يجب
وحده ثانيه ويوميه تشوفه يراسلههه
ويغازلههه وهيه لازم تسكت وتتحمللل
وايليننن الي ميته عله ماتشوف امههااا
يوميه اشوفهه تبجي بل حديقه بل ختله
وكملتهه اني اني من طمست راس اهلي
وانطيت كلبي الشخص مايستاهلهه
وهسه كاعده يم الرجال الي رفضته
وتزوجته بعد
غمضت عيوني فتحتهم عله دگه باب
ام سجاد : وينج يمااا كاعده رحيق
رحيق : هلا خاله تفضلي
فاتت بيدهاا صينيه اكل
خلتهاا وكالت
ام سجاد : بسج يما لا تسوين هيج
برويحتج والله سجاد يحبج ويريدج
واذا عله اهلج يوم يومين شهر هيج
ينسون السالفه ويحنون عله فراكج
حبيبه واذا عله العرس والله والله
لسويلج عرس يخبلل بس خل تهدأ الأوضاع
هزيت براسي قابلتني بابتسامه حنونه
ولطيفه مثلها
طب سجاد الغرفه باوعلي وكال
سجاد : يما من رخصتج
ام سجاد: اي حبيبي تتهنون يروح امك
خلت وراحت كعد كدامي مدنك رأسه مسحه وجههه
وكال
سجاد ؛ اي ست رحيق احجيلي
رحيق : شنو احجي
سجاد ؛ مثلا علاقتج بوليد ……
يتبععععع……….
/////////////////////////
الفصل التالي اضغط هنا
يتبع.. (رواية تجبر أبناء العم) اضغط على اسم الرواية لتجد الفهرس كاملاً بجميع الفصول.