رواية بريئه بين قيود مجرم – الفصل الأول والستون
***************************************
براء….. رجعني وشفت سياره الشرطه خفت وانفاسي صارت بطيئه وفرات استغرب وكال
فرات… شرطه؟ شصاير؟
براء.. ءء ليش اجو شيردون
فرات…. بس لا اخوج مسوي مشكله
براء…. يمه اسم الله ليش اخويه شبيك تفاول
فرات…. چا امي السوت ليش الشرررطه
براء… ماعرف خلي ننزل ونشوف
فرات… تؤ تؤ تؤ انتي ابقي هنا اني اروح اشوف شصاير
براء… شنوو شنو ابقى هنا لا اروح اشوف كرم
ونزلت قبل لايحجي ورحت ركض للبيت ودخلت وشفت كرم ماعرف شيدور ومسرع وكلت
براء…. كرم شصايير ها احجي؟؟؟
كرم… عمر وعلي الاكبر مختفيين والشرطه تدورللهم
براء… شنوو ليش شمسوين؟
كرم… اني ادري اتصل عليهم مايجااوبون خررب فرررات
وراحله بسرعه وماعرف شيتهامسون وفرات معصب ورحت صعدت فوك وطلعت موبايلي واتصلت على هاله ماتجاوب وعلى نسرين ماجاوبت وافتر بالغرفه رايحه وجايه واتصل عليهن
براء… اوووف وينجن
واتصلت على نور واخيرا جاوبت وكالت
نور… براء شوفي اني ن…
قاطعتها وكلت
براء… علي الاكبر وعمر مختفين والشرطه تدورلهم
نور… شنوووو
براء… اي ماتعرفين وينهم؟
نور… ماكدرت اتواصل معاهم راح اشوف هاله اذا تواصلت
وسديت الخط وكعدت عالجربايه حطيت ايدي على شعري وكلت
براء… ياربي شراح اسوي هسه
وشلت تلفوني ونزلت جوه وشفتهم راحوا وكرم شال اغراضه وراح طلع لحكته وشفتهم صعدوا السياره وراحوا….
…………………………………………
هاله…. دخلت البيت بعد ماخلصت نشرهن وجانت نور جاي تمشي روحه وجيه متوتره ورحت الها وكلت
هاله… نور شكو؟؟
نور…. ها زين جيتي اكلج
هاله… كولي شكو؟؟؟
نور…. عمر وعلي الاكبر مختفين والشرطه جاي تدورلهم
هاله… شنووو شش ليش ها؟
نور.. مم ماعرف فجاه اختفوا من سوينا المهمه
هاله… مو معقوله هسه اتصل على عمر
نور… بس اني اتصلت عل الاكبر ماكو جواب
هاله… اووفف
وطلعت موبايلي ودخلت على رقم عمر واتصلت عليه الرقم مغلق وكلت
هاله… مغلق
نور. هسسه شنسوي ها؟؟
هاله… نروح مع البنات وندورلهم
نور… اني اشك اسماعيل ورى الموضوع
هاله…. لو هوه لو الراموث حتى يريدنا نرجع
نور… نكول الجاسم احسن شي
هاله… يلا امشي
ورحنا بسرعه صعدت فوك وصلت غرفه جاسم وفتحت الباب بسرعه وهوه باوعلي وجان يخابر وسد الموبايل وكال
جاسم… خير شكو؟؟
نور… جج جاسم
جاسم… اكوا شي شبيجن
هاله…. عمر حجيت وياه؟؟
جاسم… لا اخر مره شفته من جنا بالمستشفى
نور…. زين والاكبر؟؟
جاسم… هم شفته بالمستشفى
نور… همه مختفين والشرطه تدورلهم
وهوه كام بسرعه وكال
جاسم… شنوو؟؟؟
هاله… اي مختفيين ياالله وينهم
جاسم… تمام راح نروح لاتخافين
نور… اجي وياك
هاله… اني هم
جاسم… تؤ لا محد يجي هسه اني وانور نروح ونفتهم الموضوع
نور… لا جاسم الله يخليك خلي نجي وياك
جاسم… تمام تعالن يلا بسرعه
ورحنا طلعنا بسرعه للغرفه وطلعت ملابسي
تيشيرت ابيض بي اكمام وبنطرون جينز وشديت شعري وطلعت وانتضرت نور وتجهزت لبست هودي اسود مع بنطرون عريض اسود وشاده شعرها وطلعنا بالسياره ورحنا ندورلهم
هاله… جاسم وين راح تلكيهم
نور… يجووز اخذهم راموث
جاسم… انعل جده شيريد بيهم
نور… اكيد حتى يرجعنا
هاله… حقيير
جاسم… هذااا هم مايجاااوب
هاله… منو؟؟
جاسم… انوووورررر
هاله… ايي فهمت ليش تصيحح؟؟
وجاوبه وفتح سبيكر وعياطه فززنا
جاسم…. وووووييييييييننننننكككك
انور… وسم
جاسم…. تعال بسررررعه
انور…. انوووب شكوووو
جاسم… ابوك
انور… اهوووووو هممم هذااااا شمممسوووي
جاسم…. عمر وعلي الاكبر مختفين اكيد ابوك وراهه
انور… هسه همه كل واحد بكد البغل لو مكدرررتهم بسسسس عليييييناااااا هاااااا
جاسم…. انوور
انور… خل اكلك خلي يبقون هناك نريح راسنه
جاسم… انور تعال ولاتخبلنيييي يلااا
انور… اخلص غدايه واستكانه الچاي واجي بعد وكت
جاسم…. انووووووررررر
انور…. يااابه دروووح دافع فلوس اذا مااخلص مااجي
جاسم…. طااح حضك
وسد التلفون بوجه وذبه وكال
جاسم.. يوووميييه واحد بيكم مسووويلي كاااارثه شنووو انتتووووو
وكمل سياقه وصلنا على مطعم وراح نزل ونزلنا وياه ورحنا دخلنا وشفنا ويا انور ورحنالهم وكال
جاسم… يلا حبيبي
انور… استريح
جاسم… تسلم حبيبي ممكن تتفضل
انور… يابه دعووفهم مايضيعون عمالقه
هاله… صدك جاسم اكيد همه عدهم شغل كالعاده بعد ليش شايلين همهم
وكعدت مع انور وكلت
هاله… اطلبلي عصير فريش
انور… من عيوني
جاسم… يابه درووحوو
انور… بشرفك ادفع الحساب
نور… لييش ماانت تدفعه
انور… احاا منيلي فلووس
نور…. مو كلتتت داااافع
جاسم…. عووفيهم تعاالي
وجرها من ايدها وراحوا وكلت
هاله… يلا عيني…
……………………………………….
نور…. طلعني بره ورحنا بالسياره وكلت
نور… هسه وين نروح
جاسم… نروح على بيت عمر اكيد رجعوا
ورحنا على بيتهم ونزل ونزلت ويا ورحت بسرعه وهوه دك الباب وفتحته ليام جانت لابسه فستان وردي وشعرها محلول انصدمت وهوه ضل صافن عليها كال
جاسم… احمم عمر هنا
ليام… لا هوه طلع بشغل
جاسم… وين شغله؟؟
ليام… ماعرف
وراحت بسرعه طبت جوه وهوه باوعلي بحسره وكال
جاسم… شفتيها؟
نور… اي
جاسم… اشتعلو اهلي واحد واحد
نور… يااا احنه شعلينه
جاسم… مدمرتني
نور… وانت غبي وعفتها طاح حضك
جاسم… بسبب البغل الجاي يعلف بالمطعم عفتلي ملاك
نور… اممم صدكت
وانفتح الباب وطلع حمزه وكال
حمزه… خير
جاسم… خير يصيبك وين عمر
حمزه… ليش
جاسم… شنو ليش غير عندي شغل ويا
حمزه… خوش چا من يجي كمل شغلك ويا
وراد يسد الباب ودفع الباب جاسم وكال
جاسم… هوه وعلي الاكبر مختفيييين وينهم
حمزه… شنوو همه راحوا للبصره وين مختفين
جاسم… ماكوا اي خبر الهم بالبصره حبيبي
حمزه… هسه نتصل عالشباب ونشوف
جاسم… ديلا
واتصل عليهم وجاوبوا
حمزه… خويه وينكم؟ شنوووو بس الطريق جان امن شلووون خرب خوش
وسد التلفون وكال
حمزه… اكوا احد متعرضلهم
جاسم… منو؟؟
حمزه… ماكوا غير ابوك الگوااد
جاسم… مو ابويه اني ابويه مات وهسه خلي نروح
وهوه جرني من ايدي ورحنا صعدنا السياره نروح على شقه فرات وصلنا ونزلت وجانت براء هناك ورحتلها بسرعه وحضنتها وهيه بادلتني وجانت خايفه وكالت
براء… اكيد ابويه سواهه
نور… لاتتسرعين يجوز مو هوه
براء… لج شلون مو هوه اني فضحته وهوه جاي يردلي ياهه
نور… يعني هوه الخطفهم
براء… اي هوه
وانفتح الباب ودخل اركان ونسرين وياه واجت بسرعه علينا وكالت
نسرين… اسماعيل وراهه؟؟؟
براء… اي اي هوه
نور… لا اني اتوقع راموث لو ياسين
نسرين… زين ليييش؟؟؟
نور… حتى يرجعونا ولله عرررفتتت اوووف
براء… راح اكووللهم
نور… شنووو لاا
نسرين… لا لادكوولين تريدين تموتينا
براء… لعددد شنسووي
وفززنا صوت دك الباب قوي خفت وراح غيث فتحه وكال
غيث… ماااناااقصننه غييير انت
انور… ديلا وخر
ودخلوا هوه وهاله وهاله اجت علينا وكالت
هاله… انكشفنا؟
نور… على وشك
نسرين… اذا بقوا مختفين لازم نحجي
براء…. اذا ماحجينا ماراح يبينون
نور… يعني لازم نحجي
نسرين.. اني اصلا راح اروح ماكدر احجي
نور… وين
نسرين… بيت عمامي ابويه قافل
براء… لا لا هالمره مابيها مجال لازم نحجي
وكفت وكالت
براء… فراات
وباوعلها وكال
فرات… عيوني
براء… اني سويت شي وراح اعترف
وباوعلها بأستغراب وكال
فرات… شسويتي شنو راح تعترفين؟؟
براء… اي لان بعد ماكدر
كرم… خير براء شصاير
نسرين… بسببنا علي الاكبر وعمر مختفين
جاسم… شنووووو
نور… اي بسببنا
اركان… وضحوولناا
براء… اني والبنات فضحنا…
ماكملت كلامي لان انفتح الباب بقوه ودخلوا مجموعه رجال مسلحين موجهين اسلحتهم علينا ودخلوا وياهم مجموعه باوعت عليهم انصدمت خايفه وشفت…
يتبع…..
///////////////////////////////////////////////////
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.