رواية بريئه بين قيود مجرم – الفصل السادس والثلاثون
بريئه بين قيود مجرم
براء….حط ايده على حلكي ومشى بيه ضربته على ايده واخمشه بس اريده يوخر مني وماحركها انكطع نفسي اختنكت نضري تغوش وعافني ضليت اكح مختنكه باوعت وشفته رجال غريب جاي يضربه رجعت ليوره خايفه ونفسي متقطع عافه من اغمى عليه من الضرب تقدم عليه ورجعت خايفه وكلت
براء. منو انت؟؟
عبدالله… لاتخافين مااسويلج شي بس انتي زينه؟
براء… اي زينه شكرا
ورحت اريد ارجع جوا وكال
عبدلله… لحضه!!
مااهتميت اله ورحت دخلت للداخل شفت كرم ورحت كعدت بسده وضربته على ايده وكلت
براء… شلون تعوفني وحدي
كرم… انتي مو كلتي اروح يم نور
براء… مااريد
كرم…. شبيج؟؟!
براء… هاجمني شخص
كرم… شلووون
براء… اي وحاول يخنكني ويخطفني بس..
كرم… بس شنو احجي
براء… اجى شخص باخر لحضه وساعدني
كرم… امشي
ولزم ايدي يجرني وكلت
براء… وييين ماخذني كررم
كرم… اريد اعرف منو هالشخص
براء.. الله يخليك عوفه مانريد مشاكل انتهى كلشي خلص
كرم… شنو ماتريدين مشاكل لج بابا هذا تعرضلج تعرفين شنو يعني؟
براء… اي اعرف كلش زين بس عوفه ماريد اخرب العرس السبب تافه وبعدين صارت هواي مشاكل لاتنسى
ضل يفكر بكلامي وكعد وكعدت ويا وكال
كرم.. بس خلي يفض العرس اني اتصرف هزيت راسي وضلينا ننتضر يجون العرسان باوعت عالباب وشفت نسرين وصديقتها جانت كلش حلوه طالعه لابسه فستان اسود يجنن عليها وشعرها مسويتله تسريحه بسيطه طالعه تجنن فرحت وردت اروح الها وكرم سحبني وكال
كرم…. ويين
براء… اجت المحققه اريد اروحلها شبيك
باوعلها والتفت الي مصدوم وكال
كرم.. لحضه هاي صديقتج صارت؟؟
براء… اي اكو مشكله؟
كرم.. لا ماكوا واكعدي هسه وبعدين روحيلها
براء… زين لييش
كرم… بس اهدي المكان هسه مو امن اكعديي
وكعدت مزعوجه منه وهوه راح يجيبلنا شي..
……………………………………
نسرين… دخلت القاعه معايه ريام ورحنا كعدنا بمكانه وريام كالت
ريام… الاجواء تجنن
نسرين.. اتفق كلش حلوه
ريام.. اي الله يرزقني
نسرين.. صدك ماوافقتي؟
ريام… لا ماوافقت ولا راح اوافق
نسرين… ليش ولج؟
ريام… اريد اشلع گلبه اول شي وبعدين اوافق
نسرين… انتي تحبينه
ريام… اي احبه واموت عليه بس تصرفاته غثه تلعب روحي فه حبيت اعدله على ايدي
نسرين…. هههههههههه ولله عفيه عليج
ريام… اي وانتي وين سعيد الحظ؟
نسرين.. ماكوا سعيد حظ
ريام… عرسي ولج اريد اركص بعرسج للصبح
نسرين… هههههههههه حاليا مافكره بهيج موضوع
ريام.. اها اجى سعيد الحظ
واشرت عالباب الرأيسي باوعت وشفته اركان انصدمت والتفت الها وكلت
نسرين… هذاا شجاابه؟
ريام… ولله ياحبيبتي نفسج مصدومه بس اعتقد علاقتهم تحسنت
نسرين… بس هوه جاي يضحك عليهم وعنده خطط تشيب الراس
ريام… ولله اعتقد رجلج راح يفجرها
وضربتها على ايدها وكلت
نسرين… شنو رجلج ولج؟
ريام… ياا هسه هوه مو اعترفلج وانتوا راهمين صحيح عنده مكسرات بس ميخالف نرهمه
نسرين… ماريد منج شي وشكرا
ريام… اها اجى سعيد الحظ خلي اروح واعوفكم بحالكم بايي
نسرين… لجج ريام لاتروحين تعالييي
وهيه راحت سريع وخلتني ضليت كاعده وهوه اجى وكعد يمي وكال
اركان… صدفه حلوه
نسرين… ماتوقعت تجي؟
اركان.. ليش؟
نسرين… لان حسب مااعرف علاقتك؟
اركان… اي صح بس يمكن كلشي مع مرور الوقت يتغير
نسرين… اها يعني هسه انتوا رجعت علاقتكم؟
اركان.. حاليا لا بس يمكن يصير
نسرين… وين جنت كل هاي الفتره؟
اركان… اكوا شغله ببالي اريد اسويها وجاي اجهز الها
نسرين… شنو هيه
اركان… بس اخلص كلشي واتاكد راح تعرفينها
هزيت راسي وهوه يباوعلي ومبتسم ابتسمت اله وشربت من عصيري وهمس
اركان… تشك شك شسوت بيه
نسرين… همم كلت شي
اركان..ها لا ماكلت شي
هزيت راسي والتفت..
…………………………………….
نور… يمهه مستحيل انزل ابدد
ميار.. هاي شبيج يلا ولج جاي ينتضرون
نور… لااا مااكدر لجج هذا عازم الكل مامخلي احد يعتب عليه اوف
ميار… اكيد يعزم الكل غير عرسه
نور… لا لا ابد مااكد..
ماكملت كلامي لان انفتح الباب ودخل هوه وجان لابس لبس عرب وميار رادت تطلع ولزمت ايدها وكلت بهمس
نور… وين تريدين
ميار… اوعوفكم بحالكم
وغمزتلي هزيت راسي وهوه كال
علي الاكبر… ماجهزتوا؟
ميار… اي جهزنا بس عاروستنه ماتريد تنزل
اشرلها تروح وهيه راحت نزلت وبقينا وحدنا وهوه تقرب عليه ردت ارجع ولزم ايدي وقربني اله وكال
علي الاكبر… دمرتيني
نور… ها
علي الاكبر… شهااا شهااا
نور… شبيك
علي الاكبر… شسويتي بيه انتي
نور… شسويت
علي الاكبر… امشي
نور… وين؟
علي الاكبر… بكيفج وين تريدين؟؟
نور… اريد ابقى هنا احسن
علي الاكبر… خوش احسن الي هم
نور… هاا لاا ننزل احسن
علي الاكبر… لا ليش خلي نبقى شويه
ابتعدت عنه وكلت
نور… لااا ننزل كلهم جاي ينتضرونا يلا
وهوه لزم ايدي وعدل البوكس يغطي شعري ونزلنا جوه وكلها صارت تصفك النا وشغلوا الاغاني وصار صوتها كلش عالي توترت كلش ولزمت ايده قوي وهوه كال
علي الاكبر… لاتخافين
ورحنا طلعنا خارج البيت وصعدنا السياره وجان الي يسوق غيث ومشغل اغاني ويهز كتف وكال
غيث… واخيييييرا خلصنااا منك كلللللييييششش
علي الاكبر… ليش تخليني..
غيث… يابه اسفين اخخخ اني شوكتتتت
ضحكت عليه وهوه على صوت الاغاني وصلنا القاعه ونزلنا دخلنا القاعه اول شي احنه لان جلسه التصوير نزعت البوكس وبقيت بس بالفستان وصاروا يعدلون شعري ومكياجي وخلصنا وبدينا نصور
المصوره… اوكفي وراه وحطي ايدج على كتفه
سويت مثل ماكالت واخذت لقطه وكالت
المصوره… هسه العريس راح يكعد عالكرسي وانت توكفين وراه وتحضنينه
وهوه كعد واني وكفت وراه وحضنته واخذت لقطه
المصوره… هسه لازم يبوسها
نور… هاا شنووو لا لا ماريد
المصوره… لا تستحين هاي كلها تبقى ذكريات
هزيت راسي لا وهوه جرني وحط ايدي على كتفه وهوه حط ايده على خصري وباس راسي وهيه اخذت لقطه وصارت تطلب منه هواي حركات ماعجبتني
المصوره… اكعدي وخلي ينام بحضنج
كعدت وهوه تمدد وحط راسه بحضني واني باوعت على وجه وهوه صافن بوجهي وهيه اخذت لقطه وكالت
المصوره… اخير صوره خلوها جريئه
وهوه ضحك واني رجعت ليوره وكلت
نور… لا هالكد كافي ماريد
المصوره… عاروستنه كلش تستحي
وهوه ضحك وراد يجرني واني خزرته زاد من ضحكه وجرني عليه وباسني بشفتي انصدمت من حركته
المصوره… واااو
واخذت لقطات وهوه مستمر يبوسني وخلصت وخر عني واني اتمنينت الكاع تنشك وتبلعني من الفشله ورحت دخلت سريع للغرفه دخلت وسديت الباب واحس اريد ابجي من الفشله ضليت كاعده وقت طويل واجن البنات يعدلون مكياجي وخلصن ولبسني البوكس على راسي وطلعن واني طلعت وجان موجود ماحجيت ويا وردت اطلع وحدي ولزمني من ايدي وكال
علي الاكبر…. ههههه شبيج
نور… اشش ماريد اسمع صوتك شلون هيج هاا
علي الاكبر… غير هيه طلبت
نور… وانت هيج تسوي شلون تجيبون هاي المصوره ماتستحي
وهوه ضل يضحك ودخلنا القاعه وكلها جانت موجوده وصاروا يصفكون ويهوسون النا ورحنا كعدنا بمكانه وشفت انور وجاسم كاعدين وانور مبين معصب وماعاجبه الوضع وجاسم مبتسم النا ضليت ادور بالقاعه اريد اشوف هاله مالكيتها وكلت
نور… ليش مااجت اختي؟؟
علي الاكبر… عمر هنا بس ماجايب اختج
نور… ليشش؟؟
علي الاكبر… ماعرف
وشغلوا اغنيه واجت ميار وكالت
ميار… لازم تركصون هسه يلااا بسرعه
وهوه لزم ايدي
نور.. ماريد لا
وهوه مايسمعلي وجرني ونزلنا جوه بنص القاعه وشغلوا اغنيه وحطيت ايدي على كتفه وهوه على خصري وركصنا ويضحك واني ميته خجل وضلينا نركص وهوه شالني وفرني بنص القاعه غمضت عيوني ووكف وخلصنا وهمست
نور… اني الك بس خلي نخلص
علي الاكبر… واني انتضر الثواني حتى نخلص
فتحت عيوني مصدومه من كلامه وكلت
نور… ماتستحي انت؟
علي الاكبر… كلش ههههههههه
نور… لاتضحك
علي الاكبر…. ههههههههههههه
نور… اني راح اموت بمكاني وانت تضحك وماهمك
علي الاكبر… تعالي
نور… وين
علي الاكبر.. دتعالي
وجرني من ايدي وفجاه انفتح باب القاعه التفت علي الاكبر والتفتت وشفت انصدمت باوعت على علي الاكبر ملامح وجه تغيرت وعيونه صارن حمر وسد ايده قوي خفت لايصير شي….
يتبع….. ✨❤
………………………………
انتضروني…. 🔥❤
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.