رواية بريئه بين قيود مجرم – الفصل السادس والعشرون
بريئه بين قيود مجرم
نسرين… انت الك علاقه مع الثلاثي؟
اركان… وليش خطر ابالج هيج شي؟
نسرين… مااعرف لان بكل جريمه تخصهم انت موجود وكل مااحاول اعرف شي عنهم فجاه يختفي شنو رأييك
اركان…لا ماعندي علاقه بيهم وانتي تعرفين جاي اشتغل حتى انهييهم
نسرين… اني بلنهايه راح اعرف كلشي ترى؟
اركان… انتي تشكين بشغلي؟
نسرين… ليييش دائما وياهم هاا؟ لييش؟
اركان… وانتي شلون تأكدتي انو همه؟
نسرين… اني اعرف كلش زين وراح اراجع الكاميرات
اركان… نسرين ابتعدي عنهم
نسرين… لييش؟
اركان… لان تتأذين واني مااريد يصير هذا الشي
نسرين… انت مادخلك بشغلي واني اتصرف وحدي
اركان… لا الي دخل كلتلج مااخليج وحدج
نسرين… مايهمني
ورحت على ريام وخليته
ريام.. ها شصار
نسرين.. مصر يدااافعلهم مااعرف
ريام… كلتلج اله ايد بلموضوع
نسرين… ماجنت متوقعه منه
ريام… وشراح تسوين هسه؟
نسرين.. تعالي وياي لغرفه الكاميرات خلي اشوف
ورحنا للغرفه وراجعت الكاميرات جانت طبيعيه وقدمت هوايه وفجاه الشاشه صارت ضلام وطفت
ريام… هاي شصار
نسرين… ليش هيج صار
وصرت اشغلها من جديد وماتشتغل
نسرين…. اكوا احد ماخذ التسجيل بهذا الوقت اكييد هوه
ريام… منو ولج
نسرين… اركان اكيد
ريام… شكد حقير
نسرين… ريام يمج جهاز التتبع؟
ريام.. موجود واخيرا راح تستعملينه
نسرين… انطيني ياه
ريام…. بس شلون راح تتصرفين؟
نسرين… راح اشكله بموبايله بطريقتي…..
…………………………………..
هاله… اباوع بلمرايا على روحي ملبسيني فستان العرس مدلع ومابي اكمام وخلصنا
.. انسه طلعتي كلش حلوه
.. تخبلين
هاله… اريد شي استر روحي شنو هذا؟
.. ماجابوا شي بس هذولي
هاله… الله ياخذهم ان شاء الله
ورحت اخذت شالي وغطيت روحي وكعدت وانفتح الباب ودخل احمد وشافني وضل صافن عليه وكال
احمد.. احم طالعه تخبلين
هاله…. احمد الله يخليك اتركني بحالي مايصير هيج تسوي اني متزوجهه
احمد… يلا امشي بدون كلام
واجى عليه جرني من ايدي غصب ونزلني نزلنا جوه وشفتهم كلهم موجودين وماكوا اي احد مرضى نفسيين
وكعدنا بمكانه……
………………………..
نور… طلعت من الغرفه بعد ماجهزوني كامل لبسوني فستان العرس بلغصب وجان كلش مفضوح جنت ادورلي مكان حتى اهرب من هنا بس قاطع افكاري
يسار…. واخيرا حصلت عليج بعد كل هذا الانتضار
التفت عليه
نور… تعرف انوا الجاي تسونه حرام؟
يسار… اي اعرف هوه اني كلني حرام ضلت على هاي يلا تعالي خلي ننزل
نور… مااجي
يسار… ليش تخليني اخذج غصب
نور… مو هيه بكيفك
واجى عليه يريد يشيلني
نور… اوفف تمام تمام وخررر بس لاتزلمني
ومدلي ايده وهزيت راسي بمعنى شنو؟
يسار… انطيني ايدج
ضربت ايده وطلعت امشي كدامه وهوه ورايه ونزلنه وشفت هاله واحمد كاعدين وبسدهم ميز مالنه وصلت الميز ورحت كعدت وهوه اجه وكعد بسدي وبدى العقد اول شي بدوا ب هاله واحمد وقبل لا يسألوه
ياسين… وااخيرا كدرت اجمع عائلتي احب اباركلكم من كل كلبي الف مبروك اولادي
ورأسا بدى العقد
وسألوا هاله
.. اذا انتي موافقه قولي نعم
ماجاوبت ضلت ساكته وهوه ضل يعيد واحمد يهز بيها ويهمسلها بس هيه رافضه وفجاه الاضويه كلها طفت وصار المكان اضلم وكام يسار
يسار… هاي شصار هنا؟
احمد… اكيد اكوا احد هنا
ياسين… اطلعوا شووفووو بسرعه
وطلعوا كومه حرس يشوفون شكوا وتاخروا مااجوا وراح يسار من يم الباب يشوف شكوا وفجاه وكع بلكاع لازم خشمه
احمد… هاييي شصاااير يساااار
ودخلوا اشخاص كومه كلهم ملثمين وراحوا يتعاركون وياهم واجوا زلم اثنين واحد منهم اجه عليه
نور… وخرررر عنيييي لاتلزمنيييييييي وخررررر
غيث… يول يعرمه هاي اني غيث امشي اطلعيييي
وافقت ورحت وياهم نطلع وهاله ورايه وطلعونه خارج القصر يم السياره ومن وصلنا يم السياره
هاله… يمهه جان رحنا بيهاا
نور… اي واخيرا خلصناا منهم بس لحضه جاسم وين؟
هاله… ضل وياهم جاي يتعارك يمكن
براء… ماتصعدن ياعواريس؟
التفتنا عليها وبنفس الوقت كلنا
هاله ونور…. براء؟
نور… تعرفينها
هاله… اي وانتي تعرفينها؟
نور… اي اني وياهه جنا عايشين سويه
براء… ممكن تفهموني شصار وياكم ومنو الي خطفوكم لان كلشي مافاهمه
هاله.. نشرحلج بس خلي نطلع من هلمكان
نور… اي لان كرهته
وفجاه اجوا كل الزلم واجى علي الاكبر سحبني من ايدي وراح بعيد وصلنا سيارته
نور…. شلون عرفت مكاني؟
علي الاكبر….. اعرف كلشي يخصج امشييي ام الاعراس
نور.. واني شعليه
علي الاكبر… اشششش امشيييي….
………………………….
هاله… جاي نحجي وفجاه اجى علي الاكبر وسحب نور وراح واجى عمر وفرات
عمر… يلا امشي
هاله… وين اري..
عمر… كلت امشيييي
وراح ولحكته للسياره وصعدته والطريق جان كله ساكت وماحجه شي لحد ما وصلنه ونزل ونزلت وراه ودخلنه البيت وامه شافتني ودكت على صدره
ام عمر… يممه اشو هيج لابسه هااا
عمر… انتي اصعدي فوك
ورحت صعدت فوك ودخلت الغرفه وقفلته وفتحت الكنتور ملابسي بعدهم ونزعت فستاني وشلت ملابسي ودخلت للحمام سبحت ولبست تراك لونه اسود وطلعت انشف بشعري وفتحت القفل ومشطت شعري ودخل عمر وكال
عمر.. اذوج بشي؟
هاله… لا لحكتني باخر لحضه هسه يلا ارتاح گلبي
عمر… جا انا منو يريح گلبي
هاله… مافهمت؟
وفجاه اجى عليه وسحبني من راسي وباسني بشفتي….
يتبع….. 🔥🩵
…………………..
لاتنسون التصويت ♥
انتضروني… ♥🔥
الفصل التالي اضغط هنا
يتبع.. (رواية بريئه بين قيود مجرم) اضغط على اسم الرواية لتجد الفهرس كاملاً بجميع الفصول.