رواية القسوة تشع من عيناه – الفصل الثاني عشر
بارت 12
فزيت فاكه عيني بحضن ورده علاكه ومهاب يباوعلي يضحك
مهاب :- راح يوگف كلبج
ترف :- شجاي تسوي شتريد
مهاب :- اكللها نطلع ونعوف اختج ماطول نايمه
ترف :- وين
ورده :- نروح نلعب بالمرجيحه
ترف :- تؤ مهاب عفيه
مهاب :- يلا كلنه نروح ناخدج ويانه ميخالف
ورده :- اي عادي ناخذج
مهاب :- يلا بابا اكلي وغسلي ونامي وترف تعاي وراي
هزيت راسي موافقه طلع والتفتت الورده خازرتها روحي شايطه
ترف :- شلون ماتكعدينييي
ورده :- عمو مهاب حباب شبيج
ترف :- حتى لو حباب حتى لو كعديني
ورده :- اسفه
بستها شفت الغراض الجايبهن الها كلهن نساتل وجباسه وعصير بست خدها وطلعت رحت للغرفه لكيت مهاب بالحمام نمت ؏ جربايه اغمض احاول انام
طلع من الحمام سويت نفسي نايمه اتقرب عليه يبوس بيه وشعره ينكط مي ؏ وجهي وركبتي خليت ايدي بوجها ادفعه
ترف :- شبيك نشف شعرك ماتعرف
مهاب :- تعبان
ترف :- لعد وخر عني
لزم حلكي عصره حيل بين ايده
– هذا حلكج يرادله فره
ترف :- لو تدري شكد اكرهك جان استحيت تباوع بوجهي
ابتعد عني يفرك كصته بهدوء يهمس ، لا اله الا الله استغفرالله يالله صبر لا حول ولا قوة الا بالله
التفتت عليه ايده ترجف بشكل مو طبيعي حيل خفت راح يضربني نزلت من الجربايه ختلت بصف الكنتور
كام ؏ حيله ضرب الباب خسف الخشب دموعي نزلن ؏ خدي فاكه عيني عليه ومن لمح دموعي اجه عليه ضربني راشدي صحت موجوعه
كعد كبالي عينه بعيني دموعه تنزل ؏ خده اول مره بحياتي اشوف رجال يبجي معقوله هذا الوحش نفسه !
مهاب :- اسف اسف مو بيدي ترف والله مو بيدي سامحيني ماريد تكرهيني مثل صفاء والله كل الجاي اسوي مو بوعي يمكن لان ابوي مات مادري ليش فكرت انتقم يمكن لان شفتج قريبه يمي
– والله اسف ترف اني هيجي احب اضرب اصيح احب اسمعج تصيحين جواي ارتاح مادري ليش هيج صرت ما جنت هيجي الله شاهد بس من توفه ابوي كل شي بحياتي تغير
– من مات ابوي لا بجيت لا حجيت شكد حاولن اخواتي يبجني بس مابجيت صارت بيه صدمه عقلي مامستوعب موت ابوي
– بعدين شفتج قريبه يمي وكل ما اشوفج اشوف منظر ابوي بالتابوت من بست راسه ماكدرت اعوفج كلت لازم انتقم
– بس ماتوقعت من راح انتقم هيج يصير گلبي موتني جاي اموت كل ليله جاي اتعذب سامحيني
– انه تعبان اهلج ماتو اثنينهم دفنتهم بيدي ترف سامحيني ترف احب ابوي والله احبه تفهميني هوَ جان كل شي بالنسبة اليه تدرين جنت مريض
– جان عندي ورم خبيث بالامعاء ماكدر اكل مثل الناس جان ابوي سندي بكل هذا الوقت ابد ما عافني جان يحبني حيل تعب سنين عليه ذب كل فلوسه عليه جنت افكر خاف ابوي مل مني؟
– خاف اهلي ملو مني تعبتهم بهذا مرضي وبيوم من الايام سمعت الدكتور كال لابوي ماكو امل ابنك يموت مايعيش لا اتعب روحك ولا تذب فلوسك ميت ميت ماكو أمل
– ابوي عقل مابقى براسه فرني بكل المستشفيات تعذبت عذاب ماصاير وحق هوَ الله يوميه اكعد بليل ابجي وادعي الربي اموت واخلص من هذا عذابي والوجع
– بهذا الوقت جان ابوي ساندني وابد ما يخوفني ينطيني طاقه ينطيني امل راح اعيش واكمل حياتي واكبر واتوظف
– لمن اتشافيت بفضل الله ثم بفضل ابوي وماتتخيلين فرحته جابلي كلشي بنفسي
– متعلق بابوي حيل ميت عليه شايفه كسرتي من سمعت ابوي اتوفه وفوك كل هذا رحت للمستشفى لكيته مدمه السديه صاير عباره عن دم
– كلت مجرد جرح ويخيطو ويطيب بس لا ابوي اتوفه هاهيه بعد مايرجع بقى الجرح بكلبي للابد حضنته وهوه ميت بسته جان بارد حيل ثلج هوه وبالتابوت بسته براسه ومن بعدها ندفن واندفن گلبي ويا
– دخلت بحاله نفسيه اكثر من 4 اشهر ماطلع من البيت ولا اكل ولا اشرب بقيت جسد بلا روح انتي شايفه من ادخلين للبيت وماهوه شخص تحبي
– حاسه بالشعور اخذج البيت اهلج وهوه هيجي فارغ ولو انتي يمكن تكرهين اهلج بس هم تضوجين وتموتين الف موته جا اني الاحبه ومتعلق بي شصار بيه جان هوه صديقي وابوي واخوي وكلشي شصار بيه مات على ايد ابوج شلون اتحمل اشوف ابوج عايش يمشي كبالي وابوي جوا التراب ترف اسف سامحيني اني بس اخذت حق ابوي انتِ لو بدالي تسوين نفس السويته
ترف :- لعد مو كتلت ابوي شسويتلك؟ مو كتلت امي شسويت؟
مهاب :- مو اني كتلتهم
ترف :- والقران انتَ بسببك ماتو
مهاب :- اسف
ترف :- ورده طفله شنو ذنبها باجر عكبه تسأل ؏ امي وابوي شكللها؟
مهاب :- اني اصير ابوها
ترف :- واني منين اجيب ابو
مهاب :- اني اصيرلج ابو
ترف :- شلون انسى الماضي
مهاب :- اني اصلحه بس سامحيني كولي مسامحتك حتى ارتاح
ترف :- ههههه لو يكلولي ادخلين نار جهنم هم ما راح اسامحك ما انسى الماضي لاخر يوم بحياتي انتَ مو انسان ولا حيوان خاف مفكر روحك حيوان لا لا والله ابد حرام شنو ذنب الحيوان اشبها بيك
– انته كائن غريب ماعنده رحمه ولا كلب اعتقد ماعندك كلب منطي لجلاب كلبك اذيتني اذيه اهخخخخ ماكدر اوصفها الك بشنو ابدي فهمني من يا يوم ابدي من اغتصبتني؟
– تذكر لو نسيت اغتصبتني اغتصاب شنيع سلبت كل طاقتي كرهت كلشي بحياتي تمنيت الموت انته لو مجرب الاغتصاب جان حسيت ومن بعدها الضرب هذا وحده ألم ثاني وجع ثاني عذبتني عذاب اليم
– ومارحمتني نهائياً كانُ لعابه كدامك والله العابه ينكسر كلبي عليها ومن بعدها الاهانه انته مجرب الاهانه؟ شايف الكلمه الوحده شلون تجرح الكلب مجرب لو لا ما اعتقد مجرب
– لان لو مجرب وجع الكلب من واحد يهينك جان ماهنتني كم مره غلطت على امي كم مره على ابوي كم مره عليه خليتني بنفسي اهين نفسي واكول على نفسي ****
– كلمه تكسر الكلب هاي تره مو عبالك هينه ورب العزه بس اكولها احس نفسي مذلوله حالي حال جلب
– ماعرف شلون عايشه لحد الان اني والله مادري ماجاي استوعب كل مره قبل لا انام اكول خاف ميته؟
– خاف هاي روحي جاي تعيد الذكريات معقوله كل هذا واني بعدني عايشه ولحد هاي اللحظه هسه حالياً اكول خاف ميته وجاي تنعاد ذكرياتي
– ترا اني روح عذبتها عذاب اليم ومارحمتني بيوم من الايام ماتو امي وابوي من وراك لو مو انته داخل لحياتنه جان هسه اني بحضن امي حطمت حياتي وحياة وردة عبالك كل هذا انسا واسامحك لا مستحيل
ساكت ما يجاوبني يستمعلي عفته وكمت اجه عليه سحلني وشمرني ؏ جربايه نام بصفي وسحبني الحضنه
مهاب :- لا تعوفيني ترف
ترف :- لهسه وبعدك تأذيني
ما جاوبني بقى حاضني لحد ان نام ابتعدت عنه تلفلت وغفيت تعبانه راسي يريد ينفجر ..
فزيت ؏ ايد ورده تكعد بيه جريتها الحضني ابوس بيها
– احلى صباح لو شنو
ورده :- جوعانه جوعانه
ترف :- هسه اشويلك گلبي واكله ، كله ولا يجوع ابني الحلو
كمت غسلت ونزلت جوا سويت ريوك ورده كل ساعه كالت
– شوكت تجي امي
واني اسكت ما اجاوبها جرتني تصيح
– ترررف ، ترف شوكت تجي ماما اريد ارجع البيتنه انام بحضنها اخاف انام وحدي اريد انام بحضن امي
ترف :- كافي
ورده :- اريد ملابسي وغراضي هناك
ترف :- اي خوش اني اجيبهن
ورده :- وماما
ترف :- اني ماما
ورده :- لا انتِ اختي اريد ماما ليش عافتنه
انفاسي علت شحجي شكول دخيلك ياربي ساعدني والله گلبي كطعني
ام رافت :- امج كالت راح اجي بعد جم يوم خابرتني هسه وكالت جايبه حوايج الورده كلشي تحبه جبتلها
ورده :- صدك بيبي يعني ماما راح تجيبلي كتاب التلوين واقلام حلوه وجنطه واكلات احبهن ترررف راح تجي ماما وتجيبلنه غراض حلوه
ابتسمتلها وهزيت راسي اي اندك الباب ام رافت كامت فتحت الباب ودخلو جهال مياسه ومن شافو ورده بقو بمكانهم فاكين عيونهم
ازهر :- شبسرعه جبتيها وشبسرعه كبرت
نور :- هاي بنتج شوكت جبتيها تحجي لو لا
شفت مياسه تبوس بامها ركضتلها طايره من الفرح حضنتها حيل ابوس بيها
مياسه :- على كيفج على كيفج لا تركضين بطنج ولج يمه احبها والعباس شونج ولج فصمه
ترف :- لا تكليلي فصمه
مياسه :- هههههه ترف ترف يلا
ترف :- ليش تاخرتي عليه
مياسه :- لعد شتردين يوميه اجي
ترف :- اي حبابه
مياسه :- شعندج وياي
ترف :- تحميني من مهاب
مياسه :- يمعوده شيفيد
دخلت يم امها والجهال مستلمين ورده اسأله واجوبه
مياسه :- هاي اختج ورده
ترف :- اي
مياسه :- سوده عليه بقت وحدها البقيه بحياتج ياروحي
هزيت راسي اي التفت الها شفتها تلعب ويا ازهر يتعاركون مدري يشوفون ياهوه الاقوه
جريتها وضربتها راشدي روحي شايطه كرهت شي اسمه ذكر يتقرب لبنيه
ترف :- ماتلعبين ويا البناااات ازهر شكو خير انتِ ولد؟
فحطت تبجي خجلانه منهم لان ضربتها
مهاب :- ها بويه شنهاي الصريخه
كمت ؏ حيلي درت وجهي اله رفعت اصبعي احذره
– انتَ بالذات معليك
ضربني ؏ ايدي ولوه اصبعي حيل بيده صحت موجوعه ومياسه طفرت
مياسه :- عوفها الله عليك عوفها كسرت اصبعها وخررر
هد ايدي اخذت ورده وركضت للغرفه لزمتها عيني بعينها
ترف :- سمعي ولج وحق الزهرة حلكج اشكه اذا اتقربتي من ولد فاهمه لولا شكو تلعبين ويا ازهر لعبي ويا البنات خاف انتِ ولد ومادري بيج
مهاب :- بنت الاوادم عوفي وردتي ليش تبجيها يمه حبيبي حبيبي لا تبجين
حضنها يمسح بدموعها ويبوسها
ترف :- كافي
مهاب :- تغارين
ترف :- عوف ورده
مهاب :- شتردين اشتريلج وردتي ها يا روحي نطلع نشتري
هزت راسها اي وتبجي واني صافنه عليها دموعي نزلت ؏ خدي طلعت من الغرفه ورحت الغرفه مهاب كعدت بصف الكنتور لميت رجلي الصدري دخل مهاب وراي كعد عينه بعيني
ترف :- شبيك
مهاب :- انتِ شبيج
ترف :- بس ورده بقتلي تريد تاخذها مني كلي حتى لا اتأذه بعدين
مهاب :- اشششش
كام ؏ حيله طفه الضوه وشمرني ؏ جربايه ثبت اديه لفوك يبوس بيه واني ادفر بي برجلي ساكته لحد ان شك ملابسي صرخت بعلو صوتي احسه يشك گلبي مو ملابسي
الباب تندك ولا مهتم اهم شي يشبع رغبته ويكلي سامحيني !
كمل وهمس يم اذني بخفوت
– بويه على كيفي وياج شبيج ماتتحملين
ترف :- الله ياخذك تكلي غلطه وماتنعاد شو انعادت هاااا
مهاب :- ماسيطر بابا
باس راسي يهمس ، اششش
الباب اندكت صاح
– ها عيني منو
ورده :- اريد ترف
ترف :- عفيه افتح الباب
لبس ولبسني راح فتح الباب ودخل يسبح
ورده :- شبيج تبجين
ترف :- لا تعوفيني
حضنتها ابوسها دخلت مياسه شافت عيوني وجهت نظرها ع الملابس مشككه بالكاع وگالت
مياسه :- ورده نزلي لعبي يم البنات هسه نجي اني وترف
طلعت ورده ومياسه اجت لمتني بحضنها تبوس براسي
مياسه :- ترا والله مايصير يشك الملابس عليج فال مو زين شوكت مهاب يعقل ، يلا يلا لا تبجين حتى تكومين تسبحين
ترف :- بردانه ماريد
مياسه :- وين البرد لازم تسبحين من تنامين ويا رجلج
ترف :- اي لان هوَ وصخ واني نظيفه
مياسه :- ههههه سبحي ومعليج
ترف :- وهوه ليش يسبح عباله اني وصخه والله اله حلكه اشكه خلي يطلع
مهاب :- هذا منو يريد يشك حلكي
التفتت عليه ينشف بشعره ومياسه تضحك خزرته ابجي
مياسه :- كافي مهاب ، يلا كومي يمه كومي سبحي اني اجيبلج ملابس
مهاب :- بعد طبي وياها فد نوب
مياسه :- هاي شبيك كافي روح مو كملت شغلتك
ترف :- اي والله روح
مهاب :- اي والله لوح ام حلك كعدي راحه الجذابه مايوجعها بس هيه تتنعوص
ترف :- ان شاء الله واحد ينيمك ويشك ملابسك ويسوي التسوي حتى تعرف شنو تنعوص
مهاب :- هههههه اي خوش
طلع من الغرفه واني دخلت اسبح بدلت وطلعت نزلت جوا ومياسه استلمتني
مياسه :- امي كالت ترف ما تاكل عود صدك
ترف :- ماشتهي مرات والله
مياسه :- شنو تحبين غير اكل كولي المهاب يجيبلج
ترف :- اي شي احبه واكل هواي بس هيه خاله ماتشوفني بس من ما اكل تشوف
مياسه :- لعد كايمه اطبخ واريدج تاكلين ماعونج كله
ترف :- يااا مياسه
مياسه :- اكول لمهاب ما تاكل
ترف :- لا لا
مياسه :- لعد اكلي
ترف :- ميخالف والله
ضحكت وكامت طبخت وسمعت كلامها واكلت غصب عني بقت يمنه ورده مكيفه ويا بناتها لليل وراحت من نامت ام رافت سويت كعده اني ورده وطفيت الضوه وكعدنه نباوع ؏ تلفزيون ونضحك بعلو صوتنه
اول مره نعيش هيج اجواء حلوه بس جانت فارغه من المشاعر جانت ناقصه وبيها فراغ بشع
لمن نامت ورده ؏ التخم ردت اشيلها الغرفتها ماكدرت بطني توجعني غطيتها وطفيت الضوه نظفت مكانه وصعدت للغرفه خليت راسي ؏ المخده صافنه بالفراغ
ربع ساعه وانفتح الباب التفتت شفته مهاب يتمايل عيونه ذبلانه يوكع ويكوم يريد يقفل الباب مايكدر مايشوف ..
الفصل التالي اضغط هنا
يتبع.. (رواية القسوة تشع من عيناه) اضغط على اسم الرواية لتجد الفهرس كاملاً بجميع الفصول.