رواية رحيل الهوارى الفصل السابع 7 - بقلم هايدى الصعيدى
.....في القاهرة ..
وصل حسن وعمه ابراهيم وابنائه هاشم وندي
واخته شهد وابنها سليم
حسن :بص ي عمي ارتاحوا من السفر وانشالله
بعد المغرب نروح للناس وعن اذنك ياعمي
عايزك تتفج معاهم ع كتب كتاب ع طول
احنا مش بتوع جراية فاتحه وفترة
خطوبة ..
عمه : انشالله ي ولدي وربنا يفرحكم
حسن: وانتي ي شهد حضري حالك انتي
وندي ع العصريه كده هخدكم تجيبو هداية
للعروسة وتخترو ليها حاچه ع زوجكم
شهد : عنيا ي خوي ربنا يفرحك ي رب
ندي بحسرة: ونبي ي ولد عمي ما شوفت ازوج منك
ابجا علم فهد شوية اخر مره جيب لي
إشرب اخضر وجزازت كلونيا وبيجولي
الحب ولع ف الدرة ي بت ي سعدية
شهد بضحكه : ونبي مشوفت ف خفه دم فهد ده بينكشك ي عبيطه
هاشم بغيرة : طب اهدي ي ختي ليطج
ليكي عرج يلا يختي منك ليها ع الاوضه
ومشفكمش براها لحد ما نمشو من شجت
العذاب دي كانها لمتك هتبج عال ي حسن
ليرد حسن بضحكة : طب يلا استأذن انا
هروح اخلص شوية شغل ف الشركه
_________________________
ف الصعيد كانت الحجه راضيه من الفجريه
وهيا بترتب الزيارة الي هتخدها معاها
وهيا رايحه القاهرة عشان اهل العروسه
الحجه : بت ي ورد حطيتي كل الي جولت ليكي
عليه
ورد : ايوة ي ستي الحچه خليت الغفر چابو
كراتين الفاكهه الي جولتي عليها وحطيت
البط والحمام والفراخ ف اجفص وخبزت
العيش وحطيته ف تلت كراتين زي ما جولتي
نسمه نزلت وهيا مسكه ظهرها ونزله ع السلم ببطء ورجل في الشرق والتانيه في الغرب
:ايه ده كلو ايه ده كلو خير انشالله
الحجه : خير ي بتي اصلي انا رايحه لخطوبة حسن
نسمه بغل : ولازمة ايه ده كلو ده حيالله خطوبة
الحجه : كل واحد هيخد ع كده مجامه ي بتي
نسمه : ااه ومراد بيه يعرف بي ده كلو
الحجه : مراد ولدي والي انا بعمله بيرضيه
حتي لو مش ع مزاچه وبعدين ما حكم في ماله ما ظلم
خليكي ف حالك انتي مش هتجيبي لي حاچه من عند امك وشوفي لو هتيچي معايه همي البسي وچهزي
حالك
نسمه بدلع ماسخ : لاه مهجدرش اصلي تعبانه وحطت ايدها ع ضهرها وبعدين مجدرش اسيب چوزي الوحديه روحي انتي
الحجه : ليه مالك حبله ولا ايه
نسمه برفعة حاجب ولسه هترد نزل مراد بيه
راحت اتكتمت .."تستهلي ي عقربه"
مراد : ايه يامه چهزتي حالك
الحجه : ايوة ي ولدي كل حاچه چهزت
و بأمل ...برضو مش هتيچي معايه
ي ولدي
مراد بنزعاج : يمااااه جولنا بكفايه عاد جفلي
ع الموضوع ده
الحجه : خلاص ي ولدي الي تشوفه
يلا ي ورد همي بينا ..وقفها مراد
مراد : استني يامه وخرج من جيب الجلبيه
خمس رزم فئة ال ٢٠٠ جنيه خودي يامه
نجطي العروسه وجيبلها هدية وانتي
رايحه ...
خرجت عيون نسمه من محاجرها وهيا ف بالها
اومال لو موافج كت اديتها كاام
الحجه برضي : ربنا يزيدك ي ولدي ويخليك لاخواتك ي رب الغالي ميدفعش غير بالغالي وانت ديما الفلوس تحت رچلك ي نضر عيني
"ذهبت الحجه راضيه وتتمني توصل في غمضت
عين ده حسن صغيرها ونور عينهاا "
رجع حسن من الشركه واخذ ندي وشهد وراحوا محل صياغه اختار حسن لها خلخال يتمني ان يشوفهم
في رجلين رحيل ...وندي اختارت لها اسورة
وشهد اختارت لها سلسله كبيره بعض الشئ
وهما راجعين حسن اشتري ورد وشكولاته
من نوع فاخر ..
قبل المغرب
: يلا همي يشهد عشان ننزل الناس ف انتظرنا
فهد بضحكه : واه براحه ي حسن الناس مش هتطير اهدي ي ابو علي
حسن : بس اسكت انت بجالك ساعه تتزوج كيف الحريم
قربت منه شهد ومعاها ندي ف اجمل حله لهم
فهد وهو متنح : ي بوي ي ولاد ميته بس يتجفل علينا بابا ي بت ي سوسو هتموتييي.
هاشم نزل ع قفاه بقلم ظباط محترم : طب يلا
ي نحنوح متنحش... يلا اتحركي منك ليها
همو بينا .
حسن فتح باب الشقه وشاف اتنين من غفر السرايه شايلين الكراتين وطلعين بيها
حسن: ايه ي محمدين خير ايه الحاچه دي ..
ليرد الغفير : دي الحاچه الي چيباها الحچه الكبير وهيا چايه
حسن بلهفه : اااايه امي چات ...ونزل السلم ف درجتين وأخذ الحچه راضيه ف حضنه
وباس ع يدها ورأسها
حسن بفرحه : شالله يخليكي ليه يامه انا عارف انك متسبنيش ف يوم زي ده
الحجه بضحكه: وانا اجدر ع زعلك ي نن عين امك
حسن اتلفت بيدور علي مراد ولكن وشه اتجهم لم عرف انه مجاش...
الحجه بحزن : معلشي ي ولدي هيجي يوم وهيرضي
عنيك هو بعتني وداني النجوط كمان هو
عمل ده كلو من خوفه عليك ي ولدي
حسن : ع الله يامه ع الله انا مش زعلان منيه
وكتر خيره برضو .. تعالي ارتاحي انهارده ونروح بكره للناس
الحجه : لاه ي ولد انا زينه يلا هم بينا الناس اكيد منتظره ...
ذهب حسن وامه وندي وشهد وزوجها هاشم ف سياره وعامر وفهد والعم ابراهيم في سيارة اخره
وصلوا وحسن دق الباب وبيده الحجه راضيه
وعلبة الشكولاته وعامر وفهد بيطلعوا باقي
زيارة الحجه
استقبلهم محمد والد رحيل بفرحه وتهليل
: ي اهلا وسهلا ي اهلا وسهلا ده احنا زرنا
البركه اتفضلي ي حجه اتفضل ي حسن ي بني
اتفضلوا يجماعه اتفضلوا
البيت بيتكم
زينب : اهلا بيكم نورتونا اتفضلي ي حجه
اتفضلوا ي بنات البيت بيتكم ..
وشافوا الزيارة الي فهد وعامر بيطلعوها من تحت
محمد : ليه كده تعبتو نفسكم والله كفايه دخلتكم
علينا ي حجه كده كتير والله
الحجه راضيه : ولا كتير ولا حاچه ده واچبكم
فهد وهو بينهج : ايه مرت عمي ف حاچه تاني
مش چيبه الخيل معاكي بالمرة ليه
لتضحك الحجه راضيه : لا خلاص ونبي انا مُني عيني اچيب الدنيا كلها لخطيبة ولدي
ابراهيم بخفوت : ادخل ي معدول ادخل ديما
فضحنا ..
وقعدوا ف غرفه الضيوف وقدمت ام رحيل الضيافه من قهوة وفاكهه وحلويات شرقيه
زينب : اهلا بيكم نورتونا ده احنا حصلت لينا البركه
بدخلتكم علينا والله ي حجه ..مش هتعرفنا
ي حسن ولا ايه
حسن بفرحه : ايوه طبعا دي امي الحچه راضيه
وده عمي ابراهيم وده هشام ولدو ودي ندي بنته
ودي شهد اختي ونور بتنا ومرات هشام ود عمي
ودول طبعا فهد وعامر چم معايه جبل سابج
الاب والام بترحيب : حصلنا الشرف نورتو ي جماعه
وفضلوا يتكلموا في أمور مختلفه
وفتح ابراهيم الحديث
ابراهيم : والله ي استاذ محمد احنا رايدين نطلب يد بنتكم الدكتورة رحيل لولادنا حسن...
وحسن نعم الزوج والسند وانشالله مش
هتندم ابدا انك عطيته بنتك
محمد : وانا ي حج قبلت طلبكم وانا بديكم
عين من عيوني رحيل بنتي دي روحي وشمعة
بيتي وانشالله حسن هيحافظ عليها .
حسن بفرحه : وانا اوعدك ي عمي هحطها ف عيوني وانشالله هتنور حياتي ديما ..
الحجه بحب : ربنا يفرحكم ي ولدي .. اومال فين عروستنا والي خطفت جلب ابني
زينب : ثانيه وحده هجبها وجايه ..وذهبت لغرفة
رحيل ...
رحيل بتوتر : ايه ي ماما ف ناس كتير بره
الام بحب : اه ي ستي وحسن فرحان اووي
ومستنينك تطلعي تسلمي عليهم
رحيل : انا قلقانه اووي ي ماما واعصابي سيبه
زينب : لا يحببتي متقلقيش دي ناس طيبه
اووي وهترتاحي ليهم
رحيل : طب فستاني حلو طب ف حاجه اوفر
ولا كده تمام
زينب بحب : لا ي نور عيني زي القمر كبرتي
ي رحيل وبقيتي عروسه ي اول فرحتي
رحيل : ربنا يخليكي ليا ي ماما و ...
اتقعطهم رقيه : طب يلا كلاكيت تاني مره نخلص العشق الممنوع ده بعد ما الضيوف تمشي طيب
ولا ايه
الام : بس ي مقصوفة الرقبه وتعالي
سلمي ع الضيوف انتي كمان ف بنتين بره
والحجه ام حسن
رقيه بنكش : ده طبعا انا هطلع معاكم بس المهم ..سيبك من البنات اخبار الرجاله ايه حلوين ولا مش لازم اطلع
زينب وهيا بتجري وراها : طب وربنا لربيكي
ي قليلة الادب انا معرفتش اربيكي اصلا
محمد دخل : ايه ي زينب فينك الناس مستنيه
عيب كده ..يلا ي رحيل ي حببتي
واخدت رحيل صنية العصير ودخلت عليهم وهيا
متوترة وتقدم للضيوف ..
الحجه : اللهم صلي ع النبي الله اكبر عرفت تختار ي ولدي ربنا يفرحكم مشالله مشالله
رحيل بكسوف : اتفضلي ي ماما ...
الحجه : يزيد فضلك ي حبة عيني
وقدمت لباقي الضيوف واخر واحد حسن رفعت عينها لقتع مبتسم وهو يهمس بكلمة قمري
رحيل زاد توترها بس انقذتها
الحجه : تعالي هنا چمبي ي عروسه
رحيل بطاعه : حاضر
الحجه بحب : يحضرلك الخير ي نور عيني
شهد : قمر بسم الله مشاء الله عليك ي عروسه
انا شهد اخت حسن ودي ندي بت عمي واخت
چوزي وانشالله هنبجا صحاب وحبايب
رحيل بحب : تسلميلي ي رب ده عيونك الحلوة
اكيد ي حببتي واكتر كمان
العم : ع بركة الله نجر الفاتحه ..قرأو الفاتحه
ابراهيم : جول لنا طلبتك ي استاذ محمد
محمد : عيب ي حج ابراهيم احنا بنشتري راجل انا مش عايز غير ان بنتي تكون مرتاحه مع جوزها
ابراهيم : ده اكيد ي استاذ محمد بس برضو نعرف طلباتك من مهر وشبكه وعفش والذي منه
محمد : الدهب ده هدية خطيبها ليها والمهر ده مقام بنتي عند حسن اما للعفش ام رحيل مجهزها
جهاز عروسة كامل وزياده
ابراهيم : اذا كان كده فعلي بركة الله حسن ينزل مع عرسته بكره يختاروا الشبكه و نكتب الكتاب بعد بكرة والفرح الاسبوع الجاي عشان الحچه وحنا نلحج نحضر فرح ولدنا جبل ما نعاود ع بلدنا ..
الاب : طب ليه الاستعجال ده ي حج
ابراهيم : خير البر عاجله ي استاذ محمد
محمد : انتي ايه رايك ي بنتي
رحيل بخجل : الي تشوفه ي بابا
محمد : طب ع بركة الله
شهد وندي وام رحيل زغرطوا
الحجه بمباركه : مبروك ي مرات ولدي
مبروك ي حسن ربنا يرزجكم الخلف الصالح
ويتمم ع خير ..
وطلعت نقوط مراد ومدته لرحيل : خدي يا عروسة من يدي
رحيل : ايه ده كلو ي ماما
الحجه : ده نجوط مراد بيه ليكي
اخو حسن الكبير بس حصلت
ظروف ف الشغل ومجدرش
يجي بس انشالله هيبجا
يزوركم
رحيل : ايوة بس ده كتير اووي
الحجه : ولا كتير ولا حاچه ي بتي خودي مني
وطلعت سلسله ثلاثة ادور وهي ورث عائلي
ومدتها لرحيل : وده مني انا
رحيل بصت لوالدها بتوتر
محمد : خودي من الحجه ي رحيل متكسفيش ايدها ي بنتي
رحيل : حاضر ي بابا ..شكرا ي ماما وشكرا لمراد بيه
وشهد طلعت الهدية : اتفضلي ي رحيل
دي حاچه بسيطه كده يرب تعجبك
رحيل بحب : تعبتي نفسك ليه ي شهد
شكرا ليكي واكيد هتعجبني كفايه
انها منك
وتقبلها من خدها واحتضنتها شهد بحب وفرحه
وكذلك الامر مع ندي وتعطيها السوار وتبارك لها
ثم يخرج لها العم ابراهيم وهشام وفهد وعامر
النقطة وكل واحد يعطيها رزمة من المال
فهم عائله الخير والكرم ..
الام : والله تعبتو نفسكم ي جماعه كده كتير
وبعدين ده رحيل هتكون بنتكم مش وحده
غريبه ..
الحجه : ولا كتير ولا حاچه مجام بتنا رحيل
غالي وبعدين نعمل ايه بالغريب ده بنتنا
ونحطوها ف عنينا وزيها زي شهد وكتر
كل ده وحسن بيبص لعائلته بفخر
لانهم رفعوا رأسه
وبص لرحيل بحب وهو هايم فيها وفي كلامها وضحكتها الخجوله وحركاتها الغير متصنعه
محمد : طب يلاه ي جماعه نسيب العرسان مع
بعض شوية ونتعشا مع بعض كده حاجه خفيفه
طلعوا كلهم غرفة السفره وزينب حطت صنيه
لحسن ورحيل ..
حسن قرب منها : مبروك ي رحيل
رحيل بخجل : الله يبارك فيك ي حسن
حسن بحب : احله حسن منك ي رحيل
انا نفسي اصرخ بعلو صوتي وجول
للناس كلها اني بحبك
رحيل بحمرة خجل تجنن : بس ي حسن ايه
الكلام ده
حسن : كلام انتي شوفتي لسه كلام
انا لولا العيب لكنت خدتك ف حضني
ولفيت بيكي الدنيا من فرحتي
..
رحيل وقفت بسرعه تريد
الذهاب من خجلها حسن مسك
ايدها :طب خلاص اجعدي
مش هتكلم تاني
وخرج لها الهدية الي جبها ليها : اتفضلي ي ست البنات ..
رحيل خدت منه العلبه بخجل
حسن : ايه مش هتفتحيها
رحيل : حاضر ....وفتحت العلبه وخرجت خلخالين
من الدهب الخالص ..ايه ده ي حسن خلخال
حسن : ايوة ي جلب حسن عشان كل ما تمشي
ترجصي بنغمات رنة خلخالك علي جلبي
رحيل جريت بخجل ع غرفتها وايدها ع قلبها
تتحسس نبض خافقها الصغير من كلام حسن
قلبها بريئ ونقي ولاول مره يسمع كلام الغزل ......
*************************************
عاملين ايه ي قمرات متنسوش التعليق
رايكم يهمني .....
• تابع الفصل التالى " رواية رحيل الهوارى " اضغط على اسم الرواية
تعليقات
إرسال تعليق