رواية رحيل الهوارى الفصل الخامس 5 - بقلم هايدى الصعيدى
الفصل الخامس ..
سالخير ي حلوين انهارده هبهركم 🤦
عند رحيل اول ما دخلو شقتهم ...
محمد والد رحيل : رحيل اعمليلي فنجان قهوة وحصليني ع الانتريه
رحيل بقلق : طب ي بابا ارتح دلوقتي وبعدين نتكلم انت تعبان
محمد: لا انا كويس اسمعي الكلام يلا ..
رحيل بهدوء : حاضر الي تشوفه ي بابا
دخلت رحيل المطبخ وف رجليها رقيه طبعاا وحكتلها الي حصل بختصار وكلام حسن
رحيل : وبس ي ستي وجاي بكره يقابل بابا تاني
رقيه بفرحه : بجد ي رحيل انا مش مصدقه انتي كنتي لسه بتتكلمي عنو بس دي حاجه كويسه انو طلبك من بابا ومفكرش يلعب بديله انا فرحنا ليكي اووي
رحيل ببسمه وتوتر : طب حسبي بقا هروح لبابا ربنا يستر انا قلقانه
دخلت رحيل ل باباها بالقهوة وهيا متوترة جدا
محمد بحب : تعالي ي رحيل تعالي ي حببتي اقعدي جمبي ..
وبضحكه... والله وكبرتي ي رحيل يلا بقا ي ستي انا عايز افهم كل حاجه وحسن ده يعرفك من فين
رحيل : والله ي بابا هو كان متصاب من سنه وانا عالجته وهو من ساعتها كل يوم بشوفه واقف قدام المستشفي وانا خرجه بس صدقني والله ي بابا عمره ما فكر يتخطه حدود الادب معايه
والد رحيل بيطمنها : انا مصدقك ي بنتي وواثق فيكي وهو باين عليه ولد محترم وابن ناس العموم هو جاي بكره وهتكلم معاه ونسأل عنه والي فيه الخير يقدمه
ربنا وانا ي بنتي مش عايز غير راحتك وانت لو موافقه وهو شخص مناسب ليكي انا مش همنعكم عن بعض وف الاخر دي حياتك وانتي حره فيها انا عودتك تخدي قرار بنفسك وتبقي قد المسؤليه ...
رحيل ببسمه : ربنا يخليك ليا ي بابا والي انت هتشوفه انا هنفذه من غير تفكير انا ماليش غيرك ف الدنيا انت وماما واخواتي
محمد بحب : ماشي ي حببتي روحي ارتاحي انتي وابعتيلي ماما وانتي خرجه
رحيل بطاعه : حاضر ي بابا بعد اذنك تصبح ع خير
خرجت رحيل وقالت لامها تدخل تكلم باباها وطبعا
رقيه خدتها تحقيق لحد ما ناموو ..
صباح يوم جديد صحيت رحيل بنشاط وراحه جديده عليهاا حسه اني حياتها هتتغير من النهارده وقررت متروحش انهارده المستشفي وتاخد اجازة
كانت ام رحيل عمله حملة نضافه ع الشقه وقلبا البيت ومتوترة جدا وموترة الي حوليها 😂
كانت رحيل ورقيه بينضفو الشقه وهيا بتحضر الغدا
ورامي كان شغال عبدو البواب روح ي رامي هات ي رامي شيل ي رامي وهو زي الاطرش ف الزفه ...
اذن العصر وكان كل حاجه تمام وبعد ساعه وصل حسن ورن الجرس وفتح محمد الباب
محمد : اهلا وسهلا اتفضلو اتفضلو القهوة ي رامي
كان حسن رايح و معاه فهد وعامر ولاد عمه
بعد طبعا ضغط وصرار طول اليل عليهم وهما ريحين معاه وحطين ايدهم ع قلبهم من مراد وخايفين من رد فعله.... بس مقدروش يسيبوا
حسن ف وقت زي ده وهما كمان كانوا شايفين
حالت حسن لمده سنه قدمهم وقد ايه هو
اتعلق بالدكتورة ...وكمان خد معاد من ابوها
استقبلهم محمد ودخلو اوضة الضيوف وشربوا القهوة
حسن : دول ي عمي فهد وعامر ولاد عمي وشغالين هنا مع بعض اما باقي اهلي ف الصعيد
محمد بترحيب : اهلا وسهلا بيكم نورتنا ي بني انت وولاد عمك والله
حسن بفرحه : ده نورك ي عمي وزي ما قولت لحضرتك امبارح انا چاي اطلب ايد الدكتورة
وحضرت لو وافقت مبدأين انت والدكتورة انا هروح الصعيد هچيب اهل واچي اطلب ايدها رسمي ونكتب الكتاب كمان
محمد بضحكه : انت مستعجل اووي شكلك بس ادينا فرصه نرد عليك ونسال عنك والي فيه الخير
يقدمو ربنا
حسن : اه طبعا ي عمي طبعا وده عنوان شركتنا....
وعيلتنا اسمها معروف ف الصعيد اسال برحتك.
عامر : والله ي استاذ محمد مش عشان ابن عمي
بس حسن هيكون و نعما الزوج ونعما الراجل
الي تختاره وانت مطمن ع بنت حضرتك
فهد : اه والله ي عمي حسن طيب وابن حلال ومعجب بالدكتورة ومستعد يديها عنيه
محمد : والله ي بني انا عن نفسي مرتاح ليه وشكله محترم وبن ناس اصيله وكفايه انو دخل البيت من بابه ودي كبرته ف عيني جدا
حسن بفرحه : ربنا يبارك ف اصلك ي عمي وانا تحت امرك ف كل حاچه والدكتورة انا عايزها بشنطت هدمها انا شقتي چاهزة من كل حاچه ووقفه ع العروسه الي هتنورها
محمد بعزة نفس : لا ي بني احنا ممكن نكون ع قد حالنه بس ام رامي مجهزة رحيل وجيبه لها كل الي تعوزه وزياده بنتنا تدخل مرفوعه الراس
حسن : الي تشوفه ي عمي وانا تحت امرك ف كل طلباتك
محمد : الامر لله ي بني ونشاءلله في ظرف اسبوع
هرد عليك ..الغدا ي رامي
حسن : مالوش لزوم ي عمي
محمد : لا ي بني ازاي ده اقل واجب ولا انت عايز ام رحيل تزعل منك ولا ايه
حسن بضحكه : لا كلو ولا زعل حماتي
اتغدو مع بعض وحسن استأذن هو و ولاد عمه وبعد ما وصلوا
فهد : ممكن تقولي هتعمل ايه دلوقتي ي عم روميو
لو الناس ردت عليك بالموافقه
حسن : ولا حاچه هنزل الصعيد اعرف مراد وامي وعمامي وهجبهم ونچي نتقدم رسمي
عامر بسخريه : اااه طبعا امال ده مراد هيجي اول واحد وانت عارفه اخوك رافض اصلا الفكره
حسن بقلق : لا مهو اكيد مش هيرضي يحرچني مع الراچل الي دخلت بيته
فهد بيضحك : اشرب بقا ي معلم ده هيرفعك يالهووي انا ماليش دعوة وخوفت هههههههههههه
اومال انت تعمل ايه ..
عامر : ماليكش دعوة ليه انت مش روحت معاه وعملت راچل ودخلت بيت الناس
فهد اتكتم ومعرفش ي رد وقالو : الحال من بعضو ي خويا ✋
فهد : فالح انت تحب واحنا نلبس ياعم حسن ..وافتكر ندي ... لما اروح احب انا كمان جت عليه وسبهم وقام وهو بيرن ع ندي ..ندي خطيبته وبنت عمه ..
وقعد حسن وعامر وكل واحد دماغه تودي وتجيب ويدعو ربنا الموضوع يتم ع خير
وبعد اسبوع كان محمد..
نزل عند الشركه وسال ع حسن وع عيلة حسن والكل اجمع انو محترم وكله بيشهد باخلاقه وسأل ناس معرفه من الصعيد عن عيلة حسن وقالو ليه انها عيلة كبير وصيتها مسمع وناس اصيله مأصله ...
عند رحيل ..
محمد: قليلي ي بنتي دلوقتي انتي موفقه ع حسن
رحيل :انا ي بابا صليت استخاره والحمدلله
مرتاحه يعني والي تشوفه حضرتك انا تحت
امرك ..
محمد : طب ع خير الله انا سالت عنه وناس كتير شكرت لي فيه وانا هرد عليه وقولو اننا موافقين بس تكوني قد قرارك ومتندميش بعدين ده راجل صعيدي والصعايده دمغهم نشفه ع العموم ربنا يبعتلك الخير ي بنتي ...
رد محمد ع حسن وقالو انهم موفقين وف انتظار زيارة اهله
حسن بفرحه : انشالله ي عمي مش هتندم وانا تحت امرك ف اي حاچه ورحيل هحطها ف عنيا
بإذن الله .. انا هروح بكره الصعيد وهرد ع حضرتك عن قريب
وبعد يومين وصل حسن الصعيد واول ما وصل
حسن بلهفه : مراد انا كنت عايزك ف موضوع
مراد بستغرب : مانا برضو مستغريب انك چاي من نفسك بس خير ف ايه
حسن بتوتر : بص ي مراد اصلي انا يعني ااناا
مراد: ايه انت ايه مالك كده عامل زي الي عملك عامله وخايف منها
حسن : ها لا ابد ابدا انا بس كنت اتقدمت للدكتورة
الي كلمت امي عنها
وابوها وافج وكنت عايز
تيچي معايه نطلبها رسمي .. قالهم ف نفس واحد
مراد بغضب اعمي والشرار بيطق من عينه وقف ومسك حسن من تلابيبه : اااايه انت ااااااايه ي خويااا والله عاااال ...وووو
*********************************
ايه رايكم استنوني بقا ف البارت الجاي
واما نشوف بقا مراد هيعمل ايه مع حسن
• تابع الفصل التالى " رواية رحيل الهوارى " اضغط على اسم الرواية
تعليقات
إرسال تعليق