رواية احببت مختمرة الفصل الخامس 5 - بقلم هايدى وهب
5
فهد: إنت... إنت جيت تانى
نادر: انا كنت منتظر اللحظه دى من زمان يافهد انك تتغير وارجعك لنقطه الصفر
stop
تعريف نادر على السريع😂
«نادر عنده35 سنه يبقى ابن خالت فهد بيكرهوا جدا لان فهد كان انجح منو بمراحل وهو الى رجعوا لى نقطه الصفر»
نادر: ها يافهد تحب نبدأ منين
فهد: محبش نبدا اصلا
نادر: يبقى هبدا انا
فهد جه يسيبوا ويمشى مسكوا
نادر: اتغيرت علشانها؟! لو كانت بتحبك كانت سعدتك فى الخطوه الاولى اما سابتك زى الكلب تاخد خطوتك الاولى يبقى هى مش بتحب فهد لا فهد محدش بيحبوا اصلا حتى اهلو مش طايقينوا هى بس حابه تغيرك انت هتفضل فاشل وجبان ومحدش بيحبك يافهد
فهد: فهد الاول محدش كان هيحبوا اما ده هيتحب
نادر بضحكه فيها سخريه: وفهد ده هيفضل لحد امتى يوم يومين شهر بالكتير وهيرجع تانى انت فاشل يافهد
فهد مشى وسابوا وهو متكسر وكان ساعتها لو روح لى بلال وقالوا فى طلعه هيروح معاه
فهد فضل ماشى وقفل فونو علشان بلال ميرنش عليه
فهد دخل الجامع وقعد وبقى يعيط ومهتمش لاى حد
الشيخ بتاع الجامع بصوت هادى: مالك يابنى
فهد رفع راسوا بصلوا وعينوا مليانه دموع ووجنتيه(خدوده) عليها دموع ووشو احمر
الشيخ: صلى على النبى واحكيلى انا زى والدك
فهد بنهيار: كلهم شايفنى فاشل ومش هتغير للاحسن وانى كنت بشرب وفاشل وربنا مش هيتقبل توبتى حتى الانسانه الى حبيتها سابتنى اتغير لى وحدى
الشيخ بصوت هادى مريح: مين قال ان ربنا مش بيسامح ربنا ارحم من الام بولدها المهم انك عارف ان ده غلط متكررهوش وانا شايف انك مش فاشل وهتتغير وبعدين الانسانه الى انت حبيتها سابتك قول الحمدلله ربنا هيعوضك
فهد: لا سابتنى اتغير مسابتنيش خالص
الشيخ: ماكان لازم تتغير لوحدك مكنش ينفع حد يغيرك اول خطوه لازم تتغير لوحدك وهى تكمل معاك
فهد: بس انا كنت عايز اتجوزها جرحتنى اوى
الشيخ: طب لما تتغير حاول تكلمها تانى
فهد: بس انا عايزها جمبى انا متغير علشانها
الشيخ: اممم كده مش هتتغير خالص
فهد بأستغراب: ليه
الشيخ: طلامه متغير علشان شخص يبقى مش هتتغير ممكن الشخص ده يبقى بس تشجيع اما لو الموضوع كلو مش هتقدر لازم التغير يبقى علشان ربنا ونفسك وصحتك لا هى ممكن تمشى تموت بعيد الشر وهكذا لازم تتغير علشان نفسك
فهد: بس انا كنت محتاجها تشجعنى
الشيخ: خدت اول خطوه
فهد: ايوه
الشيخ: خلاص كلمها خليها تشجعك وتبقى جمبك بس لازم بالحلال
فهد: يعنى اى
الشيخ: يعنى متجوزين مش مجرد احباب
فهد: طب افرض متغيرتش تفضل معايا طول العمر
الشيخ: يبقى كده مش هتتغير لازم تبقى واثق فى ربنا انو يغيرك وصدقنى انت هتتغير
لقى مراد داخل الجامع
مراد: ازيك ياخالو
الشيخ: الحمدلله ياحبيبى فين البت ملك وهايدى
وسلمى مجوش معاك ليه
مراد: هيصلوا فى البيت اى ده ازيك يافهد
فهد: الحمدلله انت عامل اى
مراد: الحمدلله اول مره اشوفك هنا
فهد: بحاول اتغير من ساعت ما اختك كسرتنى
علشان اروح لها تانى
الشيخ بضحك: بنت اختى انا الى بتحكيلى عنها
فهد: اكيد طلامه اخوها داخل يقولك ياخالو
الشيخ بضحك: دى هبله يابنى😂
ـــــــــــــــــــــــــــــــــــــــــــــــــــــــــــــــــــــــــــــــ
عند هايدى
هايدى كانت واقفه فى البلكونة وشايفه فهد وهو داخل الجامع
هايدى بقت بصالوا وسرحانه
ملك بجنون: اىىى بنحبب
هايدى: اكتمى يابت
ملك: اى هو اتغير
هايدى: اه هو اتغير بس خايفه يكون اتغير علشانى مش علشان نفسوا لازم يعرف ان نفسوا اغلى منى وخايفه اكون كسرتوا ويكون كرهنى
ملك: لا متخافيش ياختشى
هايدى ضحكت
ملك: حبتيه بجد
هايدى: يمكن مش عارفه
ملك: ماتبطلى الغموض الى قارفنا كلنا ده
هايدى ضحكت
ملك: هايدى سميتى ولادكم اى الى يليق مع اسم فهد اه شهد فهد العمرى
هايدى: يخربيتك اسكتى
ملك: ولا اقولك امممم سميها على اسمى
هايدى: يابنتى اسكتى
ملك: اى مانتى خلاص عينك بتطلع قلوب
هايدى: لا لسه لما احس بجد انوا اتغير
ملك: كل ده ومتغيرش
هايدى: بس انتى مش فاهمه حاجه وبعدين امشى يلا
ملك: يابت ارحمى الواد
هايدى: يابنتى هو ابن خالتك وانا معرفش امشى بقى
وزقتها وفضلت سرحانه فيه لحد ما خرج
فهد لمحها من تحت وفضل يبصلها بحب وهيام واضح
مراد: اتفضل يافهد
فهد بتوتر وعدل نظروا
فهد: ااا لا شكرا هروح ادورلى مكان اقعد فيه
مراد: هو انت قاعد فين
فهد: كنت قاعد عند صاحبى بلال بس لو فضلت معاه مش هتغير هروح اشوفلى حاجه اقعد فيها
مراد: تمام ربنا معاك
فهد ودعهم وعينوا عليها وركب عربيتوا ومشى
ولقى فيلا صغننه فيها جنينه وحمام سباحه ومكونه من دورين احلى من بعض وزوقها راقى ونقل كل حاجه من بلال لهناك
فهد قعد فى الجنينه وشغل اغانى
فهد وهو قاعد سرحان بقى يسمع اغنيه« ياما ليالى ياما وانت مش معايا انا كنت بحلم بيك معايا دلوقتى وانت هنا معايا هحتاج لى اى وانت هنا ياما ليالى ياما كان شوقى يناديلك وانا قلبى سهران ويا ليلك ابعت عيونى تشتكيلك من يوم سهرنا وبعدنا»
فهد: يارب توافق عليا بقى وانا اتغيرت والله
العصر اذن وفهد راح صلاه وروح وبقى يقرأ قرأن
وفى ايه وقعت عينوا عليها
(وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً)
فهد ابتسم بسمه طويله عريضه
فهد خد حاجتوا ونزل للولد
الولد كان مستنيه
فهد راح شالو بسرعه وبقى يرفعوا لى فوق
الولد بقى يضحك بجد من قلبوا
الولد: انا بجد عمرى ما هنساك وهدعيلك تخش الجنه
فهد ضموا جامد
فهد: تيحى نروح الملاهى
الولد: يلا
فهد شالوا وجرى بيه وكأنوا طفل اتولد من جديد
الولد وفهد بقوا يضحكوا وفهد وداه الملاهى
وبقى يركبوا على المراجيح ويضحكوا هما الاتنين
فهد خلص وشالوا راح جابلوا لعب كتير وايس كريم وحجات حلوه كتير
الولد: انت حببتنى فى نفسى حسيت انى مهم بس عمتا انا بحبك اوى
فهد فرح اوى بالكلمه دى
فهد: تعرف انك اول حد يقولى بحبك
الولد: اى ده انت زى
فهد ابتسم
فهد: يمكن بس انا بحاول مخلكش تبقى زى بس يا انت صحيح اسمك اى
الولد: اسمى مروان ياعموا فهد
فهد: انت تعرفنى
الولد: ايوه انت مشهور
فهد باسوا وقعدوا على رجلوا
فهد: هتصاحب كتير بس لو حد قالك انت فاشل متصدقهوش واوعى تعمل حاجه حرام يا مروان
مروان: وانت عملت حاجه غلط
فهد وهو بيضحك بسخريه: حاجه واحده بس انا عملت حجات كتير بس عرفت ان ربنا هيسامحنى بس انت طلامه عرفت انو غلط اوعى تعملها وتعالى اعرفك بيتى لما تبقى متضايق تعالى اقعد معايه
الولد: ماشى
فهد عرفوا البيت والولد مشى
فهد كان قاعد لوحده فى الجنينه، والدنيا هاديه حواليه، بس دماغه مش هاديه خالص، بيفكر فـى مروان وكلامه، الكلمه اللى قالها كانت شغاله فـ دماغه كأنها بتترن فـ ودنه
"أنا بحبك أوى"
فهد قام وراح جاب اللاب وفتحه، وبدأ يدور، مش عارف يدور على إيه بالظبط، بس نفسه يعمل حاجه…
لقى إعلان كده بسيط كاتب: «دار بسمة أمل لرعاية الأطفال
محتاجين متطوعين يساعدوا الأطفال فـ التعليم واللعب والمسانده النفسيه ولو يومين فـ الأسبوع»
فهد قعد يبص فـ الإعلان وسكت شويه
وقام قال بصوت واطى: فهد هو أنا مش كنت بدور على بداية جديدة؟ أهو لقيتها…
تانى يوم الصبح
فهد لبس حاجه بسيطه وروّح على المكان
الدار كانت شبه فيلا قديمه متوضبه، فيها ألوان وقلوب مرسومه ووشوش ضاحكه، بس العيون فيها وجع
دخل، استقبلته واحده ست كبيره شكلها طيب
المسؤولة: صباح الخير، حضرتك فهد؟
فهد: أيوه… كنت شوفت إعلان ليكم على النت
المسؤولة: حلو جدًا بتحب تساعد بإيه
فهد: أنا أقدر ألعب معاهم و أقرأ قصص و أتكلم... أحكيلهم حاجات حلوه وأسمعهم
وبينما بيتكلم…
جات طفله صغيره شعرها منكوش
بصتله وسألته:
الطفله: هو انت بابا جديد؟
فهد ابتسم، ابتسامه طلعت من قلبه
فهد: لأ بس ممكن أكون صاحب جديد
البنت ضحكت ومسكت إيده وفضل فهد باصص ليها وهو بيحس لأول مره إنه فعلاً مهم، مش مجرد اسم الناس بتتكلم عليه
وقت ما كان بيلعب معاهم
واحد من الأطفال : هو حضرتك كنت شرير قبل كده وبقيت طيب
فهد ضحك
فهد: كنت غبى وكنت بعمل حاجات غلط بس دلوقتى بحاول أكون إنسان
الولد: طب انت بتحبنا
فهد: أوى عارف ليه
الولد: ليه
فهد: عشان انتو حقيقيين، مفيش كدب فى ضحكتكم
ـــــــــــــــــــــــــــــــــــــــــــــــــــــــــــــــــــــــــــــــــ
ملك كانت معديه من جنب المكان وشافت فهد وهو قاعد وسط الأطفال، بيضحك وبيلعب، ومش باين عليه أى حزن، شكله فعلاً اتولد من جديد
ملك مسكت الموبايل واتصلت بـ هايدي
ملك: هايدى هجيلك حالاً، فهد بيشتغل ملاك رسمي دلوقتى
هايدي باستغراب: ملاك؟ بتقولى إيه؟
ملك: هتفهمى لما تشوفيه بس لو اتأخرتى ممكن يطير
هايدى وقفت من مكانها، وقلبها دق دقه غريبه، معرفتش تفسرها
..... يتبع
ياترى هايدى هتحس انو اتغير واتغير علشان نفسوا ولا لا
ده الى هنعرفوا البارت الجاى تفاعل كتير وبس بحبكم يابطابيط✨🩷
• تابع الفصل التالى " رواية احببت مختمرة " اضغط على اسم الرواية
تعليقات
إرسال تعليق