رواية رحيل الهوارى الفصل الثالث 3 - بقلم هايدى الصعيدى

 رواية رحيل الهوارى الفصل الثالث 3 - بقلم هايدى الصعيدى 

في سرايه حسين الهواري وصل مراد بعد المغرب سلم ع امه وطلع الجناح بتاعه ياخد حمام بعد يوم شاق بين الحقول والمصانع و المعالف وحساب الايرادات 

وطبعا منسيش  يروح للخيل بتاعه الي متيم بيه من وهو صغير خيال ومفيش فرس يعصا عليه ..

راضيه بصت لنسمه الي قعده تقلب في تليفونها : جومي ي بتي شوفي جوزك وتبهي ليه شوية 

الله يرضي عنيكي 

نسمه بتأفف : حاضر ي مرت عمي حاضر ..وبهمس ..

اما شوف اخرتها معاكي ولية عجربه ممهنيانيش ولا في جعده ولا نومه 

الحجه : يحضرلك الخير ويكتبلك الزرية الصالحه اجدعني شوي مع مراد عايزين نشوف خلفتكم

نسمه بملل : ربنا كريم ي حچه...

وقامت وهيا اصلا مش هاممها خلفت ولا لا هيا كده مرتاحه ومتنغنغه ف عز مراد دخلت الغرفه لقت مراد خارج من الحمام ولافف منشفه صغيره ع خصره

وعضلت صدرو العريض وذراعيه مفتولي العضلات 

وشعره الفحمي المبتل منظر يجنني اي وحده  

مراد  وهو بينشف شعره : توك ما افتكرتي اني ليكي راچل تطلي عليه طلعيلي خلاجاتي خليني انزل عندي 

مشوار مهم 

نسمه وهيا بتقرب منه : وانا ليا غيرك رچلي وسندي والي داير بالو عليا وشايف طلباتي ومهنيني 

وحطت  ايدها ع صدر مراد ومررتها لحد ما وصلت لايده اخدت المنشفه وجففت شعره الحريري ..وهيا ف بالها انا لازم اخليك طوع ايدي ومشيفش غيري وخيرك كلو يكون ليا احسن امك تكبرها في نفوخك وتچوزك 

صوح 

شرد مراد ف كلام نسمه هو مش حاسس من نحيتها غير بالواجب وده بعد احساسه ان نسمه لا تكن له اي مشاعر هي مش طمعانه غير ف فلوسه واسمه 

ولا بتهتم بيه ولا بقلبه ....فاق ع ايد نسمه وهيا بتبعد المنشفه  عن خصرو وقربت تبوس صدره ولكن قطعهم رنين الهاتف 

مراد بعد عنها بهدوء وخد التليفون من علي

الشاحن  : ايوة ي عامر كيفكم وكيف الشغل معاكم

: كلو تمام يا ود عمي بس يعني حسن اتعور انهارده

مراد بصدمه : بتجول اااااايه حسن اتصااب انا چاي لكم حالا 

عامر بتوتر : مفيش داعي ي مراد بيه  حسن بخير وخيط الجرح وادينا خارچين من المستشفي 

مراد بعصبيه : وانت لسه فاكر تعرفني دلوجتي 

عامر : مانا ي مراد بتصل عليك من بدري تليفونك مجفول 

مراد : انا لسه واصل من برا وتليفوني فصل شحن بس ده مش مبرر لو عايز توصل لي كت اتصلت ع اي حد  

من رجالتنا 

عامر : محبتش اقلقكم قولت اطمن عليه لول ع العموم هو بخير ولو حبيت انا هخلي فهد يوصلو لحد عنديك ف السرايه عشانك تطمن عليه ويخدلو يومين اجازه يرتاح فيهم لحد ما يفك الغرز

مراد: ماشي ي عامر طمني اول باول وانا هتابعكم لحد ما يوصل اهنه

وقفل معاه و الباب خبط ..

مراد بصوت صارم : خير 

ورد بخوف : ي مراد بيه الست شهد تحت وشكلها جايبه اخبار مش زينه معاها والحچه ضغطها ارتفاع 

مراد بقلق : روحي ابعتي غفير يجيب دكتورة وانا نازل اهاا 

وبعصبيه .... ااايه الاخبار العفشه الي نزله ترف ع نفوخ الواحد دي من ساعت ما دخل جلع ابو السراية ده مرار 

مراد لبس جلابيته بسرعه ونزل يشوف الحجه  : خير يامه ف ايه مالك هتبكي ليه 

الحجه بحزن : اخوك ي مراد حسن منصاب 

مراد بهدوء : متجلجيش يامه هو بخير لسه مطمن عليه وفهد هيجيبو بكره يرتاح ليه يومين 

ولف لشهد : وانتي يشهد جلباها مناحه ليه خير يحَبيبِتي اخوكب زين مفيهش حاچه ...وضمها لصدرو

شهد بعبرة : سامحني ي اخوي اول ما ندي جالتلي 

بعد ما فهد جالها معرفتش استنه وجيت ليكم طوالي 

مراد ربت ع كتفها : حصل خير خليكي اتعشي حدانه وانا هتصل بهاشم يجي نتعشو سواه وتروحي معاه 

شهد : ربنا يخليك لينا ي خوي ويديمك سند ف حياتنا انا هروح العشا جاهز ف البيت وسبت سليم مع ندي وعمي هروح ليهم وبكره من الفچريه هاجي انشالله وبعدين ده البيت جمب السرايه لازج ... 

مراد: بت ي ورد الدكتورة مچاتش ليه 

ورد قربة بسرعه : الحچه الكبيرة مرضيتش ي مراد بيه 

الحجه:  انا زينه ي ولدي هاخد علاچي وهروج

مراد بهدوء: روحي هاتي العشا للحچه يالاه عشانك تاخد علاچها .. 

وقرب من امه : ايه يامه ايه ي ست الكل مفيش حاچه لده كلو ولا بس اكمن حسن المتچلع بتاعك اتخربش هتخوفينا عليكي 

الحجه بحب  : كلكم من غلاوت بعض ي ولدي ده انتو الي فضلتو من ريحة المرحوم 

عند نسمه بدل ما تنزل تطمن ع الحجه اتصلت بامها ونقلت لها الاخبار وكان جنبها زوجها عادل ورحمه مرات رياض 

فاطمه : وعملين ده كلوو عشان خدله حتت خربوش ف يدو اومال لو كانت اتجطعت 

رحمه : بعد الشر ي مرت عمي ليه كده فال الله ولا فالك

عادل : ايه خايفه عليه ولد الكلب ده ... يكش يجيهم غاره كلهم ف ساعه وحده يختي ..

ع دخلت رياض 

:خير يابه ف ايه.... و حكالو الي حصل 

رياض : اسمله يختي يام جلب حنين غوري اخفي من وشي جاتك البله مرا بوومه 

رحمه اخدت طفلتها رنا وذهبت لغرفتها بحزن

نسمه قفلت وقعدت تقلب في التليفون ولا ع بالها ..

عند رحيل كانت بتجهز شنطتها وهيا خرجه من المستشفي شافت حسن معاه اولاد عمو 

رحيل ببتسامه : الف سلامه ي استاذ حسن وتاني مره خالي بالك من نفسك لا قدر الله كان ممكن الاوتار تتقطع 

بس ربنا ستر 

حسن بتوهان : حاضر ي دكتورة..حضرتك اسمك اايه 

رحيل بستغراب : انا .. رحيل 

حسن : عاشت الاسامي ي دكتورة وشكرا ع اهتمامك ولو عوزتي اي حاچه انا هكون تحت امرك في اي وجت الشركه بتعتنا متوهشي شركة الهواري جروب 

رحيل بخجل : شكرا ليك ي استاذ حسن بعد اذنك 

فهد : طب يلا ي خوية يلا يحنين بدل مانت واجف تسبل ليها واحنا متمرمطين وراك من الصبح 

عامر بضحكه : متخف عليه ي فهد مش كده ولد عمك وجع ع بوذه شكلو 

وصلت رحيل البيت واتعشت مع اهلها ودخلت غرفتها وخدت حمام يروق اعصبها بعد يوم طويل وهيا ع المخده افتكرت حسن واسلوبو معاها و ضحكت وحست قد ايه هو طيب وعنيه كشفاه وهزت دماغها وراحت نايمه ..

*************************

ياتره بكره هيكون مخبلهم ايه هنشوف مع بعض 

الروايه لسه ف اولها مش حبه اطول البارت وتقل عليكم وحده وحده الروايه هتبقا نار 💥

استنوني ف الجزء التالت من رحيل الهواري 

متنسوش الفوت والكومنت ي قمرات رايكم يهمني

• تابع الفصل التالى " رواية رحيل الهوارى  " اضغط على اسم الرواية