رواية الصياد الفصل الثانى 2 - بقلم شيماء رضوان
الحلقه_الثانية
دخل احد رجال وهدان
الرجل..واحد من الرجاله كتب نمرة العربيه اللى راحت فيها ست نوران
وهدان ..هات النمرة بسرعه
الرجل..اتفضل يا وهدان بيه
وهدان بفحيح..النمرة يا بوى
عثمان..شوف صاحبك اللى فى المرور يعرفلنا اسمه وعنوانه ايه
وهدان حاضر يا بوى وانصرف وهدان حتى يحادث صديقه
عثمان بغضب مخيف..والله ووجعتى يابت المصراويه ولحدش سمى عليكى
فى منزل سليم
كان سليم يتناول الغداء الذى اعدته نوران باستمتاع شديد وقد اعجبه اكلها
سليم..والله كويس انها بتعرف تطبخ اهو الواحد زهق من الدليفرى ومبقتش فاضى اطبخ وانا اللى كنت فاكرها من بتوع بابى ومامى طلعت ست بيت اهى
قاطع حديثه خروج نوران وهى تحمل الاطباق الفارغه وتذهب بهم الى المطبخ وتبدا فى غسيلهم
سليم..لا ادهشتينى الصراحه انتى بنفسك هتغسلى المواعين
نوران..وليه لا متعودتش اسيب مكانى حاجه مش نضيفه
سليم..طيب تعالى شيلى الاطباق دى واغسليهم بالمرة واهو تعملى بلقمتك على ما ادخل اريح شويه
نوران..عايزه اتكلم معاك
سليم..بعدين يا انسه انا تعبان وعايز اريح شويه وتركها وذهب
نوران وهى تضرب بقدميها الارض بغضب كالاطفال..مستفز ورخم
خرج سليم..وبارد كمان بطلى خبط فى الارض عايز انام وبعدين الارضيه غاليه اهمدى شويه وتركها وذهب وهو يبتسم على اعمال الطفله التى رماها القدر فى طريقه
غسلت نوران الاطباق ونظفت المطبخ
نوران..انا هفضل هنا كتير ولا ايه احسن حاجه اخد المفتاح من وراه هو دلوقتى زمانه راح فى سابع نومه
وبالفعل ذهبت الى غرفته وجدته يصدر منه اصوات
نوران..كمان بتشخر وانت نايم وذهبت لتفتح درج الكوميدينو لترى المفتاح ولم تكن تعرف انها فى شقه ضابط المخابرات الصياد كما يلقبونه كان يعرف انها سوف تفعل ذلك لان خبرته تقول انها من النوع الذى لايستسلم للامر الواقع بسهوله فامسك يدها عندما كانت تضعها اسفل الوساده التى ينام عليها
شهقت نوران من الخضه عندما وجدته يمسك بيدها
سليم..بتعملى ايه
نوران بتلعثم..ب بشوف النور قاطع ولا لا
سليم..نور ايه اللى بتشوفيه تحت المخده
نوران ..لا انا كنت بشوف نور الاباجورة شغال ولا لا فايدى جت بالغلط تحت المخده
ضحك سليم عليها بشده
نوران باستغراب انت بتضحك على ايه
سليم وقد ادمعت عيناه من كثره الضحك..اصل بصراحه انتى لاعرفتى تكذبى حلو ولا عرفتى تاخدى المفتاح
نوران بتوتر..مفتاح ايه
سليم..ده اللى لفت نظرك وملفتش نظرك انى قلت انك بتكذبى
نوران..انا مكذبتش
سليم..قلتلك اللى بيكدب بؤبؤ العين بيتحرك حركه لا اراديه انتى كنتى داخله تاخدى مفتاح الشقه علشان تهربى وانا نايم
نوران..بصراحه اه
سليم..وعايزه تهربى ليه قلتلك لازم اتاكد من كلامك الاول
نوران..يعنى اهرب من سجن عمى علشان ادخل السجن بتاعك
سليم..انتى اللى دخلتى بمزاجك لما ركبتى معايا العربيه بس الخروج بقى بمزاجى انا
فى منزل عثمان القناوى
وهدان بعصبيه..عايزه ايه دلوجتى يا حكمت انا مش طايق نفسي الساعه دى
حكمت..كل ده علشان بت المصراويه هملتك وهربت بعد ما رفضت تتجوزك
وهدان..اه يا حكمت علشان متجوزتهاش بس اطمنى انا هلاجيها واتجوزها غصب عن عنيها
حكمت..وانى يا وهدان انا مرتك وام عيالك وبحبك
وهدان ..وانا مبحبكيش يا بنت خالتى انا اتجوزتك بس علشان خاطر امى لكن جلبى مع بت عمى وهلاجيها واتجوزها
انما انتى مغزتك فى جلبى انك ام عيالى بس غيى كدا لا وتركها وذهب
بكت حكمت كثيرا انها احبت شخص لا يراها ويرى امراة اخرى قد دخلت قلبه من مرة واحده راها فيها اما هى تزوجته من خمسه سنوات ومعزتها عنده فقط انها ام لاطفاله
ذهب وهدان الى صديقه الذى فى المرور واعطى له رقم السيارة ووعده صديقه انه بعد يومين سوف ياتى له بكل البيانات المطلوبه
فى الصباح
فى منزل سليم
سليم..انتى عايزه ايه دلوقتى عماله تزنى ليه
نوران..انا عايزه امشي من هنا وارجع لحياتى تانى
سليم..قلتلك لما اتاكد منك الاول انك كل اللى قلتهولى صحيح ومفيش حاجه منها غلط
نوران..مينفعش اقعد معاك هنا اكتر من كده وبعدين انا مفيش معايا هدوم يعنى الفترة اللى هقعدها هنا لغايه لما سيادتك تتاكد ان انا بتكلم صح بايه بقى عايزه اعرف
سليم..اذا كان على الهدوم هفطر واخرج اجبلك هدوم عايزه حاجه تانى
نوران..انا مش عايزه منك حاجه مبحبش حد يبقشش عليا كل اللى انا عايزاه امشي من هنا
سليم بغضب ..يووووه انت زنانه اوى افطرى انتى انا هروح افطر فى اى حته سلام وخرج وتركها
جلست نوران غاضبه منه
نوران..يعنى انا هفضل محبوسه هنا ايه الوقعه السوده دى
خرج سليم لكى يفطر فى الخارج ثم ذهب الى احد المولات ليشترى لها ملابس خروج تجلس بها عندما يكون فى البيت وبجامات للنوم
رجع سليم اليها وجدها تجلس امام التلفاز
سليم..اتفضلى جبتلك هدوم خروج علشان لما اكون موجود فى الشقه مهو مينفعش تقعدى قدامى بهدوم البيت وجبتلك بجامات تنامى فيها
نوران..ايه كل الهدوم دى هو الموضوع هيطول ولا ايه
سليم..انا داخل انام انتى مبتزهقيش من الكلام
بعد يومين
التقى وهدان بصديقه الذى فى المرور وقال له ان السياره باسم رجل يدعى احمد هاشم وعنوانه فى الاسكندريه ........
وهدان..يا بوى هو جالى ان صاحب العربيه اسمه احمد هاشم وعنوانه .......فى اسكندريه
عثمان..تمام جوى خد معاك رجاله وهاتوها ومحدش يقربلها تاديبها عليا انى وهكتب كتابك عليها فى نفس اليوم
وهدان ببريق انتصار حاضر يا بوى هعمل كل اللى جلتلى عليه
فى مكان ما
سليم..ايه الاخبار
فهد.. لو سمحت يا سليم قولى مين دى وايه اللى حصل بالضبط لانه اللى عرفته مش سهل لازم تقولى علشان نعرف هنعمل ايه
قص له سليم ما حدث
فهد..انت مجنون مقعدها معاك فى الشقه وبعدين ازاى واحده محترمه تقبل انها تقعد فى شقه واحد عازب لوحدها
سليم..اولا هى هن يوم ما جبتها وهيا عايزه تمشي ثانيا انا اللى مقعدها معايا غصب عنها لغايه لما اعرف وراها ايه
فهد..ماشي يا سليم كل اللى قلتهولك صحيح ابوها فعلا كتب كل حاجه باسمها وعمها جبها غصب عنها خطفها بمعنى اصح من القاهرة علشان يجوزها ابنه وابنه اصلا متجوز يعنى كانت هتبقى مراته التانيه وهى هربت يوم الفرح ودلوقتى هم بيدوروا عليها وعرفوا رقم العربيه وبيدوروا عليها فى المرور ده اخر حاجه وصلتلها
سليم..اعلى ما فى خيلهم يركبوه
فهد..انت مجنون بقولك عرفوا رقم العربيه يعنى هيوصلولك انت وهيا
سليم..العربيه مش بتاعتى بتاعه احمد هاشم وهو سافر من يومين وسابلى عربيته اعمل بيها المشاوير بتاعتى لان عربيتى فى اسكندريه واحمد اصلا قالى انه جاله شغل فى الامارات ومش هيرجع قبل سنه
فهد..صدق اللى قال عليك صياد بس انت هتعمل فى البنت دى ايه
سليم..هاخدها معايا اسكندريه لان لو لقوها هيبهدلوها ومش بعيد يقتلوها ومحدش هيعرف عنها حاجه
فهد..ميلقوها هم اهلها مش هيعملوا فيها حاجه
سليم..ده انت لسه قايل عمها خطفها يعنى لو لقاها هيجوزها لابنه او هيقتلها علشان الورث
فهد..بلاش توقع نفسك فى مشاكل يا صياد احنا شغلنا حساس
سليم..والصياد ميشفش حد واقع فى مشكله وميمدش ليه ايده سلام
ذهب وهدان ومعه رجاله الى العنوان الذى فى اعتقادهم انه توجد فيه نوران
ضرب وهدان الجرس كثيرا ودق على الباب ولكن لا يوجد رد
خرج احد الجيران وقال لهم ان صاحب الشقه سافر من يومين
رجع وهدان الى ابيه يجر اذيال الخيبه وقد ضاع امله ان يجد نوران ويرجع بها الى البلده ليتزوجها
عثمان..يعنى ايه خلاص كل حاجه ضاعت والواد ده خدها وسافر اكيد بت المصراويه كانت تعرفه وهربت معاه كل الفلوس راحت للواد ده اه ية بت المصراويه ضحكتى علينا كلنا ولبستينا العمه بس وربنا لاجيبك مهسيبك واصل انا وراكى والزمن طويل
بقولك ايه يا ولدى حط ناس تراقب البيت بتاع الواد اللى هربت معاه يمكن يظهر ولا حاجه ولا يكون مسافرش من اساسه ولعبه عملنها علشان مندورش عليها وخلى الناس اللى مراجبين شجتها يفضلوا زى ما هم
وهدان ..امرك يا بوى
فى منزل سليم..نوران عايزك فى موضوع
نوران..ايه صدقتنى خلاص وهتسيبنى امشي
سليم..اه انتى قولتى الحقيقه بس مش هتقدرى تمشي
نوران بغضب وصوت عالى..يعنى ايه هفضل محبوسه هنا انا لازم امشي من هنا وجاءت لتذهب استوقفها صوته
سليم..لو طلعتى من هنا انتى المسؤله على اللى هيحصلك لان عمك بيدور عليكى وحاطط ناس تراقب شقتك فالافضل انك تفضلى معايا ومتخافيش انا هحميكى واظن انك جربتينى الايام اللى فاتت
نوران ببكاء..هو عايز منى ايه ده عمى يعنى المفروض يكون فى مقام ابويا اعمل ايه يا ربى مكتوب عليا افضل هربانه ومن مين من اهلى اللى المفروض هم اقرب الناس ليا حسبي الله ونعم الوكيل
سليم..اهدى بس انا هفضل معاكى لغايه ما تبقى فى امان
نوران..بس انت بتعمل كده ليه انت مش مجبور تفضل تحمينى
سليم..لان الصياد متعودش يشوف حد محتاج مساعده وميمدش ايده ليه
نوران باستغراب..الصياد مين
سليم..لقبى فى الشغل مسمينى الصياد
نوران..انت بتشتغل ايه
سليم..قريب هتعرفى
نوران..بس انا مينفعش افضل قاعده معاك اكتر من كده لوحدى
سليم..اه احنا هننزل اسكندريه وهتقعدى مع امى
نوران ..على اساس ايه هتقولها عليا ايه ولا انا ابقى مين
سليم..مراتى
نوران..نعم انت مجنون مراتك ايه
سليم..ده حل مؤقت بس علشان امى مش هتقبل انى ادخل بواحده عليها البيت بواحده وربنا يستر بقى لما تعرف انك مراتى دى هتقوم الدنيا وتقعدها
نوران..احم يعنى بس ازاى هتقولها انى مراتك المفروض اننا كده نفعد هناك فى اوضه واحده
سليم..عارف وفيها ايه انتى قعدتى معاية فى الشقه لوحدك هتفرق شقه من اوضه
نوران ..انت بجح اوى يعنى
سليم..بت انتى لمى لسانك ده بدل ما اخليكى تمشي من هنا من غيره وبعدين انا هنام على الكنبه وانتى على السرير ومتخافيش انا محترم اوى
نوران ..بس
سليم..مبسش روحى حضري شنطتك علشان هنمشي دلوقتى وتركها وذهب
نوران..يا دى الليله السوده هنام معاه فى اوضه واحده ازاى
سافر سليم ونوران الى الاسكندريه ووصلوا الى شقته التى يسكن فيها مع والدته
منى والده سليم ربه منزل تحى سليم بشده لم يرزقها الله باطفال سوى سليم
فتحت له منى الباب
منى وهى تحتضنه ..وحشتنى اوى يا حبيبى انت غبت اوى الدور ده
سليم..معلش بقى يا ام الصياد انت عارفه بقى شغلى
منى..عارفه بقى وعذراك ادخل يا حبيبى ارتاح على ما احضر الاكل
سليم..ماشي يا ماما ادخلى يا نوران
منى ..مين دى يا صياد
سليم..ليه قلتى صياد يا منى على العموم بعد الغدا هقولك لانى جعان دلوقتى
منى..ماشي يا سليم ادخلوا يالا ودخلت منى لكى تحضر الغداء
نوران..انت مقولتلهاش ليه
سليم..اصل لما انك مراتى هتقلب عبده موته فقلت اقولها بعد الغدا اصل انا جعان
تناول الجميع الغداء
منى..مين دى بقى يا سليم
سليم بهدوء ..مراتى يا ماما لسه متجوزها امبارح
منى..طيب الف مبروك يا حبيبى بتقول ايه يا روح امك مراتك
يا ترى ايه اللى هيحصل استنونى الحلقه الجايه ورايكم يهمنى
... يتبع
متنسوش تفاعلكم معايا هو اللي بيشجعني ومنتظره أشوف رأيكم وتوقعاتكم في التعليقات وبتمنى تفرحوني والبارت يوصل لأعلى تفاعل♥️🥰
• تابع الفصل التالى " رواية الصياد " اضغط على اسم الرواية
تعليقات
إرسال تعليق