رواية قصص الحب الفصل السادس عشر 16 - بقلم منال كريم
قصص_الحب
الفصل_السادس_عشر
بقلم منال كريم
////////
عند شمس
مازلت شروق تبكي فى حضن شمس وهي على الأرض
شمس بحزن: شروق كفايه كفايه محدش يستهل تعملي فى نفسك كده كفايه يا حبيبتي.
أجابت بصوت متقطع ،بسبب البكاء : كفايه ازاي يا شمس كفايه ازاى أنا أمي سبتني علشان راجل تاني، أمي طلعت ست خاينه أمي اللي طول عمري فاكره أنها ست عظمية ، طلعت خاينه يا شمس أنت متخيل اخواتي كانوا عارفين ، حسين وطي على الأرض وقالها بلاش علشان خاطر شروق
حسن شالني وأنا ببكي وقالها شوفي شروق بتقولك عايزكي بتقولك خليكي يا ماما
نظرت له بعيون باكيه جدا
وكملت بشهقات عاليا:
عارف قالت ايه قالت يارب أنت وحسين وشروق تموتي وارتاح منكم ، عارف قالت ايه تاني
قالت أنا بكرهكم وبكره ابوكم وجدكم.
وضع قبله على عيونه و قال بحزن: دموعك نار فى قلبي
مازلت شروق تنظر له و قالت بدموع: أنا سألت اخواتي أبوي اتاكد اني بنته.
نظر شمس لها بصدمه و سأل : ليه السؤال ده يا حبيبتي
شروق بدموع: مش يمكن أكون بنت الرجل اللي كانت بتحبه بس قالوا إن جدي أصر على ابوي يعمل تحليل علشان يقطع الشك ،تفتكر يكونوا يضحكوا عليا وأنا بنت حرا..
وضع شمس أيده على فمها يمنعها من تكمله الكلمه و نزلت دموعه حزنا عليها و قال: بس بلاش الكلمه دي انتي شروق الالفي اسكتي.
قالت بدموع: بس أنا متاكده أني بنت الست دي عارف ليه
سأل بحزن: ليه
أجابت بدموع وصوت عالي: علشان أنا زيها أنا كمان خاينه
أنا علشان انتقم من جاسر اتجوزت منك أنا كمان خاينة
حضنها بقوه و قال بصوت عالي: اسكتي اسكتي ايه الكلام ده انتي مش خاينه اسكتي يا حبيبتي، انتي شروقي
أخرجها من حضنه ونظر فى عيونها الباكيه وضع قبله ما بين عيونها و قال بحب: انتي
شروق الشمس فاهمه.
هزت راسها بنعم ورمت نفسها بين أحضانه مره اخري
قالت بدموع: عارف يا شمس وأنا عند اخواتي كان نفسي تكون جنبي و اكون فى حضنك الدافئ انا بحس براحه وانا فى حضنك وانا بكلم معك
وخرجت من حضنه مره اخري
ونظرت فى عيونه و قالت بندم: سامحني أنت الشمس اللي منور حياتي بوجودك سامحني
قال بحب: سامحتك يا شروق الشمس
واكمل بابتسامه:
بس ممكن نقوم من على الأرض نقعد على السرير
قام ومسك أيدها وذهبوا إلى السرير
@@@@@@@
عند يونس
مازل يقف فى الشرفه ينظر إلى الشاب وهو يرقص ويلعب ويمزج مع امه وأبيه
نظرت السيده إلى الاعلي وأشارت له أن ينزل
استغرب يونس وأشار إلى نفسه انا، هزت السيده راسها بنعم
نزل يونس ويحاول مسح دموعها
يونس بصوت حزين: نعم
من غير حديث جذبت السيده يونس وحضنته تحت استغراب يونس وابنها ، وزوج السيده.
وكنا يونس لم تكتفي عيونه من الدموع بعد ،بل أنهار من البكاء فى حضن السيده مثل الطفل الصغير.
السيده بحنيه: يا حبيبي يا ابني انت قلبك مليان هم يكفي الكون
يونس بدموع: تعبان يا أمي تعبان اوي الدنيا ظلمني اوي
كل ما حب حد يبعد عني امي وأبوي و اصحابي وجميله وياسمين مليش حد انا وحيد
أنا تعبت ونفسي اموت وارتاح بقا
واكمل بصوت عالي جدا: يارب خدني عندك بقا يارب خدني عندك بقا أنت العدل والناس هنا ظالمه اوي
السيده بدموع: حرام عليك يا حبيبي تدعي على نفسك وتدعي على حد استغفر ربك استغفر يا حبيبي
يونس بدموع: استغفر الله العظيم و اتوب اليه يارب سامحني
وأكمل يونس يومه وهو يقص حكايته إلى السيده وزوجها وابنها
@@@@@@@@@
عند جاسر
ينام جاسر وجميله على السرير وابنتهما فى المنتصف
جاسر بهدوء: أن شاء الله خير يا جميله
جميله بدموع: يارب يا جاسر يارب
جاسر بحزن: رنت على يونس لكن مردش
جميله بدموع: أنا كمان رنت على شروق مردتش اكيد زعلانين مننا.
جاسر بحزن: عندهم حق احنا الغلط عندنا احنا
جميله بندم : والله انا حزينه اوي وزعلانه من نفسي على اللي عملتها فى اختي
قامت جلست على السرير واكملت: ايوه اختي يا جاسر اختي وبحبها لكن الكلام اللي ديما بسمعه شروق احسن شروق اغني شروق شروق كنت لازم اغير منها بس انا بحبها والله بحبها ونفسي تسامحني
ذهب جاسر إليه وجلس أمامه على الأرض ومسك أيدها
و قال بابتسامه: أن شاء الله تسامحك وكمان يونس
يسامحني أن شاء الله
جميله بدموع: يارب
@@@@@@
عند فارس
بعدما كسر كل شي في الغرفه جلس على الأرض بتعب وحزن
وبعدما تعبت فرح من البكاء
تدلف إلى الغرفه بخوف من رده فعل فارس
فرح بخوف: فارس
لم يتحدث بل فتح ذراعيه ركضت فرح وجلست على الأرض و ارتمت فى حضن فارس وظلت تضربه على ظهره بقوه وتصرخ
فرح بدموع: ليه تعمل فيا كده للمره الثانيه اخاف منك ليه ليه حرام عليك
فارس بدموع: والله غصب عني أنا حاسس با الفشل انا تعبان اوي يا فرح تعبان اوي يا حبيبتي خليكي جنبي اوعي تسبتي
فرح بدموع: عمري ما اسيبك عمري أنا بحبك اكتر من نفسي
@@@@@@@@
عند سامر
مازلت سهر فى غرفه العمليات
بعد ساعات طويل خرج الطبيب
( سامر بخوف) كيف حال سهر
( الطبيب) بخير
( سامر بتوتر) هل نجحت العمليه
( الطبيب) لم نعرف هذا الان يجب تخضع الى بعض الادويه وايضا علاج نفسي لانك تعلم أن حالته النفسية سيئه جدا
( سامر بحزن) اعلم
هل استطيع ان أذهب إليه الآن
( الطبيب) كلا لم تسطيع الان
@@@@@@@@
اشرقت الشمس على إبطالنا
وهل تأتي بفرح أما مازال الحزن من نصيبهم
///////////
في المستشفى
كانت جميلة ذهبت لشراء بعض الاشياء.
و يجلس جاسر مع ابنتها في الغرفة.
دلفت ممرضة بلا اخلاق و هي منذ رؤيتها لجاسر اعجبت بها.
كان الثوب الخاص بها قصير و مفتوح ، كانت تسير بدلال ، و قالت: ازيك يا دكتور
أجاب بهدوء: الحمد لله.
نظرت إلى الفحوصات و قالت بصوت هادئ: أن شاء الله البنوتة تقوم بالسلامه.
قال بدموع: يارب.
سارت إليه و جلست بجوار على الاريكة، و قالت: لا يا دكتور بلاش دموع، قلبي مش يتحمل.
كانت قريبة منه بشدة لا يفرق بينهم شئ.
نظر لها بتعجب و قال: بتقولي ايه.
لتجيب بدلع شديد: مقدرش اشوف دموعك توجع قلبي يا قلبي.
بلع ريقه بتوتر و قال: اخرجي برة.
ضحكت ضحكة بدلال و قالت : بذمتك عايز كده.
لا يملك نفسه و اقترب منها ،بقبلة طويلة.
لم يبالي بابنته المريضة، و أنه الآن في أمس الحاجة إلى القرب من الله، لكن هو شخصية ضعيفة....
و ايضا لم يفرق معهم المكان و الزمان ..
هو لم يجب شروق، لكن احب جميلة لكن هو خاين....
عادت جميلة ، لترى زوجها بهذا المظهر مع فتاة.
قالت بدموع: جاسر.
ابتعد عن الفتاة بفزع، بينما هي لم تبالي، نهضت بهدوء ،تظبط ثيابها و قالت و هي تنظر إلى جميلة: لو حد عرف حاجة أنتي و جوزك اللي شكلكم يبقي وحش مش أنا.
و نظرت إلى جاسر و قالت: نتقابل تأتي يا جسورة.
قال بتوتر: جميلة
قال بدموع: مش عايزة اسمع حاجة ، أنا غلط من البداية و انا غلط، القلم اللي ضربتها لشروق، اترد دلوقتي ، احنا مع بعض علشان البنت غير كده لا ، سامر لما قال، خاين مع خاينة كان عنده حق احنا الاتنين شبه بعض ، علشان كده انا سببت الانظف و جيت ليك و انت نفس الكلام.
و ذهبت بجوار ابنتها و لا تبكي بصمت...
و هو جلس بندم و حزن..
///////////
مازالت سهر تحت تأثير المخدر ويجلس سامر أمام الغرفه ولم يملك إلا الدعاء والبكاء ومازال أمل الانجاب عند سهر ضعيف جدا
//////////
يونس شعر براحه نفسيه بعد الحديث مع السيده
وذهب إلى المستشفى
وهو يسير في المستشفى
تأتي من الجهه المقابله ياسمين
لم يتحدث اللسان فقط تتحدث العيون و الحزن بيان على يونس وياسمين وعيونهم تدل أنها كانت ليله ممتلئة بالدموع و الحزن
////////////
فارس وفرح
ذهبوا إلى العياده لكي يبدأ فى اعاده الترميم
واكتشف فارس أنه لا يملك مبلغ الترميم
علم أنه حقا فاشل ولا يستطيع تأمين عيشه
جيدة لفرح بسب قله المال...
////////////
شروق لم تغادر الغرفه ولم تجيب على الهاتف ولا تري اخواتها
وشمس معها لم يتركها ولا دقيقة ويحاول معها تقبل الحقيقه المرة
//////////
جميع الاصدقاء يعيشون فى حزن مرت أيام و اسابيع وكل منهما يحاول حل مشكلته
منهما من يحاول التغلب على المرض و الخيانة..
و منهما من يحاول التغلب على مشكله نقص المال.
و منهما من يحاول تقبل أنه ليس مكتوب له الحب.
و منهما من يحاول تقبل الماضي بكل الالم و الوجع.
ولكن هل هذا نصيبهم من الحزن فقط أو القادم الاسوء ؟!
/////////
في لندن
في مطعم الفندق
سامر: الحمد لله أحنا بخير يا ماما
أم سامر بصوت عالى: أنت مش ناوي ترجع بقا
سامر : يا ماما نرجع ازاى سهر بتعالج هنا
أم سامر بعصبية: هي دي مش ينفع معها علاج ، أنت لازم تجوز علشان افرح و أشيل عيالك.
زفر بضيق و قال: يا ماما كفايه بقا كلام في الموضوع ده قولت ميه مره أنا بحب سهر
أم سامر : هي فين المحروسه
سامر: بضيق : في الاوضه
أم سامر: طيب اسمعني، يا تجوز بنت خالتك ،يا تنسي أن ليك ام، وده آخر كلام عندي استنا ايه اكتر من كده مراتك أرض بور لازم تغير
سامر بحزن : يا ماما حرام عليكي اللي تعملي فيا ده ليه كده
أم سامر بحزن : يبقي أنت اخترت أمك ماتت النهارده
سامر بسرعه: لا لا بعد الشر أنا موافق اتجوز
كانت سهر تقف خلفه من أول الحديث.
سهر بدموع: مبروك يا سامر بس مش تنسي أنك تطلقني
أنصدم سامر وقام وقف
سامر بحزن: اسمعني
هزت راسها بمعني لا، ودموعها تنزل مثل المطر....
وركضت إلى الخارج
صعدت الى سيارة أجرة
وسامر ركض خلفها وصعد إلى سيارة أخرى...
السائق: إلى أين؟
سهر بدموع: إلى أي مكان لكن أسرع من فضلك
فى تاكسي سامر
سامر بصوت عالي: أريد اللحاق بهذه السيارة..
السائق: أجل
فى سيارة سهر
سهر بصوت عالي جدا: أسرع من فضلك ، لا أريد هذه السيارة تلحق بنا.
السائق: حسنا، لكن صوتك العالى يزيد من التوتر النفسي لدي ، من فضلك بهدوء حتي أستطيع القيادة..
ظلت سهر كل ما تري سيارة
سامر اقترابت منها تصرخ لكي يسرع السائق..
وللاسف كان الطريق منحدر جبلي،
فقد السائق التوازن وسقطت السياره من على الجبل
وقفت سيارة سامر
و ركض سامر بخوف
سامر بصرخه: سهر...
وللحديث بقية
قصص_الحب
روايات_بقلم_منال_كريم
🍒🍒🍒🍒🍒🍒🍒
سبحان الله وبحمده سبحان الله العظيم
استغفر الله العظيم و اتوب اليه
لا اله الا الله وحده لا شريك له له الملك وله الحمد وهو على كل شيء قدير
اللهم صل على سيدنا محمد وعلى ال سيدنا محمد
اللهم انصر اخواننا في فلسطين والنصر لجميع البلاد العربية والإسلامية
اللهم انك عفو كريم تحب العفو فاعف عنا
🍒🍒🍒🍒🍒🍒🍒
• تابع الفصل التالى " رواية قصص الحب " اضغط على اسم الرواية
تعليقات
إرسال تعليق