رواية امرأة والزمان الفصل الثانى عشر والاخير 12 - بقلم عائشة الكيلاني

 رواية امرأة والزمان الفصل الثانى عشر والاخير 12 - بقلم عائشة الكيلاني 

النار مسكت في البيت كله بالليل في شقة حسام:- الو ، ايوة انا مين حضرتك 

حسام قام بفزع و عدم تصديق:- اانت اتجننت انت بتقول اي طيب انا جاي حالا سلام 

ثريا خرجت من المطبخ:- بسم الله الرحمن الرحيم مالك يا ابني صوتك عالي و شكلك مخطوف اكن حصل مصيبة مالك يا حبيبي في حاجة حصلت في الشغل 

قالتها و هى حاسه ان قلبها مقبوض:- اتكلم يا حسام ابوس ايدك اي الى حصل 

حسام راح يغير هدومه و خرج وقف قدامها و قال بهدوء و وجع:- رياض مات يا امي الشقة و البيت اتحرقو و هو جوا البيت هو و منال 

ثريا بعدت عنه:- انت بتفول على اخوك يا حسام رد عليا لدرجة دى زعلك منه يخليك تفول عليه ازاى تموته و هو عااايش اتكلم لدرجة دى بتكره رررد عليا 

ثريا مسكت فيه و هى بتصرخ و بانهيار و عدم تصديق حسام حضنها و هى بتصرخ و بتبكي بانهيار زى العيال الصغيرة :- اااه يا ابني ابني مات من غير ما اسمع صوته اااااه ياااارب ياااارب 

فضلت تعيط غيرت هدومها و نزلت مع حسام ركبو العربية و كل واحد منهم بيدعي من جوه انه كابوس و انهم هيروحو يلقو رياض قدامهم بعد وقت قصير وصلوا المستشفى ثريا انهارت اكتر و وجع اكتر و حسرة لم شافت ابنها متشوه ملامحه كان على وشك الاختفاء بسبب الحريق رفعت ايديها بارتعاش:- ملحقتش اشبع منك يا حبيبي ليه سبتني لدرجة دى زعلان مني يا رياض لدرجة دى بتكرهني ربنا يسامحك يا ابني ربنا يسامحك يا عمري و سنيني 

حسام راح يشوف الاجراءت 

امل جت طبعا لانها سلوى اتصلت بيها و قالت ليها على الى حصل راحت خديتهم من البيت وديتهم على بيت خلود و سافرت هى مع تسنيم كانت بتقدم رجل و تاخر التانية خطواتها كانت هادية مزيج من الهدوء و الخوف اتجهت ليها ثريا بصتلها بوجع:- ابني مات يا امل رياض مات و مش هشوفو تاني مات من غير ما يودعني 

ثريا اترمت في حضنها امل كانت بتبصله بحزن و رعب من المنظر غمضت عيونها و بتحاول تهدي ثريا تسنيم واقفة جانبهم و مفيش غير كلمة واحدة الى على لسانها:- لا حول ولا قوة الا بالله العلي العظيم لا حول ولا قوة الا بالله العلي العظيم 

تاني يوم خرجوا من المستشفى و راحوا المقابر دفنه و رجعوا اسكندرية و طبعا حسام رجع تاني لم جيران اسراء لحظو ريحة غريبه في البيت و نزلو لقوها ميتة هى و ابوها راح مصر دفنهم و رجع تاني في بيت خلود 

امل حضنة حياة الى بتبكي و منهارة على ابوها و نور كمان بتعيط بس مش في انهيار حياة و الناحية التانية خلود بتحاول تهدي بنات اسراء الى حرفيا منهارين 

حياة بدموع:- انتي بتقولي كدا علشان زعلانه منه هاتيلي بابا انا عايزة ابويا يا امي اشوفو و يمشي تاني بس اشوفو لو ثانية علشان خاطري انتي مش عايزني اكون مبسوطة يا ماما هاتيلي بابا و انا اوعدك مش هطلب حاجة ولا هتكلم بس اشوفو لو مرة واحدة ارجوكي 

امل بهدوء و هى بتمسح على شعرها:- بابا دلوقتي في مكان احسن من هنا بكتير 

حياة:- خلاص اروحله واديني ليه يا ماما ارجوكي 

امل بدموع و ضمتها ليها اكتر:- بعد الشر اوعي تقولي كدا تاني بس احنا ممكن نعمل حاجة تانى علشان يكون مبسوط 

حياة بصت ليها بدموع:- بجد اي هى 

امل مسكت ايديها:- نقرا القران له كتير و ندعيله ان ربنا يرحمه هو زعلان لانكي بتعيط انتي عارفة انه مش بيحب العيط 

حياة مسحت دموعها :- خلاص مش هعيط تاني 

امل ابتسمت بمرارة و قبلت راسها 

تاني يوم نزلت شغلها عادي 

تسنيم:- يا جبروتك يا امل ابو بناتك لسه له يومين و نزلة المحل و رايقة كمان 

امل:- لا ياختي اوقف حالي و شغلي علشان رياض الى مات مات ربنا يرحمه و يغفر له و يعدينا منها على خير و بعدين انا هنا علشان احقك حلمي و حلم خالي لا حلم ابويا يوسف الله يرحمه كفاية قهوة بقا هتبقي مدمنة 

قعدت على المكتب:- يا تري حسام عامل اي قلقانة عليها قلبي وجعني عليهم و مش عارفه اعمل اي يا تري حالو بقا ازاى 

تسنيم :- استني والله لتصل بيه 

امل:- تسنيم 

تسنيم:- بس يا بت ، الو يا حسام عامل اي و اخبارك اي ، لا انا قلقت عليك بس طلامة عايش تمام بقولك طنط اخبارها اي ، الحمدلله ، حسام عربيتي عطلت ممكن توصلني انا عند امل حاليا و مفيش مواصلات ، ربنا ما يحرمنا منك ولا من ذوقك و جدعنتك يا اخي سلام عايش يا امل و زى القرد و هيجي يوصلني كمان ساعة 

امل:- رايحة فين 

تسنيم اتجهت لعربيتها و نيمت العاجل بتاع العربية :- علشان تبقا محبوكة اكتر 

امل:- والله انتي مجنونة 

تسنيم بضحك:- و اي الجديد ما الكل بيقولي نفس الكلام 

و قعدو يضحكوا حسام بالليل حسام جاه وصل تسنيم و امل لكن في الطريق ثريا اتصلت بيه و قالت يجيب البنات و امل معاه 

في بيت حسام 

ثريا:- روحوا على جوه يا بنات 

ثريا بصتلها :- ماشاء الله كبرتي شغلك و ناسية ان ليكي اهل و عيال و بيت يلموكي هو لازم انا اطلبك علشان تجي يا ست امل 

قالتها بحادة 

امل بهدوء و استغرب:- يلموني دا على اساس انى    نعم يا طنط حضرتك اتصلت بيا جيت على طول البنات. مش منعهم عنك 

ثريا بعصبية:- انتي كمان عايزة تحرمني من احفادي ليه يختي انتي شايفه نفسك على اي متكونيش السفيرة عزيزة و احنا منعرفش و كمان بتردى عليا يا بت مصطفى 

امل:- هو انا اتكلمت ولا قولت حاجة 

ثريا:- انتي كمان عايزة تتكلمي و تقولي ما تجي تخديني قلمين احسن 

حسام قعد بيرقب بس اخيرا اتكلم:- يا امي البت مقالتش حاجة غلط انتي معاكي حق و هى كمان بس كل واحدة طلعت عصبيتها على التانية هى لا شايفة نفسها ولا حاجة و متقدرش تمنعك عن البنات و انتي يا امل عارفة غلاوتك عند ماما عاملة ازاى معلشي هى بس مضغوطة من ساعة موت بابا و رياض مش كل شوية تقفو لبعض على الواحدة هى مش قصدها صح يا امي 

ثريا بصتله بذهول:- ها اااه اااه هو دا قصدي هتنجوزو امتي بقا لانى اتخنقت و كمان عيب الناس يشوفوكي طالعة من بيت راجل غريب صحيح عم بناتك بس الناس مش هتفهم كدا كل شوية قصاد بعض عايزين الناس تتكلم علياااا 

امل خدت شنطتها:- انا ماشية يا حسام و ياريت مسمعش صوتك ولا تكلمني ولا اكلمك علشان مش ناقصة كلام من حد انا واحدة مطلقة و انت كمان في مش ناقصين وجع دماغ 

ثريا:- الوصية تتنفز يا حيلت امك انا مكسرش كلام جوزي علشان حد 

امل:- تصبح على خير يا حسام و انسوني بناتكم عندكم انا غير مسؤولة سلام 

حسام خرج وراها ثريا:- ليه يختي هتتبري من بناتك ما هو دا الى ناقص يا حلت امك 

حسام قفل الباب بسرعة:- اتفضلي انزلي 

امل نزلت و هو كمان ركبوا العربية و اتحرك 

امل:- مالك بقا مضيق ليه انا ساكتة ليها علشان خاطرك و خاطر البنات 

حسام:- كتر خيرك 

امل ساكته و هو كمان 

حسام :- تتجوزيني يا امل 

امل:- ليه 

حسام:- والله انتي عارفه ليه و عارفة بابا عايزينا نتجوز ليه 

امل:- افكر و ارد عليك 

حسام:- لا ظريفه و بتهزري يا خفة الدم دى 

امل:- طول عمري دمي خفيف بس الحظ الحظ عارف صاحبو يا دكتور بلاش نتفتح في الى فات لان اخد من طاقتي و وقتي 

وصلوا. و بصت له بابتسامة:- انا موافقة على فكرة و مش علشان الوصية انت عارف و انا عارفه يا دكتور 

فتحت الباب و نزلت طالعت على فوق حسام فضل واقف لحد ما اختفت دخلت اوضتها و رمت نفسها على السرير بفرح و هدوء:- ياااه اخيرا ربنا يهديك يا ثريا اخيرا جالها جال احبك جالها تررر تررر 

في بيت حسام 

نور:- تيتة قولي عايزة اي من غير مقدمات لانى مليش خولق 

ثريا:- ماشي يختي احم اي رايكم لو يكون ليكم اب تاني 

حياة:- مش فاهمه 

ثريا:- ممم واحدة واخدة نفس غباء امها بس مش مهم قصدي ان في عريس جاي لماما بعد كام شهر 

نور:- انا مستحيل حد ياخد امي مني 

حياة:- انا مش موافقة 

ثريا:ـ اقعدي منك ليها 

ثريا بصت ليهم هما الاربعة:- حتي لو كان الحد دا عمكم و امل هتبقا معاكم هتعيشو كلكم مع بعض 

ساندى قامت بحماس:- انا موافقة طلامة طنط امل 

نور قامت بحماس:- انا شخصية موافقة اصلا انا طول الوقت كنت اتمني ان عمي حسام يكون ابويا أو يكون حصل لخبطة و يطلع ابويا زى ما بشوف في الافلام 

حياة:- اذا كان كدا ماشي 

سلوى:- طبعا مش محتاجه سؤال وافقين يا تيته بس لو هتعمل علينا مرات اب هنعمل معاها كل خير 

عد سنة امل طبعا شغلها كان بيكبر و بقت مشهورة حسام كمان بقا اشهر دكتور سامية طبعا مش مرحبا بالجوازة عكس خلود و البنات و ثريا الى اتهدت ادو اخيرا تم جواز حسام و امل 

بعد تلات شهور 

حسام نايم:- حاسس اني عايش في حضانه قومي قولي ليهم يسكوتو لان دماغي اد كدا 

امل نايمة:- دول عيال يا حبيبي هتعمل عقلك بعقل عيال و بعدين شوية و هيتعبو 

حسام:- دول مش بيتعبو بجد صدعت 

امل راحت في النوم لكن فتحت عيونها :- انتوا بتطلعو امتي 

حسام قام قعد:- لا فعلا هيتعبو و ينام 

سلوى:- عايزة اروح عند تيته انا و نور اتفاقنا على كدا 

امل قعدت رجعت شعرها لوراء:- ممن و ريا و سكينه عايزين اي 

ساندى:- عايزة اروح عند تيته خلود و تحكيلي حكايات لان تيته ثريا مش بتعرف تحكي كل حكاياتها رعب 

حياة:- و انا رايى من راي ساندي نروح عند تيته خلود 

امل رجعت نامت و حطت المخدة على راسها :- دى مهمتك 

حسام:- نامي يا امل نوم الظالم عبادة نامي 

نور:- اانت بتقول على امي ظالمة في وشي انت اد الكلام دا 

حياة:- قابل بقا اهي لو عرفت ترد عليها كلنا عارفين نور لسانها هربان منها 

امل:- كلمة كمان هسيبلكم البيت و محدش يعرف طريقي خلوني اتخمد بقا انتوا مش بتعتقو ليل ولا نهار حرام عليكم 

ساندي:- طب يا مرات دادي فين البلوزة البينك بتاعتي 

امل:- لما بناتك و سبوني اتخمد 

سلوى:- مامي هو ف 

امل:- محدشش يقول زفت الى هتقول ماما تاني هقتلها بابي جاه استلم شوية اعمل حاجة تنفع البشرية دا انا زي بناتك حس بيا 

حسام  اتصل بى ثريا و قفل معاه:- امي بتسلم عليكي يا امل 

امل قامت:- والله ممم الله يسلمها يا سيدي صاحية صح 

حسام :- تيته قالت مش عايزة اسمع صوت حيوانية فيكم يلا روحو اجهزو علشان ننزل ليها 

بنات خرجوا من الاوضة بفرح و جري جهزوا نفسهم و راحوا لثريا الى شقتها تحت شقة امل و حسام كانت فاتحة الباب و واقفة مستنيهم على السلم نزلو و سلمو عليها و قفلت الباب طبعا اتهدت و عقلت امل معتبرة ساندى و سلوى بناتها و هما بيحبوها جدا و اتعلقو بيها زى ما بيحبو حسام و متعلقين بيه و الى حصل من شوية كان هزار 

حسام :- انتي نمتي بجد 

امل:- لا بمثل انى نايمة هو حد يعرف ينام منكم يا حسام 

قالتها و هى بتقعد :- مالك يا حبيبي اتجوزت عليا ولا اي 

حسام:- يا ساتر هو انا ناقص لا يا حبيبتي متجوزتش عليكي بس اطمني لو دا حصل هتبقي اول المعازيم 

امل ضربته في كتفه:- و حياة امك 

حسام:- اتعدلي هو انا عيل صغير اي وحياة امك دى 

امل:- كل وحياة مامتك تمشي 

حسام:- لا خليها وحياة امك احلي 

الاتنين ضحكوا حسام جذبها لحضنه و قبل راسها 

حسام بعدم تصديق:- حاسس اني بحلم مش مصدق اننا مع بعض دلوقتي 

امل بابتسامة:- و انا كمان لحد دلوقتي مش مصدقه انى معاك بعد السنين دى ولا انى حققت حلم خالي 

امل بهدوء و توتر:- حسام 

حسام:- نعم يا روحي 

امل:- تخيل كدا لو الأربع عيال ذاتو واحد أو تانية 

حسام:- و نفتح حضانة مش عايز اتخيل 

امل اختفت ابتسامتها:- يعني مفيش امل 

حسام:- ولا وفاء 

امل قامت فتحت الدرج خدت منه حاجة و قفلته:- حتي لو قولت انى حامل 

حسام:ـ نامي يا امل الله يهديكم و يهدينا جميعا 

قولتي اي 

قالها و هو بيقوم و بيتجه ليها:- قولتي اي يا امل 

امل:- كنت بهزر معاك يا حبيبي انت مش بتهزر ولا اي 

حسام مسك يدها و جذبها له:- امل مش وقت هزار و قولي قولتي اي 

امل رفعت ايديها الى فيها التيست:- انا حامل يا حسام كنت بحسب ان في حاجة غلط روحت لدكتورة و اتاكد و طالعت حامل ، انا عارفه انك مصدوم بس انا مش هقتل ابني حتي لو روحى فيك طلاقني يا حسام 

حسام شالها و بقا بيدوخ بيها بفرح امل أستغربت فرحته لكن ابتسمت من قلبها و مسكت فيه 

عد ست سنين طبعا ثريا ماتت و مصطفى كمان مات تسنيم اتجوزت الظابط الى رفع القضية لامل حسام و امل بقا عندهم تلات ولاد توأم 

في العربية 

حسام:- بتتخانقو فاكرين نفسكم فين 

يونس:- هو الى بدأ 

يوسف:- و بعدين يا بابا انا المفروض تفرح اننا بنخد حق اخونا 

يحيى:- ما تفك بقا يا معلم و كبر دماغك خناقة عيال و خلصت خلاص بقا مفيش داعي لغضب دا 

حسام بذهول:- انت بتجيب الكلام دا منين 

يحيى:- الدنيا ياما بتعلم يا حاج نهارك ابيض 

حسام:- اشك انك ابني يوسف حبيب بابا قولي اي الى حصل 

يوسف:- كله من يونس انا مليش دعوه انا كنت بسلك بس ما تتكلم يا يحيى 

يحيى:- يييه واحد ناقص ادب و اتادب مش حكاية هى ولا سيرة يا جدعان متوجعوش دماغي بقا ، هى صح الست امى عاملة اكل اي لانى جعان على الاخر 

حسام:- استغفر الله العظيم ذنب مين دا يارب ماشاء الله المحامي و المحترم و الفتوة التلاتة عندي 

يحيى:- متروق يسطا مش كدا الاه 

حسام:- الى هسمع صوته هنطلع عين اهلو انا بقولكم اهو 

بعد وقت وصلوا البيت كانت امل قعدة بتذاكر لبنات 

حسام:- السلام عليكم 

امل:- و عليكم السلام اهلا اهلا بحبايب ماما 

العيال جريو عليها حضنوها 

امل:- ها هببتو اي في المدرسة 

يونس:- انا لازم اروح الحمام 

يوسف:- العصر اذن هروح اصلي بدل ما يفوتني 

يحيي بعد عن امل و بص في السقف ببراءة مزيفة:- امى العزيزة يا الحياة و الحنان اريد انام قليلا 

امل مسكته من قفاه:- هببت اي يالا 

يحيي ببرود:- اتخنقنا و بسبب يونس يعني عايزني اشوف اخويا بيضرب أو بيتخنق و نسكوت ليه نانسي عجرم معاهم في المدرسة 

حسام بيحاول يستوعب الى يحيي بيقولوا و بروده 

يحيي ببرود:- هروح اغير هدومي 

ساندي بتضحك:- الفتوة كبر يا بابا و هيطلع عينينا 

سلوى :- و لسه ياما هتشوفو علشان تعرفوا ان مفيش احلي من البنات 

حياة:- بس بقا يا بنات لدادي يزعل و يطين عشيتنا 

نور:- دادي العزيز متزعلش نفسك دول اطفال و بعدين انت كبير و عاقل 

حسام:- حد عندو حاجة كمان ولا خلاص كدا 

امل:- علشان تعرف انا عايشة في اي و تعذرني السابعة مطلعين عيني خصوصا يحيي الكلب 

يحيى:- حد بينادي عليا يا جدعان 

حسام:- اخرس يا جزمة 

بعد شوية الولاد جم و حسام قعد يذاكر ليهم 

يونس:- طب احنا هنسافر امتي 

حسام:- في الإجازة بس ابوس ايدك ركز معايا اموت و اعرف انت و يحيي طالعين لمين 

يونس:- هو انا عملت حاجه يا بابا 

حسام:- ابدا انتوا ملايكة احنا الى بنفتري عليكم ركز بقا 

بالليل في مطعم فاضي 

امل بضحك:- يعني مفيش غيرنا ماشاء الله حسام باشا وصل 

حسام بمزح و حب:- ها نظرزف على فكرة انا عارف النهاردة و فاكر و مسجل كويس النهاردة أو زى النهاردة كان أول اعتراف بحبي ليكي و النهاردة يوم جوزنا ست سنين و يوم 

امل بدهشة:- انت بتتكلم بجد فاكر كل دا 

حسام مسك ايديها:- هى دي حاجة تتنسي يا امل ، انتي حلم العمر و امل حياتي 

حسام مد ايده ليها 

امل حطت ايديها على وشها بضحك و حطت ايديها في ايديه و قامت حط ايديه على خصرها و هى حطت ايديها على كتفه و بدأوا يرقصو كان بيبصو لبعض بصمت لكن عينيهم كانت بتقول كل حاجة كانوا بيرقصو على اغنية حبي الابدي 

حسام بحب:- لو قعدت سنين مش هعرف اوصف حبي ليكي ادا اي لان حبي ليكي ملوش حدود 

امل عيونها دمعت بفرح:- الاول كنت بحسبك مجنون بس خطفت قلبي من غير ما تحس 

حسام بابتسامة:- و دا من امتي 

امل:- من اول ما شوفتك بس دلوقتي بقيت بحبك كل يوم عن ايام الى قبله بحبك يا حسام 

حسام بحب:- و انا بعشقك يا روح و قلب حسام 

حسام حضنها امل حطت راسها على كتفه بفرح و اطمأن و غمضت عيونها 

تمت 

النهاية 

فركشششش 

امراة و الزمان 

عائشة الكيلاني 

رايكم في الرواية و النهاية

• تابع الفصل التالى " رواية امرأة والزمان  " اضغط على اسم الرواية