رواية دهب لا ترحلى الفصل التاسع 9 - بقلم فاطمة محمد
رواية_دهب_لا_ترحلي
.
Part 9
بعدما سمع ادم اسم عمر من دهب ينظر لها بغضب شديد و يقول لخاله
ادم بغضب خفيف: خالي بعد إذنك عاوزك شويه
هشام : تمام تعالي ورايا علي المكتب
في مكتب هشام
ادم بانفعال ظاهر : انا ممكن افهم يا خالي انت ازاي توافقها تسيب الشغل عند حضرتك و معايا و كمان رايحه تشتغل مع اللي اسمه
هشام : ادم ممكن تهدا شويه مفيش حاجه لكل اللي انت عمله و بعدين دهب حره لو مش عاوزه تشتغل معانا متشتغلش اما بعيدا عن انك مبتحبش عمر الولد هايل و ممتاز بالعكس هبقا مبسوط لو اشتغلت معاه
ادم و مازال غاضبا : ماشي يا خالي بعد إذنك
و خرج من المكتب ليجد سلمي في انتظاره
سلمي : تعالي بقا عشان تقعد معايا شويه
ادم : لا يا سلمي مرهق جدا و عاوز انام
سلمي بزعل : بس انت كدا ملحقتش تقعد معايا
ادم : خلاص هعوضك وهقضي اليوم بكره معاكي بعد مخلص شغل
سلمي : بجد يا ادم
ادم بنفاذ صبر : اها يلا سلام بقاا
سلمي : طب استني هوصلك للباب لتمشي معه ليلمح دهب مازالت جالسه مع والدتها ليتجهه ناحيتهم و تلاحظ سلمي
سلمي بغيظ : انت رايح فين مش كنت هتمشي
ادم : هسلم علي طنط نهله الاول
ليصل لعندهم و مازال ينظر لدهب بغضب
ادم : ازيك يا طنط اخبارك ايه
نهله بابتسامه مصطنعه : تمام يا حبيبي وانت اخبارك ايه
ادم : الحمد لله بخير
لينظر لدهب لتبادله نظراته بغضب خفيف لتنهض دهب
دهب : انا هقوم اريح شويه يا ماما و محدش يصحيني و تقبلها في خديها و تصعد دون ان تنظر لسلمي و ادم
سلمي : مش يلا و لا ايه
ادم : اها يلا سلام يا طنط
نهله : مع السلامه
........................................................
في منزل عمر
يدخل عمر المنزل و هو يدندن ليجد والده منتظره
عمر بمرح : ايه ده بابا صاحي لحد دلوقتي مش مصدق اه قلبي
إحسان و هو يمنع ضحكته : ممكن تبطل هزار و تخليك جد شويه ممكن اعرف امتي هتبطل السهر اللي كل يوم بتسهره ده
عمر : يا إحسان منتا عارف اني مش بحب اقعد في البيت بعد ما بخلص شغل و بروح اسهر شويه مع صحابي
إحسان : مفيش فايده فيك و بعدين صحابك دول بايظين و عايزين يبوظوك معاهم
عمر بمرح و هو ينهض : متقلقش عليا ابنك مش سهل برضو و قوم نام بقا عشان ورانا شغل
........................................................
في صباح يوم جديد
تستيقظ دهب و عينيها منتفخه من كثره البكاء فهي اجاده التمثيل ليله امس و استطاعت اغضاب ادم و لكنها مازالت مجروحه و مكسورة القلب فهو قام بجرحها بخطبه فتاه اخري و لكنها لن تظهر له ضعفها فكرامتها و كبريائها لا يسمحون لها باظهار ضعفها امامه لتنهض من سريرها و تستعد لاول يوم في العمل الجديد
........................................................
وصلت دهب للشركه و صعدت لمكتب إحسان
دهب : لو سمحتي عندي معاد مع إحسان بيه
السكرتيره : اققولو مين حضرتك
دهب بابتسامه : دهب
السكرتيره : اها حضرتك دهب اتفضلي إحسان بيه مديني خبر اول متوصلي ادخلك علطول
لتنهض السكرتيره و تطرق غلي بابا المكتب و تدخل برفقه دهب مكتب إحسان
السكرتيره : إحسان بيه إنسه دهب وصلت يا فندم
إحسان بابتسامه بشوشه : اهلا دهب اتفضلي
دهب : اهلا يا فندم
إحسان : هشام كلمني امبارح مكنتش اعرف ان الكلام كان عليه امبارح ووصاني عليكي هشام ده صاحب عمري
دهب بصدمه : حضرتك بتكلم جد
إحسان : اها هو مقالكيش و لا ايه
دهب : لا مقاليش
عشان كدا ادم لما سمع اسم عمر اتعصب بس ايه اللي يعصبه كدا يا تري ايه اللي بينه و بين ادم
إحسان : تعالي يلا اوديكي مكتبك و اعرفك علي عمر
دهب : اوكي
........................................................
في مكتب عمر
كان يعمل في مكتبه ليدخل والده ومعه دهب
إحسان : عمر احب اققدملك دهب
عمر و هو ينظر لها بابتسامه : هاي دهب انا عمر
دهب بضحكه : هاي
إحسان : دهب هتشتغل معاك يا عمر
عمر بمزح : متقوليش هتبقا السكرتيره بتاعتي اخيرا رضيت عني و جبتلي سكرتيره صغيره
عارفه يا دهب اللي قبلك كانت اكبر من الحاج
إحسان : عمر
عمر و هو يقترب من ابيه و بصوت منخفض : بقولك ايه يا بوب انا شايف انها تنفع مودلز اكتر من حوار السكرتيره ده
إحسان : اسكت الله يخربيتك و بعدين انت مش كنت عاوزه سكرتيره
عمر : يا عم الحاج نجيب سكرتيره غيرها لكن دي هشغلها مودلز
إحسان : لا يا عمر و ملكش دعوه بالحوار ده و اياك تفاتحها فيه فاهم و لا لا
عمر باماءه : حاضر يا بابا اللي حضرتك تؤمر بيه
كانت دهب تتابع ما يحدث و لا تفهم عن ماذا يتحدثون فصوتهم كان منخفض
إحسان : خلاص يا دهب انا هروح بقا مكتبي و انتي كمان يلا مكتبك عشان نشوف شغانا
عمر : لا سيبها يا بابا في شغلها هقولها عليها
إحسان بنظره شك : ماشي يا عمر ليقترب منه موضوع الموديل ده مش هتفتحو تاني سامع و لا لا
عمر : اكيد يا بابا متقلقش يلا بقا علي مكتبك
ليذهب احسان لمكتبه ليتبقي عمر و دهب ليقول عمر و هو ينظر لها
عمر : دهب تحبي تشتغلي مودلز
........................................................
انتهي دوام العمل عند ادم ليخرج من مكتبه فيجد مني جالسه علي مكتب دهب ليغمض عينيه بالم و يرحل
زصل ادم منزل هشام فاستقبلته سلمي
سلمي : حبيبي اتصلت عليك مردتش عليا
ادم و هو يغتصب ابتسامه : مسمعتوش يا سلمي
فيدخل و يجلس معها و مع خالو و نهله و سلمي
سلمي : حبيبي متيجي نخرج بدل منقعد ف البيت كدا
ادم : لا يا سلمي مرهق من الشغل و لو قومت هروح
سلمي بغيظ فهو طوال الوقت مرهق و لا يتحدث معها : لا و علي ايه خليك قاعد احسن بس بكره تيجي معايا عشان عاوز اجيب فستان الخطوبه
ادم و هو فكره مشغول بدهب : ابقي خدي ماما معاكي انا مش هبقا فاضي
سلمي: عجبك كدا يا بابا
هشام بجديه : في ايه يا سلمي قالك عنده شغل روحي انتي و خدي نهله و ميرفت معاكي
سلمي : لا هكلم عمتو و هنروح انا و هي
........................................................عند دهب
كانت تباشر عملها فهذا العمل اعجبها كثيرا و لا تنكر اعجابها بعمر فهو ظريف و مرح خفيف الظل
تتذكر عندما قال لها انه يريدها ان تعمل في مجال الازياء مودلز
دهب : مودلز
عمر بمرح : اهاا بالزمه مش احسن
دهب : لا طبعا انا مفكرتش قبل كدا في موضوع زي ده
عمر : طب يا ستي فكري و قرري و ملكيش دعوه بحاجه انتي قولي اه بس
لتفيق دهب علي صوت إحسان : ايه يا دهب مبسوطه بشغلك معانا
دهب و هي تقف احتراما له : اهاا يا فندم جدا استاذ عمر ده فظيع
إحسان و هو يضحك : منا عارف انتي هتقوليلي علي عمر و جنان عمر هو بس يبعد عن صحابه و انا مش عاوز حاجه تاني
دهب : بتقول حاجه يا فندم
إحسان : لا يا دهب و لو عندك اي شكوه من عمر تعالي قوليلي
دهب : لا مفيش اي شكوي يا فندم اها تصور انه عاوزني اشتغل مودلز
إحسان بصدمه و في سره : يا بن الكلب يا عمر برضو عملت اللي في دماغك ماشي انا هوريك مفيش فايده فيك و لا كأني حذرتك
ليقول لدهب
احسان : سيبك منه هو دماغه تعباه شويه بس
دهب بضحك : والله يا فندم اللي يشوفو ميقولش انه ابن حضرتك خالص
إحسان : اعمل ايه بقا قدري كداا ماشي يا بنتي هسيبك انا بقا و انتي كملي شغلك
دهب: تمام
ليدخل إحسان مكتب عمر ليجده يتفحص احدث التصاميم
إحسان بصوت هادئ : عمر انا مش قولتلك متكلمش دهب في موضوع الشغل ده
عمر : يا حاج انا عاوز مصلحه البونيه
إحسان : انت يا بني عاوز تشلني
عمر : يا بابا في ايه بس لكل ده
إحسان : اققولك علي حاجه انا هسيبك منك ليها مش هدخل
عمر : ايوه كدا الله ينور عليك
ليرن هاتفه فيرد عليه
عمر بنحنحه : حبيبه قلبي لسه كنت بفكر فيكي والله
ليلاحظ وجود والده و هو ينظر له بغضب
عمر : ايه يا حاج هتفضل واقفلي كدا و انا بتكلم
إحسان : لا طالع بس ابقي وصل دهب معاك متسيبهاش تمشي لوحظها
عمر بعيون لامعه و ابتسامه : حاضر يا بابا
ليخرج من المكتب ربنا يهديك يا بني و تعقل بقا
بعد مرور بعض الوقت يخرج عمر من المكتب ليجد دهب علي مكتبها
عمر : يلا يا دهب عشان اوصلك شطبنا انهارده خلاص
دهب و هي تضحك : كدا كدا انا خلصت
لتذهب معه دهب
........................................................عند سليم
كان يجلس بمكتبه لا يصدق بانه راها و عندما راها كانت ملكا لاخر و لكنه لن يستسلم فلن يتركها مرة اخري مهما حدث
ليجد هاتفه يرن
سليم : ايوه يا زين
زين : فينك يا عم مش باين يعني
سليم : ابدا مشغول بس شويه
زين : طب تعالي انهارده نسهر
سليم : ابن حلال انا فعلا محتاج اغير جو شويه
........................................................في منزل هشام
كان ادم ينظر كل دقيقه للساعه فهي تاخرت كثيرا و ماذا تفعل كل ذلك الوقت و يجن جنونه عندما يتخيل انها مع المدعو عمر فمعروف عن عمر بانه خفيف الظل و مرح و الاهم من ذلك انه زير نساء
........................................................في سياره عمر
كان عمر يختلس النظرات لدهب
عمر : لا بقولك ايه انا مش بحب كدا اتكلمي معايا و انا بسوق ياما والله حادثه
دهب بضحكه عاليه بعض الشئ: لا بجد انت فظيع انت ايه كل جد جد نفسي مره اشوفك بتهزر
عمر بمرح : طب محنا حلوين اهو بنعرف نهزر و اومتل ساكته ليه
دهب بتنهيده : عادي بس مش بحب اتكلم كتير
عمر بجديه و صدق : لو في اي حاجه مضيقاكي و عايزه تفضفضي انا مستعد اسمعلك
دهب و هي تنظر له فعمر إنسان غامض فهي لا تفهم شخصيته حتي الان فهو يظهر مرح و لكنها تري بعينيه حزن لا تعرف سببهم اهو مثلها يحاول ان يخفي حزنه عن الاخرين بانه شخص غير مبالي
دهب : انت غريب اوي يا عمر
لينظر لها نظرة لم تفهم معناها
عمر بتنهيده : و لا غريب و لا حاجه انتي اللي متعرفنيش
ليصلوا لمنزل هشام
دهب : طب يلا تعالي عشان تسلم علي اونكل هشام
عمر بشخصيته المرح من الجديد : اوكي
لتدخل دهب و عمر بعد ان فتحت لهم الداده
دهب : ازيك يا داده اومال اونكل هشام فين
الداده : قاعد في الصالون جوه هو و نهله هانم و سلمي و ادم بيه
دهب : اوكي يا داده تعالي يا عمر
تدخل دهب الصالون ليتفاجئ ادم بعمر معها
ادم لنفسه : اهدا يا ادم اهدا متتعصبش خليه يشبع بيها
عمر و هو يسلم علي هشام : اهلا هشام والله ليك وحشه
هشام : لسه زي منتا يا عمر بكاش
دهب بضحكه جميله و تنظر لعمر : ده فظيع يا اونكل ٢٤ ساعه بيهزر
عمر : يا ستي خلي الواحد يضحك لينظر لادم
ادم بسخريه : ايه يا عمر مش هتسلم عليا و لا ايه
عمر باستفزاز : لا ازاي طبعا ازيك يا سيدي ليمد يده له ليسلم ادم عليه بجفاء و يسلم علي سلمي
دهب : دي بقا يا عمر ماما
عمر و هو يقبل بديها : اها لازم تبقا مامتك شبهك جدا
دهب : اها دي حقيقه
عمر : ماشي يا جماعه هستاذنكو اتا بقا
ليقاطعه هشام
هشام : مستحيل هتتعشا معانا الاول
عمر : صدقني مره تانيه هاجي و هتعشا معاك
و
دهب : لا طبعا لازم تتعشا معانا
لينظر لها ادم بغل
مخلاص يا جماعه قالكو وقت تاني لينظر له الجميع ليقول عمر
عمر بضحكه عاليه: طب والله منا كسفكو يا جماعه يلا نتعشا
لينظر هشام لادم نظره لائمه لما قاله
ادم : اوووووف كنت ناقصك انت كمان يا سي زفت
علي طاوله الطعام
هشام : انبسطي بقا في الشغل يا دهب
دهب : الحمد لله يا اونكل
عمر : والله انا عن نفسي مش راضي عن شغلها
ليبتسم ادم و ينظر لدهب و لكن تختفي ابتسامته عندما اكمل عمر حديثه
عمر : انا عاوزها تشتغل مودلز
لتنظر لها والدتها و هشام و سلمي بغل
نهله : والله اللي يريحها تعملو
سلمي بغل : و انتي ايه اللي يفهمك انتي في شغل المودلز
عمر باستفزاز : عادي تتعلم هي بس توافق
ادم بكره شديد لعمر : و انت مالك اصلا كنت ولي امرها و بعدين انا شايف انها متنفعش
عمر باستفزاز و خبث فهمه ادم : بالعكس تنفع جدا
لتقطع دهب حديثهم : لا يا عمر كدا كدا انا مش هوافق انا مبسوطه بشغلي معاك
عمر : علي العموم براحتك و لو غيرتي رائيك قوليلي
كل هذا و ادم يمسك نفسه عن عمر و يلعن غباءه لانه تسرع و تركها فهو يلاحظ انها لا يفرق معها خطوبته من سلمي
........................................................
رحل عمر لتظل دهب جالسه مع امها تتحدث معها
و هشام بمكتبه و ادم و سلمي جالسون و ادم كل تركيزه مع دهب و سلمي تحدثه عن خطوبتهم التي ستتم بعد عده ايام
سلمي لدهب : دهب انا نازله بكره عشان غستان خطوبتي تحبي تنزلي معايا
دهب : سوري يا سلمي بس انا مش فاضيه
سلمي : ماشي براحتك
و بعد مرور بعض الوقت رحل ادم و صعدت دهب لغرفتها
........................................................
في صباح يوم جديد
تنزل دهب من غرفتها لتذهب لعملها لتجد هشام و سلمي و نهله يفطرون
نهله : ايه يا حبيبتي مش هتفطري
دهب : لا يا ماما مش قادرة اكل لتقبلها هي و هشام و تخرج للتفاجئ بعمر امامها
دهب ايه ده بتعمل ايه هنا
عمر بابتسامه : صباح الخير جيت عشان اخدك معايا
دهب باستغراب : مكنش ليه لزوم يا عمر تتعب نفسك
عمر : و لا تعب و لا حاجه خليك و يلا عشان منتاخرش
كل هذا و سلمي تراهم لتبتسم ابتسامه خبيثه
لتتصل بادم ادم : صباح الخير يا سلمي
سلمي بحزن مصطنع : صباح النور يا حبيبي
ادم : مالك
سلمي بخبث : يعني ينفع تبقا خطوبتنا بعد كام يوم و مش بشوفك غير كل فين و فين ده انا شفت عمر و انت لسه
ادم : عمر
سلمي ببراءه مصطنعه : اهاا كان لسه هنا و خد دهب يوصلها
ادم بغل : اقفلي دلوقتي يا سلمي جالي شغل
سلمي بلئم : حاضر يا ادم سلام
ادم : ماشي يا دهب انا هوريكي اما بالنسبه لعمر بقاا فلازم يعرف حقيقتك الوسخه و ينهض من علي مكتبه ليذهب لعمر
................................................................
وصلت دهب و عمر للشركه و جلست دهب علي مكتبها لتبدا عملها فتتفاجئ بادم امامها
ادم : عاوز اققابل عمر
دهب : ثانيه واحده
دهب : استاذ عمر استاذ ادم هنا و عاوز يقابلك
عمر : دخليه يا دهب
دهب : اتفضل استاذ عمر مستنيك
لينظر لها ادم باستحقار و يدخل مكتب عمر
عمر و هو جالس علي مكتبه : خير مش بالعاده يعني تيجي مكتبي
ادم بخبث : انا جاي لمصلحتك هتسمعني و لا لا
عمر باستغراب : مصلحتي و ايه عي بقا
ادم : تعرف ايه عن اللي انتي مشغلها عندك دي غير انها بنت مرات خالي
عمر بتركيز : قول اللي عندك و اخلص يا ادم
ادم : طيب بما انك مختوم علي قفاك انا هقولك الحقيقه و بعديها انت حر بقا
ليقص ادم كل ما يعرفه عن دهب و يخبره بانها كانت تمثل عليه الحب و انها خائنه الي ان ينتهي من سرد ما حدث
ادم : هي دي دهب الحقيقيه مش الملاك االي قاعده برا انا قولتلك و انت حر سلام
ليغادر ادم المكتب و ينظر لدهب بابتسامه شيطانيه لم تفهمها
دهب : يا تري كنت عاوزه في ايه يا ادم
لتجد عمر يطلبها
دهب بقلق : حاضر يا فندم
تدخل دهب مكتب عمر لتجده غاضب بعض الشئ و لكنه لم يكن غاضب منها بل من ادم
عمر بجديه : دهب عاوزك تحكيلي علي اللي حصل معاكي كله يا دهب ......................
يتبع ..................
•تابع الفصل التالى " رواية دهب لا ترحلى " اضغط على اسم الرواية
تعليقات
إرسال تعليق