رواية ازاي اطفش عروسة بابا الفصل الثامن و الثلاثون 38 - بقلم اليا

 رواية ازاي اطفش عروسة بابا الفصل الثامن و الثلاثون 38 - بقلم اليا

زاي_اطفش_عروسة_بابا 

الفصل الثامن و الثلاثون

   غفـران ضاغطه ع مناخرها قرفانه منه _ " ريحتك وحشه ، قوم استحمى مبقتش قادره اتنفس .. " 

   طـارق لطم ع وشه _ " الحق البت هتطلع روحها فإيد مؤمن ديه بضاعتنـا هيروحها فثانيه و هتروح مننـا الفـلوس للي كنا هنكسبها من وراها .. " 

   سليمـان ضحك _ " لو هشـوف خوفها عادي تروح الفـلوس المهم يتكسر غرور البنت المستفزه ديه .. " 

   مؤمـن شايفها إزاي باصه فعينه من غـير خوف ضحك _ " البنت ديه عجبتني ، هقوم استحمى خليكي هاديه و محدش منكو يجي جنبها .. "  

   سليمـان بقه مفتوح _ " طارق ، هـو قال محدش يجي جنبـها ولا أنا بيتهيالي ؟.. " 

قاعده بتتأمر عليهم و كل ما يمسحو حته تقوم تطلعلهم فيها عيب تخليهم يرجعو يمسحوها مبسوطه و هي لاعبه دور الأميره مـؤمن  طلع بعدما استحمى ضحك ع أشكالهـم باين على وشهـم متغاظين منها .. 

   مـؤمن برفعة حاجب _ " مفـيش عشا هيتعمل شايفـكم بتمسحو على مهلكو .. " 

   غفـران حاطه إيديها على وسطـها_ " عمـو معاه حق ، المخطوفه جيعانه فين العشا .. " 

رمى الممسحه فسطل لميه الوسخه بعصبيه و دخل المطبخ عملهم العشا و طلع هو و طارق بعـد شوية وقت شايلين اطباق و رصوهم ع السفره ، غفـران بصت ع الاكـل معجبهاش حطت إيدها ع خدها مبوزه ..

   سليمـان بتريقه _ " مش كنت هتموتي من جوعك ، اطفحي قبل ما نمسح الاكل من ع صحون .. " 

هزت كتفها ضمت ركبها ، قعدت تتفرج عليهم بياكـلو معدتها طلعت صوت زود من تكـشيرها مؤمن خلص أكله غـسل إيده و رجع وقف ع راسها .. 

   مـؤمن فارد ذراعه _ " هاتي إيدك خلينـا نطلع برا .. " 

   طـارق تنفض من مكانه _ " هتطلعها على برا فين ؟ مؤمن ممكن ترجع تفكر فللي ناوي تعمله افترض حد اتعـرف عليها طب افترض هربت منك .. " 

   مـؤمن بمنتهى الهـدوء ، أخد جاكـيته و لبسولـها _ " همرءهالك ع مزاجي المره ديه ، هتهـرب مني قال شايفـني عبيط .. " 

مقـدرش يوقف فوشه طلع ع أقرب مطعم ، فحته مقطوعه طلبلها بيتزا من ساعتها و هو قاعد يتفرج عليها بتاكـل مستمتعه بتمرجح رجليها بس بعد ثاني قطعه وقفت ..

   مـؤمن برفعة حاجب _ " مالك مش كانت عجباكي .. "  

   غفـران بزعل _ " هترجعني عند بابا متى ؟.. " 

   مـؤمن ضحك _ " بالسرعه ديه عايزه ترجعيله بس انا مش ناوي أرجعك دلوقتي خلينا نخوفه عليكي و نقيس غلاوتك عنده نشوف هيدفع كم .. " 

   غفـران _ " عمـو وحش .. " 

   مـؤمن ضحك _ " نت بتقـولي كلام ولا حد اتجرأ يسمعـهولي .. " 

   غفـران حطت راسـها ع الطاوله ، عيونـها دمعت _ " بابا وحشنـي اوي مش هيعـرف ياكل و ينـام و هيتعب أوي ، خايفـه بابا يتعب و يموت و يسبني .. " 

   مـؤمن _ " اول مره أشوف وحده مخطوفه قلقانه على أبوها نت هبله .. " 

مردتش عليه و فضلت حاطه راسها ع الطاوله و هو مستنيها تقول اي حاجه بس اكتشف بعدها انها نامت شالـها و رجعها البيت نيمـها فأوضته و نام في الصاله ..

   غفـران في نص الليل فاقت ع ملمـس غريب لحاجه جنب وشـها بقالـها فتره حاولت تتجاهل المـوضوع بس ضايقـها فتحت عيونها النعسانه و شافته بوضوح جنبـها بسبب إضاءة عمـود النور للي برا صوتت _ " بـــــــابـــــــا .. " 

   مـؤمن شغـل الإضاءة ، دخـل الاوضه جري لقـاها لازقه فالحيطه بتعيط _ " في ايه مالك ؟.. " 

   غفـران بتشهق _ " كان في فار كـبير .. " 

   سليمـان _ " حتى النـوم مش هنشوفه في الليله السـوده ديه من وراكي ما البيت فيه دسـته فيران هي عيله طبيعـي تشفيلك واحد ولا تنين تتعرفي عليهـم .. " 

   غفـران خوفها زاد _ " عايزه بــــابـــــا .. " 

   سليمـان ضحك _ " الأمـوره للي من الصبح قاعده تتأمر ، بتخاف من الفيران .. " 

   مـؤمن بيشد ع الحروف _ " سليمـان .. " 

   سليمـان بتريقه _ " حاضر ، تصبحي على فـار .. " 

   مـؤمن طلعـها بـرا الاوضه ، قعـدها ع الكنبه اتنهـد _ " متخافيش قفلت عليه جوا فالاوضه و مش هيعـرف يطلع منـها يلا نامي و انا هنـام ع الارض جنبك .. " 

   غفـران لفت وشها الناحيه الثانيه بتعيط _" يا رب خلي بابا يجي بسرعه غفـران خايفه يا بابا .. " 

                                                                      .......................

   جابـر زعق _ " وقف العربيه يا عمـر ، قلتلك وقف العربيه ( عمـر وقع العربيه و سند راسه ع الدركسيون ) حرام للي بتعمله فنفسك ده يا عمر هتفضل تلف بالعربيه ديه لغاية متى .. " 

   عمـر بثقل _ " لغـاية اما الاقي بنتـي ، انا ضيعت بنـتي يا جابر و مش هلاقيها تاني ( ضرب الدركسيون بإيده ) مستاهلش اكـون أب  ضيعتها من ايدي .. " 

   جابـر اتنهد _ " متقلش كده انزل خليني أسوق بدالك خلينا نرجع ع البيت مش هينفع تفضل تلف على المدينه طول ليل هنلاقيها ان شاء حتى البوليس بيدورو عليها .. " 

   عمـر _ " هتكون خايفـه دلوقتي يا رب احفظلي بنتي و نجيهالي يا رب .. " 

جابر ركن العربيه قدام البيت و عمـر نزل و دخل من غـير ولا كلمه مش شايف قدامه ولا بص ع الموجودين في صاله كـان طالع على اوضته بس حد وقف فنص طريقه و قبل ما يرفـع وشه حتى كان مضروب بالقلم .. 

يتبـع ..

  •تابع الفصل التالي "رواية ازاي اطفش عروسة بابا" اضغط على اسم الرواية