رواية الهجينة كاملة حصريا عبر كوكب الروايات بقلم ماهي احمد
رواية الهجينة الفصل الجزء الثاني الفصل التاسع عشر 19
عمار : هتصدقيني لو قولتلك انا كمان مش عارف اي اللي بيحصل واخرتها ايه ؟ عايزك تصبري عليا شويه وانا هحاول ارجعك على مصر في اقرب وقت
مارال : توعدني
عمار : اوعدك .. امسحي دموعك يلا ممكن
مارال : حاضي
عمار : شمس مع هدير والطفله
مارال : لاء .. هي ياحت مع ياسين اول ما مشيتوا وياسين يجع لوحده من غيها
عمار : ايه
( عمار اول ما سمع اسم ياسين وان شمس كانت معاه اتصدم والقلق بان على ملامح وشه )
عمار. : وفين ياسين دلوقتي ؟
مارال : معيفش كان واقف بيحميني هو وبيدقووس وبعد كده مالقيتهوش
( عمار استغرب اكتر )
عمار : ياسين بيحميكي
مارال : ايوه ده اللي حصل
( عمار ساب مارال وراح بسرعه لبربروس ومارال راحت وراه)
(مسكه من هدومه بعن/ف وغض/ب)
عمار : انت وعدتني .. وعدتني انك هتاخد بالك من شمس .. فين شمس وازاي تسيبها مع اللي اسمه ياسين ده لوحدها انت مش عارف هو ممكن يعمل فيها ايه ؟
(طبطب بأيده على دراعه اللي ماسكه بي وهو بيتكلم بهدوء)
بربروس : تريث ياعمار .. تريث
( بعدم فهم)
عمار : تر .. ايه
بربروس: ريث .. تريث يافتى
فلا تخف على شمس فهي في أيدآ أمينه
( بصوت أعلى وبغ/ضب جامح وهو مش مستوعب )
عمار : أم .. أيه
( بصوت سخريه )
بربروس : مينه .. امينه يافتى
( رفع حاجبه وهو مش مستوعب اللي بربروس بيقولوا )
عمار : امينه مين .. أنت عايز تفهمني ان أيد زي ايدين ياسين دي تبقى أيد أمينه
( اتنهد وأخد نفس عميق وحاول يهدي نفسه )
بربروس : ممممم معك كل الحق فمصائب ياسين كثيره ولا انتظر منك ان تستوعب انه يتغير بالفعل
( صوته أتغير والجديه بانت على ملامحه )
عمار: اسمعني كويس يا اسمك انت
( مارال مالت على عمار بجنبها وهمست في ودنه )
مارال : بيدقووس اسمه بيدقووس
( بيشاور بأيديه وهو متوتر اول ما سمع كلمه بردقوس )
بربروس : ماذا .. ماذا .. ماهذا الهراء الذي تتفوهين به ايتها الأمعه
( بصت شمالها لعمار وبتشاور على نفسها بأيديها بحزن باين في عنيها )
مارال : اناا .. أنا أمعه ياعمار
( عمار لسه هيتكلم بربروس قطعه في الكلام وهو بيبص لمارال بنبره حاده )
بربروس : نعم .. أمعه .. ومزندعه .. وصفيقه ايضآ .. فلا احد ينعتني بالبيدقووس مهمآ كان
( وعنيها بتلمع بطريقه تصعب على اللي يشوفها بصت مره تانيه وبتشاور بأيديها على نفسها )
مارال : انا مزندعه ياعماى
( بص لبربروس بغ/ضب جامح )
عمار : انت بتقول على اختي انا مزندعه يابربروس
بربروس: نعم .. أعترف ويجب عليگ ان تحمد الله بأني قولت انها مزندعه فقط فلا أريد ان اجر/ح شعورها اكثر من ذلك
( وهي واقفه ورا عمار وبتتكلم بتهكم )
مارال : يعني بعد مزندعه دي اللي انا مش فهماها اصلا يعني ايه ولا فاهمه انت بتقول ايه اصلا لسه مجرحتش شعورى .. انا عايزه اعرف بقى انت هتجرح شعورى ازاي
( الغريب كان واقف هو وزهره وبقوا بيتفرجوا عليهم وعمار اللي واقف في النص ما بينهم )
( جاب كرسي وقعد )
الغريب : وو .. وو.. واضح ان .. الل.. الليل.. الليله .. هنا .. ط.. طويله
( هز راسه شماال ويمين )
عمار : اوعى .. تجرح .. اختي .. بكلمه
(بتنهيده وهو زعلان )
بربروس : لم اعتاد على جر/ح النساء قط ولكن هي من أجبرتني على ذلك واتمنى منك ايضآ ان تهدأ وتسترخى وتتريث
( عمار ضغط على اسنانه وضم ايديه بقوه )
بربروس : العن/ف والغض/ب لن يفيدا بشىء قط صلي على أشرف الخلق وهدىء من روعگ أيها الفتى الصغير
(عمار بلع ريقه وضم حواجبه ونزل ايديه من على بربروس واداله ضهره .. بربروس استغرب ومشي خطوه ووقف قدام عمار)
بربروس : ألن تصلي على حبيبي وحبيبك وحبيب الأمه ألست بمسلم
(عمار حاول يتوه في الكلام ومارال بصيتله واستغربت انه ماتكلمش )
عمار : فين شمس .. ودي أخر مره هسألك السؤال ده ؟
بربروس : لسوء الحظ لا اعلم عنها شىء .. فقد خبأها ياسين وسط الغابه من صابر ورچاله فقد ارادها العربي وبشده مره ثانيه ولا اعلم لماذا ؟ اصطبر قليلا اذا لم يأتي بها ياسين في خلال ساعات سنذهب جميعا للبحث عنها
( بتهكم )
عمار : اكيد انت مش في وعيك عايزني استنى ساعات
( عمار في لحظه ساب بربروس واختفي من قدامه)
( بقلق وبخوف حطت ايدها على كتف بربروس )
زهره : انت متأكد ان ياسين مش هيأذيها
( بص وراه بسرعه وشال أيدها من على كتفه )
بربروس : طمئني قلبك يا زهره فلن يؤذيها ياسين مهما حدث
مارال : وايه اللي مخليك متأكد كده يابيدقووس
انت بتتكلم عن واحد في د/مه الق/تل وكان هيق/تلني بد/م بارد ولا نسيت
( داس على سنانه بغض/ب واتنهد رجعت بسرعه ورا ضهر زهره بتستخبى فيها )
بربروس : لم ..ولن أنسى انه اراد قت/لگ .. وياليته فعل .. ولكني أتذكر جيدآ أن ياسين لا يؤذي القريبين منه
( بتساؤل وعدم فهم )
زهره : وهي شمس قريبه من ياسين ؟
بربروس : نعم ..
( بعدم فهم )
زهره : ازاي
بربروس: لا تنسي أن ياسين هو من رباها وشاهدها وهي تنضج وتكبر امام عينيه فهذا سببآ گافي حتى لا يؤذيها
الغريب : يا .. ياسين هي.. هيأ.. هيأذي شم .. شمس
( زهره ضمت حواجبها بخو/ف وملامحها بانت عليها التساؤل )
زهره : ليه بتقول كده ؟
الغريب : ال.. الغ.. الغدر .. في .. في طب.. طبعه
بربروس : انا اثق بياسين
الغريب : ثق.. ثقت.. ثقتك .. مش .. مش .. ك. . كفايه
( مره واحده سمعوا صوت مكتو/ م طالع من علي )
( جريت عليه بسرعه ومسكت ايديه )
زهره : علي .. علي انت كويس ؟
( بصت لبربروس )
زهره : اول مره يطلع صوت النهارده
الغريب : ده .. ده ع .. عشا .. عشان وصل لمرحل. . لمرحله ال.. النهايه
( قرب منه بغ/ضب وهو مخنوق من الك/لمه اللي قالها )
بربروس : ماذا تعني بمرحله النهايه .. ماذا تقصد ايها الغريب
( عدل نضارته ورفعها على مناخيره وقام من على الكرسي وهو متوتر )
الغريب : انا .. انا مس .. مستغ.. مستغرب ان .. انه لسه عا.. عايش
( زهره بصت للسلسله اللي ملبساها لعلي )
بربرس: انصت إلي جيدآ أيها الغريب .. انا اعلم جيدآ بأنگ تستطيع انقاذه هياا انقذه
الغريب : ال.. الع.. العلا.. العلاج .. مش .. مش معايا .. و.. وهياخد .. وقت على ما .. ما يت .. يتصنع من .. من جديد
زهره: وبعدين هنتصرف ازاي ..
الغريب: ل .. لاز .. لازم ارج .. ارجع .. للمعم.. للمعمل .. بتاعي .. كان في كل .. كل حاجه بس انا ملحقتش .. اخد . اخد معايا حاجه
زهره: يعني ايه اتصرف احنا لا يمكن بعد كل ده نسيبه
يمو/ت
_______________( بقلمي مآآهي آآحمد )_____________
( ياسين راح بسرعه لشمس ورفع وشه بيبص على الشجره وحط ايده بجانب شفايفه وبقى ينادي عليها بصوت واطي )
ياسين : شمممممس .. شمممممس
شمس : ______________
ياسين : شمس .. فينگ
( حط ايده على الارض ونط ورفع نفسه وطلع فوق الشجره وبقى بيخطى خطوات على اغصان الشجره )
ياسين : شمس .. شمس فينك
( الشجره كانت كبيره ومتفرع منها اغصان خشبها سميگ وفي نفس الوقت الظلام كان حالك حول عنيه للون الاسود عشان يقدر يشوف في الضلمه )
ياسين : شمس .. اظهرى حالا
انا شامم ريحتك وسامع دقات قلبگ
( بيبص لقى قطعه قماش من فستانها على غصن شجره حط صوباعه على الغصن واخد قطعه القماش وفركها بأيديه وشمها على مناخيره )
( رفع حاجبه وهز راسه شمال حاجه بسيطه وعوج شفايفه )
ياسين : مممم انتي كده اتقفشتي
( مره واحده بقى بيسمع اصوات بتذوم حوااليه وانفاس وراه وقدامه كلهم واقفين على اغصان الشجره )
(صابر ظهر وهو حاطط مسد/س على دماغ شمس ووقف وراها )
ياسين : مممممم صابر .. صابر ياصابر.
( هرش بأيديه علي جبينه )
ياسين : تعرف اسمگ ده بيفكرني بأيه
( صابر بلع ريقه وقلبه بيدق بسرعه )
صابر : مش عايز اعرف
ياسين : يبقى هقولك
( بابتسامه سمجه )
ياسين : بيفكرني بكميه الصبر اللي صبرته ولسه هصبره وصبرت نفسي بي لحد ما الصبر زهق مني وقالي كفايه صبر ياياسين
( ضم حواجبه كده باستغراب )
ياسين : لا بس حلوه القافيه ..
( طلع ضوافره بغ/ضب وانيابه بانت وملامحه ظهر عليها علامات الغ/ضب ورفع حاجبه )
ياسين : أي رأيك انفع أبقى شاعر
( صابر بسرعه شاور لرجالته المستذئبين براسه )
(وابتدوا انهم يطلعوا شبكه وحدفوها من فوق على ياسين وبقوا يحاولوا يحطووه فيها وصابر اخد شمس وبقى يحاول ينزل بيها من علي الشجره )
( وهي بتقاوم وماسكه في فرع الشجره بأيديها )
شمس : اتركني .. اتركني ايها الوغد
ياسين : اتركها ياوغد يا ابن الوغد اما وغد بصحيح
( ياسين شاف شمس وصابر بيشدها من شعرها عشان ينزلها من ع الشجره بقى بضوافره يقطع الشبك بأيديه الاتنين وبسرعه جدا المستذئبين بقوا بييجوا من وراه والشبك عليه وبقوا بضوافرهم يق/طعوا ضهره بأيديهم ياسين كان بيتألم وبقى جسمه كله مجر/وح )
صابر : ماتقت/ لهووش عايزينه حي عشان نساوم بربروس عليه .. بربروس مش هييجي عشان شمس بس هييجي عشان ياسين
( في نفس الوقت عمار كان بيجرى بسرعه مهوله وبيدور في الغابه في كل شبر وفي كل مكان وقف في النص واخد نفس عميق بس ماشمش ريحه شمس وكأن ريحتها اختفت مش موجوده )
صابر : بسرعه خدوا الازازه دي فرغوا كل اللي فيها عليهم مش عايزين حد يشم ريحتهم ولا يعرفلهم طريق
(المستذئبين اللي كانوا مع صابر فرغوا كل المحتوى اللي في الازايز على ياسين وشمس بسرعه في لمح البصر )
ياسين : مش هسيبك ياصابر الكلب
(صابر ضعط على الزناد ورفعه اكتر على راس شمس
وهو بيبص لياسين وهو بيق/تل رجالته المستذئبين بأيديه )
صابر : لو ماوقفتش حالا هق/ تلها
( ياسين قام بالعافيه وابتدى يتمالك نفسه من جديد
وجر/حه طبعا اللي بيلم بسرعه )
ياسين : ماتقدرش انت اجبن من انگ تخالف كلمه العربي ياصابر
(صابر بأيديه التانيه طلع سكينه صغيره )
صابر : عندك حق انا جبا/ن وماقدرش اعمل كده لكن المستذئبين الجداد اللي حواليگ دوول يقدروا يعملوها لو جر/حتها جر/ح صغير بالسك/ينه دي هيشموا ريحه د/مها ومش هيقدروا يتحكموا في نفسهم وهياكلوها اكل من قبل ما انت حتى تلحق تيجي جنبها انت اتحولت قبل كده وعارف يعني ايه مستذئب جديد متعطش للد/م تعطشگ للد/م بيخليك ماتقدرش تتحكم في نفسك وبيلغي عقلك ومابتفكرش اي العواقب اللي ممكن تحصل بعد كده لو رجعت من غير شمس فا انا كده كده هبقى م/يت فالاختيار عندك انت ..
( ياسين ضغط بأسنانه والش/ر بقى واضح في عنيه )
ياسين : انت بتهددني
( بلع ريقه )
صابر : انا بحذرك قرب خطوه تانيه ود/مها هيبقى في كل مكان
( ياسين قدم خطوه كمان )
( صابر ضغط بسن السكينه على رقبه شمس ولو غرزها سنه كمان هتنزل د/م ومن دقات قلب صابر اللي بقت منتظمه ياسين عرف انه بيتكلم بجد )
( رفع ايديه الاتنين في مستوى صدره وابتسم ابتسامه سمجه )
ياسين : ياصابر .. ياصابر ده انت قفوش اوي ياراجل
( شاور بأيديه على ورا )
صابر : ارجع ورا
ياسين : انت تؤمر ياصابر بيه
( ياسين رجع خطوه لورا ولسه بيرجع لقى اللي بيغرز في ضهره حقنه شلت حركته في لحظه واغمى عليه )
شمس: يااااااااسين
( عمار سمع صوت شمس وهي بتصر/ خ بأسمه )
( عمار ضغط على سنانه وبص يمينه ناحيه الصوت اللي جاي منه )
عمار : ياسين الكلب
————————-( بقلمي مآآهي آآحمد )———————-
( عز كان قاعد مع غرام في المخبأ اللي لسه ماطلعتش منه )
غرام : بجد .. بجد ياعز هنمشي من هنا
( عز اتنهد وسكت )
(ودموعها بتلمع في عنيها )
غرام : كنت عارفه
( سابته وطلعت بره المخبأ ومشيت )
(عز مشي وراها )
عز : غرام استني
( ماسمعتش كلامه وطلعت بره البيت وبقت تمشي لحد ما طلعت على الكوبري الخشب بعيد عن البيت بشويه )
(عز مسكها من دراعها ووقفها بالعافيه )
عز : انا مش بقولك استني
( لفا وشها وبصيتله وبتتكلم بنرفزه وصوتها بقى عالي قدامه )
غرام : عايز تقول اي ياعز .. هتقول ايه ؟
عز : عايز اقول اني عارف انك كنتي متخيله شهر عسل غير اللي بيحصلنا ده .. عارف انك ماعشتيش زي اي عروسه مع عريسها .. بس حظك بقى انك اخدتي واحد مج/نون عاش طول حياته مكانش بيفكر غير في نفسه وبس وفي اخوه .. بس لما دخلتي حياتي شقلبتي دنيتي خليتي جوايا جزء عايز يستقر وجزء تاني بيحارب ويقول لاء انا عشت سنين ببني اللي انا وصلتله دلوقت
( قطعته في الكلام )
غرام : من حرا/م كل اللي بنيته ده كان من حرا/م ياعز
الحر/ ام مابيدومش واخرته وحشه .. طيب على الاقل فكر فيها انت مستمتع بحياتك دلوقت
عصابا/ت وحر/وب وشغل ما/فيا واس/لحه كل ده عشان ايه وليه فين راحه البال في كده
عايش في ڤيلا .. راكب عربيه احدث موديل ومعاك فلوس في البنك صح
بس مهدد بالخ/طر في كل لحظه ممكن في لحظه ماتبقاش موجود واعدا/ئك كتير ومش محبوب
الرائد مروه بتتمنى تمسك عليك اي غلطه عشان ترميك في السجن وعيله المنفلوطي ورجالته مش هيسييبوك بعد ما قت/لت زعيمهم مافكرتش في كل ده لاء وكمان جايبنا هنا علشان صفقه جديده امتى هتفوق بقى ياعز امتي هتعيش حياتك مرتاح وراضي باللي عندك أمتي هتبقى عايش انسان طبيعي حواليك ناس بتحبك .. بتحبك وبس
( اداها ضهره وبيتكلم بنرفزه )
عز : بحاول .. بحاول ياغرام بس انتي اللي مش شايفه اني بحاول عشانك
( قربت خطوه ووقفت ورا ضهره )
غرام : مش عشاني عشان نفسك ياعز .. لازم في الاول تتغير عشان نفسك مش عشان حد .. انا لو طلعت من حياتك او جرالي حاجه او حتى م/ ت
( لف وشه بسرعه وبصلها وحط ايده على بوقها قبل ما تكمل الكلمه وبصلها في عيونها )
عز : اوعي تقولي الكلمه دي تاني
الحياه من بعدك ماتبقاش حياه
( غرام بعدت عنه خطوه ونزلت ايديه من على بوقها )
غرام : الظاهر انك ماتعرفش يعني ايه حب بجد .. انت ماحبتنيش انا كنت مجرد واحده اقتحمت حياتك مش اكتر والظاهر اني هنسحب من حياتك بدرى اوي ياعز
( كلمه انه مابيحبهاش اثرت فيه جدا وبقي بيتكلم بغ/ضب اكبر وفي نفس. الوقت كان هادي اوي)
عز : بتقولي اني مابحبكيش صح واحد زيي انا عز القدرى نسي كل حاجه حصلت في يوم
الاغتصا/ب من خمس شباب
( ضرب بأيديه على صدره بقوه )
عز : ومنهم اخوياا ..
وكذبك عليا عشان تنقذي اختك وماوثقتيش فيا ومهانش عليكي حتي تقوليلي باللي حصل معاكي وانتي كل ده بتخدعيني وانا بعد كل ده سامحتك مع اني مابعرفش اسامح اللي خان ثقتي في يوم كنت حاطط لنفسي قواعد وقوانين ماشي عليها ومكانش حد يقدر يكسرها الا انتي ياغرام جيتي وكسرتي كل القوانين اللي كنت حاططها لنفسي وكنت ببقى مبسوط
كنت ببقي مبسوط عارفه ليه ؟
عشان انتي اللي بتكسريها مش حد غيرك وبعد كل ده جايه تقولي اني مابحبكيش انا عمرى ما حبيت ولا هحب حد قد ما حبيتك في يوم انا حبيتك وعندي استعداد ابيع الدنيا كلها عشانك
بس لو حبي ليكي ياغرام هيخليكي تتحكمي فيا وتلعبي بيا وكل شويه تقوليلي هسيبك ونسيب بعض وقتها بس .. وقتها بس هحط قلبي تحت رجلي وادوس عليه ولا انى اخلي واحده في يوم مهما كانت غلاوتها في قلبي تخليني لعبه ما بين ايديها العشق عمره ما كان كده ياغرام وانتي اكتر واحده عارفه كده كويس..
( اداها ضهره وجه يمشي من على الكوبري داست على شفايفها ونطقت )
غرام : عندك استعداد انك تثبت كلامك اللي بتقولوا ده
( عز وقف وهو مديها ضهره )
غرام : عندك استعداد ان احنا نمشي من المكان ده النهارده قبل بكره اللحظه دي قبل التانيه
عز : لو ده اللي هيخليكي تقتنعي اني بحبگ فأكيد عندي
( ابتسمت )
غرام : أمتى
عز : حالا لو حابه بس خليكي عارفه اني لو مشيت وما اخدتش الصفقه من داغر هخسر كل حاجه وهبدأ من جديد
( وقفت قدامه وهي مبسوطه )
غرام : وانا عندي استعداد نبدأها من الاول بس تكون بالحلال سوا أرجوك وافق ياعز ..
عز : ماعنديش اغلى منك عشان ابيع اللي بنيته من سنين عشانه
( غرام ابتسمت وبصيتله واترمت في حضنه وهي بتعيط )
( عز حضنها وقرب منها اوي )
عز : ماتبعديش عن قلبي تاني عشان حضنك واحشني اوي
————————–( بقلمي مآآهي آآحمد )——————–
( يزن كان ماسك ايد ساره وقاعد جنبها وهي نايمه على السرير وبيبص لملامحها البهتانه اللي واضح جدا اثار
التعذيب من العربي وحسام )
(بيبص لقى خصل من شعرها نازله ع وشها مد ايديه وبالراحه جدا بقى يرجعلها الخصل اللي نازله من شعرها لقى شعرها ناشف ود/ مها ناشف عليه بص شمال ويمين بالراحه اوي لقى كوبايه على الكومود ساب ايد ساره بالراحه اوي وجاب الكوبايه ودخل الحمام فتح. الحنفيه وجاب شويه مايه وفوطه وبقى يبلل الفوطه بالمايه ويحطها على شعر ساره الناشف والفوطه للاسف تمسح المايه بد/ مها )
( اتنهد وهو زعلان عليها اوي وعلى اللي حصلها وبقي يكلمها وهي نايمه )
يزن : مش معنى انتي ياساره اللي تشوفي العذاب ده كله ؟
( مد ايده مره تانيه عشان يمسحلها شعرها بالفوطه ساره فتحت عنيها وبصيتله )
( بابتسامه ظهرت بجانب شفايفه )
يزن : صحيتك.. انا اسف مكانش قصدي بس
( قطعته في الكلام )
ساره : انا نمت قد ايه ؟
يزن : مش كتير ساعتين مش اكتر
ساره : ياااه ساعتين بحالهم
( يزن استغرب )
ساره : مستغرب ليه ؟
يزن : مكنتيش بتنامي هناك وانتي
( قطعته في الكلام )
ساره : ايوه .. هتصدقني لو قولتلك اني كنت بخاف انام
( شاور ب راسه من فوق لتحت )
يزن : اكيد مصدقك .. عارف انك عيشتي ايام صعبه
ساره : وعارفه ان انت كمان عشت ايام اصعب
يزن : كنتي بتشوفيني
ساره : كنت بشوف كل حاجه حواليك الا انت بس كنت بسمع صوتك وانت بتكلم عمار
( بابتسامه سخريه )
او بتشتمني مع رعد .. وقد ايه انت ندمان على اللي حصل عشان اختارتني
( هز راسه شمال ويمين وهو بيتريق على نفسه )
يزن : كنت عبيط اوي انا صح
( هزت راسها بالرفض )
ساره : تؤ .. كنت صادق اوي في مشاعرك وقتها
يزن : مكانش ينفع اصدق انگ خاينه
ساره : ولا كان ينفع انگ تختارني بدل ميرا
يزن: مكانش بأيدي اني مختاركيش ياساره
بس كانت صدمه لما اختارتك ورفعتي ايدك بكل برود وقولتيلي كنت عارفه انك هتختارني
ساره : كان لازم اعمل كده .. كان لازم اصدمگ فيا
( اتنهدت وعدلت نفسها ولسه بتقوم عشان تقعد من غير قصدها ايديها خبطت في الكوبايه اللي في ايد يزن وقعت المايه وقعت على تي شيرت يزن شهقت وحطت ايدها على بوقها وهي شايفه هدومه كلها بقت بالمايه بقت تضحك عليه وصوت ضحكتها بقى عالي )
( يزن قام من جنبها وهو بيحاول يبعد التي شيرت من على جسمه من كتر ما الدنيا ساقعه )
يزن : عجبك كده اضحكي بقى اضحكي
ساره: ايوه بضحك عندك مانع
( يزن شد التي شيرت بتاعه من الرقبه مره واحده وبقى من غير هدوم واداها ضهره )
يزن : هجيب تي شيرت وجاي حالا ..
( لسه هيتحرك )
مش هتأخر عليكي ما تتحركيش
ساره : مش ناوي تقولي مين السبب في الجرو/ح اللي في ضهرك
(لف وشه ليها بالراحه اوي ومسك ايدها وقرب ايديها من شفايفه وباس صوابع ايديها اللي كانت بتمررها على جرحه
ساره ابتسمت ليزن وهي بتبصله في عنيه واتحرجت وبصت في الارض اتنهدت وشدت ايديها من ايديه وادته ضهرها )
يزن : لو عايزه تعرفي سبب جرو/حي لازم تقعي في حبي قبلها
( ابتسمت ابتسامه خفيفه ونبضات قلبها زادت عن حدها )
يزن : اخر كلمه سمعتها منك كنتي بتدعي ربنا انه يطلعني من قلبگ
( ابتسمت )
يزن : اتمنى ان ربنا مايكونش استجاب لدعاكي
( بصت في الارض وهي مكسوفه ووشها بقى احمر اوي )
ساره : انت شايف ايه ؟
يزن : شايف بنت زي القمر والكسوف لايق عليها
تعليقات
إرسال تعليق