رواية روح الفهد (كاملة جميع الفصول) حصريا عبر كوكب الروايات بقلم بسملة احمد
رواية روح الفهد الفصل التاسع 9
البارت التاسع
تستيقظ روح بتعب وكسل وتاخذ دوش وتنزل تحت
روح باستغراب: هما راحوا فين باينهم لسه نايمين انا هروح اتدرب انا
وراحت لغرفة التدريب
روح ودخلت للاوضه بس اتفاجأت بيهم بيتدربوا وعماد وجاك بيلاكموا بعض
روح: انتوا بتتدربوا من غيري
قاسم: انتي اللي قايمه متاخر
روح: لا بجد طب هيا الساعه كام وطلعت تليفونها وانصدمت الساعه 2 وفي نفسها: هو انا نمت كل ده
قاسم: متنصدميش كده وتعالي يلا اتدربي معانا
روح : حاضر
وبدات تتدرب معاهم
وبعد شويه نزلت تحدي مع قاسم
وبداو التحدي
قاسم وروح كانوا الاتنين بيلعبو بمهاره وبسرعه
روح ضربت قاسم بس قاسم صد الضربه وقاسم جيه يضربها هي صدت الضربه بسرعه ووقعته قاسم وقف ورجع تاني وبدا يضرب وهيا تصد وروح بتضرب وهو بيصد
جاك: عاش يا وحش
عماد: عاش يا فهد
روح وقاسم تعادلوا لان مفيش حد فيهم قدر يخسر التاني
روح: شايفاك اخدت بالنصيحه
قاسم: كنت مفكرك اقل كفاءه بس اتعلمت
روح: بالتوفيق يا فهد
وكملوا تمرين وبعد ساعتين من التمرين المتواصل دون راحه نراهم الاربعه يتسطحون علي الارائك بتعب
جاك: دي روح ارحم منك في التدريبات يا شيخ ايه ده
عماد: ومين سمعك ده مبيرحمش ده كده احسن من الخمس ساعات تدريب اسكت
روح: لا بجد انتوا بتقعدو خمس ساعات تدريب انت بتموتنا يا قاسم ولا ايه
قاسم: هو كده
روح: انا مش قادره احرك صباعي حتي حرام كده يا قاسم والله
قاسم: اعمل ايه طيب دي تدريبات
روح: تدريبات بدون راحه وتلت ساعات بنتدرب يا قاسم
قاسم: خلاص هفكر في الموضوع ده
روح: انا هطلع اخد دوش وهنزل علشان نشوف الاكل
عماد: وانا بس لما ابقي اقدر اقوم
جاك: وانا كمان
وطلعت روح وفضلوا التلاته قاعدين تحت وبعد شويه روح نازله علي السلم وقعدت جمبهم
روح: هتاكلوا ايه
وكانوا هيردو بس قاطعهم صوت الجرس
قاسم: انا مش قادر حد يقوم يفتح
جاك: ولا انا
روح: ولا انا
عماد: خلاص هقوم انا
وقام فتح الباب ودخل باستغراب
عماد: في حد عايزك يا روح
روح وبصت ورا عماد وضربت راسها: اوبس نسيت خالص
قاسم: هو في ايه
روح وبصتلهم وبصت لعماد : هو بسبب اللي الاستاذ عماد عمله امبارح قررت اني هجيب حد يساعدني
قاسم بصلها شويه وبعدين بص للبنت وروح فهمت
روح: وعلفكره اونكل سعيد هو اللي باعتها انا كلمته امبارح
قاسم: تمام
روح للبنت: تعالي اقعدي معانا
البنت: لا شكرا يا مدام
روح: انا اسمي روح ومتقوليليش مدام وتعالي اقعدي معانا
البنت راحت قعدت جمبها
روح وبصتلهم: تاكلوا ايه
جاك: انتي عارفه
روح ضحكت: بيتزا
جاك: بالظبط كده انا طالب من امبارح
عماد: انا بقي عايز كفته وجمبها سلطة خضار
روح: من عيوني وبعدين
روح: وانتي يا ليلي
ليلي بصتلها: انا مش عايزه
روح: مفيش حاجه اسمها مش عايزه هتاكي ايه
ليلي: اي حاجه
روح: ليلي
ليلي: ما انا مش عايزه
روح بصت لقاسم اللي قاعد هادي
روح: وانت يا قاسم
قاسم: اي حاجه من ايدك حلوه
روح اتكسفت ووشها احمر وبصت في الارض
جاك: لو مفيهاش اساءه يا قاسم بس خلي بالك احنا هنا
قاسم ومسك مخده من جمبه وحدفها علي جاك: وانت مال اهلك انت مراتي
جاك وهو بيقلد روح وبيبص علي عماد اللي جمبه: تاكل ايه يا قاسم
عماد: اي حاجه من ايدك حلوه
وبعدين جاك بص في الارض وبيقلد روح
روح: بقي كده يا جاك وطلعت عنده وهو طلع يجري
جاك: خلاص خلاص
روح ووراه مسكته: شكلك مش ناوي علي خير من اول ما جيت وانت ماسكني خناق وانا بصراحه ميرضنيش مردش عليك يا جاك ده انت جاكي بردو وعطتله بوكس خفيف في بطنه
جاك: مفتريه
روح ومتجهه ناحية المطبخ: خلاص المفتريه مش هتعملك البيتزا
جاك وجري عليها: لا خلاص هموت واعرف بتعمليها ازاي المشكله ان البيتزا بتاعتك لا تقاوم حتي بابا مبيعرفش يعملها كده
روح: بس هي مش طريقتي دي طريقة ماما كانت بتعملهالي وانا صغيره وكنت بحبها اووي من ايدها وكانت قالتلي بتتعمل ازاي
قاسم لتغيير الموضوع: انا هساعدك يا روح
روح بصدمه: انت هتدخل المطبخ بجد
قاسم وندم علي تسرعه: ما هو اصل مش عارف هو هساعدك وخلاص
روح: تمام عادي
ودخلت المطبخ كلهم
وروح بدات تشتغل والبنت ساعدتها وبعد شويه خلصو
روح: خلصت حولوا الاكل بقي
وبداو التلت شباب يحولوا الاكل وروح طلعت برا وقعدوا علي السفره
روح: يا ليلي تعالي
ليلي جت: نعم يا هانم
روح: رجعنا تاني يا ليلي انا اسمي روح والله مش هانم ولا مدام
ليلي: خلاص نعم يا روح
روح: ايوة كده تعالي يلا علشان تاكلي معانا
ليلي: بس يا هانم اظدي يا روح
روح: اقعدي كلي من غير نقاش
ليلي قعدت وروح قعدت جمب قاسم
وكلوا فتح الطبق بتاعه
جاك: بقالي زمان مشمتش الريحه دي يا روح من ساعت ما سافرتي
روح ضحكت
عماد: واو بجد ريحتها حلوه اووي وطعمها احلي ياروح
روح: بالف هنا
قاسم فتح طبقه وبعدين بص لروح وضحك: انتي عرفتي ازاي
روح: فاكر لما ماما عملتهالك وانت فرحت اووي انها عملتها عرفت ساعتها انك بتحبها
قاسم: شكرا شكلها حلو واكيد طعمها احلي
روح: يلا بالف هنا
وبداو ياكلوا بهدوء وبعد شويه خلصوا اكل
وروح وليلي اشتالوا الاكل وعملوا القهوه وطلعوا برا
ريم رنت علي روح
روح حطت القهوه وردت
روح: ريمو وحشتيني
ريم: لا لا انا زحلانه من ساعت ما سافرتي يا كلب البحر ومعبرتينيش برساله
روح: انا قابلت سهي ونهي
ريم: بجد وحشوني اووي
جاك: طيب وانا يا ريم الكلب مفيش حد هيعبرني في الاخر نسيتوني
ريم بصدمه: جاااااك روح وعطت التليفون لجاك
ريم: انت رجعت
جاك: ايوة مالك مصدومه كده
ريم: ولا مصدومه ولا حاجه يا حج بس وحشتنا والله ابغي اجولك ان شلتنا كانت ناقصه من غيرك
جاك: مبحبش اتكلم عن نفسي كتير
ريم: طب يلا من هنا
جاك: غوري يا بت وعطي التليفون لروح
روح: انتوا ان ماناقرتوش بعض بيحصلكوا حاجه
ريم: عيب عليكي وبعدين فين اخويا
روح عطيت التليفون لقاسم
ريم بصوت عالي: اخووووييياااااااا
قاسم بضحك: قلب اخوكي تصدقي وحشتيني
ريم بطريقه دراميه: وحياتك انا لسه بحبك بس انت اللي اختارت الفراق
قاسم: يا بنتي اعقلي شويه
ريم: قول الكلام ده لحد تاني يا قاسومتي
قاسم: امال فين ماما
ريم: مامي مع البوب بتاعك مبيقدرش يسيبها دقيقه واحده
قاسم: طيب انزلي تحت علشان وحشوني
ريم: عيوني
ونزلت تحت وعطيت التليفون لمامتها
قاسم: سوزي وحشتيني
سوزان: وانت وحشتني انت وروح جدا
عبدالرحمن: علي فكره انا هنا
قاسم: لاما انا امي وحشتني وانت وحشتنا يا بوب
عبدالرحمن: انتوا مش ناويين ترجعوا ولا ايه
قاسم: هنرجع بس لما نخلص اللي جينا علشانه
سوزان: امال فين روح يا قاسم
قاسم فتح الكاميرا وروح وقفت وراه
روح: ازيك يا ماما
سوزان: الحمدلله يا روح وانتي عامله ايه
روح: الحمدلله
عبدالرحمن : ازيك يا روح
روح: الحمدلله يا عمو عامل ايه
عبدالرحمن: الحمدلله يا روح عمك كلمتي جدك وباباكي
روح: لا مكلمتهمش
عبدالرحمن: ابقي كلميهم يا روح علشان كانوا بيسالوا عليكوا النهارده
روح: حاضر يا عمي
سوزان: امال فين عماد
عماد: نعم يا ماما
سوزان: عامل ايه عمده
عماد: الحمدلله يا ماما
عبدالرحمن: عامل ايه يا عمده
عماد: بخير يا بابا
واتكلمو شويه وبعدين قفلوا
روح اخدت التليفون ورنت علي باباها
روح: السلام عليكم يا بابا
الاب: وعليكم السلام يا روحي
روح بضحك: مالك يا ميدو قلقان من ايه
الاب: عملتي ايه في الطياره انا عارف انك بتخافي من المرتفعات
روح: معملتش حاجه
الاب: لا بجد
روح: متخافش عليا والله نمت ما حسيتش بحاجه غير وانا علي السرير
الاب: ههه خلاص يا روحي مع اني عارف انك منمتيش واكيد عيطي
روح: خلاص بقي يا ميدو يا عسل بقي سيبك مني دلوقتي انت عامل ايه
الاب: الحمدلله يا روحي
روح: بتاخد علاجك
الاب: ايوة يا روحي
روح: هسأل لو ملقيتكش بتاخده هتلاقيني فوق دماغك بعطيك الدوا يا بابا
الاب: متخافيش باخده
روح: امال فين جدو
الاب: لا ما انا في الشغل
روح: خلاص ماشي هكلمك باليل واتطمن عليك باي بقي يا ميدو علشان اكلم جدو وحشني اووي
الاب: طيب باي بس متنسيش تسلميلي علي قاسم
روح: بابا بيسلم عليك يا قاسم
قاسم: الله يسلمه سلميلي عليه
روح: بيسلم عليك يا ميدو يا عسل
الاب: الله يسلمه
روح: باي يا ميدو
الاب: باي يا روح ميدو
وقفلت معاه واتصلت علي جدها
روح: السلام عليكم يا حبيبي
الجد: وعليكم السلام ورحمة الله وبركاته يا روحي
روح: والله واتوحشت صوتك يا جدي
الجد: والله ما جادر ابعد عنك يا روح وحشتيني يا قلب جدك
روح: وانت وحشتني يا حبيبي والله سلملي علي تيتا وعلي كل اللي عندك
الجد: امال فين جوزك
روح: قاعد اهوا استنا هفتحلك الكاميرا تشوفه وفتحت الكاميرا وراحت عند قاسم
روح: اهو
قاسم: عامل ايه يا جدي
الجد: بخير يا ولدي وانت كيفك
قاسم: الحمدلله بخير طول ما انت بخير يا جدي
الجد: خلي بالك من مرتك يا قاسم
قاسم: روح في عنيا يا جدي
الجد: عارف يحبيب جدك
روح: مالك يا جدو بتتكلم كده ليه في حاجه مخبيها عليا
الجد: مجدرش اخبي يا روحي مجدرش
روح بلغه صعيديه جميله: وروحك مش متطمنه حاساك مخبي حاجه عنيها
الجد ضحك: والله ما مخبي حاجه عنيكي يا روحي
روح ضحكت: ايوة كده
الجد: بحبك لما تتحدتتي صعيدي يا جلب جدك
روح: والله خشمك ده بيطلع جلوب بسبب كلامك العسل ده يا عسل انت
الجد ضحك: وانا بموت في كلامك اللي بينجط سكر يا روحي
روح ضحكت: سلملي علي اللي عندك كلهم يا جدي
الجد: هيوصل يا جلب جدك يلا بقي سلام عليكم
روح: وعليكم السلام ورحمه الله وبركاته باي
الجد: باي
~~~~~~~~
وبعدين بصت لقاسم
روح: هو محدش رن وقالك علي حاجه
قاسم: لا ليه
روح: مش عارفه بس في حاجه حصلت جدو وبابا مش هما حاسه ان في حاجه مخبينها عليا
قاسم: وايه خلاكي متاكده كده
روح بتفكير وتوتر: انا حاسه ان في حاجه وبابا وجدو مش علي طبيعتهم متأكده انهم مخبيين حاجه عليا
قاسم: طيب اهدي واكيد هنعرف لو كده هكلم بابا اكيد عارف
روح: مش هيقولنا علي حاجه هو اكيد عارف علشان قالي اكلمهم بس اكيد بردو جدو محرج عليه انه ميقولش
قاسم: طيب اهدي وهنحاول نعرف يلا
روح قعدت وشربت القهوه بتاعتها وهي شارده
قاسم: خلاص يا روح هحاول اعرف اكيد لو ريم عارفه هتقولنا
روح: خلاص ماشي
روح: بقولك يا جاك انت مش نازل الجامعه ولا ايه
جاك: نازل يا اختي للدرجه دي مش طايقاني
روح: لا بس عايزاك تشوفلي سهي ونهي
جاك: في حاجه حصلت
روح: لا بس كنت عايزاهم
جاك: روح اتصلي عليهم ييجوا هنا وخلاص متشلينيش
روح: كنت عايزاك تروح علشان تجيبهم بالعربيه ياذكي
جاك: ان كان كده ماشي
قاسم: بفكر انقلك ورقك هنا عما نرجع القاهره
روح: وانا كنت لسه هفتح معاك الموضوع ده
قاسم: خلاص يبقي هكلم بابا يبقي يبعتلي ورقك وخلاص
روح: ماشي
جاك: انا هروح اشوف بابا وهعدي علي سهي ونهي اجيبهم بس رني عليهم علشان يوافقوا يركبوا معايا
روح: رنيت عليهم من زمان
جاك: تمام انا هروح لبابا عايزه حاجه
روح: لا بس سلملي عليه
جاك: الله يسلمك
روح: انا زهقانه
قاسم: عايزه تعملي ايه
روح بتفكير: هقوم اعمل كيك واطلع ازاكر شويه
قاسم: تمام
روح دخلت المطبخ ومعاها ليلي
~~~~~~~~~~
روح: بتحبي الكيك بطعم ايه يا لولو
ليلي: الفراوله
روح: وانا بالشيكولاته يبقي نعمل اتنين
ليلي باحراج: بس انا مش عايزه
روح بطيبه: يابنتي مالك طب نتفق علشان منزعلش من بعض بصي انا اسمي روح وانتي يعتبر اختي يا ليلي انتي مش خدامه هنا انتي زيي زيك انتي بتساعديني تمام ده يعتبر بيتك زي ما هو بيتي فبلاش يا هانم ويا مدام لا انا روح وانتي ليلي خليكي علي طبيعتك معانا كلنا هنا واحد مفيش فرق بينا
ليلي: تمام يا روح
روح وبتدور علي الشيكولاته: يا قاسم
قاسم: نعم
روح: فين الشيكولاته بتاعتي
قاسم ضحك: يا بنتي انتي طفله
روح بتذمر: ملياش دعوه عايزه شيكولاته
قاسم: خلاص خلاص انا عامل حسابي في تلاجه صغيره في اوضتك عند السرير هتلاقي فيها الشيكولاته والنوتيلا والبيبس والشيبسي في دولاب صغير كده هتلاقيه فيه
روح بطفوليه: شكرا وطلعت تجري لفوق
قاسم طلع وراها بضحك: براحه هتقعي
روح وجابت نوتيلا وشيكولاته: شكرا وخد شيكولاتايه علشان افتكرتني
قاسم: شكرا
روح ودخلت المطبخ: عفوا
روح راحت وطلعت المكونات بتاعت الكيك وعطيت شيكولاته لليلي
روح: اتفضلي يا لولو
ليلي: شكرا وبداو يعملوا الكيك وحطوه في التلاجه
وطلعوا برا
روح طلعت وكانوا جاك ونهي وسهي داخلين نهي وسهي جريوا علي روح: وحشتينا
روح واختل توازنها وكانت هتقع بس قاسم مد ايده ومسكها
روح: هموت يا كلاب
نهي وسهي وقفوا وقاسم وقف روح
روح: كنتوا هتوقعوني مالكوا كنت لسه معاكوا امبارح
نهي:وحشتينا يا اسطا
جاك: يا اسطا يا بنتي مش ناويه تعقلي في بنت تقول يا اسطا
نهي: جاك اطلع انت منها ومش هعقل انا كده
جاك: مجنونه
روح : بتقول حاجه يا جاكي
جاك: لا ياspiritual
قاسم: بتقول حاجه يا جاك
جاك بخوف: لا خالص ده انا بقول لا يا نهي
سهي: اخيرا لقينا حد يخوفك غير ليفاي وبعدين استوعبت انها زكرت اسم ليفاي: انا اسفه يا جاك
جاك: عادي يا سهي
روح: تعالي يا سهي واخدتها وطلعت فوق ونهي طلعت وراهم ومعاها ليلي روح اخدتها علي اوضتها
والكل تحت مستغرب
~~~~~~~~~
اما في اوضة روح
روح: عيطي يا سهي عيطي
سهي فضلت تعيط وبدات تتكلم: وحشني اووي يا روح وحشني اووي مش عارفه هو فين من ساعة ما اختفي وانا خايفه حاسه بشعور غريب وبحلم كل يوم بيه ببقي في مكان عتمه وشخص مربوط علي الكرسي ولما اقرب منه بكتشف انه هو كل يوم بيجيلي بليل بس مبيتكلمش مش عارفه هو فين يا روح عايزه اشوفه وحشني شكله وعنيه اووي يا روح وحشني اووي يا روح
طول عمري كنت بسمع عن وجع الحب بس مجربتوش يا روح بس دلوقتي جربته مش عارفه اعمل ايه
روح بعياط: خلاص يا حبيبتي هو بخير
سهي: بس مش هطمن غير لما يقف قدامي يا روح قلبي مش هيتطمن غير لما اشوفه ويكلمني مكنتش عمري افكر اني احب يا روح بس لما جربت حاسه بوجع بياكل في قلبي يا روح كنت متعوده اشوفه كل يوم قدامي وفجاه اختفي من قدامي بقالي سنه ملمحتش طيفه حتي ياروح وحشني اووي
نهي قعدت وهي بتعيط: خلاص يا سهي متوجعيش قلبنا كفايه
سهي: مش قادره يا نهي والله قلبي في نار يا نهي مش عارفه بقاله سنه مشوفتوش يا نهي معرفش هو عايش ولا وعيطت
روح: والله عايش يا سهي عايش وبخير
سهي بلهفه: طب هو فين يا روح
روح: معرفش بس اكيد بخير يا سهي
سهي بعياط: بس انا عايزه اشوفه يا روح عايزه اشوفه بس
روح: والله هيرجع وقريب ان شاءلله يا حبيبتي
سهي فضلت تعيط شويه وهما بيعيطوا معاها
روح بصرامه: سهي بطلي عياط خلاص كفايه سهي فضلت تعيط
روح: انتي مش ضعيفه يا سهي كفايه عياط خلاص بطلي عياط
سهي وقفت ومسحت دموعها وبصت لروح: انا مش ضعيفه انا هقدر اعدي منها انا مش ضعيفه انا سهي وسهي مبتسمحش لحاجه تكسرها ولا تضعفها سهي قويه ومش هتعيط
روح: عارفه يا سهي انك موجوعه بس استفادي من الوجع ده بانك تتقدمي مش تقعدي وتعيطي
سهي: شكرا يا روحي
روح: بس يا بت انتي اختي وبعدين بصت لنهي: وأنتي يا اختي بتعيطي ليه ماهو متلقح تحت اهو
نهي: يا شيخه اسكتي لسه راجع من السفر ولما رجع جاي يناقر فيا
روح ضحكت
نهي بغمزه: سيبك مننا وخلينا فيكي شكلك وقعت يا معلمي ولا ايه
روح: لا ولا في اي حاجه
نهي: عليا انا بردو
روح ضحكت ووشها احمر
نهي: والله وقعتي
روح: بس يا بت كفايه
روح: انتي بتعيطي ليه انتي كمان يا ليلي
ليلي: لا بس اتأثرت
روح: طيب اعرفكوا ليلي نهي وسهي دي اختنا الجديده وهنقفل خمسه
نهي: القعده دي ناقصها ريم
روح: لسه مكلمينها تعالوا ننزل نشوف بيعملوا ايه
ونزلوا تحت
~~~~~~~~~~~
اما تحت قبل ربع ساعه
جاك لقاسم: حبيتها
قاسم بصله بشرود: مش عارف
جاك: انا روح اختي وامي في نفس الوقت سواء حبيتها ولا لا بس انا قدامك اهو يمكن بتشوفني بهزر بس بلاش تزعل روح لان روح لو زعلت مش عارف هعمل ايه يا قاسم انا عارف انك بتحبها باين عليك بس اوعي تزعلها
قاسم: سواء بحبها او لا بس روح في عنيا يا جاك بس انت اللي شكلك واقع
جاك بتوتر: نعم
قاسم: نهي
جاك: لا خالص
قاسم ضحك: باين عليك اووي
جاك: للدرجادي وبعدين بص لعماد وانت مش ناوي
عماد: مش ناووي ايه
جاك: مش ناووي تحب
عماد شرد شويه وسكت
قاسم بصله وضحك
ونزلوا البنات
روح: بقولكوا ايه انا رايحه اشوف الكيك واجيب بيبس واجي
ودخلت جابت كيك وصبت البيبس وحطتلهم
جاك: اللي ناقصنا ريم في القعدة دي
روح ضحكت: نفس الكلمه اللى نهي لسه قايلاها استنوا ارن عليها فيديو ورنت عليها
ريم: عااا وحشتوني
نهي: وحشتينا يا كلب البحر
ريم: شقّي وحشني والله
نهي: وحشتيني وحشتيني وحشتيني
ريم: والله وانتوا وحشتوني خالص قاااسسسم
قاسم: نعم
ريم: بقولك ابوك عايز ياخد امك ويسافر
قاسم: هو البوب مش هيريحنا خالص
ريم: بص بقولك والله عايز يطردني ويفضل مع امك والله
قاسم ضحك: اقسملك بايه انه عملها فيا
ريم: لا بجد طب وروحت فين
قاسم: كنت ببات عند عمده
ريم ضحكت: انا متوقعه شكلك وهو بيقولك برا
قاسم: بس انتي اكيد فضلتي تحضني في امك قدامه وتغيظي فيه
ريم: وانت عرفت ازاي
قاسم: ما انا كنت بتطرد بسبب كده اني بحضن في سوزي وبغيظ فيه
ريم ضحكت: لا بجد طب وماما كانت بتقول ايه
قاسم بضحك : سوزي كانت تفضل تتحايل عليه وهو يقول والله ما هيبات هنا الليله
ريم: اقسم بالله احنا عيله طاقّه ومجانين
قاسم: وانتي اكبر مجنونه في العيله يا ريموا
ريم: عيب عليك يااسطا
قاسم: يااسطا هو انا ليه حاسس اني بكلم واحد صاحبي يا ريم يا حبيبتي
ريم: روح
روح: عارفه الكلمه اللي هتقوليها روح لمي جوزك
ريم: الله ينور عليكي
روح لقاسم: صحبيتي ملكش دعوه بيها يا قاسم
ريم: ايوة كده يا روحي يا عسل انتي
روح: قلب روحك يا ريمو
قاسم: طب اقعدي ياختي انتي وهيا انتوا اتتفقتوا عليا ولا ايه
روح: لا خالص وكملوا سهرتهم وناموا بسلام
Basmala Ahmed
•تابع الفصل التالي "رواية روح الفهد" اضغط على اسم الرواية
تعليقات
إرسال تعليق