رواية العشق الابدي كاملة بقلم لبنى دراز عبر مدونة كوكب الروايات
رواية العشق الابدي الفصل الثامن 8
فـ المدافن
بعد مرور كام يوم ع اللى حصل لـ عبده دخل له سمير الحوش عشان يطمن عليه
سمير:: عامل ايه دلوقتي يا جن
عبده:: كويس الحمدلله..
شوية و قام سمير وقف الكاميرا ع وقت معين عشان يبان للى بيراقبهم كأن عبده نايم وسمير بيغيّر له ع جرحه
سمير:: انا عطلت الكاميرا .. طمنى عليك يا باشا مالك فيك ايه
فارس:: بتعب .. الجرح واجعني اوي مش قادر اتحمل نتيجة العلاج الغلط.. حاسس انه وارم ..كان لازم دكتور يعقّملى الجرح..
سمير::طيب وريني كدا.. وفعلا شاف الجرح لاقاه ملتهب جدا و وارم.. غيّر له عليه و أداله مسكن و كمان مضاد حيوى عشان يساعد ع علاج الجرح
فارس::بألم.. خلاص يا سمير المسكن والمضاد هيخففوا الوجع ده خلينا في المهم
سمير:: معاك يا باشا
فارس:: اولا امسك الجهاز ده كدا..و أداله كاميرا حديثة صغيرة جدا ع شكل زرار قميص.. ركبه فـ هدومك ماتخليهوش يبان
سمير::ايه الجهاز ده يا باشا
فارس:: دى كاميرا متوصلة بالموبايل بتاعي و اللى هيتم تصوير كل حاجة بتحصل صوت و صورة من خلالها من غير ما حد يحس بحاجة وياريت توصلها بـ موبايل سيف كمان وفـ نفس الوقت حط فـ ساعة ايده مايك متوصل بسماعة فـ ودن سيف
وبعدها اتصل بـ سيف
سيف::معاك يا فارس
فارس::اسمعنى كويس يا سيف سمير هيوصل تليفونى و تليفونك ببعض عشان تقدر تشوف و تسمع اى حاجة هتحصل فـ نفس الوقت
سيف::تمام يا فارس ..ربنا معاك
فارس:: يااارب.. خليك ع استعداد و جهز الرجالة بمجرد ما أعرف ساعة الصفر نتحرك ع طول.. وقفل مع سيف وبص لـ سمير يلا نفذ اللى قولتلك عليه
سمير::تمام يا باشا..بس شكل الفترة الجاية هتبقى صعبة اوى
فارس::ربنا يستر.. لـ أخر مرة بسألك انت متأكد أنك هتكمل معايا ؟؟
سمير:: أكيد يا باشا ..بقى بعد ماتنقذنى من الوحلة اللى وقعت نفسى فيها وتخلينى احس ان بقى ليا قيمة و ارجع تانى الابن اللى بيتمناه أى أب معقول ما كملش معاك
فارس::بتحذير..مش محتاج أفكرك.. لو فكرت تغـ در او تلعب عليا ساعتها مش هرحمك
سمير:: لا والله يا باشا انا معاك وعمري ماهغـ در بيك ده انا افديك بروحي
فارس::تمام يا سمير و تاني حاجة خلى بالك من نفسك زي ما انت شايف احنا فـ وسط عش الدبابير.. فـ كل خطوة لازم تكون محسوبة كويس.. ويلا شغل الكاميرا تاني و أخرج لهم و لازم تتكلم قدامهم انك بتكرهني جدا ومش طايقنى
سمير::خرج و نفذ كلام فارس بالحرف بعد ماقفل باب الحوش وراه
محروس:: ايه ياض بتعمل ايه كل ده عند الزفت اللى اسمه عبده
سمير::بغيظ متدارى..يعني هكون بعمل ايه يا محروس .. بغيّر له ع الجرح..زى ما أمر المعلم حسونة .. انا مش عارف المعلم متمسك بيه ليه يأخى ..أمتى يجى اليوم اللى نخلص منه بقى ..ده انا بكرهه من اول ما حط رجله فـ المدافن وشوف دلوقتي المعلم أمرنى انا اللي أعالجه
محروس::بغِل..مش لوحدك اللى بتكرهه..ده من ساعه ما جه و هو واكل الجو بس ع مين ده انا محروس.. وحياتك يا سمير بكرة يعدي بس و أحـ رق لك قلب المعلم عليه
سمير:: بخبث وانا معاك قولي بس اعمل ايه وانا هنفذ ع طول من أيدك دى لـ أيدك دى
محروس::طبعا انت معايا و هنقرا الفاتحة عليه قريب.. بس يلا بينا دلوقتي علشان هننزل النفق اللي فـ بطن الارض علشان فيه اجتماع تحت مهم
سمير::يلا ياكبير.. وبهمس لنفسه.. بس الفاتحة دي هنقراها ع روحك يا محروس الكـ لـ ب انت و شوية البها يم اللي برا دول ..ربنا يحميك منهم يا فارس بيه
فارس::بعد ما خرج سمير من عنده قعد بتعب ع السرير بيرتب افكاره وفجأة ظهرت صورة حلم قصاد عينيه ..وجواه حاسس انى مش راجع نفسى أشوفك و أقولك قد ايه وحشتينى و وحشنى منك كلمة مستفز ..اااااه يا حوووررر ..لو تعرفى انا بحبك قد ايه ..
كم تمنيت أن أقولها! كم تمنيت أن تشعري بها ليتني أستطيع أن أكتبهاّ وعلى جدران قلبك أحفرها…ليت إحساسي حبر و سماءك ورق وعلى قمرك أرسمها…أحبّك. .. فاق من شروده ع رنة موبايله بتعلن عن فيديو مباشر من سمير
بقلمى✍️_________________لبنى دراز
فـ نفق تحت الارض بيتم فيه اجتماعات حسونة مع الناس الكبيرة اللى بتتعامل مع الما ڤيا
محسن::الراجل الكبير بالنسبة لـ حسونة..بجدية..ياريت الكل يقعد و يسمع الكلام اللي هيتقال كويس ويركز فـ كل كلمة
محروس::بهمس..مين الناس دول يا معلمى و ايه الكلام المهم ده اللى هيتقال
حسونة:: بنفس الهمس ..هس انكتم ياض الناس دى قرصتها والقـ بر اسمع وانت ساكت وما تتكلمش كتير
محسن::بعصبية..انا قولت الكل يقعد و يسمع مش يررررغي.. اللي حصل في العملية اللي فاتت لو أتكرر تاني انا هدفـ نكم مكانكم مش هرحم حد فيكم مفهوم .. العملية اللى فاتت حاجة واللي جاية دى حاجة تانية خالص.. الناس اللي موجودين هنا مش رجالتي و بس.. لا دول رجالة ناس مهمه و تقيلة فـ البلد و دلوقتى الراجل الكبير هيتكلم و يقولكم هو عمل الاجتماع ده ليه
محروس::بأندهاش..هو مش أنت الراجل الكبير يا محسن بيه
محسن::لأ يا محروس الراجل الكبير يبقى المُقنع و ده من الناس المهمه و التقيلة أوى سواء فـ البلد او تبع الناس اللى برة فـ هو اللي هيحكي بنفسه كل حاجة عن العملية ..اسمعوه كويس و ركزوا معاه و شاور له يتكلم ..أتفضل يا ريس
المُقنع::اول حاجة لازم تعرفوها ان الشغل معايا مش سهل بمعني ان اللي هيغلط في حاجة هامحي اسمه من الدنيا..
محسن::بيكمل.. العملية دي مش هتبقى سـ لا ح و بس لأ ده كمان مخد ارات بكميات كبيرة ..بمعنى أصح هنحط فيها كل فلوسنا يعنى ما عندناش أى استعداد لـ الخسارة انا والناس دي عشان كدا جمعتكم كلكم النهاردة.. و الباشا هيشرح لكم العملية بنفسه وبعد كدا اللى هيغلط ما يلومش غير نفسه لان أى غلطة بـ عُمر اللى غلط
كلهم ملاهم الخوف والرعب من المُقنع لما ابتدا يتكلم و يشرح
المُقنع::العمليه هتبقى بعد يومين بالظبط مكان التسليم هيبقى ع الحدود الشمالية الشرقية و ساعه الصفر هتتحدد فـ وقتها.. رجالتنا كلنا هتنقسم لـ 3 مجموعة..
اول مجموعة هتبقى موجودة هنا و هينقلوا البضاعة اللي هنا..ويطلعوا بيها ع الشرقية
والمجموعة التانية هتحمّل البضاعة اللى فـ المخازن وهيطلعوا بيها ع الصعيد ..أما المجموعة التالتة اللى هتبقى متكونة من حسونه ورجالته مع رجالتي هيتوزعوا فـ الأماكن اللي متحددة للتسليم و التوزيع و مهمتهم تأمين المكان لغاية ما تخلص العملية..والخريطه دي فيها شرح مفسر لـ كل مكان و دي صور الناس اللي هنتعامل معاها.. طبعا انا مش هكون معاكم واللي هيبقي معاكم
حسونة والبهوات بس انا هتابع من بعيد كل حاجة..اظن كدا كل حاجة بقت واضحة قصادكم.. أى استفسار ؟
حسونة::لا يا باشا كله تمام واحنا قد العملية.. وانت برضوا ماتعرفش انت بتتعامل مع مين
المُقنع::بكرة كل حاجة تبان يا حسونة.. اومال فين الواد اللي أتصاب
حسونه:: راقد من يومها.. انا كنت شاكك فيه بصراحة ..بس اثبت غير كدا
محروس:: بقلق.. يامعلم انا قلقان منه شكله مش سهل وممكن يكون عمل كل ده عشان نأمِن ليه وبعد كدا يضـ رب ضر بته
سمير::وانا كمان حاسس بكدا و بتفق مع محروس فـ كلامه
المُقنع::بضحك هاهاهاهاهاهاهاهاها متخافوش اوي كدا كلكم تحت المراقبة..حسونة مش بيتعامل مع اي حد برضوا ..مش كدا ولا ايه يا حسونة
حسونة::بضحك أكيد يا باشا واللي هعرف انه بيلعب بديله من ورايا مش هقـ طع ديله بس لا ده انا هفـ صل راسه عن جسمه
المُقنع::تمام.. كدا الاجتماع خلص كل واحد يرجع مكانه و اجهزوا لـ العملية فـ أى وقت
وفعلا كلهم مشيوا و كل واحد رجع مكانه.
برة النفق
حسونة:: لـ محروس تعال عايزك معايا في مشوار..و خرجوا الاتنين أما سمير راح لـ الحوش اللى راقد فيه فارس و عطل تانى الكاميرا
سمير:: بقلق..شوفت اللي حصل يا فارس باشا
فارس::شوفت و سمعت كل حاجة ما تقلقش.. انت تنفذ اللي هاقولك عليه بعد كدا بالحرف الواحد
سمير:: تمام يا باشا تحت امرك فـ اى وقت
فارس::اتصل بـ سيف بعد الاجتماع بتوتر..الموضع طلع مش سهل وفى وشوش كتير ظهرت بس لسة المُقنع ده اللى مش معروف هو مين.. وشكله مش سهل ابدا.. يعني لازم نعمل الف حساب لكل خطوة بنخطيها و هنقسم نفسنا زيهم بالظبط 3 مجموعات و ننسق مع الجهات المختصة فـ الشرقية والصعيد لغاية ما نلم التعا بين دى كلها و نقضى عليهم
سيف:: تمام وانا من دلوقتي هبلغ سيادة اللوا بالتطورات الجديدة ونستعد في اي وقت للعملية
فارس:: لا اله الا الله
سيف:: سيدنا محمد رسول الله
سمير::انا خايف عليك ياباشا
فارس::ماتخافش طول ما احنا بنعمل الصح وبنحاول نحافظ ع بلدنا ونحميهامن المجرمين.. ربنا هيحمينا و هينصرنا ان شاء الله..
و اه خد بالك لانهم شاكيين فيك انت كمان ..ويلا سيبني وشوف شغلك
سمير:: حاضر وشغل الكاميرا تانى وخرج
فارس:: بهمس اه ياولاد الـ….. والله لا أندمكم ع اللى بتعملوه فـ البلد ده حتى لو كان أخر يوم في عمري
_______________________
فـ ڤيلا المزرعة
نجوى قاعدة مع أمينة و ولادهم أدهم وياسمين وعاليا وحلم وهشام وعزة وأحلام وجلال والبنات وكلهم سهرانين فـ الجنينة قبل ما يسافر أدهم للمؤتمر الطبى بيوم
حلم::بأهتمام..مالك يا خالتو ليكى كام يوم مش عجبانى
نجوى:: مافيش حاجة يا حور
يا حبيبتى ما تقلقيش انا كويسة
حلم:: يا حبيبتى لو تعبانة تعالى نروح المستشفى نطمن عليكى
أدهم:: بمرح ظاهر و خوف مُبهم جواه..طب والله عيب عليكى يا حور يعنى أبنها دكتور و تقوليلها نروح مستشفى
حلم::بهزار..و هو انت أصلا عارف حاجة.. ده انت دكتور ع ما تفرج هههههههههه
عاليا::اوباااا بقى دومى دكتور ع ما تفرج ..يا شماتة ابلة ظاظا فيا
ياسمين::لأ لأ ألحقى قدمي القرابين يا حور عشان يعفي عنك دكتور دومى
أدهم::بس يا خفة منك ليها ليها ..و بلا وعى فينك يا ناصفنى تيجى تاخدلى حقى من القردة و جوز الخيل دول
نجوى::بحزن ..يارب يرجع بالسلامة وحشنى اوى يارب طمنى عليه
عاليا وياسمين وأدهم:: يـــــــــ🤲ـــــــــارب
أمينة:: بحزن ع حال بنت عمها ..ما تقلقيش ان شاء الله يرجعلك بالسلامة ويطمنك عليه
نجوى:: بدموع..غيابه طال يا أمينة وقلبى مقبوض من يوم ما سافر ..قال هيجمع معلومات.. بس لأ قلبى بيقولى انه فـ خطر كبير ومش هيرجع
أدهم::بحنان..أخد أمه فـ حضنه أحنا مش اتفقنا ندعيله و نستودعه عند الله و بعدين يعنى يا أم فارس هى دى أول مرة يطلع فيها مهمة
نجوى::أنا عارفة انها مش أول مرة و لا هتكون أخر مرة ان شاء الله بس قلبى واكلنى عليه
أخوات حلم متابعين الحوار بس مش فارق معاهم أصلا
أحلام::بلا مبالاة..ايه جماعة طالما مش أول مرة يسافر قلقانين ليه بكرة يرجعلكم بالسلامة
حلم::بغيظ منها..معلش يا أحلام أصل انتى ما جربتيش يعنى ايه حد غالى عليكى يبقى بعيد عنك وانتى عارفة ان فيه خطر حواليه…احساس بشع جدا اتمنى ما تجربيهوش
عزة:: لـ حلم أه قولتيلى..وانتى بقى جربتى الاحساس ده يا حور
حلم::بقرف..بصت لـ عزة من فوق لـ تحت و سكتت ما ردتش عليها
شوية وجاى عم عطية بيستأذن
حلم::تعال يا عم عطية خير
عم عطية:: ريزو يا حلم يا بنتى تعبان اوى مش واكل و لا شارب حاجة من الصبح
حلم:: بخضة ع الحصان بتاعها ..ريزو ماله حصله ايه
نجوى::سمعت الاسم و صرخت أبنييييي
حلم::بأمر.. روح يا عم عطية شوف الدكتور و ابعتله بسرعة و انا جاية وراك ..ولـ نجوى مالك يا خالتو فى ايه
نجوى::ريزو فيه ايه.. فارس ماله حد يطمنى عليه
حلم:: أهدى يا خالتو فارس اكيد كويس ماتقلقيش ..ريزو ده الحصان بتاعى
ياسمين:: بأندهاش ..انتى الحصان بتاعك اسمه ريزو ؟
حلم:: بأستغراب من حالة نجوى و رد فعل ولادها .. أيوا
أدهم:: أنا أزاى ما انتبهتش لما سمعته اول مرة
حلم:: ايه جماعة هو الاسم فيه حاجة غلط ولا ايه
عاليا:: بدموع اصل ماما دايما بتقول لـ أبيه فارس ريزو رغم انه مش بيحب اننا نقوله اسم دلع بس بيقبله من ماما بس
حلم:: تفهمت موقفهم و خضتهم ..بصت لهم ربنا يرجعه بالسلامة و يطمنكم عليه ..و قامت مشيت راحت تطمن ع الحصان بتاعها و جواها خوف وقلق مش عارفة مصدره ايه
_______________________
مكتب اللوا حسين
تانى يوم الصبح حلم راحت للوا حسين فـ القطاع لما شافت قلق نجوى ع فارس..خبطت ع الباب وسمعت الأذن بالدخول
حلم::السلام عليكم
حسين:: وعليكم السلام ورحمة الله
حلم::اسفة يا سيادة اللوا لو بعطل حضرتك انا بس مش هاخد من وقتك كتير
حسين::بتوتر ..ابدا يا انسة حلم تحت امرك
حلم::انا جاية لـ حضرتك بصفة ودية مش شغل
حسين::خير يابنتى
حلم::مجرد سؤال واتمنى الاقى أجابته عندك
حسين::سؤال ايه
حلم:: وجهت سؤالها بشكل مباشر..فارس المنصورى فين؟
حسين::بأندهاش..فارس المنصورى؟! وانتى تعرفيه منين
حلم::قريبى و ليه شهر غايب و ماحدش يعرف عنه حاجة و والدته قلقانة عليه جدا
حسين::ساكت مافيش رد
حلم::سيادة اللوا انا عارفة ان ممنوع تدينى اى معلومات و عارفة ان مش من المنطقى انى أجى و أسال عليه بس كل اللى عايزة اعرفه هو بخير ولا لاقدر الله صابه مكروه.. لانه من وقت ما سافر مافيش اى اتصال منه
حسين::بهدوء..كل اللى اقدر اقولهولك انه بخير و مهمته قربت تخلص وهيرجع قريب ان شاء الله
حلم::قامت وقفت..وهو ده كل اللى انا عايزة أعرفه ..استأذن و اسفة كمان مرة انى عطلت حضرتك ..وفعلا مشيت حلم من القطاع بعد ما اطمنت نوعا ما ع فارس واستغربت نفسها هى ليه عملت كدا معقول كل ده عشان بس تطمن نجوى ولا عشان هى نفسها عايزة تطمن
______________________
فـ نفس الوقت فـ المستشفى
أدهم قاعد سرحان وبيفكر فـ أخوه وقلقان عليه وكمان قلقان ع مامته و أخواته لانه هيسافر المؤتمر الطبى بعد كام ساعة ورجع بذاكرته
“فلاش باك”
فارس::بسعادة..صباح الخير ..كل سنة وانتم طيبين
أدهم::وانت طيب يا ريزو..عيد سعيد يا باشا 💁♂️ ايدك بقى ع العيدية ههههههههه
فارس::طب اصبر الاول يا ظريف أفندى أصبح ع ست الكل وبعدين أشوفك ثم ان ده عيد لحمة مافهوش عيديات
أدهم::لاااا يا باشا مين ضحك عليك وقالك كدا..ده انت هتدفع العيدية وقبل ما تد بح الخروف كمان
فارس::لـ نجوى صباح الورد يا قمر وباس راسها و ايدها كل سنة وانتى طيبة يا حبيبتى
نجوى::بفرحة وانت طيب يا نور عيني
فارس::بضحك..ايه رأيك يا نوجة.. اديله العيدية ولا اديله فـ سنانه و اطنشه ههههههههههه
عاليا::ابيه ابيه عايزة عيدية انا كمان
فارس::قلب ابيه يا لولى بس كدا من عينى وفعلا طلع من جيبه عيدية عاليا ولـ ياسمين وعيديتك يا سمسمة ولـ أدهم اتفضل يا ظريف أفندى عيديتك ولـ أمه اتفضلى يا ست الكل عيديتك
نجوى::وانا كمان هتدينى عيدية زيهم
فارس::طبعا ياقلبى هو انا ليا بركة غيرك يا أمى.. ويلا بقى نلحق صلاة العيد ونرجع عشان نشوف الخروف و هو بيتد بح
عاليا::بمرح طفولى هييييه هييييه هييييه
ياسمين::بزهق مصطنع ..اوووه ونطلع بقى نحط طبق كبيير و ميزان واليوم يروح بقى فـ توزيع اللحمة و مافيش سينما زى ماقولتلنا يا فارس
أدهم::ضـ ربها بخفة ع كتفها يابنتى ده فرحة العيد كله فـ اليوم ده اش فهمك انتى
فارس::ضم ياسمين بحب..سمسمتى حبيبتى النهاردة نضحى و بكرة من اول اليوم نتفسح ماشى
“عودة للوقت الحالى”
قطـ ع تفكير أدهم رنة موبايله
وكانت حلم و بتطمنه قبل ما يسافر ع فارس وقالتله كل اللى قاله ليها اللوا حسين وكمان بتقوله انها هتقعد مكانه لغاية ما يرجع من المؤتمر
__________________________
فـ المدافن
يوم العملية بالليل و تقريبا كانت الساعة 11
فارس حس بالخوف ملأ قلبه مش عارف ليه اول مرة يخاف
بالطريقة دى .. ولكن افتكر كلام أمه لما كان يبقى قلقان دايما كانت بتقوله.. الا بذكر الله تطمئن القلوب يابني لما تبقى مخنوق او قلقان قوم صلي و أذكر ربنا
فارس::جواه.. اااه يا أمى محتاج أسمع صوتك أوى حتي لو كانت أخر مرة فـ حياتي ..حاسس ان نهايتي قربت وخايف اوى.. يارب
فـ نفس اللحظة دخل سمير وقطع تفكيره وعطل الكاميرات وقال
سمير:: مالك يا فارس باشا شكلك مهموم و بالك مشغول
فارس::بتوتر.. كويس انك عطلت الكاميرا عايز اعمل مكالمة ضروري
سمير::خد راحتك يا باشا وانا هستنى برة أئمّن المكان لغاية ماتخلص
فارس:: لا عادي خليك هنا بس خد بالك كويس
واتصل فعلا بـ أمه بحنين..السلام عليكم و رحمة الله وبركاته
نجوى::بدموع اشتياق..وعليكم السلام ورحمة الله وبركاته..فاارس يا حبيبى ..وحشتنى ياضنايا طمنى عليك
فارس:: الحمدلله بخير يا أمي انتي اللي عاملة ايه واخواتي عاملين ايه
نجوى::يارب ياحبيبي تكون بخير..احنا كويسن ياقلب امك..انت مش هترجع بقى وحشتنى اوى يا فارس
فارس::بدموع وانتي كمان وحشتيني يا أمى و أخواتى وحشونى.. سامحينى غصب عني ماعرفتش اكلمك قبل النهاردة
نجوى::مسامحاك ياحبيبى ..وبقلق من صوته.. فيك ايه يابني قلبى مش مطمن عليك
فارس::متخافيش ياقلبي انا كويس بس انتي وحشتيني اوي و وحشني صوتك يا أمى
نجوى:: بقلق ام اوعى تكون مخبي عني حاجة يافارس
فارس:: بصوت مهزوز..لا ياحبيبتي مافيش حاجة مخبيها بس محتاج دعواتك أوى يا أمى اللى دايما محوطانى
نجوي :: بقلب أم خايف..بدعيلك فـ كل وقت وفـ كل صلاة يا أبن قلبى و عمرى ربنا يردك ليا بالسلامة ومايحرمنيش منك
فارس:: ………..
نجوي::بقلق.. ساكت ليه ياقلب أمك
فارس::عايز أفضل اسمع صوتك بس وانتى بتدعيلي
نجوي::اللهم احفظ لي مسافر تراه ولا أراه يارب انه أحب الخلق لـ قلبي فـ رده الي ردا جميلاً وأسعده أينما كان اللهم إني أستودعتك أبني “فارس” فأحفظه لي بعينك التي لا تنام و وفقه فـ عمله
الهي أحفظ لي مسافر اخشى ان يصيبه ضرر اللهم اني استودعتك أبني فارس” فـ أحفظه يارب.
ربي أحفظ لي مسافر تخاف عليه روحي من كل شيء وأخشى عليه من ضرر يمسه فـ أحفظه من كل شر.
يارب ان لي مسافر أحبه بقدر هذا الكون فاحفظه بعينك التى لا تنام اللهم احفظ ابني “فارس ” في غربته
فارس::بدموع..ربنا يباركلي فيكي يا أمى يارب.. انا مضطر اقفل دلوقتى ..خدى بالك من نفسك عشان خاطرى يا حبيبتى و سلميلى ع أخواتى و قوليلهم فارس بيحبكم اوى هتوحشونى
لا إله إلا الله
نجوي::سيدنا محمد رسول الله
قفل فارس الفون وقام اتوضا وصلي ركعتين لله وبعدها ابتدا يحس بالراحة و طاقته اتجددت و مستعد لمواجهة المو.ت بقلب راضى بقضاء الله.
سمير::حاسس انك بقيت احسن بعد مكالمة الست الوالدة؟؟
فارس::الحمدلله..امسك البس الصديرى ده بسرعة يا سمير
سمير::ايه ده يا باشا
فارس::ده واقي ضد الر صا ص
سمير::بس لسة العملية ما اتحددتش
فارس::اسمع اللي بقولك عليه من غير رغى كتير.. يلا عشان مافيش وقت..ع ما ابعت لـ سيف الرسالة اللى متفقين عليها عشان يستعد..و أجهز انا كمان
سمير :: حاضر.. وفعلا لبس الصديرى.
فارس:: لـ سمير اظبط الكاميرا كويس فـ هدومك عشان تصور كل اللى هيحصل
وقبل ما يلبس هو كمان سمع صوت حسونة و محروس بيقربوا ناحية الباب طلع بسرعة ع السرير كأنه نايم
سمير::فـ ثوانى شغّل الكاميرا و نام جنب فارس زى ما أمر حسونة
حسونة::بأمر.. لـ سمير انت يا زفت انت و انت يا جن قوموا يلا..العملية هتتم دلوقتى حالا
فارس::بخضة حقيقية..ايييه دلوقتى ازاى يا معلم
حسونة::بعصبية ..ايه هو اللى ازاى ..زى الناس يا عبده يلا مافيش وقت أخلصوووا
فارس::بتوتر..بس انا دراعى لسة ماخفش هاجى معاك ازاى بس وبعدين كل مره تعمل فيا الحركه دي و تاخدنى ع ملا وشى كدا و انا مش فاهم حاجة ..هو انت لسة شاكك فيا ولا ايييه يا معلم حسونة
حسونه::بغضب.. بقولك ايه ياروح امك مش وقته خالص الكلام ده و أه يا عبده فـ شغلنا ده بنشك فـ صوابع ايدينا كمان ويلا أخلص مش طالبة رغى كتيييير
فارس:: بهمس من بين أسنانه صبرك عليا يا حسونة الكلـ… وفعلا ركب فارس و سمير مع حسونة العربية رايحين مكان العملية
وقال جواه اللهم إنى أحتسب هذا العمل فى سبيلك، فـ أكتبه فى ميزان حسناتي، و أرفع به درجاتي، اللهم أنى أستودعتك نفسى و أهلى و مالى و بلدى فأحفظنا بحفظك انك لا تضيع عندك الودائع يا الله، كلمة عليها نحيا وعليها نموت و بها نلقى الله، ونطق الشهادة
أشهد ان لا إله إلا الله وأشهد أن سيدنا محمد رسول
___________________________
فـ ڤيلا المزرعة
أدهم و عاليا و ياسمين بيتكلموا مع أمهم ويعاتبوها وهى قلقت أكتر لما سمعت صوت فارس
أدهم::بعتاب..ليه يا أمى ماخلتنيش أكلم فارس كنت عايز اسمع صوته قبل ما أسافر
نجوى::ساكتة و مافيش اى رد فعل غير دموعها اللى مغرقة وشها
ياسمين:: بدموع.. فارس واحشنى اوى يا ماما طب طمنينا عليه ساكتة ليه
عاليا:: طيب كنتى أفتحى الاسبيكر نسمع صوته ومش كنا هنتكلم
أمينة:: بقلق ع نجوى..مالك يا نجوى ساكتة ليه.. اتكلمى قولى اى حاجة
حلم::بخوف..مالك يا خالتو مش بتردى علينا ليه أرجوكى ما تسكتيش كدا اتكلمى قولى أى حاجة
نجوى::بدموع وقلب أم موجوع بصت لهم..فارس مش كويس أبنى فيه حاجة..صوته ماريحنيش..أبني بيكلمنى كأنها أخر مرة يكلمنى فيها
أمينة::ليه بس بتقولى كدا ياحبيبتى ..ان شاء الله يرجعلك بخير
نجوى::لا يا أمينة فارس صوته كان مهزوز و مخنوق انا بعرفه من صوته
أدهم::أهدى يا أمى أرجوكى و أدعيله يرجع بالسلامة لينا
نجوى::بصت لـ أدهم و البنات..فارس كان بيوصينى ع نفسى وعليكم وقالى أقولكم انه بيحبكم اوى..صدقونى صوته بيقول أنها أخر مرة أسمعه فيها
حلم:: بدموع..خالتو صدقينى فارس كويس انا روحت للوا حسين رئيس القطاع و هو بنفسه قالى فارس بخير و هيرجع قريب
نجوى::بأمل..بصت لـ حلم بجد يا حور بجد فارس كويس و هيرجع قريب طمنينى يا بنتى
حلم::بجد يا خالتو ماتقلقيش
أدهم:: حلفتك بالله يا أمى ماتقلقنيش عليكى انا كلها ساعة وماشى طالع المطار مش هقدر اسيبك وانتى بالحالة دى
نجوى::بدموع..أخوك بعيد و ماعرفش عنه حاجة وانت كمان هتسافر وتسيبنى انا وأخواتك لوحدنا ..اااااه يارب طمنى ع ولادى وماتحرمنيش منهم ابدا
أدهم::غصب عنى يا حبيبتى صدقينى والله ..وبعدين بصى الحكاية كلها أسبوعين و هيعدوا بسرعة و كل يوم هكلمكم اطمن عليكم
حلم::بدموع و وجع قلب..هوني ع نفسك يا خالتو عشان ما تتعبيش و أدعيلهم يرجعوا بالسلامة..و جواها يارب انا مش فاهمة ايه اللى انا فيه ده..هو انا ليه قلبى واجعنى عليه أوى كدا اوعى يا حور تكونى……..
بقلمى✍️_________________لبنى دراز
وقت تنفيذ العملية
استعد سيف وقام بتقسيم القوة لـ 3 مجموعات
المجموعة الاولى
هاني ومازن لـ مداهمة المدافن و ابتدت
الاشتباكات بينهم وبعد وقت كبير من ضـ رب الـ نـا ر ما تت ناس كتير من الطرفين
وأصابة ناس أكتر قام هانى و مازن بالقبض ع اللى موجودين و تطهير المدافن و ردم النفق و تحريز الا سلـ حة و الـ مخدا رات
هانى:: بتعب الحمدلله اول مهمة تمت بنجاح الناس اللي قبضنا عليهم هاروح اسلمهم للقطاع
مازن:: طيب و المصابين
هانى::المصابين بتوعهم هنسلمهم برضوا و القطاع يتصرف فيهم ..و أفراد الأمن هننقلهم ع المستشفى طبعا مش محتاجة كلام
مازن:: تمام ونسيب أفراد من القوة هنا برضوا تحسبا لأي حاجة طارئة تحصل
هانى:: تمام يلا بينا وفعلا مشيوا وصلو القطاع بالعناصر اللى اتقبض عليها عشان يسلموهم
المجموعة التانية
فـ نفس الوقت وصل ياسر بـ فريقه لـ مخازن الا سلـ حة وبيتحرك بـ خفة من غير ما حد يحس بيه وبمجرد ما حاوطوا المخازن
ياسر :: أدالهم اشارة الهجوم
محروس:: كااابسة اهررررربوا
ياسر:: مسكه قبل ما يهرب
تعال يا حلو تهرب فين ده انت وقعت ولا حد سمى عليك
وبأشارة لـ فريقه هاتولى العيال دى مش عايز حد يهرب منهم
وفعلا قدر يسيطر ع الوضع وتم القبض ع محروس والرجالة اللى معاه و تحريز الا سلـ حة اللى موجودة فـ المخازن وتسليمهم للقطاع
اتقابلوا هانى وياسر فـ القطاع بعد تنفيذ مهمتهم
هاني:: عملت ايه يا ياسر
ياسر:: تمام الحمدلله تمت المهمة بنجاح ..وانت ومازن عملتوا ايه
هاني:: سيطرنا ع الوضع والمدافن حاليا نضفت من رجالة حسونة
ياسر:: وفين مازن
هانى:: راح يجهز قوة الدعم عشان لو فارس و سيف احتاجوه يكون مستعد
ياسر::والمدافن سبتوها !!!!!!
هاني:: لا طبعا سِبت كام عسكري مع كام ظابط هناك عشان لو حصل حاجة
ياسر:: أمتى القضية دى تخلص بقى و فارس ينجح هو كمان ويتقفل الملف ده خالص ونرتاح كلنا
هانى::قريب ان شاء الله وبعدين ماتقلقش دا المُد مر و أكيد أن شاء الله هيسيطر ع الوضع
المجموعة التالتة نفس الوقت
فارس اول ما نزل من العربية عرف انه ع الحدود فعلا ولمح المكان بعيون صقر و أتاكد من وجود سيف و فريقه
حسونة::بزعيق ايه هتفضلوا تبحلقوا كتير كدا فـ المكان..يلا اخلصوا اتحركوا
سمير:: هو المُقنع مش معانا ولا ايه
حسونه::لا طبعا.. انت ناسى انه قال مش هيكون معانا.. بس هيتابعنا خطوة بـ خطوة
سمير::تمام يا معلمي انا هروح اجهز العربيات اللي هنستلم فيها البضاعة
حسونه:: ماشي
فارس::و انا كمان هروح أءمن الدنيا من كل ناحية
وبالفعل مشى فارس وهمس لـ سيف من خلال المايك اللى فـ الساعة
سيف:: معاك يا فارس
فارس::الموضوع أكبر من اننا نسيطر عليه لوحدنا استدعى قوة الدعم لان عددهم كبير
سيف::أعتبره حصل و أستدعى فعلا سيف.. مازن بـ الدعم
وبعد دقايق وصلت شلة الـ مجـ رمين كلها واتجمعت فـ الوقت المحدد
فارس:: بهمس دى احلوت اوي وكدا الوشوش كلها ظهرت والكل هيتحاسب ع اللي عمله
حسونة:: سميررررر.. فين محروس ماجاش ليه هو ده وقت هزار
سمير::بنفى.. انا مش عارف يا سِيد المعلمين يلا نبدا أحنا لغاية ما هو يجي
سيف::لـ فارس..نهجم دلوقتي؟
فارس::بهمس لأ أتقل انا عايزهم يبدأوا تسليم وساعتها نهجم عليهم
وبالفعل اول ما ابتدا التسليم فارس أدى الاشارة
وشلة الـ مجر مين أتفاجئوا بـ ضـ ر ب الـ نا ر عليهم من كل ناحية وابتدوا يقعوا واحد ورا التانى
حسونة::بصوته كله.. كل واحد ياخدله ساتر و أضر بوا عليهم فين الجن من ساعة ما وصلنا وهو أختفى ولا محروس الكلـ……. شكله هو الخا ين اللي في وسطنا
وبعد مرور أكتر من ساعتين وقع ناس كتير من رجالة حسونة ومحسن والناس المهمة اللى معاهم
وفجأة ظهر فارس بشخصيته الحقيقة قصادهم
فارس:: والله و وقعتوا يا حلوين و نهايتكم قربت اوي
سمير::قلبه وقع من الخوف ع فارس لانه عارف انه مش لابس القميص الواقى من الر صا ص
حسونة::بغضب انت بقى الخا ين اللي وسطنا والله ماهرحمك وأخليك تتمنى الـ مو ت وما تطولوش
فارس::بضحك ههههههههههههه خا ين مرة واحدة..و بصوته كله لدرجة ان الكل اترعب ..بقى انا اللى خاااااا ين برضوا وبص للكل ولا انتووووا اللى الخـ ياااا نة فـ دمكم و دلوقتى آن الآوان ننضف البلد منكم و من أمثالكم
حسونة::بغضب انا هحـ رق قلب أمك عليك النهاردة و ألبسها الأسود طول عمرها
فارس::ضر به بكل قوته بـ القلم لو سيرة أمى جات ع لسانك الوسـ….. ده تاني انا هقطـ عهو لك
حسونة::وانا هندمك ع يوم اللي فكرت توقعني فيه ومو تك علي إيدي و هحـ رق قلبهم عليك و ده وعد مني
فارس::بكل قوة..و فارس المنصورى ما بيخافش المو ت ع الاقل أمى هتبقى أم الشهيد
لقوله تعالى بسم الله الرحمن الرحيم
وَلَا تَحْسَبَنَّ الَّذِينَ قُتِلُوا فِي سَبِيلِ اللَّهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ”..
صدق الله العظيم
فـ نفس اللحظة دى ظهرت ناس كتير من رجالة المُقنع اللى تابع الموقف من بعيد وابتدت الاشتباكات مرة تانية وللاسف فارس ما قدرش يسيطر ع الوضع المرة دى
فارس::بسرعه يا سيف استعجل قوة الدعم
سيف::استعجلتهم والله و قدامهم 5 دقايق و يوصلوا
زادت الاشتباكات اكتر و وقع ناس كتير من فريق فارس و مش معاه غير سيف وعدد قليل جدا من القوة
أستغل حسونة الموقف لصالحه و فـ ثوانى قدر يضـ ر ب فارس غدر من ضهره والصمت أصبح سيد الموقف
سيف:: أترعب هو وسمير و حركتهم اتشلت لثوانى
حسونة::بضحك مش قولتلك هوقعك و ماحدش هيرحمك مني وبسرعة فـ لحظة ضـ رب فارس جامد كذا مرة ع جرح دراعه لغاية ما اتفتح ونزف و فضل يضـ رب فيه بِغل لغاية ما فارس حس بكسر فـ ضلوعه و نفسه بيروح
فارس:: بصوت يا دوب مسموع ضربتني غدر لولا كدا زمانك مكاني
فاق سيف من صدمته و لسه هيتدخل
حسونة:: رفع سلا حه ناحية فارس.. لا ياحلو انت هتسيبني أمشى من هنا ولا أفرتك لك راس صاحبك؟
سمير:: أتحرك بالراحة من ورا حسونة زقه وقعه ..و بسرعة سيف شد فارس فـ اقل من ثانية و أخدوا ساتر
حسونة:: اتعدل وبص لـ سمير اه يا خا ين و ضـ رب عليه نـ ا ر..لكن الر صا صة جات فـ رجل سمير وفـ اللحظة دى وصل فريق الدعم وابتدا يسيطر مرة تانية فارس و فريقه بعد محاولة من انه يتغلب ع ألم دراعه و صدره وقام وضـ ر ب الـ نـ ار ع حسونة و رجالته
مازن::شاف حد بيـ ضـ رب نـ ا ر ناحيتهم..و بزعيق سييييييف خد بالك و هو بيزقه الر صا صة جات فـ قلبه مباشرتاً بدل سيف
فارس:: بغضب قـ تـ ل رجالة حسونة و قدر فعلا انه يقُبض ع حسونة وكل اللى موجودين
اما سمير قدر انه يوصل لـ عربية الاسعاف اللى مع عربيات الدعم ويقرب بيها ناحية مازن و سيف عشان تنقلهم للمستشفى
سيف::بحزن..ليه كدا يا مازن..ليه تعمل كدا
مازن:: بشهقة وصوت مقـ طع.. وا جـ بـي يا صـ اا حبـي خـ د بالك من بـ نـ تى انـ ت و فا رس
فارس:: بخوف.. أسكت يا مازن ما تتكلمش و بزعييق أسعااااااف بسرررعة
مازن:: ما فيـ ـش و قـ ت أ و عـد نى يا فا ر س .. وعينه بتغمض
فارس::بحزن اتشهّد يامازن ماتخافش بنتك فـ عينى طول ما انا عايش
مازن:: أ ش ه د أن لا إله إلا الله وأن محمد رسول الله و خرجت روحه الطاهرة الى بارئها
سيف:: بكى ع فراق مازن و ع بنته اللى اتيتمت وهى لسة صغيرة
حسونة:: بشماتة ههههه عقبالك انت كمان لما أحـ رق قلب أمك عليك هـ قتـ لك لو حتي كان أخر يوم في عمري
فارس:: بغضب.. مو تك ع أيدى يا حسونة وحق مازن اللى انت قـ تـ لته و يتمت بنته وحـ رقت قلب أمه و مراته عليه..مش هسيبه بس نوصل القطاع
حسونة:: بضحك..مش لما توصل القطاع الاول يا باشا و فـ حركة سريعة ضـ رب العسكرى و شد منه سـ لا حه وفـ ثانية كان ضـ ر ب الـ نـ ار ع فارس وقع فـ ساعتها بعد ما أستقرت الـ طلـ قة فـ صدره ناحية القلب
حسونة::بِغل..حذرتك وقولتلك كله إلا الغـ در و الـ خيـ انة
سيف::بصريخ.. لااااااااااااااااا فااااااااااارس ااااااااصحى يا فااااااااااررس وبكل الغضب اللى جواه قام و ضـ ر ب طلـ قة ع حسونة فـ دماغه وقع مـ يـ ت و خرجت روحه فـ الحال
فارس::بصوت ضعيف.. خلاص يا سيف انا نهايتى قربت
بس خد بالك من أمى خليها متعيطش عليا قولها ابنك شهيد و خليها تدعيلى
سيف::بدموع .. لا يا فااااااارس ماحدش هياخد باله منها غيرك ما تقولش كدا تانى.. انت هتبقى كويس ان شاء الله ..أرجوك أوعى تستسلم ..و بلاش تغمض عينك
فارس::نطق الشهادة.. أشهد ان لا اله الا الله وان محمد رسول الله وغاب عن الوعى
سيف:: بدموع لااااااااااااااااااا فااااااااااارس قوم يا فااااررس انا من غيرگ ولا حاجة.. ده انا ما صدقت انك ظهرت فـ حياتى و نسيت وحدتى بعد أهلى ما ما توا
فاااااااااارس ااااااااااااااااه يااااااااااارب
- تبع الفصل التالي اضغط على ( رواية العشق الابدي) اسم الرواية
تعليقات
إرسال تعليق